牛陣 (iSQUARE國際廣場)

營業中

休息中

見牛陣推出咗個新湯底-冬蔭功湯，非常吸引我興趣，每個人$219，仲要係任食，非常抵食！非常多既丸類, 粉麵, 蔬菜同菇類供選擇，包括有豆腐, 生根, 芋絲, 白年糕, 魚柳等。另外，仲有熟食同小食供選擇，包括咖啡飯, 薯格, 炸蝦片等。飲品亦是很多選擇，有汽水, 茶類, 啤酒等，熱飲則包括各種茶包。湯底呈金黃色，再由自己親手加入配料，湯底酸酸辣辣，就咁飲都好可口！非常滿意。另外，隨鍋仲有海鮮送，包括有蠔, 蜆, 蝦及魷魚。除了自助吧的野食係任食外，以上的肉類也是任叫的，包括牛舌, 肥牛, 豬頸肉, 豬肉片等，質素都唔錯！最黎仲有Haagen dazs雪糕任食，非常吸引，口味包括有綠茶, 藍莓, 朱古力同曲奇，都非常美味，口感絲滑，同細盒既無分別，絕對係正貨！

久別重來牛陣的主要原因是看見其推出了一款$219夏日冬蔭功火鍋放題套餐，包括任食澳洲上級穀飼牛肉、豚肉、牛舌等等...... 多款火鍋配料如魚旦、墨魚丸、芝心豆腐、芝士腸、大量蔬菜菇菌及麵食等非常大堆頭。還有十多款汽水或無糖茶無限自取，選擇很豐富。冬蔭功湯底意外地出色，湯底濃郁，甜、辣、酸、香皆備，清甜而不感油膩，當灼過若干的海鮮、肉類及蔬菜後，湯底更顯鮮甜。澳洲上級穀飼牛肉片可無限追加，必然是回本之選，牛肉脂肪比例不少，油香較豐富，肉質頗滑，肉味一般，唯一是牛肉稍薄。豚肉反而不錯，肉味適中，而且大大塊，厚度適中。還有日式咖喱牛肉飯，此款咖有別於日式甜咖喱，而是椰香味較重的馬來咖喱，咖喱醬汁調得蠻不錯，甜中帶椰香，值得一吃。甜品有四款「哈根大師」雪糕，分別是綠茶、雲呢拿曲奇、比利時朱古力及薰衣草藍莓雪糕：綠色甘香帶微微澀香；雲呢拿曲奇creamy可口是我最愛的一款。

牛陣荃灣店與尖沙咀店也幫襯過，尖沙咀是第三次來，食物算ok。但今次發現衣甘藍色澤暗啞，唔似有洗過， 揭開望發現葉內有禮！ 衛生可怕！究竟其他菜有冇洗？食咗想嘔返出嚟，希望餐廳可以改善。短時間內都唔會再幫襯牛陣

店鋪收23:30，但因可能我們是最後一檯客人，未夠23:00已經開始將冷氣關小，令客人很熱，未能完善地食飯，我們進店是21:40左右，我們是最後用餐的客人，但也不應這樣子對待，令我食得很不開心，想食個late dinner而已

7點黎到有位直接入得，正呀，平時有唔少人等位的。坐低後店員推介宜家有個冬蔭公湯底新湯底，我地都好有興趣去試，就決定試下。落完單就出去夾火鍋料先，限時個半鐘，其實係夠晒時間，所以先觀察下自助吧有咩先。多款火鍋料，仲有唔少蔬菜。見到有紅咖喱、炸蝦餅、香茅茶，睇黎match番個冬蔭公鍋，有主題性！有任食Haagen Dazs 雪糕，正呀！番到座位見到有店員幫我地炒緊d海鮮，係倒湯前炒。之後就將香濃既冬蔭公湯倒入鍋煲滾，自行加入各款泰式香料。三款肉都好新鮮，睇顏色就分辨到，肉同海鮮都係無限任添，當然食幾多就叫幾多啦！埋單時店員送上泰國軟糖，好特別的小驚喜！

