牧羊少年咖啡館 (白楊街)

營業中

休息中

久聞牧羊少年的始祖店在太子，只去過沙田而無幫襯過。今日剛好在太子，特意來試吓。如果識路，從花墟嚟其實好方便。因門口搭了棚架，要小心看才見到招牌。店舖裝修有特色，悠和燈光，很有情調。所用的餐具精緻，餐牌設計有特色。以前在文化博物館沒有套餐，這裡有很多選擇，由漢堡包到意大利飯或麵都有，而且價錢合理。今日餐湯是磨菇湯，上枱見佢賣相靚，面上加了少少忌廉。湯的濃稠度啱啱好，飲落滑溜兼好香菇味。👍🏻👍🏻👍🏻厚切芝士豬扒蕃茄沙律菜漢堡包（$88）上枱同樣吸引，大大個，芝士及豬扒在旁邊爆出，它伴有脆薯角及酸忌廉。先試薯角，新鮮炸起，熱辣辣兼脆卜卜，又香又惹味，點埋酸忌廉就更好味，食到唔停得口。😋😋😋厚切豬扒漢堡包完全真材實料，豬扒又厚又多肉汁，咬落肉質鬆軟，好有豬味。加埋芝士，變得更香，而沙律菜及蕃茄則平衡其油膩感，配搭完美。👍🏻👍🏻👍🏻黃金蕎麥茶清清地，帶有蕎麥香，亦唔錯。相比以前在沙田文化博物館內的分店，這間太子始祖店更好味同超值，值得繼續幫襯。

𝚃𝚑𝚎 𝙰𝚕𝚌𝚑𝚎𝚖𝚒𝚜𝚝 𝙲𝚊𝚏𝚎 🍕好多朋友都推介牧羊少年咖啡館，我之前都去過K11嗰間，不過座位比較少啲，所以要排隊。今次決定試吓佢哋間老店喺太子嗰度，座位都好多同埋坐得比較舒服啲👍👍 以大家上網book位，佢哋book位佔20%日式大阪燒風味煙三文魚薄餅 ($138)佢哋啲薄餅全部都係薄批🍕，可以分6塊。如果鍾意日本風味嘅一定要揀呢個薄餅，因為上邊係有啲Wasabi醬汁，再加上煙三文魚，配搭唔錯 🍣三文魚籽和風蜆肉意大利粉 ($108)佢哋個Pasta Menu有六款，呢個就比較creamy啲，都有好多蜆肉同埋蘑菇🍝金沙鹹蛋黃鳳尾蝦 ($98)因為比較肚餓所以決定揀一個小食，呢個超級推介，啲蝦係比鹹蛋黃包住，好好食🍤芝麻開門 ($68)飲品方面我就揀咗呢個特別啲嘅飲品，佢個名超特別叫做「芝麻開門」，其實就係芝麻同咖啡一齊，賣相好特別🧉自家調製鳳梨Lemonade ($48)Lemonade平時就係檸檬嘅飲品，但係唔知你有冇試過鳳梨加檸檬一齊呢？飲落好refreshing，啱晒而家天氣咁熱飲🍹呢間Cafe啲食物份量超大，開頭諗住叫個甜品，不過食完已經超飽😂😂😂 食唔落甜品😆 留返

以前既深水埗白楊街附近都係修車店、街坊小舖。八年多前開左間牧羊少年咖啡館，木系裝修，文青風，以旅遊為主題，並有旅遊書的漂書活動，當時呢講都算幾有話題性，可以話係深水埗大南街文青咖啡店/餐廳的先鋒。今日，牧少的風頭被大南街d更有風格、話題性的「後輩」趕過，長江後浪推前浪，此仍社會進步的動力，系好事嚟嘅。而牧少在飲食業亦站穩了腳，開完一間又一間，由深水埗殺出尖沙咀、銅鑼灣等旺區，又殺入沙田、屯門、將軍澳等新市鎮，開枝散葉。深水埗元祖店亦嚟一個大翻身，留一個corner做「未來的信」，繼續玩文藝風。今日光顧牧少，就當係去一個幾年無見的朋友家。大翻新過的牧少，同八年前比，少了當年的簡樸，純粹，多了一份刻意營造的氣氛。這位文青老大哥同大南街的小鮮肉比，是空間大，座位多，menu選擇多。我們點了白咖喱豬扒飯及豬扒包配薯條，份量足，味道雖無驚喜但絕對ok no complaint ,一百元有湯有飯有嘢飲環境靚坐得舒服係值嘅！我哋呢D老文青緊系撐返自己友啦！😂

