牛気 (雅蘭中心)

營業中

休息中

五個人比四個位，勁迫！都唔明點解仲迫過譚仔？一入座已經態度差！加錢要了蜆鍋，員工a落錯湯，員工b發現，話a落錯湯，行左去就算問經理，佢肯換，加其他湯就算？！野食又黎得慢，食到趕頭趕命咁，到底為咩？員工一直趕人走，夠鐘前30分鐘一直催催催..未夠時間一直催埋單，野未食完，連個鍋都收走？而家咩事？已經黎得慢，落order之後，平均20-30分鐘先黎，都唔知係咪特登..慘過去澳牛以後唔會再黎，唔會推薦人黎

同朋友今日突然好想打邊爐,佢話之前食過呢間幾好食,咁就帶我黎食下,晚飯時間,都算多人,大概十枱係門口等,但我地都好快,等左大概20min就入得～入枱之前姐姐會問要邊個set,咁我地揀左有刺身又有海鮮既set,本身覺得都幾貴,但一坐低就黎晒咁多海鮮,就覺得心理平衡d,牛肉唔錯,魚生都大概食左10碟,我地2個人,張枱長期都係擺滿野食,其實都有d唔好意思哈哈,不過牛肉既質素都唔錯,雖然係貴,但都貴得合理既咁多野食～

識我地都知我地經常打火鍋，一星期分分鐘打四次，相對而言，比起放題，我個人較傾好散叫，一來食物質素多數好啲，二來唔洗下下塞到自己好飽。不過身邊總有幾個放題控，今晚就黎牛気聚一聚，由於係星期五晚，明知多人，所以都一早預訂位置，八點幾黎到，已經人頭湧湧。咁佢有樣好，訂左位，就準時入座。餐廳位置唔算十分大，人流旺，週五晚感覺店員都有啲應接不暇，收碟唔夠頻密，慶幸上菜速度未受影響，值得一讚訂位失誤，七人坐六人枱，雖然個個好大隻，但都不至於逼狹或者太辛苦。喺門口安排位置時，已經要報上揀邊款套餐，一入座就可短時間內上湯底、牛肉，頗有效率。套餐有六款，分牛肩肉、極上美國牛小排、牛小排+海鮮、澳洲和牛+海鮮、極上澳洲和牛+海鮮、日本和牛，定價$188/258/298/348/398/488，湯底可選北海道昆布、蕃茄、豬骨、地獄、泡菜、味噌、甜豉油(+$10)，任飲任食90分鐘，另收加一。極上美國牛小排套餐 $258/位多數都係揀第二個餐，包括牛小排、牛肩肉、雞腿肉、美國豚肉，同其他配料例如蔬菜、丸類、麵食自取。一行七人，揀左兩個湯底，一邊甜豉油，一邊蕃茄湯底。一向對呢種日式火鍋放題嘅湯底不抱期望，呢度嘅

原本其實係想食牛角　buffet，但排哂長龍，見到呢個廣告，我同朋友都無試過，就一齊話試試！其實原本有少少擔心吾好食，因為我呢個朋友好咀刁，但我非常喜歡！！夾野食既地方，好乾淨，又光猛，感覺好似去左酒店食　buffet 甘！咀刁朋友揀左level 3 和牛+海鮮﹠三文魚味噌湯底！但個湯底湯而無味，無三文魚味，亦沒有味噌味！要激贊個牛，以為第一碟會係最靚最好味，因為出面既係甘做，但竟然　keep 住水準，我地食左5碟，最尾果兩碟仲要係牛小排！好淋，入口即溶！原來只淥一淥，紅紅地甘食，係好正架！海鮮+三文魚刺身任食，虾好大隻，又爽口，甘梗係只食貴野，專供帶子+大虾，其他海鮮可以不理！

係旺角突然想食涮涮鍋，咁啱行過雅蘭中心，於是兩個就即刻衝左去牛気，一諗起壽喜燒個湯底就流晒口水🤤次次食完都好回味，平平哋食個極上美國牛肩肉放題都滿足到我呢個食肉獸既慾望🤭90分鐘既放題時間夠你食到捧住個肚腩走，加上座位都好舒適，有2人卡位坐，所以而家每次想食涮涮鍋都諗起牛気，講起食都要捧住個大肚腩走係因為都幾多野食係出面可以任你拎架，有烏冬🍜響鈴、丸類、菜🥦壽司🍣沙律🥗甜品🥧🍦🍮應有盡有...仲有大量飲品🥤無限提供。而家讚好Facebook，post張靚相仲即時為你送上Movenpick雪糕一杯，最重要嘅係仲有三款味道俾你選擇❤️好貼心👍🏻

