牛涮鍋もっと

營業中

休息中

Join咗會員有買3送1再9折。就去食佢地第3貴套餐。澳洲和牛餐。原本$378再加1。但折後就埋單每人$285！首先唔難book位。7點都唔多人。可以食兩個鐘。叫咗20盤肉但肉嘅質素唔會降低。叫到最後一盤嘅和牛脂肪分佈都仲好均勻。佢地啲甜品都唔錯。泡芙好味。蜂蜜蛋糕大愛。雪糕係牛奶味或茉莉茶味。兩隻都好好味！食咗兩杯！仲可以加脆脆/朱古力豆。蔬菜/丸就中規中矩。見有薯條同其他炸物。又有湯同飯。但太飽。食唔到。

今日Lunch食火鍋放題，$136+10%個半鐘任飲任食，三款肉任叫，包括美國牛胸腹、丹麥皇冠豚梅肉及美國特選雞腿肉，整體算OK啦。湯底揀咗豬骨拼麻辣，豬骨OK，麻辣就唔夠辣任食場仲要揀Cheap Plan，D肉有咁嘅質素收貨啦因為肚餓所以先食個沙律蔬菜同菇類選擇都多欣賞佢D丸凍住，台灣香腸同芝士丸都好食，個雞軟骨丸就麻麻地(左面的兩兜)烏冬都OK有軟雪糕同Toppings，不過就無食到呢個真心提大家唔好亂試，因為實在甜得太離譜

🍲 牛涮鍋もっと琴日知道叙福樓集團旗下所有食肆下星期一起暫停營業🥲今日即刻去趕尾班車，牛角勁多人，最後牛涮鍋有位先🤪揀咗個A餐: 120分鐘 英國安格斯牛小排放題 $258 + $10(星期六日、公眾假期要+$10)鴛鴦湯底:黑蒜油豬骨湯:勁香，重蒜味👍🏻蕃茄濃湯:好淡，無蕃茄味👋🏼任食肉類包英國安格斯牛小排、極罕封門枊、美洲牛胸腹、美國穀飼牛胸腹、日本九州白豚肉、丹麥皇冠豬豚肉、美洲特選雞腿肉🐂 封門枊徧瘦重牛味，牛小排肥瘦適中，牛胸腹徧肥🐖白豚肉有肉味🐓無咩味🥗自助食品區內無限量新鮮野菜、丸類、烏冬麵類雪糕供應🥤自助飲品都多，有熱飲機、特飲、沙冰飲品呢講熱朱古力同巨蜂提子都唔錯👌🏼必食嘅係牛奶雪糕，有好多配料，可以整到芭菲杯，勁正💯2個人埋單 $589.6 座位坐得舒服，店員服務態度好都係趕個尾班車，記錄吓🥲希望佢頂得住🙌🏻🙌🏻，我仲想食牛角嫁💪💪

平日晚上大約七點半去到， 唔使等位，一早揀咗食邊款，好快就入座坐低，都係q r code落order，招呼幾好，坐低冇耐就先嚟咗牛同刺身同埋海鮮，啲牛黎到好似好靚咁，但其實我都唔識分，滾兩滾就食得好方便，唔係食家，不過覺得啲牛好食囉刺身都好新鮮，同埋啲刺身都係厚切， 好開心，而且任食好爽， 質素又ok仲有個六品海鮮放題，ok冇乜特別， 係啲帶子雪到成粒乒乓波咁，所以每次一放啲帶子落去，就會令到成煲湯唔滾，不過啲帶子係好食嘅

【晚餐 選擇了288的任食套餐】【安格斯牛小排】牛就正常發揮，無好特別。【日本白豚肉】第一塊點左醬汁食，食落就無咩特別，之後試多次無點醬汁食，豚肉味濃，口感軟腍，好好食 ！【日式麻辣湯底】不是很辣，個人還是比較喜歡台式麻辣，但overall 湯底質素也不錯【配料】選擇種類不過不失，簡單的蔬菜圓類也有，但沒有什麼特別的配料。【甜品 - 抹茶雪糕】回頭率：🐒🐒🐒（滿分5）For 白豚肉！！！！！！！！

