牧羊少年咖啡館 (白楊街)

營業中

休息中

第一次去多分店餐廳、整體來講算可以，服務態度幾好，食物質數不算太錯，牛粒和雞翼order各兩次，就要讃下、最差咸蛋蝦,蝦無味，可惜！蜆肉都味道一般，飲品味道和顏色都ok ,pizza 夠多cheese

其實都幫襯過幾次，食物還好環境都舒適既，有個女服務員放低食物既時候，整跌左抬既餐具咩都無講就走左😌😅😅好似伍關佢事咁，又無再比個第二份餐具繼續企返去禁手機。咖啡一般一般細到一啖飲完。伍知因為係跟餐所以細到咁定點，我叫個杯好似係xx瑪奇朵。薯條望落去好似好好食，但食落口一次般唔脆份量還好。因為個日係初一，佢都有素食既食物，如果食素既朋友多個選擇當然種類不太多，價錢就還可以啦 如果你係食環境坐得舒舒服服就一流。

去過香港文化博物館間牧羊少年咖啡館幾次覺得食物幾好食今日喺太子附近朋友話太子呢間牧羊少年咖啡館系列第一家店，而且好有文青feel，必須去試吓咁話入到店內朋友話原來佢哋最近裝修咗依家店來比較似有格調嘅西餐廳不過餐牌依然無變臨近聖誕，我哋坐咗張長枱，特別有節日氣氛食物方面，我哋點咗🔸流心蛋卡邦尼長通粉（$98）🔸拿破崙蕃茄煙豬腿肉長通粉（$98）🔸BBQ青椒手撕豬薄餅（$128）🔸小食拼盤（$138）🔸黃金鹹蛋忌廉鳳尾蝦意大利粉（$108）日式大阪燒風味煙三文魚薄餅（$138）🔸牛肝菌汁雜菌大啡菇意大利粉（$88）🔸蜜糖芥茉番薯條（$68）食物質素不錯，小朋友好鍾意食呢度嘅意粉。我最鍾意食黃金鹹蛋忌廉鳳尾蝦意大利粉，黃金鹹蛋非常惹味，而且鳳尾蝦好大隻啖啖肉，食得非常滋味。薄餅方面，我就比較鍾意食日式大阪燒風味煙三文魚薄餅，因為醬汁味道比較有特色，不過薄餅微辣，小朋友未必食到。BBQ青椒手撕豬薄餅，用的是千島醬，味道尚可。小食拼盤及及番薯條都整得香脆可口，會追住食。牧羊少年咖啡館 (白楊街) (太子)太子白楊街27-29號嘉安大廈地下1號舖

🐡四圍游，周圍食 - 牧羊少年🐡同朋友慶祝生日，揀咗呢間環境好靚好舒服嘅餐廳。食物同服務都非常出色，係一個好適合朋友聚餐嘅地方！🐟龍蝦汁鳳尾蝦意大利粉 ($108)🐟香濃嘅龍蝦汁配意粉，加埋煎香咗嘅鳳尾蝦同埋唔同菇類，好夾，好食。🐟牛油果香芒烤雞沙律配胡麻醬 ($118)🐟大大份沙律，勁足料，不論係牛油果、香芒、定烤雞，每一樣食材都好有誠意，份量一D都唔Hea，大讚。🐟日式大阪燒風味煙三文魚Pizza ($138)🐟好好食嘅日式Pizza，大阪燒風味配煙三文魚係絕配，加埋香脆嘅Pizza底，每一啖都係享受。🐟慢煮BBQ醬美國豬仔骨配薯條 ($188)🐟豬仔骨大約有6-7支，因為係慢煮，所以肉質都幼嫩，而且非常入味。薯條炸得好好食。🐟小食拼盤 ($138)🐟正正正！有春卷、雞翼、炸花枝丸、薯條等等，配兩種醬俾你點，勁惹味。呢個價值可以試到咁多款小食都幾抵呢！食物：🐠🐠🐠🐠🐠環境：🐠🐠🐠🐠🐠價錢：🐠🐠🐠🐠服務：🐠🐠🐠🐠🐠Overall：🐠🐠🐠🐠🐠

