牧羊少年咖啡館 (已結業)

聽就聽得多，去都喺第一次，牧羊少年餐廳，個名好怪（我覺得），藍同事飯堂之一（富貴人家的lunch就是唔同我哋低級職員），聽聞要70左右，偶爾食下都可以接受😊一行4人的組合，酷熱下行了15分鐘左右，本人已經火燒心，去到大會堂，已經不斷後悔中，點解咁多細路（唔係一般多，係好多）有幾百人，應該準備有咩表演吧！暑假真喺好可怕😱穿過人堆先行到去餐廳，開放式設計，絕對感受所有小朋友的歡樂氣氛，同事T的蚊子發音，我一句也聽不進去，感覺好孤獨😭最後點了沙律降溫（以為沙律會唔夠飽，但點知飽到6點幾😂），希望會帶畀我平和的心，S和T叫了一樣的牛油果意粉（下次我都要食，味道同硬度都是我喜歡的），藍同事叫了All day（好似好一般，但三條甘荀好得意）👍🏻最正喺嘢飲可以點$48樓下的特飲，我點了藍莓乳酪（好味，唔會太甜，好清新）呢間下次會再食😊

今晚7點多在荃灣大會堂看節目，開始前當然要先填飽肚子啦，否則中途“咕咕咕”就尷尬 了。打算先離開大會堂出去附近找些小店時，就見到牧羊少年的poster了。之前曾經到過不同的牧羊少年吃過飯，飲過酒，聽過音樂表演，不知道這家漂書館又是怎樣的呢？店內裝修明亮簡潔，採取了半自助模式，先到櫃檯點餐，店員會送餐，餐後要自己將餐盤送到收集處。這家漂書館的賣點當然是書啦，除了中央柱子上的書架，最入的位置也有幾個多層高的書櫃，而且都裝滿了各種各樣的書呢原來牧羊少年歡迎大家拿適合的書籍來以書換啡呢～我覺得這個概念相當不錯，一來可以提供一個書香環境等食客享受閒暇時間，二來收集書籍給其他想要的人免致浪費，三來得到的善款可幫到有需要的人，四來當然是可以飲免費咖啡啦先來2杯飲品，左邊的是清涼之吻，是由香茅、橙、生薑調配已成的。雖然顏色不太討好，但味道還是挺不錯的，它是一杯充滿香茅香及淡淡薑味的橙冰茶。而右邊的則是義式淡咖啡。再來的是拿破侖辣肉腸意大利粉，上面有一球鮮忌廉。 滑滑的鮮忌廉伴著充滿番茄味的意粉，再來一片辣肉腸及甜甜的蜜桃，十分滋味。喜歡芝士味也可以跟我們一樣灑上芝士粉， 蕃茄加芝士也是一個好配搭呢

上次初試牧羊少年 以書易啡 拎左兩張咖啡換領券 今日就黎換換先咖啡只限外賣自取 以慣常餐廳贈飲來說 很自然以為是杯很「小人國」的普通機製咖啡 還要只限熱飲 不配糖或奶 還有機會受到店員的白眼 誰知在牧羊少年 我緩緩給店員遞上券子 店員友善地附上飲料餐牌 說可以選冷熱 並可以選要即磨咖啡還是拿鐵 啊 好感UPPPP!!凍拿鐵x2每杯原值$34 透過漂書得到 份外有意義而且絕對無因此而變細杯/ 特多冰 很有誠意 愛其概念 也愛其誠意 會再來漂書的

今日中午去食飯，12:22分落order，要左個傳統英式早餐，呢個餐居然等左半個鐘頭都仲未上到檯。因為仲有十分鐘學校放lunch時間就完所以最後係要拎翻學校食，完全係浪費左呢78蚊。本來學生外賣有八折，我拎住嗰餐牌同店員理論，佢居然同我講落order之前就要講低否則無八折，明明係你地上菜上得慢，拖到我就黎遲到我先至話需要外賣 真心呢間野環境係好，幾靜，主要問題有三個，第一，上菜速度超慢，唔明炒隻蛋煎條腸點解可以整咁耐，當時鋪頭又唔係真係話咁多人。第二，咁嘅價錢同咁嘅味道完全唔成正比，番茄係未熟得曬嘅，中間嗰芯仲係青色，蛋又太老，茄汁豆勁難食，雖然話78蚊唔係特別多只不過俾D咁嘅野我真係好失望。最後，嗰位Chan Ching Ching店員態度超級惡劣，我已經好聲好氣同佢講學校就遲到叫佢催一催廚房，佢居然係直接無視我 一句講到尾，咁嘅價錢咁嘅服務咁嘅態度我覺得食茶餐廳比佢好100倍 