難得早收工，4:30前去食，仲可以用午市價錢食90分鐘。所以叫左安格斯牛小排餐，呢知鐘數無人，安排左我地去邊邊位。然後好快2盒肉送到，湯底到埋，我地都仲係出面拎緊野食出面有蔬菜，但無晒啲炸物了。相反可以用QRcode落，得下面炸芝士魚蛋同埋芋圓波。啲牛既顏色好靚，好快就熟，口感好軟稔，有好少既肉味，我就唔鍾意加醬油，食佢原味最好。

態度差到痴線😅😅😅😅食完肉嘅碟已經堆到好高都唔嚟收😅搞到成個環境好壁 跟住收錢個陣個經理好似有狂暴症個款 攞銀仔大力拍落張檯度 都唔知有咩問題 收錢都唔樂意啊？唔好做啊笨 去過咁多間食火鍋就係呢間有服務態度有問題 咁嘅態度都做到經理 證明呢間舖好缺人 大家快啲去應聘😅

忽然想食火鍋，上OPENRICE睇下VWalk附近有咩好介紹，這間牛涮鍋もっと之前食過其他分店，感覺唔錯，於是就入去試下啦。去到店門口已經人山人海咁等緊位，睇真D先知原來排緊隔離燒肉。排左15分鐘度就有位可以入座。入去之前掃安心出行或填寫個人資料的同時，員工已經可以幫你選定套餐同湯底。今日就試下澳洲和牛肩脊肉放題，鴛鴦湯底加左海鮮加刺身放題。坐低無幾耐就已經黎左湯底同刺身，飲品、蔬菜配料同甜品都要出去自取，當晚人比較多，所以快手攞左少少娃娃菜同飲品就埋返位開餐了。第一輪先黎左十品刺身，可以試勻晒每種刺身。比較好食的有三文魚肥美、吞拿魚雖然比較瘦但唔會有筋、貝類爽口、八爪魚同魷魚唔會好重雪味。食到差不多前菜頭盤，忽然想食火鍋，上OPENRICE睇下VWalk附近有咩好介紹，這間牛涮鍋もっと之前食過其他分店，感覺唔錯，於是就入去試下啦。去到店門口已經人山人海咁等緊位，睇真D先知原來排緊隔離燒肉。排左15分鐘度就有位可以入座。入去之前掃安心出行或填寫個人資料的同時，員工已經可以幫你選定套餐同湯底。今日就試下澳洲和牛肩脊肉放題，鴛鴦湯底加左海鮮加刺身放題。環境似日本地鐵站的設計，好有特色。而且

其實我真係不得不讚揚呢個外賣餐😂 啲配菜仲好食過堂食，我哋四個人食都食唔晒嗰4人餐，啲牛拎咗嚟聽日煮餸食溫馨提示啊😂嗰湯底寫住2Lx2，我以為真係要搬兩支嘢返去，點知原來要再溝水，呢嗰小誤會，我直情打埋去舖頭同個職員講😂 叫佢反映返俾公司聽唔好寫2L😅 因為我特登搭咗架車去搵爸爸一齊拎返嚟，點知啲嘢一啲都唔重😑總括而言，其實如果細食嘅大家，喺度買一個set返屋企係絕對夠食！如果大食就去返舖頭食放題啦😂

👍🏻👍🏻👍🏻👍🏻👍🏻/5分牛涮鍋もっとMou Mou Motto(Vwalk)深水埗深旺道28號V Walk 2樓116B號舖-美國上級牛胸腹放題-櫻花蝦沙嗲+黑蒜油豬骨湯底🐂自從夜晚無堂食真係好耐無出街打邊爐😢所以今日心血來潮lunch打😁呢個放題d 牛都好得wo😇佢切到勁薄煮個10秒就熟☺️真係牛有牛味😀油脂分佈一半一半☺️就算食到第4盤個係同一個質素😄個湯底就沙嗲比較出色同埋濃郁☺️有dd蝦仔所以有口感😃但係豬骨就無咩黑蒜油味🧐其他配菜都正常🤣🤣但係個朱古力雪糕相當出色(掛住食唔記得影)😋😋聽聞係期間限定🤣仲有超過8個配料可以自己加😊😊-🚽(5🌟滿分)🌟🌟🌟🌟🌟之前已經讚過vwalk廁所又新又大又乾淨😍其實已經正過一般大商場其實值得參觀🤣

