犇殿台灣火鍋 (青衣城1)

營業中

休息中

午餐放題：美國極佳牛肩胛肉（$223）另收加一服務費。用餐時間由90分鐘免費升級至105分鐘。湯底有8款可選，揀咗牛骨鍋，味道不是太濃，還可以。另外附送海鮮盤一客，有2隻蝦、2隻蜆、1隻青口、1隻吊筒、鯪魚滑，質素一般。牛肉有幾款可以食，主打食「美國極佳牛肩胛肉」，另外都試咗「澳洲特選牛肉」及「美國牛板腱」。除咗火鍋食物，出面有飲品櫃、熟食區、甜品區、雪糕櫃。整體用餐體驗不錯，食物質素不錯，無漏單及出單都快，坐位鬆動唔逼。

一直都想食呢間火鍋今晚行過竟然見到唔使排隊即刻攞飛入去任食90分鐘仲有我最愛嘅麻辣湯底揀咗最經濟實惠嘅牛肉餐電話落單後上菜好快熟食同甜品飲品選擇都好多三大兩小開咗兩個湯底台灣鴨血好正滑嘟嘟蜂巢豆腐冇得輸牛肉豚肉都唔錯下次一定會再嚟🎉🎉🎉

近排超凍, 有日即刻想食任食邊爐, 就第一次試左呢間犇殿台灣火鍋🍲可能因為平日, 唔洗等位即刻入座~呢到既任食係90分鐘, 好似比平時既任食時間短. 我地揀左最basic既上選安格斯牛肉餐🐮+麻辣湯底🌶️. 試左少少湯底都好惹味, 好岩重口味人士, 如果唔係重口味就要飲多d茶哈哈. 不過個麻辣湯底愈煲愈辣, 有食唔到辣既朋友就盡量唔好揀啦🙅🏻跟餐可以任叫既肉類有安格斯牛肉, 豬肉同羊肉, 蝦同魚滑, 蛋餃等等. 安格斯牛肉真係好一般, 連牛味都無乜, 咬落都幾韌...不過個豬肉同羊肉都唔錯, 我地有再order. 熟食方面有台灣既夜市小吃, 呢個幾特別, 係其他餐廳比較少見. 涼伴皮蛋豆腐,  小香腸同地瓜條都唔錯. 但當日既現場選擇得6-8樣小吃左右, 同佢餐牌既18樣差咁一半... 不過雪糕/雪條選擇反而有10款左右, 都算幾多. 🥢總結: 性價比唔算高, 唔推薦安格斯牛肉餐. 不過有夜市小吃同甜品選擇多, 幾特別. 

為家人慶祝生日，一坐下高大的哥哥同壽星仔說：生日快樂，十分窩心🥰食物款式不是太多，但新鮮，乾淨，精緻，仲不停補貨，上餐快，牛十分新鮮，還有海鮮吃值得推篤：白桃烏龍茶，茶香又不太甜，十分解膩。沙茶窩入面有圓肉， 洋蔥，甜甜地很特別，不用點醬汁都夠味。一個很高大的店員介紹小朋友食牛乳窩，很有驚喜，很好食，香濃奶味，小孩十分喜愛，食到差不多一半時以為夠鐘走，原來佢仲專登過嚟問食物及湯底是否滿意，又介紹佢哋既湯底是特別配製，所以與其他有所不同，今時今日仲有咁好服務確實難得。👍🏻👍🏻十分滿意的晚餐，信再光顧

