牛気 (新達廣場)

營業中

休息中

中午和同事由火炭去到大埔食飯，去了位於新達廣場內的牛氣，今天我們四個人叫了245的極上美國牛小排放題，湯底叫了甜醬油，第一輪的牛肉來了三碟牛小排和兩碟牛肩肉，一碟豚肉和一份雞肉，牛小排的脂肪比例很好肉質也很香很牛肉味，牛小排肉味不錯，叫了幾次加牛肉的速度也很分快，除了肉類外，出邊提供的火鍋配料也後多，整體也不錯，但甜醬油的鍋底比較甜。下次叫昆布試一下

門口接待好有禮貌咁解釋完個menu。揀好餐同湯就安排入座。下午茶時間冇乜人。包場咁濟。🤣揀左60mins牛肩肉set。一碟肉有8大片。其他配菜飲品甜品就自己出去拎。揀左三文魚味噌湯底。略嫌過於清淡。牛肉望落完整。肉色鮮紅。不過明顯唔係即刨。食落有啲硬同都幾重雪味。配料選擇唔算多。都係基本菜同丸。蔬菜新鮮乾淨。丸味道正常冇雪味。有少量熟食。試左粒燒賣正正常常。飲品基本汽水同茶都有。但選擇都係唔算多。甜品有部雪糕機。但雪糕冰感重。

星期日訓醒諗唔到食咩, 男朋友就提議話不如去打邊爐😎我就緊係話好啦🤤🤤 諗起牛氣開左一段時間都無幫襯過就決定去試下, 去到嘅時候唔係好多人, 可能係因為lunch好少人打邊爐🤭🤭, 一入到去就已經有位, 我地就一人叫左一個$108蚊美國牛肩肉+美國豚肉嘅午餐60分鐘放題, 放題包括出面嘅一般火鍋料例如菇類🍄, 菜類🥬🍅🌽, 丸類, 除此之外, 仲有其他嘅熟食, 甜品🍦, 沙律🥗, 冷盤, 壽司🍣, 湯🥣, 飯🍚, 汽水等等……🤤🤤以任食一個鐘嚟講, 我覺得幾抵食, 又有肉類, 一般火鍋料, 熟食, 甜品, 可以食到幾飽下, 而且味道亦算唔錯, cp值幾高嘅午餐👍🏻👍🏻😊😊

2019年5月2日 本來當晚女朋友放工後會去做FACIAL， 但後來取消了， 於是就同女朋友在大埔食晚飯， 女朋友話想食得比較豐富， 所以就去搵任食火鍋， 最後選了在新達廣場內的牛氣日式火鍋。 由於新達有裝修工程， 牛氣店舖既入口變得比較難找， 不過入到去服務員的招呼很友善， 樂意解答我們的問題。我們叫了一個美國牛小排+豚肉+雞肉既餐， 湯底試左個三文魚味噌湯底， 服務員說簽到加讚好就送一碟三文魚刺身， 有食力既我們當然唔會放過啦。 美國牛小排+豚肉+雞肉套餐 (三文魚味噌湯底) 先說湯底， 比較失色係味道清淡， 我又真係試唔出三文魚同味噌味， 當清湯底就無問題。送既三文魚刺身切得夠厚夠份量， 大大啖三文魚，正啊。美國牛小排+豚肉+雞肉 牛小排呢個部位有足夠脂肪， 油脂分佈得好， 食落牛肉味好突出， 食多幾碟已經回到本， 必食之選。 豚肉相對就遜色少少， 肉質纖維較粗但肉味都唔錯。 雞肉好滑， 用黎打邊爐都好好食，GOOD。 食材自助BAR 食材款式質素高而且花款多， 除了一般常見的食材， 這裡也會有一些不常見的食材甚至熟食甜品， 例如：海膽芝士丸，春卷，咖哩飯，多款糕點，棉

