牧羊少年咖啡館 (德福廣場1期)

營業中

休息中

朋友去過呢間牧羊少年， 讚口不絕，話裝修好靚🤩，打卡位多，最重要係性價比高🤑，講到咁正當然要去試下喇🏃‍♀️餐廳地方寬敞，裝修以木系為主🌴，簡單自然感覺好文青☘️晚市叫任何單點意粉或主菜加$58升級至 <自由自在1人套餐> 包咗小食/沙律、飲品及甜品🍝粉紅香蒜醬水牛芝士杏片雜菌意大利粉$108紅菜頭汁意粉就試過，紅菜頭汁整成嘅意粉都係第一次食，意粉有好香好獨特嘅紅菜頭味，質地亦剛好，裏面仲有好多雜菌、新鮮嘅杏片以及Q彈水牛芝士，賣相靚又健康，仲要好好味添😋。🍝蒜香牛肉碎松露醬雜菇意大利粉$118醬汁味道好正，蒜蓉味非常濃郁，同時亦食到濃厚嘅松露香味，牛肉碎細細粒都幾濃牛味，裏面仲有好多雜菌，意粉質地適中👍。沙律/小食🥗希臘沙律 伴初榨欖油意式黑醋汁(半份)沙律半份都好大碟👍，Feta cheese份量亦唔少，加埋火箭菜、洋蔥、青瓜、黑橄欖及車厘茄 ，混合香甜濃厚嘅黑醋汁一齊食，清新好味😋。飲品方面，响主餐牌內選擇$42 以內嘅飲品，其他飲品就半價。🍹蘋果肉桂香檸冰茶(右) (凍) 酸酸甜甜，肉桂味好濃，所以比較重口味，啱哂我飲，因為原來肉桂啱哂畏寒怕冷及四肢冰冷嘅人士😙。🍹

拿拿食評系列 #牧羊少年咖啡館_九龍灣德福廣場分店系社交平台見到牧羊少年開左新既分店，就約左住九龍灣既朋友一齊嚟試一試~ 星期六既下午2點半左右，因為系週末，原本以為都要等好耐下，點知都幾快，拎左飛5-10分鐘就已經入得！入到德福廣場分店，裝潢同其他分店風格都類近，店內燈光恰到好處，用餐環境十分有氣氛~  作為牧羊少年咖啡館既常客，我點左好多分店都有既鮮忌廉黑松露醬雜菌長通粉同埋Latte，同其他分店水準差唔多，系Latte個杯唔同其他分店，不過拉花都系有耳咖啡杯會夾啲~ 如果唔想淨系食意粉或者飯，可以叫個Pizza~ 我地叩左個千島海鮮薄餅，好似咩都有啲錦，開心啲~Penne w/ mushroom in black truffle cream sauce鮮忌廉黑松露醬雜菌長通粉HK$98Seafood pizza in thousand island dressing千島海鮮薄餅HK$148Café Latte牛奶咖啡HK$36牧羊少年咖啡館忠粉，唔知下間分店開系邊呢？！

去開個邊又肚餓搵間坐得舒服既餐廳 醫先 見到門口同入面好似唔錯Lunch Menu 唔太多 只有5個選擇 叫左杯自家調制鳳梨Lemonade 同 厚切芝士雞扒蕃茄沙律菜漢堡包拼海鹽薯條自家調制鳳梨Lemonade   鳳梨味重同偏甜,Lemon 味唔太出, 似飲緊杯糖水咁 厚切芝士雞扒蕃茄沙律菜漢堡包拼海鹽薯條粗薯條好食同夠脆身 雞扒還可以, 芝士如果可以燒溶又或者多D  醬汁既話會比較好, 整體都係偏向干身, 同Dry其他配料就不過不失

想同男朋友出去撐枱腳，又諗起未試過呢一間牧羊少年咖啡館，所以就諗住一齊去試我本身都幾鍾意食西餐，喺門口見到個Menu，有幾樣都想試，入到去諗住嗌個牛排，點知佢賣晒見到啲Pizza都好多款，我就揀咗個香芒牛油果千島pizza同埋油封鴨髀，我哋跟餐叫咗八爪魚丸子做小食原本以為八爪魚丸子好似章魚小丸子咁，點知原來唔係，不過都幾好食，因為佢嘅醬汁好似燒汁，會落粒丸子度好夾諗住Pizza上面有啲生果感覺冇咁「漏」，不過佢牛油果都多，而且好厚實，都好飽肚。香芒真係好香芒果味，又甜甜地，配埋千島醬其實都幾好食，但真係會「漏」油封鴨比個皮幾脆，但就要快啲食，如果唔係個皮就冇咁脆口，入邊嘅鴨油（定鴨汁）都好香，算炸得唔錯今次嘢飲揀咗白桃烏龍同埋lemonade ，白桃烏龍就清清地，個Lemonade就太酸，飲完兩杯野都未食晒，最後又嗌多咗一杯水果茶，水果茶就比較出色啦，有水果嘅酸味，但係唔太Over，可以解膩