整個套餐有，食的時候仲有半價。大份、足料、新鮮。打邊爐有好味的牛、海鮮、湯底都好緊要。仲有仲有，D 菜係無爛呀，好靚呀！記住上網訂，唔使等。C 豐盛4人餐‧特選肉類美國SRF和牛(600g)、美洲牛胸腹(300g)、丹麥皇冠豚梅肉(150g)‧海鮮虎蝦x4、帆立貝x4、白蜆x16‧特色配料爽彈牛丸x4、芝士海鮮豆腐x4、麻香胡椒豚肉丸x4、豚肉餃子x4、油炸娟豆腐x4、黃金魚籽球x4、拉麵x4‧野菜盛合 (4人份)‧麻醬、豉油‧豬骨湯 (4L) / 甜醬油湯 (4L) / 昆布湯 (4L) / 黑蒜豬骨湯 (4L) / 辛辣豬骨湯 (4L)*如選擇兩款湯式，則每款2L*

今日突然好想打邊爐，見中午有小小時間，就去左V Walk 的牛涮鍋極速食個60分鐘嘅邊爐，我同朋友每人點了個$78的套餐，套餐包一盤牛肉，另外麵類，丸，蔬菜和甜品就可以任食。我哋叫左新推出的湯底，係櫻花蝦沙嗲湯，估唔到咁好味，有好香的沙嗲味！這間分店的服務態度超好，我哋等咗20分鐘佢先上盤牛肉，我哋冇催佢，但職員一上盤牛肉，就不停道歉左幾次再解釋遲上的原因，好有禮貌。呢個價錢食60分鐘，雖然好趕，但真係好多嘢食，又唔貴，好值得再食，如果時間可以長小小就更好。

《香港深水埗VWalk牛涮鍋》我是個名乎其實的火鍋控，在台灣生活時一星期吃一次火鍋是基本活動。但香港火鍋店選擇沒有台灣多，（部分太貴所以也不算在我的選擇內）牛涮鍋是我在香港最愛的火鍋店了！牛涮鍋是放題形式的，是此我們在週末中午去用餐，有便宜的套餐也有貴的，最便宜的才成人$118一位，就可以任吃雞肉豬肉、丸子、蔬菜、沙律、麵類、飲品甜品，性格比極高！我們點了$128一位的套餐，除了豬、雞，還有牛肉選！湯底我們選了豬骨湯和甜醬油（壽喜燒），豬骨煮青菜🥬，甜醬油煮菇類和肉。不過$128套餐的牛肉是最低級的所以也沒有很多好，反而豬肉雞肉都嫩嫩的，很好吃！肉類一定要沾日本芝麻醬！除此之外，牛涮鍋現在還提供炸物放題，紫薯條意外的好吃！甜點也是在牛涮鍋必須吃的，有時候會有大福，超好吃我每次都吃二三個！雪糕也是必須吃的！還可以加自己要的配料！吃完整個超滿足！提醒大家，如果要吃比較好吃的牛肉，一定要選第三個等級或以上。

近日Mou Mou Club 推出外賣自取優惠，四人套餐由原價$638減到$319半價。肉類包括600g美國和牛，300g牛胸腹，150g豚肉，海鮮有虎蝦同帆立貝各4隻，仲有丸類，蔬菜同4個烏冬。湯底有5款選擇，我地揀左黑蒜油豬骨湯。肉嘅份量超多，又唔多肥肉，一點都唔搵笨，我地4個人完全食唔曬，留番第二日煮。我尤其鍾意豚肉唔太薄，有口感。醬料有豉油同芝麻醬，配牛肉一流。海鮮更令人喜出望外，虎蝦超大隻，同帆立貝一樣鮮味十足！湯底方面味精味就比較重，可能昆布湯會好啲。總括來說，四人套餐好抵食，份量同質素都好好，CP值高，滿足！

不知所謂，見話外賣已落單都要等個幾鐘，特登下午一點前已落單訂1730攞，落完單再特登打去分店問是否可準時攞，分店回覆話最多遲10分鐘。到1715到分店，分店仲冷醒咁話1730夠鐘先有，好了，轉頭1730到，成個門口都係人，等到1805都未見影！做唔切唔該唔好接單，亦都唔好比人揀幾點攞！