去完大埔的慈山寺，遇上大雨，一架的士回到大埔墟站。在附近的新達廣場醫醫肚，廣場正處於裝修期，可選擇的食店少之又少。 除了茶樓和快餐店，淨下牛氣火煱。進店前問接待職員有那種任食選擇，她示意這些90分鐘的任食選擇。午市每位照價減$40。我們一行四人，全部選了最低價的，已經有豬牛雞了。志在有地方坐下，想食一個簡單午餐，而且除了肉類，還有蔬菜丸類任君選擇。四個人用同一火煱湯底，選了黑蒜豬骨湯。 這里豬牛雞是點菜的，其餘少量熟食，湯，前菜小食，蔬菜，丸類面食等火煱料，飲品，甜品，軟雪糕都是自取的。豬牛雞肉都是不錯不失的。 菜類丸類亦很多選擇。後記：接待職員有意隱瞞有60分鐘的午市套餐👎🏻👎🏻

平時好少去新達食野不過落左火車去完廁所經過見到無咩人排隊就入去試之後都係食銅鑼灣果間仲要反工放lunch 食次次都好趕今次終於可以慢慢嘆佢有沙律吧啦其他配料可以自己出去夾不同款式既套餐我地無食海鮮食左個268既不過不失平靚正味道又不錯Like fb可以送三文魚or ice cream

同朋友收工慶祝生日,行過大埔新達見到有間新開既牛氣好似幾好味。依間邊爐有唔同plan揀,最平既$150-200已經可以埋單。而且入面選擇很多,例如壽司,日式小食,甜品,火鍋。火鍋更有各種不同湯底選擇,食過昆布,地獄和番茄。其中番茄香味濃郁,齒頰留香。老少皆宜,當中更有乳酪雪糕提供,多吃兩杯已值回票價。而且依間生氣近住火車站,一落車已經可以食。價錢又公道,落單更係加未試過漏單,唔漏單真係幫佢加左好多分。因為一般食放題/邊爐叫親多數黎唔足,但佢做得到,認真抵讚。

蝦好大隻，唔錯，其他海鮮一般。肉類算係咁，過得去啦。不過可以食耐d更好，時間太短，同朋友傾多陣都唔得。任食來說，只能食到1轉，其他都無時再叫。 人唔算多，無人等位。

距離上次黎食牛氣都兩個月嘅事啦，今次2個人踩完單車經過新達就決定再黎試多次啦。還記得上次食既係牛小排海鮮餐，牛肉滑口海鮮肉質彈牙，而今次就決定試食牛肩肉。牛肩肉餐$178+10%，牛肉相對冇牛小排滑口，不過肩頸位肉質係正常，但係值得一提的是佢肉味比較重，對本人黎講岩岩好可以彌補佢冇咁滑口既差別， 湯底方面今次都係揀咗豬骨湯味道幾好保持上次一樣唔會太咸又唔似用味精溝出黎，今次食物品質都係有一定水平，沒有失望。最後再以雪糕完尾。

第一次係尼間食，之前朋友都有講過湯底絕對會令人失望，結果去左食之後如朋友所講一樣，所謂湯底係用出前一丁嘅味精粉，今本唔係保出黎嘅嘢做湯底，用味精粉整嘅湯底係好咸，咸到係咁飲嘢先無咁咸！未試過去食一啲火鍋係飲飽多過係食飽！如果平時係食超濃烈食物嘅人覺得無問題，因為本身味覺已被長時間濃烈食物嘅味道而減弱，所以係尼間野食就會覺得無問題好食，但食開清淡少少嘅黎講，尼間野嘅湯底太濃絕對食得出係出前一丁嘅豬骨湯嘅味精粉！食品種類的確係多，但係要食到好味嘅食物都要有正常嘅湯底！無正常嘅湯底嘅再好嘅食物都係無用！所以尼間野絕無下次！