每次放飯經過都好想試，但諗住一個人好似阻止人哋張枱，難得等個女放學，一家人就一齊入去試吓，難得有位，好開心😃。很chill的環境，啲嘢食個樣子都很吸引，只是3個人，都俾一張6人枱我哋，可能唔想大家撘枱。成個用餐過程都好舒適，食物其實冇咩特別。唔多人我都唔介意再食。

牧羊少年咖啡館越開越多間分店，以前幫襯開將軍澳單車館嗰間，有落地玻璃窗，環境開揚有日光。今次食白楊街呢間，明顯細間好多，而且環境昏暗，空間感差少少。星期六嘅下午，等位等咗大概15分鐘就可以入座。我哋叫咗份鮮忌廉黑松露醬雜菌長通粉、大嘅小食拼盤，同埋法式芥末雞肉pizza。首先上菜嘅係小食拼盤，一共有六款食物，包括炸墨丸、兩種腸、雞翼、薯角、炸春卷，每款食物都有四件，啱啱行分得勻。炸物都夠熱，食落都幾香脆。鮮忌廉黑松露醬雜菌長通粉好creamy，幾乎每條通粉都有忌廉汁包住，雜菌炒得好香，唯獨黑松露醬唔夠濃，可能唔想搶咗忌廉味。法式芥末雞肉pizza餡料好多，麵粉糰幾煙韌，口感唔會乾爭爭，有驚喜！整體質素唔錯，就算分店越開越多，都唔會降低食物品質，美中不足係好快要交枱，同朋友傾得唔夠盡興就要走，如果你想傾密計，可能就唔太適合啦。

平日午餐可以叫包或者叫飯，但是如果是週末去食午餐，就只有意粉。我們每次一定叫的是這個雞扒包配薯角。另外有陣時真係想食下啲甜野嘅時候，就會叫這個窩夫，提提你，記得在上午餐的時候就要落order，因為整這個窩夫都要幾耐時間，但一定很好吃因為是即刻整，每塊窩夫都有厚度。

𝒞𝒶𝒻𝑒 𝒾𝓃 𝒫𝓇𝒾𝓃𝒸𝑒 𝐸𝒹𝓌𝒶𝓇𝒹餐廳之前裝修過，而家用黑色做主調，擺設同傢俬都比人一種懷舊但高級既感覺，選用暗黃既燈更增添唔少情調。枱上既餐具🍴同紙巾擺設都好講究，個環境真係好加分，好適合黎放鬆下。🥣南瓜忌廉湯好大碗既湯，南瓜🎃味尚算濃，加左忌廉令個湯入口更滑🥰🌟 鮮忌廉黑松露醬雜菌長通粉佢既賣相比較平實，冇過多既修飾。長通粉上鋪左層芝士碎，內加入磨菇、洋蔥🧅同黑松露，香味非常濃厚。磨菇預先炒過，令佢唔會太多水份，亦令口感唔會過於單一。忌廉汁既濃度就剛好，非常掛汁而唔會太稀，每一啖都食到黑松露既香氣🤣𝘜𝘱𝘨𝘳𝘢𝘥𝘦左野飲做蜜桃🍑奶酪，埋單$110，過左一個好𝘤𝘰𝘻𝘺既下午😃📍 牧羊少年咖啡館𝐓𝐡𝐞 𝐀𝐥𝐜𝐡𝐞𝐦𝐢𝐬𝐭 𝐂𝐚𝐟é太子白楊街27-29號嘉安大廈地下1號舖