拍拖歎下午茶 👫 我哋叫左漢堡包 🍔 窩夫🧇 share食，坐呢個門口位好有文青feel ！🔸自家製鳳梨 Lemonade 入口酸酸甜甜，適合夏天解暑飲。🔸BBQ醬手撕豬肉菠蘿漢堡包 配 蜜糖芥茉番薯條手撕豬肉份量頗多，中間夾住菠蘿片，咬落去菠蘿汁吱出嚟令成個漢堡包好juicy ，更加好食😋另外再配上甜甜地嘅番薯條，香脆好食！🔸 日落巴黎 姐係香蕉朱古力雪糕窩夫，窩夫有四件咁多，烘到微脆，沾朱古力醬或者忌廉一樣咁滿足！好邪惡嘅下午茶😆

小小失望的🍝☕🍝🦑只係得咸味，幾隻🦑都係無乜鮮味，🍝亦無墨魚汁，整體係失望。。。本身去想食露筍意粉，可惜轉左menu, 揀左呢個😪☕又係，好似成杯奶咁😅😪真係要發掘下其他好cafe😮💜●‿●💜🏡：👍🏻👍🏻👍🏻👍🏻😋：👅👅💵：140午餐🚶🏻‍♀️：🙋🏻‍♀️🙋🏻‍♀️

牧羊嘅意粉種類唔多，所以對有選擇困難症嘅我黎講好快就揀到想食嘅野🤣🤣🤣值得一讚係佢嘅甜品🍮同熱朱古力🍫，呢兩樣有帶到驚喜俾我，而且甜品嘅擺碟都好靚❤️

叫咗杯Flat white 飲落成杯奶咁 因為我湊住小朋友 當時無諗住叫佢收番費用 加個shot 但飲到大半 真係頂唔順飲奶咁 好有禮貌問職員可唔可以比錢加番個shot 真係好淡 然後佢無了解下 係咪真係無咖啡味/顧客需要 淨係答我：「你都飲咗咁多 要加係一早加 而家幫唔到你 唔可以加！」就走開咗..其實加唔到唔緊要 叫過杯都無所謂 咁嘅態度 係度做嘢唔係service客 仲要比說話個客聽 貴公司做下training吧 我係黎消費 唔係黎受氣。

之前朋友同我慶祝生日，帶左我黎太子既牧羊少年咖啡館，而家補寫返個食評先～店舖位置唔算好近地鐵站，無咩點去過太子呢邊既我完全係跟住朋友行。。。行行下就到了xd原來係一間小店，面積唔大，星期六既午飯時間（1:00pm左右）都好多人等位。朋友話要等位唔好鬧佢唔關佢事，因為呢間lunch係無得book既～其實我又唔介意等，不過個日都好凍而且要喺後巷咁樣既位置等位真係麻麻哋lol 等左大約40分鐘就有位啦～其實傾下計時間好快過，不過等等下突然好大風真係幾凍，更加想快d食野暖下胃。侍應安排左我地兩個人坐近窗邊既位置，其實就係望住頭先等位個條後巷，不過是但啦😂😂😂Menu設計得好有心思好靚，而且圖文並茂～～～我覺得值得一讚～～價錢都好合理，$1xx一碟主菜啦。我地叫左每人一個俄式牛柳絲意粉同埋一個唔知咩豬扒share，其實本身我想食鬆餅，但係朋友一句「lunch食呢d？！」我就覺得都係唔好叫了。。。。個意粉好大碟，而且賣相同埋味道超好！！！牛柳夠多，意粉質感彈牙而且掛汁，仲有d sour cream。豬扒份量真係多到不得了，賣相一樣好好，味道都好好，肉汁夠，肉質鮮嫩。唯一一樣就係太大碟啦我地兩個人完

一直想拜訪下人氣文青 Cafe 牧羊少年，今日有機會到太子一帶就乘機試下佢地嘅始祖分店～採用 QR code 落單📲🥢韓式洋釀雞翼「洋釀」是由韓文 양념치킨 直譯，解作調味料的意思。 明顯係韓式炸雞翼，有杏仁片舖上面，酸酸辣辣嘅醬汁令雞翼非常惹味🥤玫瑰牛奶咖啡 Rose Latte 玫瑰味算幾重，要求少冰，咖啡味更濃。🍔蒲燒鰻魚炒蛋漢堡包 • 配蜜糖芥末蕃薯條漢堡包內夾住和牛，豬扒，炸雞，炸魚柳，炸蝦，甚至大啡菇，都見得多，配蒲燒鰻魚比較少見，完整一片鰻魚舖在炒蛋上，加上大大個漢堡包麵包烘到少少脆，一齊食起來味覺多重享受。蕃薯條香脆帶少少甜，雖然話配蜜糖芥末醬，但店員仍然會主動提供茄汁，等客人自由配搭。太子分店環境好寫意，cafe 主打旅遊主題，店內有世界地圖，唔同國家嘅裝飾品，地方也算闊落坐得舒服~