最近都好少出街食飯，因周圍氣氛都好一般。朋友話不如出來食餐飯放鬆一下😅朋友極大推介牛陣邊爐，話有朋友食過，啲牛好正，價錢又正，就一於去試吓☺好在我們早點到，差不多已經座滿，店員服務態度一流，介紹新湯底，冬陰公，岩曬我地，我最鍾意飲冬陰公功湯😋店員先教我們把鮮蝦，帶子煎香，就把湯倒入，加上青檸，其他配菜，已經聞到好濃郁冬陰功湯味道。我們選澳洲長期殼飼牛肉，嚴選和牛，牛舌，黑豚猪肉，仲有好多飲品，蔬菜，丸子，面，仲有紅咖哩配健康紅米飯，有薯餅等可以即食 好正呀！澳洲殼飼牛，落湯綠一綠就可以食 ，牛味香香，肉及配菜料吸入冬陰功湯，酸酸辣辣，好好食，越食越開胃，二個女人仔都可以漆食左4大盤牛肉😂💪，太好味了。實在都好飽，但見haagendaz雪糕，仲要係我地最鍾意味道 點能放過 ，今日好滿足 。下次一定要帶家人去食😍

得間又會想去牛陣打邊爐 因為任食得黎啲肉類係幾好gei 今日去食gei 時候發現到有新大陸係冬蔭功火鍋打邊爐佢地用左傳統泰國子彈辣椒仔 風味傳統呢個邊爐材料俾晒自己慢慢炒要有心機炒香佢 個湯先夠好味而且自己俾心機煮gei 係特別好味佢會成盤材料俾左你 然後放入牛脂肪熱鍋 放埋蝦同魷魚落去炒香先之後炒埋其他配材就加湯頭落去喇 真係好香好好味但肥妹自己喜歡偏酸口味 所以喺自助吧拎左啲蕃茄再加落去牛肉雪花均勻 係穀飼牛 肉味非常香濃仲有象啤可以任飲添 正呀仲有唔記得影相ge雪糕 係haagen-daz 任食有綠茶 夏威夷果仁 比利時朱古力味 食完辣辣冬蔭功鍋 再食個雪糕 人生一大樂事

今次同朋友去食牛陣，因為大家都好中意打邊爐！我地今次試咗新嘅冬陰功鍋。個火鍋底呢係比較特別，d醬料係預先炒過嘅，比較惹味！除此之外仲俾咗d泰式香料同埋指天椒我哋放入湯底。大家可以根據自己食辣嘅程度決定加幾多指天椒。我哋呢就加咗三粒，不過唔算好辣，係越煮就越出味。味道方面，湯底酸酸甜甜，十分開胃！重口味嘅朋友可以自己再拎醬料黎點！呢一個套餐係任食牛肉，豚肉同埋海鮮！咁海鮮方面呢都有好多唔同嘅種類，有魷魚，帶子，蠔同埋蝦。d海鮮都好新鮮！最鍾意食呢就係蠔，鮮甜爽口，唔會腥！除左encore 肉類同埋海鮮我哋都出去自助區攞咗好多唔同嘅火鍋配料！個人比較鍾意食嘅係菇類！金針菇同埋香菇好襯呢個冬陰功湯底，索曬d汁，又惹味又正！食牛陣另外重點梗係Haagen Dazs雪糕啦!咁呢有四款口味嘅雪糕, encore 左好多杯！食完有小禮物送，仲有得抽獎添！鍾意打邊爐嘅朋友記得黎牛陣試吓啦！