慶祝生日月最開心一起吃涮涮鍋。前前年牛陣、前年牛一⋯最近愛上了牛気！有二人卡位，坐位舒服🐂 🍶棉花糖壽喜燒🍯放題「深夜食堂」到凌晨二時環境舒服，服務和食品都好有質素$158~$378 一定要試極上牛肩肉👍肉質鮮嫩還有，凱撒沙律、焦糖燉蛋布丁🍮、棉花糖、爆谷、芒果糯米飯、三文魚🍣、玉子壽司、乳酪🍨、綠茶雪糕🍦、最愛的凍頂烏龍茶☕️⋯ 不過限時 90 分鐘要選定想吃的才吃😋款式好多，而且好高質素。

好耐之前食過依間牛氣，今日再黎食番又有唔同體驗喎😉7點幾晚飯時間好快就有位，上到一樓見到隻好大既牛牛人扮既公仔主動同我地打招呼🙋🏻簡好湯底同食咩級既牛就坐底，我地簡左極上澳洲和牛+海鮮放題$328，簡完好快就安排入座落單之後食物好快送到，淨係依碟牛我都食左2碟，堅好食，牛肉嫩滑唔太肥，豚肉同雞肉都好滑，但緊係主打牛同海鮮啦，虎蝦超大隻彈牙好新鮮，服務超好，食完收碟個陣會好貼心主動咁問有冇野要加，要蝦幾多隻， 青口幾多隻⋯⋯係超有禮貌咁問💯✔️食物種類都幾多，菜菜、丸丸、熟食、沙律齊哂⋯⋯飲品種類都幾多，啤酒都有但得一款甜品款式超多，棉花糖自己整，朱古力噴泉，雪糕機，窩夫機⋯⋯慢慢玩；奶凍、布旬、紅豆糕、桂花糕、蛋糕⋯⋯竟然連泰式椰汁糯米都有🤤食左2個讚好牛氣專頁仲送movenpick 😍埋單計埋加一每人$350，價錢ok食到高質牛肉，最重要服務超值👍🏻

晚餐食日式火鍋放題好多次，今次中午食，感覺太豐富。今次揀左特濃蕃茄湯底，每人一款肉。衣間唔係一人一鍋。湯底色好橙，蕃茄有幾粒。其他蔬菜，丸類，餃子，瓜類，粉麵，可在自助區自取，。而熟食區有碗仔翅，炒飯，咖哩飯等等，還有飲品區，沙律區，甜品區，雪糕機⋯熟食味道都可以，碗仔翅料多又夠味。而火鍋配料都好新鮮，全部都係日本配料，日式餃子和日式丸都好好味，烏冬已經夠彈牙，但日式拉麵總好味，又彈牙又煙韌，好好味。食飽後，當然要試甜品，食了薯仔蓉沙律和乳酪雪糕，乳酪雪糕又滑又唔會太甜⋯

同一大班朋友行完山，感覺超級肚餓，即時就想烚吓烚吓，知道牛氣可以用foodgulu電話拎飛，就係回程既車上拎左飛，去到就即時安排到位置，絕對係快靚正。呢度嘅放題啲料好足夠，有各種類型嘅熟食，甜品，仲有壽司刺身等等，甜品都仲有即時撳出嚟嘅雪糕，仲要係乳酪味，真係好好食，嗰度啲員工仲會問你洗唔洗幫手撳雪糕出嚟，好好人，甜品仲可以自己整棉花糖，童年回憶出晒嚟。重點不在於甜品，啲打邊爐嘅料都好充足，有平時好少見嘅冰菜，好爽口，肉就更加唔使講啦可以無限添！

已經嚟呢間野食過好幾次, 覺得啲野食都算唔差,百幾蚊食個放題我覺得幾抵啦，尤其星期六(次次都係星期六放工過嚟)中午成個旺角都迫滿人,呢度唔使等好耐,雖然有限食幾耐,不過次次都坐over90分鐘,啲職員又唔趕由你自動走,最鍾意呢樣今次又係同啲同事放工過嚟吹水放題,3個人坐張卡位都幾舒服我哋例牌叫咗最平嗰個,$1xx一如以往,都係好多蔬菜可以揀，油墨菜,冬瓜,蘿白,生菜.....又怕肥又想食,唯有食菜打底先東菇，生菜, 金菇, 蘿白....應有盡有雖然係中午去食,都無欺場,啲菜都叫新鮮嘅丸類熟食飲品當然唔少得,仲有自助乳酪機(有士多啤梨同原味) 見到仲有格仔機,不過就無玩主角牛!都唔差,每次re-order都好快上台, 平,但都有牛味,絕對唔係淨得肥膏嘅下價野最尾坐咗3個鐘先走, 勁舒服

