牛角日本燒肉專門店 (V City)

營業中

休息中

星期四係一個好日子，因為仲返多一日工就放假，已經進入holiday mood~午餐食好啲，早少少揸車出vcity食晏偷埋時間shopping。一早攞定票，因為又怕無位，策略成功一到即入哈哈。一心諗住食辣泡菜海鮮湯飯，點知阿妹同事大叫我要食新野，原來有新既咖哩沾烏冬😻佢叫左牛肉沾，我想試新咖哩雞沾烏冬，但都係睇下阿妹同事果個點先，照叫海鮮湯飯，發現個套餐個白飯upgrade左好味牛角飯😻😻今日個湯飯好多海鮮好滿，都無位一次過車晒成個飯落去。咁我只係少少少少白飯加落去湯度，有味既飯就當然就咁食唔好浪費左個好味牛角飯汁同脆紫菜😋個咖哩牛肉沾烏冬，咖哩唔係日式既，係中式咖哩加洋蔥粒煮，都辣辣地，好大碗汁，烏冬唔係cheap烏冬，粗身烏冬都彈牙，份量都ok，肥牛肉片我就覺得熟得濟。下次share食既話可以叫個白飯食咖哩，因為實左太多汁唔好浪費。

两個人係v city，唯一覺得好食，同有水準既餐廳，當然等位既人都係最多，係旺既時候等位可能超過一個鐘，建議先download v city個app拎定飛先去今次去牛角，點左啲之前無乜食既菜，包括流心蛋沙律，沙律配上蛋汁，有少少似白汁，麵包焗得好脆，水準之上黑糖薯條，似女朋友至愛，每次必點，保持一貫水準，外脆內軟，配上牛油香，好味和牛牛肋肉係必然之選今次試左和牛一口牛，牛肉粒內裡充滿油花，外面燒到少少金黃色，入口爆汁變成以後必食之選黑椒蜜糖豬肉，豬肉加蜜糖配上爐火，令两種味道和合到另一境界

今年年三十都係打算求其搵間唔洗等嘅餐廳食個飯算，去到平時排到九彩嘅牛角，居然冇乜人，又有個信用卡套餐，唔洗諗直入！牛角大皿燒肉 2人前 $247.1 (信用卡價)二人餐有兩個，咁揀過就覺得平啲呢個啱食啲。套餐包括：- 牛角沙律 (本來唔係呢味，但店員話沙律轉左）：生菜、青瓜、蕃茄、蛋、薯蓉 冇乜特別啦-牛角上級牛肋肉 4片-肩脊肉 4片-牛舌 4片比起韓燒嘅牛肉，個人係較喜歡日式燒肉。牛角嘅牛質素穩定，就算唔點貴價牛都唔太差。-丹麥皇冠雞扒：雞扒大塊，油脂唔多，燒完都仲腍身，好食！-丹麥雞胸肉 4片：呢四塊出哂事一來完全冇味，燒完又鞋又乾柴，類似大隻佬健身食嗰種白灼雞肉，好在我地點左生菜，包住食我先啃得落…-飲品 2杯我估正常兩個人應該僅僅夠食(?)，咁我地有3樣野我必點，所以照舊追加。王樣!腹胸肉 $57.4 (信用卡價)兩大件腹胸肉，可以揀味噌/牛油味道 。平時通常食牛油味，會附上一塊牛油，沾上食更正！今次揀左味噌，都一樣好食，牛肉腍身，有牛味，肉汁keep到。牛角飯 $28我知，成三十蚊食碗飯，傻的嗎。 理解唔到，但就係加左紫菜同燒汁嘅飯好好食！有時狼起上黎，要食兩碗。生菜 $2

想起好久沒有光顧牛角了，忽然想念起那碗牛角飯來。牛角是V City內的人氣食店之一，每次路過店前總是大排長龍。平日提供午市套餐關係，中午時段同樣一位難求，受歡迎程度何其誇張。安全起見，出門前先看看V City Apps再作決定，見輪候人數不多便放心前往了。才不到10分鐘便能入座，一人用餐卻佔坐二人食桌，感覺怪不好意思的，侍應倒是沒有以黑臉相待。侍應無論在帶位、下單、端餐各方面都嫺熟得很，也許是慣於應付大量的人流吧！即使比開店之初漲價不少，牛角的午市套餐仍是值得推介。既有日式定食及烤肉套餐，也有自選主食烤肉套餐，價格由$59至$169不等，而價格較高的商務套餐更為豐盛，燒肉份量也較多，能吃得下的當可以此作為首選。燒肉盛合定食($129)號稱創業以來的大人氣選擇，幾乎是每次到訪的必然選擇。這牛肋肉四品盛合包括上級牛肋肉、牛肋肉、骨附牛肋肉、壺漬牛㫑肉，各有2-4片，配昆布湯、迷你沙律、牛角飯及飲品，而牛角飯更是可無限追加。在端來烤肉盛合的一刻，侍應已俐落地開動了爐火，可以立時起動烤肉了。用的是日式烤網，饒有風味的，也有專用生熟鐵鉗。同是牛肋肉的關係肉質和味道分別不大，上級牛肋肉油花較多亦相