耐不耐會同朋友去牛陣嘅我，今次竟然見到有期間限定湯底出，係冬蔭公湯底呀，係日式火鍋店真係好少遇到，既然係咁，就一於試下啦。有別於平時嘅火鍋底，今次個湯底係要自己烹調嘅，一開始先放牛脂膏爆香，炒香之後再放海鮮和香料，然後倒入冬蔭公湯，整嘅時候已經聞到陣陣濃郁嘅香辣味。湯底本身係唔辣嘅，客人可以按個人喜好加泰式子彈椒，而我地加左大約三條，就調校到我地喜歡嘅口味。係湯底未被其他配料污染之前我地試左好幾啖，哇，真係同泰國餐廳食到嘅無咩分別架。係又悶又熱嘅夏天，黎一口又酸又辣嘅味道，一個字：正！ 兩個字：「泰」正！。套餐除左配豚肉之外，仲可以無限追加澳洲上級長期牛穀飼牛同埋海鮮，任點象啤，凍飲同熱泰式香茅茶任飲， Haagen-daz雪榚任食 ，真係無得頂呀！澳洲上級長期牛穀飼牛質素算高，雪花紋紅白相間，脂肪分佈平均，淥一淥就食得，豚肉亦唔會好肥膩。海鮮方面有廣島蠔，帆立貝同埋蠔，樣樣都好新鮮，同冬蔭公湯底非常夾。自助區除左一般火鍋配料同多款蔬菜之外，仲有熟食，分別係泰式蝦片，薯格同紅咖喱。雖然晚市人流多，但係侍應refill嘅速度都相當快，好多時食物盤都係滿滿嘅。食飽火鍋之後輪到食女仕們嘅「主

今日和朋友往尖沙咀牛陣食火鍋, 我們點了新推出的冬蔭功火鍋。冬蔭功湯底火鍋, 內有蝦, 魷魚和和牛脂肪, 配上子彈椒, 泰式蔬菜盤, 職員教我們先將和牛脂肪煎香, 煎香慘透油脂後, 再將蝦和魷魚煎香後, 職員加上冬蔭功湯底, 再加上子彈椒和泰式蔬菜盤放進鍋內, 食落酸酸辣辣, 味道開胃, 之後職員奉上豚肉, 牛肉、海鮮盤和牛舌。泰式蔬菜有青檸, 車厘茄和菜等, 食落新鮮爽口；豚肉食落有油花；牛肉和牛舌味道香濃, 入口即熔；海鮮盤有魷魚, 生蠔和帆立貝, 魷魚和帆立貝食落新鮮鮮甜；而生蠔大大隻, 食落肥美鮮甜；豚肉, 牛肉、海鮮盤和牛舌食完可叫職員再奉上；火鍋取了以上配料外, 出面自助吧有很多火鍋配料, 有唐生菜, 金菇、芋絲、秋葵、椰菜花、白蘿蔔、魚蛋、墨魚丸、芝士豆腐、芝士腸、獅子狗和豆卜。唐生菜, 秋葵和椰菜花食落新鮮；金菇和芋絲爽口；白蘿蔔軟腍；魚蛋和墨魚丸食落彈牙；芝士豆腐芝士香濃；芝士腸食落爽口；獅子狗和豆卜食落爽口；除了火鍋外, 這裡自助吧有泰色紅咖喱飯,蝦chips和薯格, 泰色紅咖喱飯辣度適中, 牛肉食落軟腍, 食落口感十足；蝦chips食落香脆爽口, 佐酒一流；薯格炸

今日同朋友喺iSquare行完街就直接喺度食埋飯，行過見到牛陣竟然有泰式冬陰公湯底，食咗牛陣咁多年見到佢出咗呢款湯底都覺得好驚喜，所以毫不猶豫就去咗試！個湯底未開始滾，已經聞到震震嘅冬陰公香味，未開始食已經流晒口水！我哋叫嗰個餐嘅海鮮同埋肉都可以無限追加，冬陰公湯底本身係唔辣嘅，可以按個人喜好加指天椒，不過我哋加咗兩條都未覺得有辣味，加到第三條先開始有微辣，鍾意食辣嘅朋友可能要再加多少少啦～肉就同平時一樣有水準，特別鍾意牛舌，佢嘅牛味係最重嘅🥰除咗冬陰公湯底之外，出面仲有得攞泰式紅咖喱，配埋泰式蝦片一齊食簡直係一流！不過佢比起一般食到嘅泰式紅咖喱冇咁辣，甜味會重少少飲品方面亦都有好多選擇，甜嘅又有，想健康飲無糖嘅嘢飲都有！當然唔少得要有蔬菜啦！食完之後仲送咗一人一粒泰國嘅椰子糖🥰仲有得參加抽獎，頭獎會有雙人來回泰國嘅機票呀

