牧羊少年咖啡館 (Fashion Walk)

營業中

休息中

今日特登去銅鑼灣去拜訪依間近期好紅嘅文青cafe,“牧羊少年”。佢哋個menu都整得好靚，個餐牌都有好多選擇，最正係有all day breakfast，幾時嚟到食個早餐都得。不過今次太肚餓，唔試all day breakfast住，試下佢地幾出名嘅小食同埋意粉先。黑椒香蒜鴨胸意大利粉鴨胸嘅香味完全融入曬意大利粉度，食落唔會好油膩，黑椒味又唔會太搶，兩者配合得剛剛好，食完有啲唔夠喉。荷蘭汁豬扒出面好少食到荷蘭汁嘅豬扒，同埋我覺得荷蘭汁好難掌握，要整得好食唔係咁易，最緊要佢個豬扒仲保留住好多肉汁，一啲都唔乾。而且份量一啲都唔少，夠兩至三人食。法式芥末雞肉薄餅個size雖然唔係好大，但已經足夠兩個人食，最令我驚喜既係，佢個餅底好薄好脆，估唔到芥末雞肉係咁夾，啲芝士多到可以拉埋絲，我哋兩個食到停唔到口。法國蘋果批配雲呢拿雪糕食完主菜小食冇理由唔食甜品，呢間個蘋果批好出名，即叫即做，黎到果然冇令我失望，焗得好香脆，入面啲蘋果又唔會太硬又唔會太淋，配埋個雲呢拿雪糕食一流。總結：係一間超級性價比嘅餐廳，下次要約多啲朋友一齊嚟試埋其他嘢。

牧羊少年終於開到港島區，喺附近行完街可以坐低食飯！望住書架上面好多好多嘅旅遊書，只能夠幻想自己去咗韓國嘅文青cafe..餐牌選擇唔算好多，不過都好多飽肚嘅食物。我哋都唔係好想食澱粉質，點咗啲比較Light嘅食物。牛油果雞肉芒果沙律牛油果質感非常軟滑creamy，配少少清新嘅醬汁，真係幾好味！芒果比較熟，所以都幾甜！沙律菜新鮮爽口，係一個好開胃嘅前菜。主菜係紅𩶘魚柳，魚肉比較結實飽滿但唔會好鞋颯颯，味道鮮味 配菜嘅薯蓉都好好食，好滑、牛油味香濃！甜品不能錯過！薑汁疏乎厘製作需時，要等大約25分鐘～梳乎厘比較濕潤，薑味都幾突出！配埋雲呢拿雪糕一齊食好正最後飲杯蘋果玉桂茶，酸酸甜甜消下滯～

今日放假想同老婆食好啲，見好耐冇行過銅鑼灣，早就同老婆行下睇下有咩好嘢食，行過見到有間叫“牧羊少年”嘅餐廳。呢排好hit成日聽到佢個名，仲好似有好多間分店。望入去啲裝修又幾靚，所以就入去試下。原來呢間嘢係食西餐，仲有all day breakfast 食，但今日想同老婆食好啲，所以就叫咗其他類型嘅西餐，上網搵個資料，佢哋啲意粉/pizza/小食都好出名。黑椒香蒜煙鴨胸意大利粉：一嚟到發覺已經好吸引眼球，擺盤擺得好靚，鴨胸唔會啖啖油，食落去好香嘅黑椒味，層次分明。風沙蒜香雞肉排：其實即係避風塘炸雞扒，塊雞扒好似手掌咁大塊，炸得好香脆又唔油膩，醃得好入味。鮮忌廉黑松露醬雜菌長通粉：好香黑松露味，而且好creamy，份量都好足。呢度環境真係好好，仲有個書架可以借書睇，真係relax嘅一個好地方。食完嘢仲可以慢慢休息。睇咗一陣書又覺得肚餓，所以再叫多個pizza同豬扒，佢哋個pizza係即叫即做超級新鮮好食。仲有個“荷蘭汁豬扒”超級軟滑同juicy。下次一定要嚟食埋佢個all day breakfast先夠喉。