'環境好好坐，夠曬闊落。當日帶埋小朋友去，一入場staff就俾左份木顏色同填色紙等小朋友可以乖乖坐低玩。＊喇沙鳳尾蝦意大利粉 - 醬汁唔夠濃，太淡食唔出係咩味。蝦都夠爽口，唔會好老。＊牛肝菌大啡菇黑松露醬薄餅 - 薄餅好大份，不過有Ｄ乾同係厚底。最鐘意配左火箭菜，令口感更加豐富。

牧羊少年咖啡館 📍九龍灣偉業街33號德福廣場1期平台P26號舖木調為主題嘅舖頭裝修得幾靚，所有設備都好新淨。地方寬敞，坐得幾舒服。職員態度好好，問我哋使唔使影相又問我哋上齊菜味，非常E😂⭐️素食早餐 $128素食就係少咗條腸仔轉左牛油果，大部份都係食物原形，正常冇伏🫡⭐️lunch set5號餐-豬意大利粉 $108大阪燒味嘅意粉！木魚絲加埋沙律醬完全就係大阪燒嘅味道。佢嘅所有肉片都非常之肥，係一丁點瘦肉都冇🥲 對於唔鍾意食肥肉嘅人嚟講簡直係係浪費，變咗淨係食淨麵，覺得有啲滯。🙏🏻⭐️雞翼 + ard$40係茶餐廳炸雞翼味道，都係有啲偏油⭐️玫瑰凍朱古力 +$28有玫瑰嘅香味，我走左cream冇咁漏，可嗌！同朋友人話覺得鳳尾意大利粉，酸酸甜甜幾好食，如果大家去到都可以試吓。全部都包咗餐湯，上菜都幾快，不過覺得嘢食可以有進步嘅空間。#foodie #hkfoodie #foodinstagram #香港美食 #美食#九龍美食 #九龍美食 #打卡 #食評 #放假食乜好 #生日 #拍拖好去處 #慶生 #fookdie九龍灣 #fookdiecafe

德福呢間分店第一次嚟，店內空間幾大，滿佈綠植裝飾環境舒適，平日Lunch都幾爆場。🍽️Set lunch有是日餐湯+主菜+飲品：🔸餐湯：黑松露磨菇湯飲落好多磨菇，唔錯！🔸法式油封鴨腿配烤澳洲西蘭花、普羅旺斯燉菜燉菜其實係南瓜蓉同翠玉瓜，好食，好啱低碳人士。油封鴨配上紅酒燒汁，其實冇乜酒味，味道幾夾。🔸澳洲穀飼牛肉漢堡包配海鹽薯條穀飼牛肉漢堡好juicy，包都好鬆軟，粗薯條即炸，脆卜卜，朋友話呢個好好食。🔸餐飲：特濃雙份咖啡本身想飲咖啡，但唔加錢又冇咩好揀先點，點知點呢杯味道超濃太苦，我麻麻地。如果latte唔駛加$16咁貴就更好

想食個下午茶一入去仲嘈過茶樓枱同枱之間距離窄樓底唔高個個女人堆 大大聲傾計餐廳又有背景音樂 你有你播 佢有佢嘈第一次去茶廳可以嘈到真係覺得耳仔痛拿拿聲食完個薄餅走人去親子餐廳都無呢度嘈到咁真心無下次

剛轉新工作，與新認識的同事一起到公司附近的牧羊少年吃午飯。我們到達時大約為12:20左右。眼見不是太多人等位，但叫號同入座有點慢，可能因為只有一位員工負責安排座位，幸好我們不太趕時間，不然應該會轉場到德福二期。餐廳環境不錯，但有些枱與枱之間的距離比較近會覺得幾嘈。午餐周旋於英式早餐還是漢堡，最後同事選擇了英早，而我則點選漢堡同薯條並加錢揀了玫瑰牛奶咖啡。牧羊的咖啡真的很不錯…玫瑰花香有點睛作用！漢堡包有用牛油煎過所以頗香口，漢堡牛肉還好，沒有很難食也沒有很好吃。薯條新鮮炸起，我和同事分著吃也覺挺不錯。不過如果有得選擇改配炸蕃薯條我會更開心。雖然環境比較嘈，但整體感覺不錯。與新同事分享了不少自己於新公司工作有趣之事，希望新工作一切順利！

