牛涮鍋

營業中

休息中

攞完飛要等一陣，吃前想去廁所的話最好先攞飛。上等美國牛肉很多雪花，怕肥的就別點這個，加湯時如果是較濃的湯底就加水比較好，否則會越吃越咸。牛奶雪糕勁好食，必吃。沙拉都不差可是切太大塊了。澳洲和牛我食滙豐七折那個餐只有一碟，不過咁好食都可以接受。湯底我建議淡湯底可以食多D。服務同上野速度可以。但係飲品種類太少。

啱啱同女友食完,一入到去感覺幾啱約會,設計幾特別,食物樣式不太多,我簡咗198,其他冇試過以198黎計算係咁,冇乜特出,反而係服務比較貼心,但係同大窩口果d一比較立即感覺底食👍👍👍以下係牛奶湯底同豬骨湯底,牛奶湯底試落都係普普通通,個人覺得豬骨湯底比較好食

今天是星期五，原本諗住一早去食牛柵喎。食咗呢間餐廳咁耐都唔知道原來佢喺旺角創意己知城有分店。唔係去睇下同其他餐廳分店有咩唔同。大約七點鐘，門外都有10幾人在外排隊了。因為本人只是會員，一早就已經攞了飛。等了大約10分鐘，我們就可以入座了。餐廳面積好大，位置都比較舒適。我們選擇了＄198嘅餐。呢個係一人一鍋自助型試的餐廳。呢間餐廳比我嘅感覺係工作人員當時比較親切，有禮。酱油跟饮料隨時可以加。但係飲筒就要問店員攞，笑了。一句到尾，服務食物都幾好！不防一試！

第一次食牛涮鍋, 見到呢間嘅評語唔錯, 所以黎試下。我地星期二夜晚大約七點左右到, 可能好多人未放工, 所以都有D吉枱, 唔洗排隊。佢有幾個唔同餐揀, 我地諗住第一次試唔食太貴, 所以揀左US特上牛 ($188/位), 包兩款牛肉, 一款豚肉同雞肉。湯底可以揀兩款, 就諗住一個濃D一個淡D, 所以揀左豬骨湯同鰹魚清湯。食落個清湯真係好淡哈哈哈, 下次可以試下其他有味D嘅湯底。豬骨湯就正正常常。侍應會先上一碟特上牛, 一碟豚肉同雞肉, 食完之後就可以係座位用平板電腦再點, 好方便, 都上得好快。牛肉同豚肉都幾好食, 我地都加左幾次。但雞肉就一般, 可能佢本身都知自己唔係主打雞肉, 來貨唔係特別靚, 預左大家唔會食好多, 所以第一次上碟都係得幾舊。我地之後都冇再加點雞肉。其他配料, 沙律, 醬汁, 甜品, 飲品都係自助。配料有好多選擇, 而且有D特別嘅選擇, 例如南瓜年糕(不過麻麻地lol), 紫薯丸(呢個幾好食)。好多配料都唔錯。甜品都有幾多款式, 有大福, chocolate mousse, cheesecake, 雪糕等等。雪糕係用雪糕機自己唧出黎, 原本應該有三種味道, 但我地個陣

一月之星生日飯。一月之星揀左食牛涮鍋。叫左$158 包雞，豚肉，同兩款牛肉。食90分鐘。今日星期六12點7左右到。都等左大半個鐘先有位。一入到去急不及待拎啲沙律食下先呢間有花生🥜正上次去銅鑼灣果間無！失望！飲品方面都係呢到多啲！有咖啡☕️茶，汽水食完沙律，湯底都到喇四個人都要左唔同嘅湯底期間限定 玉桂蘋果幾特別，清清甜甜的。我ok呢個味。但未必人人接受蕃茄湯底，好濃郁豬骨湯底昆布湯底配料方面好多選擇架！最愛食菇，木耳，雲耳。仲有魚板，好彈牙架！南瓜年糕。都係我每次必食！兩款牛肉望落都幾靚！但我真係食唔出有咩分別！豚肉就太薄了。雞肉都比之前差左啲。之前烚極都唔會鞋。但今次就有啲鞋！食飽飽要開動另一個胃！勁中意食大福同芝士蛋糕！大福有三隻味！我覺得綠茶最正！芝士蛋糕勁濃。芝士控超滿足！仲有雪糕，今期係原味同紫薯！仲有好多topping 可以加👍🏻

凍冰冰最岩一定係打邊爐，今日去到新世紀廣場睇戲前就先去牛涮鍋食餐暖笠笠既首先很喜歡牛涮鍋係用大鍋，總係覺得一大鍋打邊爐先有風味。我地選擇了美國上級進口牛肉放題，湯底就係蕃茄與骨膠原豬骨。一如既往，店員會放低兩個盤俾我地出去拎野食。煱底先來，蕃茄湯既味道很濃，把豬骨湯既味道都蓋過了牛肉賣相不錯，也不會太多脂肪，配搭店內提供的芝麻醬，正豬肉跟雞肉就普通其他食物既選擇都唔少，主要係沙律，丸，蔬菜，麵類，及飯等。特別想推介豆腐，好滑另外也要讚一讚牛涮鍋的服務，以前想加牛要招手，而家每台已有tablet提供，想加湯定肉㩒個制就好快有啦。而且仲有埋usb叉電位，果然與時並進