事頭（我的至愛）過來銅鑼灣接我放工，未有時間諗食咩，同事就推介咗新開無耐嘅餐廳，還說現在等位人數不多，遲些就很難說。所以今晚來打卡先。簡約佈置小店，我們坐的位置夠光亮，事頭就最喜歡光猛，所以我們甚少有candle light dinner的。事頭告知餐後需往北角與友人小聚，我們需要留少少肚呀!來到咖啡館怎可不點咖啡，先來杯(熱抹茶牛奶咖啡) $46忌廉蓋在上面，咖啡圍繞在旁邊，做得平衡的抹茶味滲在濃郁而厚滑的咖啡中，事頭很喜歡。（千島醬海鮮薄餅）$138 酥脆薄身pizza，每一件上面各有一只彈牙大蝦同迷你墨魚，做到輕輕拉絲的效果，千島醬多一點會更惹味。(日落巴黎) $108 香蕉朱古力窩夫+ 朱古力雪糕。 熱辣辣窩夫，加上剛剛熟微甜香蕉，朱古力醬不會太甜，還有忌廉，隨自己喜愛搽幾多醬就搽幾多，加埋不可以缺少嘅雪糕，搽好後就開餐喇。雖然吃的不多，有甜品修尾已經好滿足。進餐時友人已追問九時前到未，惟有下次再來慢慢食過。

牧羊少年咖啡館我之前喺K11已經食過佢哋嘅甜品~平時晚市都要大排長龍，而家港島區第一間終於開喺銅鑼灣！就試一試佢先😆餐廳內係黑白灰嘅色調~牆身同埋地板都係大理石幾有設計感💁🏻‍♀️牛油果香芒烤雞沙律($108)🥗一嚟到嘅時候比佢嘅份量嚇親，以為只係前菜，但係我覺得當主菜都絕對可以！牛油果軟硬程度非常剛好，芒果亦都好甜，佢嘅烤雞脂肪同埋肉嘅比例好平均，所以我覺得呢一碟沙律好有驚喜🤩灸燒荷蘭汁豬肉排($78) 呢個價錢有兩大排燒肉😵啲肉有啲焦香嘅味道，同埋肉汁非常多，啖啖肉💕再配埋荷蘭醬配搭一流~日式大阪燒風味煙三文魚薄餅($128)煙三文魚嘅份量幾多，薄脆嘅餅底配上少少芥末味道嘅醬同埋紫菜木魚乾，都係值得一試🤤玫瑰牛奶咖啡($50)比起我之前飲過其他店嘅rose latte嘅玫瑰味重！而且佢個咖啡味我好鍾意😵❤️叫咗小冰令到咖啡更加濃郁~因為份量比得好闊綽，兩個人食三樣嘢已經好飽好滿足😙仲想講呢度嘅員工超級有禮貌，見我哋張枱唔夠位擺會定期幫我哋收走啲食完嘅碗碟，好貼心🤩

牧羊少年咖啡館，起初我想像係類似旺角登打士的Café ，點知一出地鐵站Ⓜ️轉入去Fashion Walk時發現呢間Café 係超有情調，店內亦有許多旅遊雜誌🛫我坐低之後，叫咗呢個千島海鮮薄餅🍕，薄餅嘅底係用餅乾整成，並唔係我哋傳統食開嘅麵包，脆之餘，更重要係Pizza嘅重心去晒餡料到；Pizza上用上左大蝦，每一粒都非常爽脆，上面貌似蝦尾嘅，其實係由蟹柳整成，濃厚芝士每一下都拉到絲，配料仲有墨魚仔，加埋千島醬汁，確係不錯。八爪魚丸亦有創新，這裡的並不是像街邊小檔用蛋漿制成，反而係原粒八爪魚丸，八爪魚肉，整上炸粉就炸成這碟小吃。八爪魚丸點會少得日本醬汁😊臨離開前飲一杯咖啡，來一個Happy Ending.餐廳仲有自家製生啤，令人欣賞👍

