牛極 (雅怡居)

營業中

休息中

上次食過牛極之後念念不忘， 咁啱今晚要到深水埗買些電腦零件， 知道附近都有一間分店， 專程行過去食晚餐。 這間店跟旺角的一樣都有自助售賣機， 買完餐之後就可以坐定定等食， 牛扒未到之前可以去自助區攞沙律、湯、醬料和白飯先。 上次食過又再返尋味， 再次點牛肩排180g $80和牛柳 200g $110，這個價錢已包括沙律、飯及湯， 仲可以無限任添啊！ 記得一定要試下這裏的醬料有蒜蓉、燒肉汁和辛辣燒汁， 配上牛扒一起吃滋味無窮。牛肩排～ 粉嫩的顏色 ，肉質嫩滑， 油脂分佈比例比牛柳多， 口感軟腍， 入口即溶。牛柳～ 牛柳的肉質相比牛肩排紮實， 肉汁豐富有咬口， 兩者的牛味都十分濃郁。近期想食牛扒就會到牛極， 價錢親民， 食物質素高， 座位舒適， 深水埗店的員工還非常親切友善 ， 啱曬喜歡吃牛的朋友。

經過長沙灣, 見到呢間日式石燒牛門口幾多人就望下個餐牌, 價錢都幾平, 於是就入左去試下入去嗰陣大概5點幾, 餐廳都坐左好多人, 首先要去自助點餐機落單, 然後就可以坐低等食除左石燒牛扒, 佢仲有個自助吧, 分別有飯, 湯同沙律其中佢個羅宋湯真係好出色! 個湯好濃, 因為入面有好多牛肉去煲, 仲有好多牛根添, 勁足料! 飲左3碗!仲有三款醬料可以點牛扒: 燒汁, 蒜, 辣汁叫左兩份石燒牛扒: 牛柳200g ($110), 牛肩排180g ($80), 上枱既時候都係一成熟, 自己可以因應個人喜好利用佢熱辣辣既熱石去煮唔同既熟度, 牛肉味好足夠, 唔需要再加鹽同黒椒都已經好夠味$200 蚊唔洗已經可以食到好飽, 又滿足

好多朋友都話呢間「牛極」平靚正❗️次次經過想食😂最終肉癮發作，去左試一次😎好多野都係自助形式😲買飛落單、裝飯🍚、拎沙律🥗同拎醬汁等😂鍾意食幾多就拎幾多‼️夠晒方便👍🏻最後我地就叫左兩個唔同部位黎開心Share😂我覺得佢最正係可以自己控制幾多成熟🥰又唔使驚over cook😎如果塊石板唔夠熱，隨時可搵店員幫忙更換👍🏻所以唔使擔心食到尾唔夠熟😊🔹牛肩排180g $80 ：牛肩排夠厚身每一口都食到油脂🤩油脂分布得唔錯👍🏻食既時候，d肉汁必晒出黎😍因為有油脂既關係我覺得呢個落少少鹽同黑胡椒已經夠晒味😎$80呢個價錢真係邊到搵‼️🔹牛柳 200g $110 ：牛柳位雖然脂肪較少但肉質同樣嫩滑🤩牛味一樣咁濃❗️為左鎖住肉汁，煎到大約7成啱啱好☺️同埋我覺得佢個醬汁同牛柳超夾👍🏻一啖飯一啖肉，好爽🤤味道：5/5環境：4/5服務：4/5抵食：5/5

收工梗係去同朋友聚一聚啦，長沙灣地鐵站一出好快到，位置方便，餐牌好簡單，唔使左諗右諗，夠晒方便。我揀咗180g牛柳，朋友揀咗200g牛肩扒。等緊嘢食嘅時候侍應同我講連沙律吧同白飯係任食，睇下沙律吧都好乾淨企理，沙律菜夠曬新鮮，仲有湯同醬汁任添，一定唔會驚唔夠飽啦！牛柳同牛肩扒都係用好熱嘅鐵板上菜，上菜嘅時候用紙巾蓋住。牛柳超肥美，肉質好嫩滑，口感非常正，牛肉嘅香味好濃郁，撈少少鹽同黑椒超惹味！牛肩扒肉質比牛柳更實淨，口感彈牙，而且200g已經好大塊，抵食推介！

