牧羊少年咖啡館 (Fashion Walk)

營業中

休息中

牧羊少年屬於名牌之一，喜歡咖啡的人無人不知。自從香港區開了分店，仲要係銅鑼灣核心地帶，真係方便不少。凍伯爵茶咖啡🍹靚女店員推介的，聽講是人氣之選。入口即感覺到茶的清香，咖啡味並不濃厚，不會蓋過茶味，夾味又好飲。黃金鹹蛋苦瓜忌廉雞肉意大利粉認真邪惡！就係喜歡💕！雞肉，苦瓜，意大利麵條滿滿的沾上鹹蛋精華，滿足感爆燈！雞肉肉質比想像中嫩滑，滋味。法式蘋果撻配雲呢拿雪糕OMG! 點解可以咁好味😋即叫即做，邊位焦香，蘋果餡料份量十足，雪糕溶入批中，一冷一熱，味道一流。

雖然呢間牧羊少年咖啡館主要飲咖啡同食意粉，但我自己就覺得佢d甜品真係幾好食，值得吹奏。法式蘋果撻配雲呢拿雪糕: 平時食都會好甜，但呢個整的甜度啱啱好，仲有少少蘋果的酸同清香，撻底都好脆，最值得吹奏。心太軟配朱古力雪糕: 要時間等，因為落單先做，所以都好新鮮，流心流得好靚，而且佢仲有鮮忌廉，好肥好好味。牛油果香芒烤雞沙律: 芝麻醬令成個沙律好日式，烤雞肉嫩滑，芒果同車厘茄都好甜，整體配搭好好。黃金鹹蛋苦瓜忌廉雞肉意粉: 好特別的一款意粉，忌廉汁入面加左鹹蛋黃，苦瓜切成一片片，味道不算太苦，反而有食上癮既感覺。蜜桃乳酪：好重桃味，酸酸甜甜好好味。

相信好多人對牧羊少年咖啡館不陌生，一段時間無食，再幫襯的時候，發現餐牌又有新出的意粉。首先前菜的沙律用料豐富，包括牛油果，沙律菜，車厘茄，燒雞肉，芒果等等，雞肉嫩滑，醬汁用了芝麻醬，帶出日式風味。黃金鹹蛋苦瓜忌廉雞肉意粉好值得一試，醬汁入面加了鹹蛋黃，味道好特別，成碟意粉都香左。另一個層次的味道就是苦瓜，甘多過苦，食落有點清新的感覺。沙律醬吞拿魚焗酥盒的外貌好可愛，酥皮放滿了吞拿魚和醬，酥皮重牛油味，有種外脆內軟的感覺，口感幾好。菠蘿Lemonade配有伯爵茶鳳梨酥，飲品清新微甜帶點酸，有點開胃，鳳梨酥的外殼好香伯爵茶味，質地鬆化，鳳梨餡充滿果蓉。蜜桃乳酪好香甜，飲完第二日仲去得好暢順🤣不得不講牧羊的甜品真出色，尤其是蘋果批，本來以為會好甜，入口甜度恰到好處，批底鬆脆，是店內首選要食的甜品。心太軟流心做的剛剛好，配有鮮忌廉和朱古力雪糕，口感豐富，即叫即焗。

。牧羊少年係香港島第一間分店-銅鑼灣新店開左啦，好多年前第一間店既時間，已經好鐘意去食，文青打卡必備😍佢地既野食同野飲都無得頂👍🏻試過既你一定知🥰。今日我試左香芒雞扒牛油果沙律🥗，哇超大碟，色彩繽紛，芒果好甜，雞扒皮脆肉嫩👍🏻，牛油果岩岩好吾會太生/太熟👏🏻，沙律菜非常新鮮🥰。灸燒荷蘭汁豬扒❤️好特別既配塔，第一次試，非常滿意👏🏻，大大份既豬肉扒，肉汁好juice，帶有小小脂肪，吾會太韌。。大阪燒煙三文魚pizza💖第一次見到餐廳有哩個配搭👍🏻，pizza皮脆，木魚花配上沙律汁好襯，煙三文魚份量都好足，好好味呀，食吾停口😋。仲叫左熱可可咖啡😋超鐘意，好濃滑，加上cream同棉花糖🥰 甜蜜既感覺，飲完心情大好💖果然係幫襯左咁多年，依然會支持既cafe，