因為第一次尖沙咀店嘅高質，所以今次一行三人再encore旺角店!今次同上次一樣，叫嘅都係澳洲和牛set,但唔同嘅係上次無要海鮮（會9折），今次就要埋海鮮。入到去，發現任拎嘅食物款式仲多過尖沙咀！牛一樣碟碟都係咁高質，唔會愈叫愈差！總共叫左4碟....而碟一開始就存在嘅豬同雞...佢到最後都淨番細半碟晌枱....至於海鮮，蝦係大大隻嘅，唔會話霉口，仲可指明叫幾多隻。魷魚我食左一舊就無再食。不過下次都係叫番我最愛嘅sukiyaki湯底（加$10）算喇....今次叫嘅係三文魚味噌湯底，無咩特別....但整體黎講，食物係好味嘅，款式夠！

之前約咗一班舊同事出嚟聚會，都想講下依間既用餐體驗。因為大家都好鍾意食自助餐，所以每次都會揀間又平又抵嘅試下。之前食咗好多日式放題，今次一於試吓火鍋自助餐。一坐低就要我地揀邊一款放題同湯底，我哋揀咗牛肩肉。老實講，我覺得佢啲食物質素係OK嘅，出面自助嘅款式亦都多，頭盤、蔬菜、熟食、甜品、飲品也有不同選擇，調味料亦可以自己配搭。牛肩肉要自己點，跟住侍應會拎過嚟。啲牛肉都算可以，有雪花。不過佢哋嘅服務態度唔太好，一到90分鐘，仲有少少野未食晒，我朋友唔想浪費，仲舉緊隻筷子想夾埋佢，侍應就立即連個鍋一齊拎走。雖然知道佢寫明係90分鐘，但令人覺得不受尊重。90分鐘放題真的很趕，一定要很專心吃先可以。如果同朋友聚會，打算一邊食一邊有傾有講，90分鐘放題未必足夠。

It is a buffet restaurant but you have to choose a food package first. The basic one includes beef, chicken and pork only. Others are with seafood or sushi etc. Of course they are more expensive. I choose the basic one, i.e. the beef, chicken and pork. I opine it is very adequate since you can order unlimitedly as long as you can eat. Besides this, there are unlimited accessories food provided such as vegetable, tofu, fish balls etc. To conclude, the basic package already includes a variety of f

同朋友食平餐係唔係一定要準時交台想食埋都唔得（唔想浪費食物），你個短髮細眼經理，我地想食埋少少都唔得？乜野服務啊？唔會再來。全香港唔係得你一間囉，做到禁我寧願去牛陣，日牛，牛一， 牛涮鍋，都唔會再去你呢間，同尖沙咀牛氣完全唔同，服務差到無人有。

收工已經11點幾,想打個邊爐其實都唔容易,不過呢間日式火鍋開到好夜,宵夜時段仲有得平,所以我同同事成日都去.日式火鍋gei特色就係o羊都有得食,除左幾本肉類,對我而言最吸引gei反而係隔離D熟食同甜品我本身好鐘意o羊都食D,所以見到咁多前菜同壽司,我已經忍唔住食左好多仲有D細細件gei甜品(選擇未免太多啦掛?)食左一輪熟食我先開食正式睇下有o羊淥~~有好多材料比你混醬~呢度都幾多蔬菜類選擇,真係好適合我呢D草食性生物!!年糕同午餐肉放湯都好食淨係放呢D去熬湯,個湯已經好清甜,呢個時候就可以淥下D肥牛~其實佢個menu有好多款可以淥,但我地對食無要求,係咁叫最基本gei牛肉,不過佢每盒gei份量都好多,所以大家可以唔使一口氣叫10盒其實我都係喜歡吃豆腐呀 丸阿o個D,所以淥到中期,佢地個個都索曬味,超正超鮮!!!好快我就已近食到好飽,但我都要推介大家玩下呢個雪糕乳酪機,裡面D乳酪真係好好好好味,加上你可以自己配topping自己o即.成件事好玩好多~除左雪糕,仲有窩夫同棉花糖機,有時間可以o係消化緊gei時候行去玩~~