可能大家都厭倦左按左票等位都唔會有位，所以放棄左佢。lunch同同事搏一搏真係有位仲大把枱，開心死。有四人都可以座大卡位，叫左燒牛肋肉拼雞，溫泉蛋鹽燒雞肉飯和辣溫泉蛋雞飯。係要試下有乜分別，普遍食辣係好味啲既，但今次原味贏左，因為辣野只係加左色油，唔辣仲要成個飯都勁油，食到底仲有油🙈燒野都係為左食佢果三個醬，個人最愛蒜鹽醬點肉食

今晚慶祝朋友生日飯，我地揀左個個都鍾意食既牛角，由初初唔係周圍都有，到而家開到周圍各區好多地方都有，真係好鍾意呢度，座位又舒服食物又好味道，衛生企理，唯一唔好地方係book位超難book,walk in又要等好耐，但為左食只好慢慢等！呢度新式電子點野食，食物到左就自己放上網上燒，好處自己鍾意燒幾成熟都得！塩鹽牛舌，好淋口感非常好，少少鹹已帶出牛舌獨特既味道！塩鹽肩脊肉，薄薄一片牛肩脊肉，燒兩下好快食得嬾滑好味！燒肉汁腹胸肉，肉質冇咁淋有咬口，燒汁味少少甜甜地愈食愈開胃！牛油蕃薯，簡簡單單一個錫紙兜，放上網上燒，蕃薯好容易燒得好香好淋，牛油份量足夠完全唔痴底唔燶，加埋牛油食落更加香甜！呢度牛角飯，值得推介超好食，除左係用珍珠米飯底,飯面舖上紫菜香口既芝麻，飯入面仲有特別既醬汁，每次黎到必叫黎食！牛油金菇，只係靠牛油香味，完全帶出金菇既味道，正！加多幾杯特飲，完結一餐美味既晚餐！

又係一個人的午餐，係v city已經食到唔知食咩好。所以決定lunch自high下食燒肉 見到佢商務午餐大概$170，有和牛應該唔差掛星期五下午2點入座，唔使等位，個set有前菜，湯，飲品，和牛及牛肉主食，牛角飯(加左十幾蚊轉溫泉玉子牛角飯 )，仲有雪糕做甜品 性價比算高。牛肉整體水平都算高，但最好味唔係和牛牛肋肉，而係牛胸腹 牛舌算難食咬極都咬唔開。除左呢個冇嘢值得彈lu不得不提係個綠茶雪糕，好!好!食!!!上面加了黃豆粉，配少許黑糖糖漿，綠茶味極濃，入口既香且滑整體算唔錯，值得再光顧。好評

No waiting on a Tuesday night 7PM visit. For beef, we ordered Associated Karubi (168 HKD), Premuim Karubi (85/6 pieces) and Chunk Roll (59/6 pieces).Even there is premium Karubi in the set, premium Karubi by single order is still the best.

今日星期日，約咗朋友行V City; 初頭諗住行一陣，6點半至7點才搵食。但係，5:45 已見牛角有人龍，心諗，唔係嘛！香港人幾時咁早食晚飯㗎！一問之下，原來差不多滿座，只剩下一張2人枱。我們二話不說，即刻攞位坐底（費事之後有排等）。OMG... 場內張張枱都坐滿人，攪咩呀，咁早食飯。坐底咗都要叫嘢食嘅！睇中咗匯豐信用卡的優惠（2人-極上二人前和牛套餐）。沙律份量都ok... 跟著當然係主菜，所有材料一拼送上（和牛牛肋骨/牛肋骨/豬頸肉/豬肉燒/鷄胸肉等）見到已經流哂口水肉質鮮嫩， 而且好juicy, 油花平均； 個人最愛都係牛肋骨當中仲有豬頸肉同鷄胸肉，唔會只有牛肉咁單調；睇落份量好似好少，但其實啖啖肉，真係有點肥膩，食完個感覺好似好飽咁