牧羊少年位於香港島嘅第一間分店終於喺銅鑼灣開幕，所以今日專登嚟到位於Fashion Walk既牧羊少年食好西🤪。。牛油果香芒烤雞沙律 $108沙律菜非常新鮮，雞肉嫩滑，着加上甜甜嘅芒果同牛油果，食落好開胃😝。。灸燒荷蘭汁豬肉排 $78豬扒燒得啱啱好，食落一啲都唔柴，咬落好Juice👍🏻。略嫌荷蘭汁有少少吾夠味，而且醬汁太多。不過整體而言，無論口感定係味道都不錯🙈。。風沙蒜香雞肉排 $78雞肉同樣都係冇得頂，口感非常鮮嫩，外皮煎得乾身脆口，炸蒜風味十足😋。。日式大阪燒風味煙三文魚薄餅 $128我薄餅嘅餅底非常之薄脆，除咗有三文魚之外，仲有好多柴魚片同海苔絲，份量好足😍。。

與好耐無見嘅朋友飯聚，揀咗呢間想試好耐嘅牧羊少年咖啡館係銅鑼灣嘅分店。17:30到已經差唔多滿座，好彩朋友預先訂咗位 我地叫咗:1) 雙重囗味蜜糖芥末黑松露薯角 - 正常薯角，無乜特別嘅評語。2) 燒汁焗八爪魚丸 - 我以為食緊炸魚蛋，失望囉……亦有嚴重嘅"伏"味，絕對無下次! 3) 三文魚籽車打芝士汁鳳尾蝦長通粉 - 蝦的確新鮮兼大隻，不過份量偏細，本來味道不錯，可惜兩款小食未食完就上菜，碟長通粉放到有啲涷咗至食，令味道扣哂分，你地可以上菜慢啲啲嗎???4) 生薑檸檬茶 - 又一"伏"味之作，$38一杯你居然係俾個茶包我??? 玩我咩?? 點解唔係menu中注明，最大問題係浸咗10-15分鐘至飲到啲薑味，檸檬去咗邊??? 早知叫杯檸檬水好過啦，結論係絕對無下次!5) 日落巴黎 - signature 甜品，的確無令人失望 又熱又碎嘅窩夫配朱古力雪糕，加上朱古力醬，無得輸!總結: 有提供紙袋俾每位客人收藏口罩，細心!甚至送每人一個新口罩，多謝晒! 食物有進步空間，並不是每一款食物都值得推薦，希望餐廳睇到後可以改善做得愈來愈好。

相信大家對牧羊少年cafe一點都不陌生, 而佢終於開到黎港島區銅鑼灣啦.點了甜品<日落巴黎>($108)🤤~ 超大份的窩夫, 朱古力雪糕, 香蕉, 配上cream & 朱古力醬, 好味.<小食拼盤>($138)🤤~ 份量又係超大份, 有雞翼, 八爪魚丸, 春卷, 仲有腸仔等... 熱辣辣又好味.<三文魚籽車打芝士汁鳳尾蝦長通粉>($108)🤤~ 好creamy又香既芝士味, 蝦大隻爽口, 味道很夾.一間值得回頭再試的文青cafe💕🫕餐廳: 牧羊少年咖啡館🍡地址: 銅鑼灣Fashion Walk地下17號舖

朋友仔傾下計，去Cafe氣氛就最好🥰，朋友仔今次帶咗我去名店坊嘅牧羊少年咖啡館，次次晚飯時間經過都見到呢度排晒長龍，難得今日早出嚟，啱啱六點鐘，唔使排隊實在太好了😋Yeah✌🏻✨香草蒜蓉牛油焗春雞配燒汁一上枱勁香😍， 令人食指大動，香草蒜蓉牛油係絕配嘅配搭，配焗雞非常香噴噴。本身呢間咖啡館主打精緻嘅主食，但呢款就出奇地大碟，配菜有黃瓜蘆筍豆角，仲有大大碟薯蓉，薯蓉有奶香，少少洋蔥碎，同埋有啲薯仔粒😋好特別✨千島海鮮pizza呢度嘅pizza非常薄，有少少似印度薄餅嗰種批底，而且綜合左兩款芝士，有雙重芝士 攞起仲有啲拉絲添，如果啲材料多啲就好啦，食完都覺得唔係好夠喉😄回頭率99.9999999%