驚夜啲多人，今日四點零五點就黎到，唔洗等位，即時可以入座，用餐時間90分鐘食物款多,價錢合理日落巴黎（香蕉朱古力🧇配朱古力雪糕）一上枱已經聞到香噴噴，窩夫入口濕潤有彈性，🍌唔過熟，加埋朱古力雪糕同朱古力醬要比💯拿破崙🍅鮮菌本菇長通粉 （餐）拿破崙🍅鮮菌本菇長通粉 （餐）車厘茄鮮甜，本菇爽口，長通粉彈牙，無得彈鮮忌廉野菌煙三文魚意大利粉 （餐）煙三文魚味道濃郁，每條意粉都比香滑嘅忌廉汁掛住👍小食拼盤（香腸雞翼八爪魚丸春卷薯條） 香腸煎得香，炸雞翼唔過火，八爪魚丸大粒彈牙，春卷皮薄脆，薯條味香冰果茶 （餐飲）鮮果味道配搭淡淡茶香，口感冰涼消暑一流整體唔錯，不過得九十分鐘用餐時間有少少趕，甜品未食到一半已經夠鐘了，不過好彩個場未爆，職員比我地埋完單之後都無趕我地走

厚切雞扒蕃茄沙律菜意大利包配蜜糖芥末薯角（跟餐送冰果茶）Price：$98📌睇張相就知道雞扒真係厚切👍🏻雞扒有煎過，食嘅時候有陣陣嘅煎香味，雞肉好嫩，但又唔會乾😍仲搽咗啲類似黃芥末喺包入面，食落有啲甜甜地🥰入面配料仲有蕃茄同沙律菜，意大利包比一般嘅包有啲硬度，但算易咬😚薯角炸得好香脆，仲有個醬可以點嚟食😁冰果茶唔會好死甜，帶有少少嘅茶味😛仲有蘋果片同橙，都算大杯😉拿破崙蕃茄鮮菌本菇長通粉Price：$88📌面頭落咗芝士粉，加埋芝士食真係好香🤤蕃茄味好濃好突出，長通粉好彈牙唔會好腍，小妹好鐘意❤️仲有好多本菇☺️☺️金沙鹹蛋黃鳳尾蝦Price：$98📌鳳尾蝦都有8隻，上面舖滿面鹹蛋黃粒粒🤩🤩食到蝦嘅煎香味同一粒粒超濃嘅鹹蛋黃😋😋鐘意鹹蛋黃嘅記住要試‼️

今日收工同外子一齊撐枱腳開心仔支持良心小店牧羊少年雖然唔係第一次食但係佢哋都保持一貫嘅水準嘅所以去到太子附近決定幫襯佢哋.入到去同之前感覺唔同裝修同擺位都重新調配過個格局比之前更舒服個人10分喜歡.講返嘢食先我哋嗌左兩個主菜一個小食再加一個甜品1. "立"魚配薯菜2. 三文魚子蜆肉意粉3. 鹹蛋金沙蝦）之類名4. 薑汁梳乎厘配雲呢拿雪糕5. matcha cafe latte6. rose coffee.嘢食上菜時間都OK侍應都會話定俾你聽有啲咩嘢食需要等耐啲在預計你order時間呢個部份我覺得係幾貼心嘅.去到第一道上嘅菜係鹹蛋金沙蝦真係要讚一讚佢啲鹹蛋絕對冇揸流攤加上雖然蝦唔係大大隻但味道一流如果有碗白飯實在係絕配中嘅絕配連外子食咗一隻之後都話要等埋意粉當送飯咁食證明十分之惹味.另外意粉第二上菜首先佢個忌廉汁溝到啱啱好唔會太希亦都唔會太jem 住而加埋蘑菇同埋蜆肉份量都幾足如果一個女仔食一份意粉係夠飽嘅味道亦不過不失.之後就到壓軸出場嘅立魚配薯菜因為魚先至聲明order已經話要等20分鐘所以我哋嘅時間拿捏得非常之好魚嘅外皮有脆脆嘅感覺但係因為老娘唔食皮嘅關係全部掉晒俾外子食感覺上唔會