之前已經食過一次牛涮鍋日本極上黑毛和牛, 好想再食一次, 今次機會來啦, 有宣傳指定信用卡有半價, 放工拿拿林去囉位, 唔知係米第一日已經吸引好多人來囉位，等足3個鐘先入座，算係打破左我等位的時間紀錄，不過為左個和牛，其實都心甘命底去等。本身呢個餐有埋海鮮，不過之前食過麻麻，叫店員唔好送來，我地今次主力係和牛豚肉，目標明確！和牛一上枱一睇就已經流晒口水，雪花平均，好靚好靚叫左甜鼓油和昆布湯應，和牛輕輕拖幾下已經ok，入口甘香軟淋，正到不得了！個黑毛豚肉都勁好味！和牛again當晚除左和牛豚肉，我地只係囉左生菜😂當晚有信用卡半價，每人都係$233，真係幾抵食！食肉獸一定唔可以錯過！

今次係第二次嚟"牛涮鍋"點解第二次嚟？因為第一次嚟覺得幾好食囉😂第一次無影相，第二次嚟影返坐底就梗係飲返杯嚟先啦，汽水機仲有教你調制不同特飲，果然唔錯，旁邊仲有不同茶包俾你揀，都幾多選擇，當然任飲係重點啦！呢樣太重要啦攞完野飲，梗係到醬料啦，幾款汁都唔錯，仲有其他葱花，辣椒等等俾你加有菇類，粟米選擇，款式都算多蔬菜類都幾多選擇仲有烏冬，拉麵，同其他丸類，餃子攞完野返嚟，牛肉，豬肉，雞肉都已經上晒枱，時間啱啱好，開餐囉枱底仲有自助加各款肉類，加湯底，埋單咁樣，好過每次叫人落單，而加野時間都算幾快到食完仲有幾款甜品俾我哋選擇戲肉嚟啦！對我嚟講😂😂就係軟雪糕機啦！旁邊仲有唔同配料俾大家選擇仲有得揀筒定杯，太多選擇啦🙈以呢個價錢食放題式火鍋，其實已經好掋，加上食物有水準，湯底都唔錯，兩次嚟其實都係叫最平嗰選項，如果大家想食好啲就可以叫貴少少嘅選項，各取所需，呢間"牛涮鍋"值得同大家推介

和朋友一起到旺角新世紀廣場的牛涮鍋晚膳吃 Shabu Shabu, 雖然已預先 book 位並準時到埸, 但也要再等多 30 mins 才能輪到我們入內進食, 今次我們打算食豪啲，所以點了日本極上黑毛和牛放題, 這個餐除了日本和牛外, 還包括海鮮、澳洲和牛、美國牛小排、丹麥豚肉及美洲等特選雞腿肉等, 配以椰子雞湯和蕃茄湯底, 點菜之後我們到自助食品區內挑選喜歡的野菜及烏冬麵食等, 款式其實跟其他 Shabu Shabu 店差不多! 回到餐桌, 食物已送到來, 首先送到的是海鮮類別, 包括有車海老及帆立貝等,  之後送到的則是引頸以待的日本黑毛和牛, 把牛肉片放在鍋內輕輕炙熟, 已經急不及待進食, 發覺果然名不虛傳, 有入口即溶之感，狂風掃落葉式的吃了一輪肉片後, 再把海鮮剌身放進湯內輕微炙燒, 海鮮的鮮味即被引帶出來, 十分滋味 ！雖然輪候入場進食需時, 但與朋友吃得飽飽的, ichiban 嘅呢!

在放題店的第一刻，當然是要選擇疏菜做底子，牛涮鍋有不小菜式，其中最驚喜的是有油麥菜，這款菜因價格問題，不會常在放題店內發現！這次可說是意外驚喜！而牛涮鍋的選擇很多，大量蔬菜之外，仲有甜品都有好多款。蔬菜的話我推介娃娃菜，加上必拎的油豆腐，索哂湯汁，份外滋味！免費充電這個小貼心，更加欣賞！好耐無食牛涮鍋的放題 了，新推出的🇯🇵鹿兒島豚肉和牛小排，入口即溶，好滿足。相比之下我鍾意牛多d，因為始終肉味幾香。而且切薄左好易入口！食完咁heavy的牛肉鍋，梗係要拎番杯乳酪清下腸胃。連味道都有三款咁多，唔試下都唔得！另外見到加上新推出的花見湯做緊推廣，免費追加，用櫻花蝦，火腿，雞肉，和娃娃菜烹調，好鮮甜，想打邊爐又想食得清清地就啱哂! 食客凡惠顧「鹿兒島夏祭90分鐘放題」或「午市 / 宵夜60分鐘鹿兒島豚肉套餐」，仲免費獲得限定手機支架一個! 啱哂食肉獸啊！