🌈 牧羊少年咖啡館 (銅鑼灣) ✦✦▶ 千島海鮮Pizza $138Pizza款唔多🍕呢款穩陣之選～千島醬落手較重🙈每件Pizza嘅餸都平均分配😂有一隻蝦🦐一隻小墨魚🦑同一舊蟹柳🦀配搭香濃芝士🧀薄餅底唔會太厚～個邊邊好脆～好似食緊餅乾甘🤭▶ 帶子忌廉野菌意粉 $108 ❤️略煎過嘅帶子～調味得宜😗唔會太咸～食到帶子鮮味👍🏻忌廉汁好香好Creamy！加埋野菌同埋切到細細粒～甜甜地嘅洋蔥🧅增加口感層次😳相當唔錯！▶ 牛奶可可朱古力 $52 ❤️😍推薦呢款非常好味既朱古力！拎起時勁重手！好濃厚嘅朱古力🍫帶點杰身唔會過甜😋上層加左鮮忌廉🥰有幸福感覺的飲品💕喜歡！▶ 京都春日 $108 草莓窩夫配雲呢拿雪糕靚靚擺盤既甜品～窩夫較脆身🧇雞蛋味唔突出🤨配搭既果醬似係連鎖店食開既味道🙈士多啤梨🍓係甜既～賣相好靚但味道只屬普通～味道 🌕🌕🌕🌕環境 🌕🌕🌕🌕價錢 🌕🌕🌕🌖服務 🌕🌕🌕🌗回頭率 🌝 7.5/10整體：九龍同新界區都有分店～相信唔少朋友都食過呢間餐廳🙃銅鑼灣係新分店～裝修好靚！走較高檔舒服風格😆食物質素亦都唔錯🥰

牧羊少年咖啡館 地址: 銅鑼灣記利佐治街11-19號Fashion Walk地下17號舖電話: 29509535今日放工同男朋友來食dinner 慢慢enjoy ,因新開張只是中午來了一次 時間很趕都未能點杯飲品慢慢細嚐Encore $108 avocado mango chicken salad，夜上考慮到食太豐富會易肥，一份沙律是女生優先選擇。好多沙律菜加上煎到微暖的雞扒，低脂健康，仲有super food avocado ,加埋胡麻醬同mango 炸蒜粒好脆好香，$78 風沙蒜香雞肉排上面架蒜粒先係主角，小小紅椒調味，惹味好食，仲有成兩大塊。預留了quota 比甜品， $88 黑糖薑汁souffle 加vanilla ice cream,輕盈的souffle 帶微微的黑糖同薑味，再食口冰涼甜蜜的雪糕。健康晚餐環境舒適，雞肉好嫩滑，甜品又是女生都愛的。

牧羊少年咖啡館 (Fashion Walk) 地址: 銅鑼灣記利佐治街11-19號Fashion Walk地下17號舖電話: 29509535今日放工同男朋友來食dinner 慢慢enjoy ,因新開張只是中午來了一次 時間很趕都未能點杯飲品慢慢細嚐用了牛油會香好多，$68 蒜蓉牛油炒雜菜，有西季豆 zucchini carrot ,蔬菜幾款一起不但止顏色好看，且是輕盈高纖低卡,彌補主食太多飲而菜量不足。好足size $158加拿大豬鞍配蘋果泥, 厚度夠慢慢煎香，仲有脂肪邊位煎香，肉汁爆發，切開中心的肉仍有點粉紅同有肉汁的閃耀，而薯蓉好滑有牛油香。食完大塊肉，想要來一。杯甜平衡口腔$48玫瑰可可朱古力。上面灑了玫瑰花乾，啜一口有朱古力甘甜外藏了股淡玫瑰花花，甚是少女。