今日放大假走左去青衣城行吓，大約下午兩點半入左呢間店食火鍋放題，原來90分鐘火鍋於平日（一至五）可以升级為105分鐘，今次揀左澳洲特選牛肉放題$193配藥膳紅燒牛骨鍋湯底呢個餐包左澳洲特選牛肉，美國牛板腱，上選安格斯牛肉，猪梅花，羊肉卷同阿嬷燒酒雞可以無限追加，個牛骨湯底都有好濃嘅牛肉味同藥材味，天氣凍飲番碗暖哂，今次主力食三款牛肉同羊肉，同時牛羊追加左六轉，食呢兩款肉已番本，三款牛肉味道幾好，肥瘦均匀，羊肉又冇乜慅味自助火鍋區有多款新鮮蔬菜同各款丸類，不過主要食蔬菜居多，丸類只係試左兩三款，另外有幾款台式炸物及小食，更有多款冷凍飲品同熱茶供應，當然仲有多款雪糕，雪條同自製台式芋圓凉粉今餐都好滿意，環境舒適加上職員服務態度唔錯，埋單$193再加一，共二百蚊多少少都抵食

本人帶一個讀二年级的小朋友進餐，侍應生居然想當大人計算，小朋友明顯高度也不夠指牌高，侍應不禮貌地表示今次當小朋友，下次要當大人價錢計算，真的令客人很氣憤。不知道究竟用什麼來作準?

火鍋套餐價錢合理而 食物質素不錯種類 算多 ，尤其是牛肩肉肉質鮮嫩。如果可以減少苦菜而俾其他菜多一點就好了。另外犇殿職員忘記了我的要求（未有提供 沙茶醬、胡麻醬及 炸蒜）。

服務越來越差，食物質素都唔掂，投訴無人理，原來係牛扒先生集團，非常失望，名下餐廳一律黑名單，唔怪得大部分港人北上，上面價錢公道，服務態度慇懃，在香港的餐廳完全感受不到。

一行3人晚餐打邊爐吹下廢水，90分鐘，牛同湯底都不錯，另有海鮮及牛等等可手機落單任點，但係自助熟食、丸類、蔬菜、甜品甚至連飲品選擇都不多，相比其他同類餐廳略為遜色

即興同同事食晚餐打邊爐！冇做什麼research就去食！平日夜晚冇預訂 都即刻有位湯底揀咗麻辣同土雞美人鍋！土雞美人鍋都幾足料！半隻雞擺咗入鍋麻辣湯底都唔錯！我哋揀咗最普通嘅上選安格斯牛！肉嘅種類唔算好多！4款！不過啲肉都幾新鮮$268仲居然有海蝦食！加分其他火鍋食物種類都好多！蔬菜類亦都好多選擇！而且好新鮮掛住拎嘢食都唔記得影提提大家記得唔好食到咁飽！餐廳提供movenpick同Häagen-Dazs任食！超加分呢個價錢我覺得值得一試

呢幾日天氣變凍，好適合打邊爐暖下胃。見到呢間火鍋店有lunch set, 有好多選擇：有任食放題，有定量放題，有一人火鍋定食，價錢仲要吾貴🤩一人火鍋定食75mins 都係78蚊起，套餐有肉，蔬菜盤，芝士腸，丸類，肉燥飯或烏冬，最驚喜係有2隻蝦🦐🦐，仲配一個飲品，呢個價錢有甘多野食，真係好滿足！😋⭐️上選安格斯牛肉配豬梅花安格斯牛肉有4塊，肥瘦均勻，比起美國雪花牛瘦d,但肉味濃⭐️美國雪花牛配豬梅花我個人中意呢呢款多d, 美國雪花牛比安格斯牛大塊d, 肥美d, 豬肉2款餐都係一樣有4塊，豬肉吾鞋，淥一陣就ok，好食👍