5月27日之前成日去荃灣西天橋經過大會堂，唔知間嘢mud來既，只是好奇點解有間cafe係咁既地方。經朋友介紹真食驚為天人的好食 👍食物:車打芝士汁鮮蝦意大利麵 $68每條麵條都包住芝士，麵條不算彈牙但又不會太腍。碟麵5-6隻大蝦，口感爽彈，應該係冰鮮蝦，沒有雪味，煮得不錯。個芝士汁又唔膩。飲品:另外，其實我仲點了杯蘋果蜜桃鮮打綠茶 $20 (半價優惠)，但唔記得影相，飲落挺清新不太甜。環境:充滿文青氣色，四處都放滿了書，有讓人想久坐的感覺，但lunch個時見到外面的人龍就...

未嚟到荃灣呢間牧羊少年, 單睇環境相已經充滿住文青feel, 好適合同朋友仔聚會傾餐飽!! 直至嚟到先知餐廳原來係喺大會堂入面嘅一角, 入到去坐係會覺得好舒服, 心情好悠閒平靜. 八爪魚香桃葡萄藜麥沙律 ($78), 揀呢碟沙律係因為想食藜麥同張相嘅八爪魚吸引咗!!  八爪魚嘅味道同張相一樣咁正, 好鮮甜爽口!!  沙律菜份量一啲唔少, 而藜麥同葡萄唔知係咪俾Vinegar淹蓋哂, 食嘅時候已經遺忘咗有呢兩個食材味道, 反而蜜桃+杏仁片嘅清新同有咬口令我對呢個沙律加分!!香草醬青蘋果露筍意粉 ($70), 喺意粉當中好似呢個比較特別, 所以就想試下呢個清新嘅選擇 ☘ 香草醬味道濃郁又唔油膩乾爽, 頂層放咗兩大塊露筍, 口感好爽脆! 而青蘋果味就唔係好覺, 反而食到青蘋果嘅酸 😶 整體呢碟意粉都幾好食, 想食得清新可以一試!!!熱抹茶牛奶 ($36), 偷飲咗朋友一啖 😄 抹茶味好濃郁, 唔係淨係得啲奶味 👍熱烤杏仁拿鐵 ($34), 輕輕嘅Roasted Almond味, 配上咁靚嘅拉花圖案.  喺呢度品嚐咗清新菜式又享受咗一杯賞心悅目嘅咖啡 ✨

食物等左近半個鐘，肉很鹹和油，個包濕哂，之後上嘅雪糕應該雪左好耐，中間有點雪，之後簡單外賣一杯latte 都要再等近半個鐘，吹左兩次，因為第一次個staff明顯完全無跟，但明明應該溜左！咖啡味淡又太甜。今次係第二次黎，上次食素breakfast 尚可，但今次真係好失望，味道兼上菜速度有問題，唔會再黎了

家中睇完但又不捨得丟棄的書不少 無意提起 友人提議能將書捐到這裡 「以書易啡」感覺有意義又可以坐低食下野 立馬來了店子就在荃灣大會堂內 幸好不用排隊太久店子放置著大大小小的贈書 聞著書香享受食物 感覺興奮（也可以拎書睇啦）下單時 順便捐埋書 每捐兩本書就有一張咖啡換領券（半年期、只限外賣）😍熱烤杏仁拿鐵 假日跟餐半價= $17熱焦糖拿鐵 跟餐半價=$17以上兩款咖啡也有水準英式咸牛肉中東包配薯條 $68 OK麵包餡料合襯 薯條唔夠鹹鮮忌廉黑松露野菌意粉 $66 忌廉較平日的甜 但又出奇地夾 套餐附上的朱古力雪糕甜品 OK會再來以書易啡的