今日同朋友行開銅鑼灣有少少攰，所以就去咗呢間位於銅鑼灣fashion walk 入邊嘅牧羊少年咖啡館chill 一chill 順便食個下午茶。以格局來講，餐廳好多位置都好適合打卡，而且位置寬敞，坐兩個鐘頭侍應都好好態度無趕客。因為我哋本身食咗晏晝嘅關係，所以就點左小食同甜品。但係當見到小食上碟嘅時候，先發覺原來小食份量都幾多，例如風沙蒜香雞肉排有兩份手掌咁大塊雞扒嘅份量，同朋友share食完都已經飽咗四成。而我特別鍾意風沙炸蒜帶有微辣嘅香味，同避風塘有少少唔同但係各擅勝場。牛柳粒個人比較偏好加少少蒜鹽同黑椒煎黎食，但係照燒汁煎乾蒜牛柳粒雖然偏甜，但係完全冇違和感。牛柳粒食落去特別 juicy。甜品既話我地就點左提拉米蘇，同外邊甜品店食開嘅唔同，牧羊少年嘅提拉米蘇主要用一種叫卡魯哇咖啡酒來調味製成。雖然唔知係咩嚟但係食落大有咖啡嘅回甘同酒嘅香醇味道。因為太好食所以我又忍唔住encore左一杯整體來講價錢合理，坐得又幾舒服。下次再嚟銅鑼灣血拼嘅時候會再encore。

牧羊少年咖啡館終於在港島區開了分店，超開心！繼數年前在沙田文化博物館吃過後，一直也沒機會再吃。這間分店座落在Fashion Walk內，是逛街購物熱點，非常方便。一到門口，見到光亮的落地玻璃，馬上感到悠閒舒適。餐廳的角落擺放了一系列的旅遊書，讓我們這些旅遊發燒友望梅止渴。我點了「素食早午餐」﹝Vegetarian Brunch﹞，椰菜花湯很清甜，如果熱一點會更好喝。黑松露醬炒滑蛋的黑松露醬很香濃，滑蛋未算最滑，但也很香，車厘茄鮮甜多汁，沙律菜新鮮味美，蘑菇如煎過會更可口，意大利包如加了熱就會更好，甜品鮮果椰奶寄椏籽布甸的份量比較少，多一點會更滋味。值得一讚是服務員態度友善！坐在舒服的椅子上，聽着悠揚的輕音樂下，喝着蘋果肉桂茶，令人放鬆心情，忘卻煩憂，是打工一族的心靈綠洲！

你我之間步伐不再相同，一個走得快，一個走得慢，距離愈來愈遠。既然抱留只會對你造成更大傷害，在點起一支煙這刻那，畫面停留在你的背面，期待你的回頭，我知道你仍然會走…嘿！唔好意思…突然上左腦，無計啦！係銅鑼灣新開既「牧羊少年咖啡館」吸收左唔少藝術氣息，比個機會我扮下偽文青得唔得先！👇📌Lunch · Menu -▪ English · Brunch - $118▫ 最歡樂既lunch time識嗌一定嗌佢地既「英式·早午餐」，當然仲有另一款素食版本啦，迎合唔同食客。點解我咁鍾意食all day？一次過食勻多款食材，唔洗我揀，就最方便。要大讚佢地既黑松露炒蛋，質感幼滑，入口即化，濃郁香味，整得岩岩好；而加左白菌、車厘茄、鮮果椰奶奇椏籽布甸，帶出清新感覺；當然要有飽肚感一定要有埋坎伯蘭腸、煙三文魚、煙肉同埋意大利包，呢個下午就名夠哂perfect啦！▪ Avocado Mango Chicken Salad - $108▫ 我朋友就主打沙律路線，嗌左個「牛油果香芒·烤雞沙律」，就咁睇賣相相當豐富，雞扒夠哂厚身份量又多，呢點要讚；食落肉質幼滑爽彈，配搭新鮮芒果，鮮甜無比，果然無令人失望；當然一定