今日帶兩個寶寶去銅鑼灣同爺爺嫲嫲食晚飯，未會合之前，見有啲空檔，佢哋又肚餓，就帶佢哋去牧羊少年食啲小食燒汁焗八爪魚丸～呢度嘅八爪魚丸係鐵板上，上枱嘅時候出晒煙，夠晒熱度，有七粒，焗嘅都有炸嘅質感，香口彈牙👍👍牛油果香芒烤雞沙律～靚媽嘅膳食梗係離唔開健康嘅沙律，呢度嘅牛油果切得好靚，好似花嘅形狀咁，妹妹一見到就話好似玫瑰花啊🌹😄烤嘅雞扒無咩油👍，好健康。底下嘅沙律菜夠Flash，配料仲有車厘茄同埋芒果，配上日式胡麻醬，食落凍冰冰，好舒服！京都春日草莓窩夫配雲呢拿雪糕～帶得寶寶出街，點少得甜品，窩夫好厚身，側邊配上軟潤嘅cream，同酸酸甜甜嘅士多啤梨好夾👍食完呢個我有少少飽飽地添，好在今晚比較夜先至食晚飯😆呢度卡位係梳化位，帶小朋友嚟，都好好坐，用嚟攝個Tea time不失為一間好選擇🥰

今日路經銅鑼灣，見到牧羊少年喺度開咗，當然要入去試一試啦。先嚟一個小食，照燒汁煎乾蒜牛柳粒。牛柳肉好淋，燒汁惹味，乾蒜脆卜卜，好味呀！而且雖然話係小食，份量都唔算細呀。再叫兩款主食香炒泰國香椒膏鳳尾蝦意大利粉侍應一放低，已經聞到陣陣冬陰功香味，鳳尾蝦夠爽口，意粉極具泰風味，酸酸甜甜帶丁點微辣，值得一試。法式芥末雞肉薄餅法式芥末醬配以少少蜜糖，好夾雞肉及蘑菇；薄餅餅底鬆脆，唔錯。餐後當然要試埋甜品啦。是日蛋糕：藍莓紅絲絨蛋糕超級好食！蛋糕層層分明口感極佳，甜度亦恰到好處，真係冇得彈。法式黑糖薑汁疏乎厘配雲呢拿雪糕如果你係薑粉，呢個甜品絕對不能錯過，因為真係好夠薑！加埋黑糖，簡直係絕配，食到停唔到。最後我叫咗杯凍水果茶，望落雖然冇乜特別，但又幾好飲喎，個茶味好香。今晚呢餐實在非常滿足，下次會再返嚟幫襯。

今晚黎到銅鑼灣Fashion Walk的「牧羊少年咖啡館」吃晚餐，店內裝修幽暗有情調且具特色，適合同朋友暢敘用餐餐牌上提供各式各樣的意粉、主菜、甜品等等西式食品，也有多款咖啡飲品香煎紅𩶘魚柳配荷蘭汁紅𩶘魚柳有兩大塊，份量十足，魚皮煎到微微香脆，魚肉保留咗鮮嫩滑溜嘅感覺，有魚鮮味，配荷蘭汁更添滋味。旁邊伴以香草煙肉薯蓉，入口有粒粒薯蓉的口感京都春日草莓窩夫配雲呢拿雪糕🍦窩夫有四件，口感鬆軟，充滿蛋香。配以草莓果醬、草莓粒、鮮忌廉及雲呢拿雪糕，甜美可口鮮奶咖啡拉花精緻有心思，入口順滑，咖啡味濃厚醇香，高質素