同朋友食生日飯，佢突然好想食返牧羊少年，就去返多年前去過嘅本店食飯。入去見到新裝修好靚，但有少少唔認得，記得以前會請嘉賓分享旅遊大小事，唔知而家仲有冇呢。鮮忌廉黑松露醬雜菌長通粉（$78加一）上枱睇落好似有D寡，但食落黑松露醬味道幾香濃，調味唔錯。香煎加拿大保濕豬鞍配蘋果泥（$158加一）豬鞍肉質軟嫩，切開仲有少少粉紅，非常juicy，可惜有少少鹹，不過點返清新酸甜嘅蘋果泥都算可以平衡，呢個推薦！京都春日（草莓窩夫配雲呢拿雪糕，$108加一）個窩夫即叫即整，外脆內軟，士多啤梨唔酸，幾好食。

好幾年無幫襯過，今次故地重遊，發現店面大裝修，整潔同舒適度大大加滿分。新裝修充滿溫馨同藝術感，同家人去都十分合適。首先叫左“三文魚子大蝦意粉” 7.5/10分每次黎我都必點，三文魚子的鮮甜味好好地點綴了白汁。“荷蘭汁豬扒” 真心有驚喜：8.5/10分本身以為只係普通豬扒，但實物極滑淋。而且個荷蘭汁出面少見，並不是芥末醬或蛋黃汁之類。推薦一試！“薯蓉蘆魚” 因為本人吾食魚，所以不評論。但薯蓉超滑超creamy屋企人好鐘意。“千島醬雞肉pizza" 6.5/10分 不過不失的一個pizza，調味各方面都ok。 此外我地仲叫左“是拉差雞翼” 真的要比滿分佢！一來就全部掃光，連照片也未來得及拍下，辣度完美，老人家也可以接受，粉皮不厚但超脆！最愛！甜品再加多個草莓窩夫share。今次我地四個大人，以上份量非常滿足！另外每人都有叫飲品，埋單約1000hkd，性價比ok。

之前都食過牧羊少年絕對係會返轉頭再次光顧嘅咖啡館今次同朋友兩個人嗌咗三樣share一個千島海鮮pizza 一個海鮮蝦長通粉重點係個甜品😘士多啤梨雪糕窩夫🥰心心眼😍至愛甜而不膩嘅甜品👍🏻高質💕以咖啡廳嚟講 環境尚算闊落 坐得幾舒服 裝修比較靚 但係價錢又唔算太貴 意粉 $100內都有好幾款選擇 各款Pizza約$130反而個甜品就貴少少 $100 但係物超所值嘅勝在夠大碟 分量夠多 兩個人食都綽綽有餘 好飽兩個人埋單大約400蚊 下次仲想去試下啲小食例如燒帆立貝 燒牛柳粒 或者係燒蝦 😋講起都流口水🤤

午餐食乜好！實在係每日難題！一於食d平凡又唔會中伏嘅餐廳啦，牧羊少年就係其中一個好選擇了，雖然已經有好幾間分店，但佢嘅食物質素從未下降真係相當高質。我哋叫咗兩個午餐套餐，主菜分別係黄金鹹蛋苦瓜忌廉雞肉意大利粉同埋英式早午餐。兩個餐都有跟湯同埋餐飲。我叫苦瓜意粉本身其實都係貪平，但係相當有驚喜，意粉剛剛好，苦瓜唔太苦，有甘味！份量真係有d少，不過加埋餐湯食完都剛剛夠。英式早午餐準備時間比較長，我個意粉食晒先上到菜，但份量十足，每樣都係即叫即煮唔係好似buffet咁夾上黎又真係有誠意。

本身想黎食all day breakfast點知來晚市無嘅😂😂😂咁就叫左個pasta試下個特別少少嘅黃金鹹蛋苦瓜雞肉忌廉意大利粉雖然黎到望落好似有啲細 比較少肉不過女仔食都夠飽佢個黃金鹹蛋醬可以再炒得香啲晚市坐下傾下計都幾舒服又無限時間預先book就ok😝