朋友話牛陣出咗個新火鍋湯底，特登接埋我收工去試試，見尖沙咀咁就腳，價錢又晤貴，而且任飲任食，當然要試試啦！😅八點時間，人流開始多！但環境很闊落😊，所以都坐得很舒服！又好多湯底選擇，但有新野，當然要試吓呢個冬陰公湯底，原來是DIY製作，先放牛脂膏爆香，再放海鮮和香料，加入埋個湯底就完成！味道香濃之餘和平日在泰國餐館飲的都很相似😅😅！自助小食💁‍♀️炸雞鬆脆，泰式蝦片微辣惹味！食唔停口！重有自助丸類，蔬菜，粉麵，飲品和雪糕！👏👏打邊爐當然唔少得肉類啦！上級穀飼牛，淥一淥就食得，而且脂肪分佈均勻，牛味亦唔會太重👍🏻👍🏻！豬肉亦唔會好肥膩，所以食好多碟都晤會好快飽😅！廣島蠔，帆立貝，雖然不是很大隻，但食得出都好新鮮，而且可以無限追加😌😌

今晚去左尖沙咀交收，下著微微細雨，有點冷，於是想去打個邊爐暖下胃。見到我其中一間好愛既店　──　牛陣，於是就去排隊拎飛，等左陣就食得。（一入去出面就要排隊等位，今晚好好生意，可能大家都想暖下）見到有個新出既DIY冬蔭功香料鍋，店員話可以俾材料同香料你自己炒，好似幾過癮於是就叫左黎試試。一上到黎個冬蔭功底湯已經好香，開左個爐放和牛脂肪落去逼油出黎，再放左蝦、魷魚，同埋香料一齊炒香，再放湯就完成啦！如果有唔鐘意既材料可以唔落架，入面有青檸呀、辣椒、香茅之類，好似自己整個雞煲出黎咁。食得多普通打邊爐，不妨試下呢個，好特別！牛陣係任食既，我呢個Package係包左澳洲上級長期穀飼牛任食。佢一開始就上左兩碟牛，一碟牛舌，仲有少少海鮮俾我地食左先，之後再加。打邊爐唔少得當然係飲酒，呢到仲有任飲象啤！應該係因為做緊呢個泰國特色火鍋，所以出面既自助吧都有泰國蝦片，仲有香茅茶包，同泰式紅咖哩飯，我全部都試左少少，都唔錯！而且，重點！有任食既Haagen-daz雪榚，雖然唔知佢係咪日日唔同味，但今日有我最愛既綠茶，拎左好多球食，正正正！人均$240左右，係尖沙咀任食黎講真係唔錯既選擇！

見到（牛陣）新出咗個泰式冬陰公鍋，從未試過呢個湯底打邊爐，所以收工即刻問吓有無同事想同我去試試！八點鐘時段，超多人等位，四人入坐有卡位，位置都很闊落！我們點了泰式冬陰公湯底，店員先放底配料和湯底，DIY 自己炒🔥好有趣！💁🏻‍♀先用牛脂膏起鑊，再炒熟海鮮（蝦🦐同魷魚🦑）再加香料炒香後，倒入埋湯底，完成！先飲半碗湯，酸酸地帶微辣，十分醒胃😋😋！！🐂上級穀飼牛，脂肪分佈均勻，烚一烚即食已經好嫰滑😋！🐷豬肉片肥瘦適中，薄切又快熟，碌一碌就食得！廣島蠔，帆立貝，原隻魷魚仔亦可以無限追加👍👍自助式的火鍋配料亦有很多選擇，全部都好新鮮，沾上冬陰公湯底，味道都變得特別惹味😋😋最後甜品，飲品都係免費自取😚😚，每人埋單連加一（1.5小時）＄250有找，實在抵食！

牛陣 We could find many japan style hotpot restaurantsin hong kong.they mainly has beef, pork meat .  Vegetables has kale and 秋葵 okra (expensive so not much restaurant is willing to providedue to cost) I ate a lot  2 people selected 2 soup base. Chicken and pork.  Surprised that having haageen icecream. Creamy and rich in milkfavour. 4 favours, green tea, vanilla, chocolate and macadamia nuts~~~~