我一直都是牧羊少年粉絲, 就是愛她環境. 今次來這間餐廳設在荃灣大會堂一角,店子很細, 地方也不大.也有一角位置放了很多書,可供食客借來看.初入到餐廳還感到很空氣不足,有點焗.坐久了感覺開始有涼意. 這間午餐是自己出去收銀點餐,然后餐廳職員送餐到你桌上. 論氣氛遠遠不及葵芳那家休閒.食物也是一般,可能環境也有些少影響.不管這樣, 店子還是坐滿人.不得不贊是這店子夏日特飲做得非常好.天氣悶熱時,週未來這裡消磨一個下午看看書也不錯.

偶然去到荃灣，大約下午兩點鐘左右，由於想坐得舒適d，所以就打算去荃灣大會堂之前食過的社企餐廳幫襯下，點知去到後先知已經結業，換了一間新的餐廳，又見唔算太多人在排隊，就諗住試下先，但內裡的客人都係悠閒為主，流動性唔高，都等了20分鐘左右先入到去~ 我們點左3個下午茶餐，但假日不包飲品：(1) 黑椒蜜糖牛柳粒 $45牛柳粒份量比想像中大，肉質嫩滑，但黑椒及蜜糖味唔算濃~(2) 特色焗薯殼 $46焗薯殼有三種口味，分別為蝦、菇 & 煙肉~  焗薯殼焗得幾脆和香口，薯殼上面還有滿滿的芝士，三款口味都不錯~(3) 迷你香蕉巧克力窩夫餅 $48雖然話係迷你，但都有兩塊窩夫餅，窩夫餅口感都算香脆，蛋香味則一般，配上大路的朱古力雪糕及香蕉一起食，味道ok~(4) 飲品飲品可以半價加配，我們分別加左$22及$19要左杯清涼之吻及蘋果蜜桃鮮打綠茶~ 清涼之吻係以香芧、橙及薑製成，清新得黎又帶點特別味道，味道不過不失~ 蘋果蜜桃鮮打綠茶都有蘋果蜜桃味，茶味都濃，不過唔算特別好味~總括來講，餐廳的食物及飲品都ok~ 原本餐廳應該是想打做成一個悠閒cafe的感覺，俾客人係度睇下書，但店內環境比較開揚，當你見到有

星期五的晚上很想去一個寧靜的地方吃晚餐，所以選擇了這間位於荃灣大會堂的餐廳。今晚不用等位，剩最後一張二人檯。入座後，看了吃什麼，便要自行到門口櫃檯點餐和付款，之後侍應會送到你的餐檯。另外，餐廳有自助區，可自行到這兒取芝士粉和tabasco，又可以斟水飲。這餐廳地方不大，但環境很舒服，給人寫意悠閒的感覺。餐廳有幾個書櫃，放滿了大眾捐贈的書籍，值得推介給喜歡看書的朋友。我們點了日式燒汁雞肉意粉、蜜桃拿破崙辣肉腸意粉和一杯藍莓奶酪。兩個意粉都好味道，藍莓奶酪也好好飲。