🐑牧羊少年咖啡館每次提起牧羊少年這咖啡店都令我聯相起佢地 #alldaybreakfast 仲有特式的咖啡,小編今次去銅鑼灣諗住同朋友行下街,完全冇諗食咩的情況下,竟然比我地見到牧羊少年開了新分店,於是諗都冇諗就入了餐廳😁香芒牛油果雞扒沙律岩哂注重健康的每一位,份量都好足料,其實小編一向麻麻地牛油果,但今次將麻醬淋上面再配埋車厘茄,芒果一齊食味道唔錯,加上雞扒肉都好嫩滑😋千島香芒牛油果雞肉薄餅薄餅皮夠哂脆仲好多芝士,每片平均都有一舊牛油果跟芒果,但略嫌雞肉份量比較少,如果可以多d就好了😉英式早午餐黑松露醬炒滑蛋,鮮果椰奶奇椏籽布甸,白菌,車厘茄,坎伯蘭腸,煙三文魚,煙肉,意大利包比較有驚喜的係竟然入面會有一份甜品,可以話係一次過滿足哂兩個願望😁😁玫瑰牛奶咖啡靚靚的拉花未飲已經比佢外觀吸引住了😍 飲落有淡淡的玫瑰花味,最主要當然係冇掩蓋咖啡的香味,可以話係味覺同嗅覺的享受蘋果蜜桃鮮打紅茶雖然望落外觀比較普通,但真係飲到啖啖蘋果同桃味,好足料飲完感覺真好係Fresh,好解渴😗

牧羊少年於香港島第一間分店-銅鑼灣店正式開幕，好開心唔洗過海都食到啦！室內設計好文青feel，好岩打卡休閑的人來！食物質素都好有保證，份量都多！Lunch time兩個人點了兩樣食物已經夠飽肚🔸牛油果香芒烤雞沙律 $108個沙律都好大碟，一個人食一定飽，兩個人可以share，點多啲其他食物沙律材料都好新鮮例如有蕃茄仔、牛油果、香芒、沙律菜等等，加上麻醬好惹味！烤雞肉都好嫩滑，唔係「鞋」架！👍🏻🔸日式大阪燒風味煙三文魚薄餅 $128都好足料，每一塊薄餅都有一片三文魚而且餅邊係脆口，好好味😋加上好多沙律醬，紫菜又好香，整體味道非常惹味👍🏻食到停唔到口

疫情期間，都會忍耐唔到周圍去覓食，而今次除左想食好野外，仲想影下靚相同係靚既環境下chill下，所以我同朋友今次就黎到呢間位於銅鑼灣既「牧羊少年咖啡館」。因為今日肚餓既關係，我同朋友就主要描住小食方面既部分，包括「風沙蒜香雞肉排」、「照燒汁煎乾蒜牛柳粒」、「是拉差醬法國雞翼」同「卡魯哇咖啡酒提拉米蘇」。「風沙蒜香雞肉排」勁大份，應該有2隻女仔既手掌咁大，因為用風沙炸蒜既關係，所以香得黎會有少少微辣。加上煎得岩岩好，雞肉好嫩滑。「照燒汁煎乾蒜牛柳粒」牛柳粒普遍都比較大粒，最好叫侍應拎餐刀稍微切細塊再食。份量有誠意，味道偏甜但係唔算太膩。 「是拉差醬法國雞翼」因為自己本身係是拉差醬的愛好者，所以個人特別鍾意呢隻口味嘅食物，而法國雞翼本身比較大隻，配上少少炸蒜來調味特別好食。「卡魯哇咖啡酒提拉米蘇」其實自己都唔太清楚卡魯哇咖啡酒同外邊普遍嘅酒有咩分別，但係食落去有層次感，分別食到咖啡，酒同提拉米蘇的香味，本身唔鍾意飲洋酒嘅我都食得津津有味。整體而言，除咗對咖啡館嘅格局印象深刻外，都特別鍾意佢小食嘅份量 起碼男仔都會食得飽。