銅鑼灣嘅牧羊少年裝修得好靚，佈置好有品味，配上店裏放的音樂，整體感覺休閒舒服。照燒汁煎乾蒜牛柳粒，睇菜單以為份量好細，上枱都幾多。牛肉口感鬆軟，燒汁甜甜地幾好食。法式芥末雞肉薄餅，上枱時熱辣辣，批底是薄批，批邊香脆，配上淡淡的芥末香味，唔油膩又可口。香炒泰國香椒糕鳳尾蝦意大利粉，呢個有驚喜，非常香泰國香料味，同時竟然唔辣，鍾意食泰國菜又怕辣嘅係必點之選。玫瑰可可朱古力有淡淡的玫瑰香味，而且唔只頭一啖有，感覺好優雅，朱古力味亦算香濃，唯一係cream多左少少，飲落去有d似奶昔，但都仍然幾好飲。甜品叫咗法式黑糖薑汁疏乎厘配雲尼拿雪糕，味道非常薑，鍾意食薑嘅人會愛死呢個甜品。疏乎厘幾鬆軟，上枱時熱到會燙嘴，要俾啲耐性食。是日蛋糕有三款，揀咗藍莓紅絲絨蛋糕，非常有驚喜。莓味香甜，蛋糕口感濕潤，甜得來清新唔死甜，呢個可以瘋狂encore。整體來講，呢餐非常滿意，全部菜式都冇伏，特別係銅鑼灣來講算抵食，下次會再嚟。

又約咗一班姊妹食好西兼吹水啦 今日去咗銅鑼灣嘅呢間牧羊少年咖啡店 係黃色小店嚟㗎 入面坐得舒服之餘 嘢食仲好好食添 可惜有限時啦小食叫咗個是拉差醬法國雞翼 外皮炸得超香脆好似食緊薯片咁 入面仲係嫩滑多汁嘅雞肉 再 點埋酸酸辣辣嘅是拉差醬非常開胃 又唔會太膩千島海鮮pizza pizza係薄底非常香脆 上面加上海量嘅千島醬非常邪惡 上面嘅海鮮亦唔惹少 成個餡料夠曬豐富法式蘋果撻配雲呢拿雪糕 超期待食甜品 上面係一層層酸酸甜甜嘅蘋果加上輕微嘅肉桂味 下面係酥皮非常脆卜卜 再加上一球甜而不膩嘅雲呢拿雪糕 簡直係絕配

今日尊登出銅鑼灣，去牧羊少年咖啡館潮聖新開幕無耐，裝修型格，坐位又好舒適，氣氛一流，啱晒坐低慢慢傾下計泰國香椒膏蝦意粉：意粉彈牙有咬口，每條都被醬汁包裹，香濃椰汁，香茅味，非常美味香煎保濕豬鞍：肉色粉嫩，用叉一拮，真係充滿肉汁，食落一d都唔乾，配上蘋果蓉，可以解除油膩感，薯蓉亦做得出色，有牛油香，而且好細滑金沙蛋黃鳳尾蝦：有8隻，而且好大隻，外層由蛋黃包住爽脆嘅蝦肉，真係食唔停口牛油果香芒烤雞沙律：夏日必叫之選，夠曬清涼，蔬菜爽口，芒果略帶酸味，牛油果新鮮軟滑，配上芝麻醬，輕食人士必點！Tiramisu : 香濃咖啡味，芝士中間有餅屑同朱古力粒，層次分明，有一種木糠蛋糕嘅感覺，不會過甜，食多一杯都無負擔！

呢間我諗大家都食過啦 😆宜家終於開到去港島區啦！好中意佢地用書同旅遊為主題📚 好似去左台灣既ᴄᴀꜰᴇ咁！▫️千島海鮮薄餅（$138）▫️比起厚批我更愛薄批呢！佢個邊仲好脆口，個千島醬唔算好濃味我覺得岩岩好 👍🏻▫️香炒泰國鳳尾蝦意粉（$108）▫️呢款意粉超好食！🥰 有少少辣同甜，有d 似冬陰公，同埋個鳳尾蝦好彈牙！▫️ ꜰʟᴀᴛ ᴡʜɪᴛᴇ & ᴄᴏᴄᴏ ᴄʜᴏᴄᴏʟᴀᴛᴇ▫️飲品有驚喜！咖啡奶泡比例剛好，入口香滑，不過相比咖啡我更愛呢杯真· ᴄᴏᴄᴏ🤤 佢係用左意大利可可朱古力加牛奶同忌廉加熱煮成，所以佢比較杰身同濃郁！好好飲