好耐無打邊爐。難得同好友二人世界。就去打下邊爐啦！午市60分鐘 包一碟肉同任食沙律。菜。丸。甜品。飲品！揀左一豬一雞。各$68雖然一碟但份量都幾多！因為得60分鐘要爭取時間。一入去即拎沙律同甜品先！沙律有兩款沙律菜。粟米。車厘茄。青瓜。紅腰豆。雞絲。芝士粉。花生。三款沙律汁。樣樣都勁岩我！甜品都有好幾款！推薦芝士蛋糕。勁芝士！超岩芝士控！仲有大福。勁q!食左勁多。等左陣火鍋到！揀左新出嘅花見湯底。有櫻花蝦。火腿。娃娃菜！清清地幾好啊！火鍋配料推薦：南瓜年糕。中間有南瓜餡！甜甜地！ 芝士魚蛋。牛涮鍋魚片。好彈牙架！最後當然要食埋蜜瓜雪糕啦。啲配料都好多。落左麻糬。正！飲品有汽水。咖啡。茶。都係自助！呢個價有咁多野食好抵！不過60分鐘真係好趕！

今次來到新世紀，特別想試試這間牛涮鍋。聽說這間是新開的，因此想看一看。那裏環境舒適，侍應服務周到，能提供一系列多款式食物，讓顧客享用。我們點了最便宜的上級牛肉，非常可口，配料也十分新鮮，令人回味無窮。特別推介配料咖喱魚蛋，他不是平常我們吃到的，而是魚蛋包着咖喱餡，咬下去還會爆汁呢！我們亦點了其中兩個湯底，建議大家可選一個較清淡的湯底，例如堅魚湯，這樣就能品嚐到食物真正的味道。下一次也要再來吃晚市，並嚐一嚐他們的海鮮拼盤呢！

每次一想到食日式火鍋放題必想到《牛涮鍋》，今次我選了兩款湯底，有新推出的冬蔭功和壽喜燒。想不到日式火鍋都可以做到冬蔭功湯底這麼出色，有少少辣，不會太酸，因為火鍋湯底是很重要的一環；壽喜燒是每次必選之一，味道好清甜，令將肉味帶出。餐廳有自助吧，不只是點選肉類做火鍋配料，還有很多丸和茶可供選擇，飲品款式有很多，特別最喜歡他們店的雪糕高質素，每次都會食返幾杯先走。牛涮鍋，設有多間分店，地點方便，座位寬敞，店員會按照人數安排坐位，卡位都有很多，可以方便一班朋友邊食邊傾。

今日約左一班朋友食飯，揀左中間點旺角～因為大家都好肚餓，所以就係新世紀廣場揀左呢間任食火鍋～黎到時6pm，唔使等位就可以入座。揀左個有得任食豬、牛、雞既餐，每位$168 （未加一）湯底揀左蕃茄湯、豬骨湯膽鏗魚湯D 牛肉幾好，唔會好多肥膏！因為可以任叫，有時有碟好靚，有雪花！雞肉好滑，豬肉煮得耐比較"鞋"出面仲有好多自助配料，丸呀、菜呀、麵呀，仲有甜品同軟雪糕仲要....呢間店依家改左用電子平板追加肉類同加湯唔使等店員經過叫佢，不錯不錯。不過....入座時我地一共8個人，店員初初安排了6人枱，當我地想要求8人枱時，佢既語氣態度好差，叫我地唔要呢張就要等1個鐘.....☺️☺️☺️多人光顧都唔係咁對顧客架🙈

一年四季最好嘅節目就係打邊爐，諗唔到食咩嘅時候最好都係打邊爐😂😂😂😂要是你中意食肥牛，呢到就可以滿足你喇🤘🏻旺角嘅分店十分colorful, 好多一家大細都黎呢到，位置方便之餘室內環境亦十分寬敞，可以舒舒服服咁打邊爐！如果有幸坐到店內旁邊位置，更有靚景睇！最近牛涮鍋做緊鹿兒島夏祭放題，唔想淨係不停食牛肉的話，試下呢個都係幾唔錯嘅選擇！90分鐘鹿兒島夏祭放題💰HKD258/1人我哋叫咗鴛鴦湯底，分別有花見湯，味道比較清淡，內有啲火腿、菜咁樣，用黎打邊爐的話個人就覺得有啲似金華火腿湯底，太清淡就其實唔太出味；另一個係壽喜燒湯底，味道比較濃、甜甜地。鴛鴦湯底一濃一淡滿足唔同需要☺️呢度點食物全自助式☺️有平板電腦比客人自己加點牛肉豚肉，極為方便，而且上食物嘅速度亦非常快。而醬料及其他食物方面，就需要行出去拎的。醬料種類不算多，但基本嘅都有齊。而其他食物方面，例如丸、菜、菇類等等種類則十分多！食物質素，先講牛肉，個人頗喜歡美國特上牛小排，淥熟後仍有牛味，又唔會太靭，我自己都翻叫咗幾次！另外呢個餐有鹿兒島豚肉，每一塊都好薄，所以記得唔好煮太耐，否則就唔會"鞋"嫁喇，但味道就唔算非常突出。每碟牛肉豚肉