今日勞動節假期， 係時候要對自己好啲（搵藉口食好野哈） 同黃兔經過德福見到這間新開了一段時間的牧羊少年，見人不太多於是決定等位入去試下等了15分鐘左右便有位了。入座前侍應告知用餐時間108分鐘，覺得比起其他餐廳（包括火鍋店）的用餐時間只有90分鐘已經好窩心了我們被安排座梳化區靠牆的二人枱，侍應說笑的告訴我們這位置靜中帶旺由於今日是假期沒有套餐，全部都要散叫，另有加一收費，而且全部用手機scan QR code下單的，我們叫了： 紅咖哩烤雞燒茄子藜麥飯伴燒菠蘿$108 ～ 咖哩唔辣啱我食但如果鍾意食辣的你會覺得無癮。 大概有5件雞份量， 雞肉厚身，肉質不會鞋口。燒菠蘿好甜，如果厚身點有口感會更好。 英式早餐$128 ～ 賣相豐富 有兩條腸，炒滑蛋，烤蕃茄，炒菇菇，煙三文魚，乳酪等等。每款味道都不錯 玫瑰牛奶咖啡（少甜）$48 ～ 咖啡有玫瑰香味，但略嫌還是甜了少許，不過口感飲落香滑，都是不錯的 爆谷咖啡 $68 ～ 睇餐單介紹是得獎咖啡，所以一於試下賣相吸引，咖啡上有幾粒焦糖爆谷，中間是奶，下層是 espresso。咖啡濃郁香醇，無澀味無燶味，飲一啖咖啡再配上甜甜的焦糖爆谷，飲到有種苦盡

在德福店，橄欖油提魚意粉跟本無提魚，但有好多辣椒，搞到成碟嘢勁辣，未食過過西餐辣成咁，除咗得個辣無其他味，以為去咗北方。另外同枱點咗個早餐，那兩條青菜硬到食唔到。這間已經不便宜，服務一般，食物又這多差，叫人點再嚟呀！焗住要人上深圳啦！

午餐去到原本想食佢個安格斯漢堡，點知突然改咗Menu變咗鰻魚炒蛋漢堡，咁都冇所謂啦試吓，其他嘢質素都有咁上下，斷估呢個唔會有伏。份漢堡賣相都仲可以，麵包都係處理過脆邊嘅，蛋都好滑。但個鰻魚一切，切唔開嘅？要用把刀鋸。嚿鰻魚質感好煙靭，似係浸咗喺醬汁入邊七七四十九日，啲肉都化晒得返皮，但唔係化係我口。勁難受嘅質感，強烈要求轉返安格斯牛肉。仲有啲薯條唔算太新鮮，有啲已經淋咗，但對比起個鰻魚，已經叫好好。

神早9點幾出到嚟九龍灣，想搵間餐廳食個靚早餐再去做野係德福廣場行左個圈，大部分餐廳都full晒，星期六早上都咁多人真係估唔到結果行行下就行左過嚟呢間新開嘅牧羊少年記得我第一次係食佢哋將軍澳分店，之後再有食過沙田同埋銅鑼灣店德福呢間分店可以話係我見話最靚嘅分店網上見好多評語話呢度又逼又嘈，可能我今日好早嚟到，成間舖幾乎無人，所以我覺得幾好坐，唔覺得嘈但都明白點解其他餐廳早餐時段full晒人，佢就無人，因為佢真係貴過人，最貴果個早餐set成$9x 食All Day我最後叫左個$6x 雞扒set，其實都叫大份，好飽，個雞扒都算大塊，煎得個皮都脆，但就略嫌太油，雞皮下脂肪多，肥左少少野飲正常，個set係包普通咖啡檸茶檸水，泡沫咖啡果d 要加$8總括嚟講呢度環境好靚，幾好坐，但野食略嫌貴左d，早晨嚟講同其他餐廳比，我有太多選擇，未必會再嚟

牧羊少年喺德福戲院隔離，位置非常容易搵。入邊嘅裝修都見到好有心思，感覺上比其他牧羊少年分店大。但都多人要排隊。我哋攞咗飛之後都等咗15分鐘先入座。有90分鐘用餐時間。我哋叫咗我哋喺銅鑼灣分店曾經食過嘅青口、比目魚、一杯果汁梳打。食物質素同我喺其他分店食到嘅都一致，但整返嚟講食物都唔算好平。

Lunch set有餐湯及飲品，點咗鮮忌廉黑松露雜菌長通粉 (98$另別一)，份量大，足料，餐湯係椰菜花煙肉湯，都唔錯，飲品叫咗水果茶，唔洗加錢都有非常多選擇，全部可選凍/熱，唔係剩係得熱飲同檬水/檬茶/奶茶。