今日食晏行咗去荃灣大會堂裏面嗰間牧羊少年。 呢個位上手係好似係一間社企嘅餐廳畀牧羊少年頂左黎做。佢係大會堂地下嘅大堂裏面。離遠你就見到一大堆書喺間餐廳裏面。成間餐廳嘅裝修好簡約牆係灰色嘅紅毛泥。掛咗幾幅畫再加上成間餐廳都放滿晒舊書，畀你一種好悠閒嘅感好似喺誠品咁樣。咁嘅環境就啱曬我呢個“偽文青”坐低喺度食嘢順便睇下書。牧羊少年好歡迎你哋去捐贈啲舊書出嚟佢地仲會有咖啡券回贈返畀你添。如果你睇到有啱嘅書放低五蚊就可以攞本書返屋企 。佢哋嘅宗旨就係希望的舊書可以流轉。喺呢個對住手機多個睇書嘅世代。佢哋呢份心意係好值得讚賞同推廣出去。我哋點咗兩個意粉，蜜桃拿破崙辣肉腸意粉同埋香草醬野菌鮮蝦意粉。加一杯蘋果蜜桃鮮打綠茶。兩個意粉都係水準之上。特別係個辣肉腸意粉溝咗啲蜜桃落去一酸一辣混埋一齊非常之惹味。個野菌鮮蝦意粉炒得好香，唯一有少少comment嘅就係落多咗橄欖油。杯蘋果仙桃梳打綠茶係將蘋果肉同蜜桃肉攪爛咗喺裏面。個口感好豐富有齊生果嘅鮮味同埋唔太甜。水準之作 !食晏時間呢度都好快坐滿曬，我都唔好意思食飽之後仲攞本書嚟慢慢歎阻住人哋個位。但係果喺度食下午茶一邊嘆杯咖啡一邊攞啲書嚟睇下非常之悠閒

在自己農曆假的最後幾日，相約舊同事相聚。由12點多坐到6點，傾談足足接近6小時，店員也沒有或嘗試請你走。可能是平日關係吧！（贊）講下店內環境，這咖啡館在荃灣大會堂內的一角，增添文化氣息。這館也有很多書本可供閱讀，睇啱也可付費購買，只需$5便可帶走回家慢慢閱讀。這店也可回收書本，每收2本書便會送你一張換咖啡外賣卷。提倡閱讀風氣。（贊）食物方面，咖啡保持水準，蘑菇黑松露意粉較為乾身，多些少汁會更好。All day breakfast 友人都贊好味、豐富。整體十分滿意。

葵芳牧羊食得多，首次到荃灣分店嘆個午餐！環境清閒舒適，淋羅滿目既書本可隨意挑選慢看！這裡屬自助形式，可先搵位置坐下，再到櫃臺點選食品，選購後服務員會提供一個牌給客人埋位待餐，充滿歐陸風！正題，是日選了黑松露意大利麵，跟餐沙律新鮮爽口，必跟芝麻醬份量不小呢！意粉軟身入味，黑松露香濃結身，整碟都充滿菌香跟餐配40蚊以下飲品，非常低食，而我當然選擇飲開又最愛既熱朱古力（棉花糖）啦！香濃朱古力上面加上2大粒燒過既原味棉花糖賣相已加分，入口細膩jam口，高質掛柸以後一定會繼續幫襯

有時候要係市區搵個好地方兩人小聚都唔係一件容易既事🤔 年初七 人日 同個好朋友見返個靚面 就簡咗牧羊少年👇🏻大約晏就一點 餐廳都算幾滿座 不過好彩唔洗排隊就可以入座👍🏻 餐廳係自助式 安排完座位之後會比餐牌 簡好就自己出去counter 點✌🏻點完餐會有個牌拎 放係枱面就會有人送餐黎😬 溫馨提示 食完既餐盤 同埋所有用過既杯杯碟碟都要自己放返去指定既收集區裏面🙆🏻算係幾靚既裝修☝🏻 牆邊有幾多幅同類既掛畫餐牌好詳細 而午餐set主要有12款 想睇返詳細既介紹就可以睇返前幾頁😽 我就簡咗鮮忌廉黑松露醬野菌意大利粉🍝 會配前菜沙律 同一款$40 或以下既飲品 款式都好多🍹☕️賣相很好 擺碟算係加分👍🏻 份量比我想像中多 上面有一堆鮮忌廉 有大量既野菌 仲有充分既黑松露😋😋 味道超夾幾好味 美中不足既係入面有大量我比較唔偏好既洋蔥片😂 邊食邊夾走 但整體黎講係好味 吃貨真心力推🤘🏻飲品嗌咗哩杯蘋果蜜桃鮮打綠茶🍹 係幾足料既 有三片蘋果片 蜜桃片 綠茶同水果配合得幾好🤤 飲落唔會話偏甜 反而好清新👍🏻 值得一試既選擇 加埋係度食唔會話限時 所以係度小聚 好好傾計真係唔錯💕💕