這間餐廳由裝修前光顧到裝修後，餐廳格調提升了好多，服務質素也是越來越好（除了曾遇冷氣機滴水外😅），不但有口罩袋供客人使用，現在下單只需掃描QR code即可，省時方便，難怪分店越來越多🥳。他們（好像是）每星期更新餐牌，曾嘗試過全日早餐、不同配菜的意粉、咖喱飯、甜品等，唯獨未嘗試過他們的漢堡，決定一試😎等候時間比較長 (差不多20分鐘🤪)，但值得等待，味道一流👍🏼可能是早前在另一日式餐廳試過的日式鰻魚飯超級難吃，這次本着一試無妨的心態，卻是出乎意外地好吃。鰻魚沒有雪藏味，配上燒汁甜甜的，而且燒得有點脆脆；炒蛋不但賣相佳，亦非常嫩滑；漢堡已塗上少許牛油，也是焗得有點脆口；蕃薯條有點油，但又熱又脆，味道一流👍🏼👍🏼👍🏼芥末醬也是我喜愛的😋總括而言：三字訣👇🏼試下啦！

同同事收工去覓食，想搵個坐得好少少、食物又好味既餐廳~ 同事就推介呢度啦！ 果然無介紹錯，呢度好坐之餘，性價比又高! 好彩我地係12點多少少就入座, 之後好快就有其他客人入嚟, 想食既就要排隊等位啦~我地2個人, 總共嗌左2個All Day Breakfast~ 一個係普通版, 一個係全素版, 有超多薯條, 食到勁飽呀~ 另外, 餐廳仲會送一杯果茶, 味道剛剛好, 唔會太甜, 仲可以走冰唔會太凍~

那是我們都回不去的從前當你站在那個夏天的海岸線我們還是心裡面　那個偏執的少年-有機會聽到有親故係K房唱過理隻歌，有啲感觸，出泥工作後以往那個年輕的窮。瘋。游（閒）還在嗎？ 好似只有窮仍然不離不棄-牧羊少年就讓本橘尋回昔日美好嘅young age 時光，以旅遊cafe 做selling point ，一入到人cafe 就有世界地圖，亦都有吾同嘅國家嘅裝飾，好有Feel ，好似真係進入左另一個國度-1/ 黃金鹹蛋忌廉鳳尾蝦意大利粉 $108好creamy，好香鹹蛋味，又無想像中咁咸，都幾清新，抵讚嘅係意粉，因為如果煮得太淋身主就會食落一pat pat，但係理個意粉剛剛好，吾會太淋，但係又不至於未熟透，抵讚。-配菜都好足夠，另主角，大蝦！ 好爽口，有5至6隻咁多，好新鮮，蝦肉吾會梅口，同埋食得出有醃過，所以有心機處理過嘅-2/ 炙燒荷蘭汁豬肉排 $78豬扒好好食，好厚身亦都好淋身，食得出高品質，特別要講講個炙燒荷蘭汁，好香奶味，食落中和左豬扒嘅肉味，都係小清新嘅組合-3/千鳥香芒牛油果雞肉薄餅 $138新故推薦之pizza ，當佢叫到第三個course嘅時候心諗真係食得晒咩？牛油果pizza

我準時來取餐，女侍應只一味叫人出門口等，問要等幾耐，她只說一陣答，但最後也沒有答我。我在門口等了十幾分鐘再問幾時有，女侍應才突然如夢初醒去幫我取餐，原來餐一早已準備好。我外賣裏有乳酪，我已急步走回家，但回去後乳酪已放太久暖了。我之前有外賣過葵青牧羊少年，那裏服務態度好得多，乳酪也是人到了再放進去，我覺得太子店真的要改善下。

今日去開太子，諗起呢間久違嘅文青咖啡廳。呢間Café主打旅行主題，連WiFi密碼都係ilovetravel，裝修採取木質基調，令人非常放鬆。整體環境都好寬敞，座位闊落鬆動，坐得好舒服。食物方面，最愛係佢間既青醬意粉，每一啖都有羅勒香味，伴有蘆筍、雞肉同菇菌，topping仲有松子增添果仁香氣。飲品我地嗌左菠蘿lemonade同藍莓優格，非常清爽解膩。值得一提既係佢既飲管採用環保材質，可降解，好特別。