父母想食火鍋，就去這家位於青衣城的台式火鍋餐廳，有四個套餐，限時90分鐘任飲任食，我們選了最貴的 🥩澳洲M7和牛餐 HKD$398 + 10%/一位，湯底我們選擇了沙壽喜燒，味道好香好濃，配搭牛肉一齊食更香口選好餐後，店員即送上一份較貴價的💕「神仙牛肉」，一塊塊仙牛肉掛在木架上面，油脂分佈均勻，好新鮮嫩滑，及送上一份💕「海鮮拼盤」有鮑魚、扇貝、生蠔、海蝦、蜆而套餐包括6️⃣款牛肉（澳洲M7和牛、美國極佳牛肩胛肉、澳洲特選牛肉、安格斯牛肉、美國牛板腱、牛胸爽）🥩澳洲M7和牛🔸️肉質嫩滑、軟腍，牛味濃郁，油脂均勻而且入口溶化，勁正🥩美國極佳牛肩胛肉🔸️油脂含量少、肉質甜度比較高，亦比較大塊厚肉🥩美國牛板腱🔸️口感鮮嫩有彈性，牛肉味香濃🥩牛胸爽🔸️入口清甜間微微泛著牛油的香味，口感脆而爽口、帶點韌勁還有羊肉、雞肉、豬肉，另有其他火鍋配料、台灣小食同海鮮，以QR Code下單，例如台灣鴨血、逢甲米血糕、墨魚仔、海班片、海蝦、海蜆、響鈴等等自助區亦都擺放三至四十款火鍋配料及台式小食，有熟食、丸類、蔬菜、甜品和飲品，非常之多選擇，最開心有我喜愛的小籠包、鹽酥雞、ᴍᴏᴠᴇɴᴘɪᴄᴋ和ʜᴀᴀɢᴇɴᴅᴀᴢ雪糕，真是

一個人想不到食乜，經過見到定量火鍋埋單一百多元，唔洗食回本都可以試下。我揀的有一碟豬及一碟雞，份量足夠一人啦！湯有不少款式，我選了牛乳。睇下自助區有乜先。醃雲耳、炸煎堆仔、燒丸子、藥膳雞腳、滷水豬手、炒烏冬、鹵肉可伴白飯，小籠包等等。我覺得樣樣味道都正常，有些更不錯。小籠包的皮不算厚，我食左四隻。火鍋料就數款丸，菜有生菜、菠菜、皇帝菜及娃娃菜等，還有其他，不能盡錄。定量價錢很抵了。店員送來湯鍋，一大煲，還以為要等很久才滾，但實際很快就滾。豬肉片不鞋，味不錯。雞，是雞髀位，不會太鞋，但兩舊止步了。特別要提雪糕，因為定量只可以揀一，我就揀左從未見過，話百分百鮮果的雪條。嘩，勁酸，但食唔出什麼味。如果純粹想食不同食物，這是個可以的選擇。

呢排凍左每日都想食火鍋，今日去青衣犇殿食火鍋。店內坐位舒適，亦設有不同大小的房間。我叫左:桃膠土雞美人鍋(全隻烏雞)澳洲和牛M9晚餐基本有澳洲和牛同海鮮，包括有鮑魚、帶子、海蝦、蠔、蜆。食完之後就網上加單，我叫咗好多和牛，大大片牛肉味濃，唔使沾醬汁都好夠味，另叫鯛魚片。佢哋嘅自助任食吧(好大)無論新鮮蔬菜、瓜類、丸類、菇類、種類繁多任君選擇。炸物我食左芝麻丸同地瓜，地瓜切得好粗，亦保持香脆。有一個燒腸仔最正，一路轉一路轉，燒得香嘅腸仔好好食。附近有一個熱食，入面有我愛食嘅蘿蔔同魚蛋。甜品DIY吧我自選台式芋圓仙草，再攞埋雪條、雪糕。

今日趁lunch time一個人閒逛青衣城。路過“前門飯莊”舖位，已經轉咗手好耐，變咗三隻牛“犇”，上網查讀“奔”😎。犇殿門口餐牌介紹是台式火鍋店，除了火鍋，午市還有定食套餐，一於試試。門口向服務員說想點定食，她禮貌回應“先落單，後入座”時，已經把餐牌遞給我。見到有麻油雞、鹵肉飯拼鹽酥雞等等，最後選了麻油雞，入座後，服務員說請自行到雪櫃取飲品（有汽水及冷泡茶）。取了冷泡茶返回座位等食，看到枱上紙墊，原來是Mr Steak集團旗下既食店。中午時間都有好多人食火鍋，香噴噴，下次試