大埔墟火車站的新達廣場大裝修了一段時間，現在仍然開業的食店就只有快餐店、酒樓和這間牛氣涮涮鍋。下午1時半，全店差不多滿座，約10分鐘才安排入座，3個人，安排了近食物的卡位。午市分2用餐時間，我們選了60分鐘的指定肉肉食100克加自助吧任食餐，點了1份豬肉 ($88)、1份牛肉 ($108)和1份豬牛肉 ($118)，並加了$10選了豬骨湯和蕃茄湯的鴛鴦湯底。湯底的味道較清淡 ; 肉類的質素不錯，有肉味，牛肉有雪花，豬肉也淋滑。配菜有粟米、南瓜、冬瓜、生菜、冬菇等近10款。另有腸仔各式丸類約5款。熟食有壽司、有味飯、咖哩、魚肉燒賣等。另外還有迷你沙律吧，甜品有啫喱糖、泡芙、蛋糕、豆腐花、自助軟雪糕和自製棉花糖等，飲品是罐裝，有幾款樂天飲品、汽水和無糖茶等。午餐而言，選擇算是多，不過指定肉食餐的肉只有100h，份量較少，而配料的質素只是普通，菜還有些黃葉未摘走，同時60分鐘吃得有點趕，還餘20分鐘時就主動過來埋單，並提醒用餐時間還有20分鐘，可能是沒有人輪候，之後也沒有再提示用餐時間。

好味！極上和牛正！追加羊肉仲正！長腳蟹都唔錯！又有小朋友綿花糖！但D𧐢就差少少！記得俾like 就有Movenpick 雪糕！Even 素食者都唔怕，有唔少蔬菜菇類可選，服務員態度也不錯，會返啅的喔！

係新達廣場，裝修緊既時候，根本冇咩選擇，又唔想食大x樂，又嘈又迫，又唔想麥xx, 又油又炸，就只有呢間。個幾隻湯低已經唔多吸引，要壽喜燒又要加錢，鴛鴦窩又加錢，我係7點半飯市時間都唔滿，真係要唸仲要唔要加錢啦。佢有火窩配料，仲有熟食，燒賣，咖哩飯， 湯， 炸春卷、泰式魚餅等等。 包飲品同甜品，一定食得飽。 有多款套餐，但有牛既就170起/位（未連加一），但牛肉質量一盤，靚既可能要2百8拾幾一位， 不過要成300一位，我唔會選擇呢度。 熟食可以，壽司就好耐先出一次， 甜品黑糯米唔錯，但塊芒果就寒酸咗少少。 雪糕就好難食，又甜又少奶味，好似加水加糖咁，仲有個甜筒林晒既。因住大埔大尾督，晚上時間只有火車站上小巴先有位，所以新達是最佳位置。又想食，又想方便，就呢度啦。

一個人路過大埔，經過3次查過其他食評後，決心試一下。個人認為味道認真不錯，牛肉質素十分高，帶子大隻，蝦又彈牙又大，物有所值，員工服務十分友善，經常自動幫手加湯及主動詢問加牛肉或海鮮，可惜時間不足只有90分鐘而且桌面不大，會再次光顧。

今日去大尾督行山，行完去大埔轉火車，實在太肚餓，等唔到返屋企先搵野食，就去左大埔火車站個新達廣場搵野食，這個商場只有幾間食店，都唔太吸引，見未食過牛氣就試下啦！去到只有三、四檯客，甘我地叫左「嚴選美國牛肩肉」90分鐘放題，唔使二百一個人，牛肉都唔錯，仲有雞腿肉同豚腩肉揀。我地叫左兩個湯底，一個蕃茄，另一個加錢叫左棉花糖湯底，棉花糖個湯底好特別，甜甜地，配牛肉又幾夾。除左主要肉類，佢仲有一個幾多選擇的自助位，飲品任飲，仲有幾款熟食，所以呢個價錢算抵食。這間餐廳食物方面不錯，但服務一般，有待改善！