涼左就去打邊爐，涼左就去食燒肉。貪 v city 方便 可以上網拎飛。日式燒肉有樣好，環境清新。唔會大煙👹中間戈個蒜泥好重口味。我隔離戈個fill完再叫人fill 不過我就覺得好咸咁囉主角們黎啦！牛肉粒可能唔識燒，我覺得又無咩特別。 上面戈盤百淨蚊 其實抵食啵當然必食 壺漬野啦。個汁個肉都好出色。最出色梗係入面舊洋蔥👻蠔真係一般 可以唔洗食。辣到飛起牛肚，好港式既辣味呀叫左個三式醬汁既肉。三種味都好好食啵 同埋都好多片😎😎😎😎牛角出名野黎架 ，唔洗煎太熟 外脆內軟❤️❤️❤️❤️實在太令人心心眼其實匯豐卡食set係會平d 不過無人有🤔好重口味 好中意 有粒易極 好中意😍😍😍😍

本來想試試新開張的拉麵店，但要等位，由於當日沒有等位的心情，就去左鄰店<牛角日本燒肉專門店>。優惠在前，唔睇都埋黎買下。揀左極上二人前和牛套餐。青檸梅子梳打(套餐包49元飲品兩杯)，青檸味不知所終，但梅子味極濃。對於好酸㗎我，十分對板！温玉凱薩沙律，普通之作。牛豬雞肉拼盤，乍看唾涎欲滴。肉的種類共有七款，雖然只有兩丁友，但一次已能嘗試多款肉肉，套餐果然是好選擇。和牛牛肋肉，我不喜歡燒太久，以免徘徊在燒焦的邊緣。肉塊juicy，本身更已調味，建議無須再沾醬。值得一提的是那丹麥雞胸肉。平常光顧燒肉，都會將食力集中在牛肉。今日一試有驚喜，此雞胸嫩滑無比，同其他嚡口嚡面，雪左幾千年後解凍扮新鮮㗎雞肉完全唔喺一個level。食完成份套餐，只有七成飽。哭哭，唯有轉場食甜品

點解會想嚟哩間店？？係因為最近睇咗五郎食嘢，覺得實在太誘惑啦，忍受唔到就嚟啦今次已經係第三次嚟啦，依然都未覺得厭！一定要點和牛！一定要點和牛！一定要點和牛吖食過哩度嘅和牛之後再都唔想食其他牛肉啦因為係weekday去嘅，所以無留意到有放題，反正個套餐食完都覺得幾飽等位就10min左右，環境同服務都OK..肉係要自己燒嘅，千其唔好燒得太熟，會影響肉質嘎套餐嘅飯再加9蚊就可以升級為溫泉蛋飯，因為落咗鹽，所以齋食都好有味...一份海蟄沙律，味道中規中矩，同平時係supermarket食嘅味道差唔多我friend仲另外點咗杯巨峰葡萄飲，就係葡萄汁嘅味道

每次lunch話食呢間野簡直係挑戰，必選腦細唔響office 先去得，因為無論你幾多人去幾早去幾早book一到lunch time必等半小時以上，今日又一早用vcity app按定飛仔，早啲出門飛車出去都係要等😑😑😑😑😑我地五個就變晒咁既樣，睇住個menu選定食乜仲餓左，眼見有啲食完仲慢慢坐so sad可唔可以體諒下我地打工仔趕時間食飯⋯等到13:35話有人埋單喇，一坐低就狂按個落單pad，我叫左個凱撒沙律配野菜烏冬定食，我單又落先但最遲先黎，同事都就快食晒，有個仲已經幫手埋單上去客服攪泊車，好餓一放低個沙拉我就急不及待KO佢忘了影相😅沙律菜新鮮包包粒仲脆既都幾大碗，個烏冬面湯係乳白色以為好濃點知無味架😑食完已經過晒lunch hour🙈

等候時間長，2人枱等了1小時15分鐘，限定進食時間是1.5小時，卻有人覇佔桌子很久，服務態度差，食物價錢貴，味道普通，坐位不舒適，店內環境窄，一定不會再來。差評！！！

V City成日好多人，排長龍排極條隊都好似唔郁咁，等左好耐先有位～等左好耐終於有得食，急不及待快啲叫好多嘢食～) 牛角飯，每次都必點一人起碼一碗至一碗半，有佢送燒肉更加帶出肉汁，紫菜加飯配烤肉汁好正～2) 沙律普通，但唔想太乾只食肉，所以都叫咗一個~3) 每次必點牛肋肉配燒肉汁同牛胸腹肉，切嘅厚度啱啱好，但一碟太少了，對於食肉獸嘅我地一人一碟就差唔多～4) 巨峰乳酸梳打好飲～價錢合理，肉嘅質素有保證，牛角真係食極都會再黎～