以前食牛扒就5成熟鐵板上，近年開左好多間火山石燒牛扒，幾多成熟、隨心所欲。今日就喺想食牛扒，去左牛極自己牛扒自己燒！高質抵食，先喺門口售票機購票，$80/180 g 牛肩扒、$110/200g牛柳。呢日太肚餓，5點零鐘就去左食飯。座位闊落，4人/6人都無問題。餐具、調味料全自助，有燒肉汁、辛辣燒汁、蒜蓉。枱面仲有鹽、黑椒、bbq香料等調味樽。沙律任食，牛扒未到可以食住等。牛腩羅宋湯超好飲，味道好出眾，牛腩非常淋，必飲！180 g 牛肩扒，要砂開一粒粒再細燒，燒到差不多無紅就食得，入口好有牛味，完全唔韌。將牛扒放喺燒到300度高溫嘅火山石慢慢燒，據聞火山石嘅遠紅外線會令肉質柔軟多汁。 200g牛柳先燒正反兩面，再砌開細細粒燒中間，可以見到牛柳好juicy，咬落無筋，非常好食！再食埋落左飯素嘅飯，呢餐大滿足^-^

遲左同媽咪慶祝母親節，一有時間當然要帶媽咪食佢最愛嘅牛牛。今次去哩間牛極我都係第一次去。哩到同一般据扒有分別, 牛扒唔係用鐵板上，而係用石板上嘅。石板比一般鐵板更加傳熱, 熱力保持時間更長， 食左半個鐘石板熱力依然，所以要小心唔好掂到塊板。食物款式唔多，下午茶時段我見有其他款式定食，不過眼見食客都係食牛為主。牛扒嘅價錢有平有貴，如果以180g至200g價錢比較，最平80蚊就有交易，而最貴既日本和牛（富油脂）都只係230蚊，價錢合宜。當然牛扒份量愈大，價錢會再高啲。哩到除咗上菜，其他都以自助形式運作。包括點餐，自取餐具以及沙律、湯同白飯。牛扒未到可以先飲湯，食住沙律前菜。 野菜沙律有提供芝麻醬同柚子沙拉汁，酸酸甜甜好開胃。日式牛肉湯味道好濃好唔錯。沙律都未食完，牛扒就到喇！店鋪好細心，牛扒上面蓋住吸油紙，慎防油脂濺出。另外店舖都有提供即棄圍裙，如果有需要都可以使用。今次揀左兩款平價牛扒，分別係牛肩排同牛柳排。係石板上既牛扒好生，粉色既肉質。如果唔鐘意食咁生，可以切開牛肉再放上石板上燒一燒， 烹煮適合自己嘅生熟度。兩款牛扒如果唔細心品嚐其實無太大分別，肉質都一樣咁淋同有牛香味。如果鐘意濃味

🐂深水埗抵食 $80 重牛味牛肩扒🐂個人黎講都幾鐘意食石燒牛，因為可以自己控制生熟程度，由其我比較鐘意食全熟的，去牛扒店講要全熟都有少少尷尬，呢到無這個煩惱而且可以瘋狂落調味料，飯量可以自己食到幾多拿幾多，夠曬個人化🐂呢到好似日本咁門口部機購票買飛，機械感覺靈敏度好高都幾快，買完店員會安排入坐，而出面有自助區可以自己任取湯飯沙律🐂飯是用上日本珍珠米，煙韌有飯香。湯好似西餐的牛尾湯味道，好濃牛味而且有煮到入味的蘿蔔好味所以飲了兩碗🐂$80 180g 牛肩扒牛肩扒牛肉味夠濃，而脂肪比例少，口感比較有咬口，平得來都唔錯🥢$200 200g 西冷牛扒正常西冷牛扒都會有條肥膏筋，但呢個已去掉肥筋，因為有肥的話煎出來較香口，呢個比較厚肉，所以都會較乾，喜歡啖啖肉的會ok 🦄整體環境舒適，但冷氣有d凍，整體來講都幾抵食 cp 值高的一間石燒牛牛極 地址: 深水埗菴由青山道195A號雅怡居地舖

呢一排石板燒牛真係大熱尤其是最近攞咗好耐都冇出去食嘢嚴選一啲有質素保證嘅舖頭食返餐知道唔係間間做得好呢間咁啱有朋友去過推介今次約咗幾個同樣愛好健身嘅朋友一齊食飯聚下健身完之後真係好想食高蛋白質又有營養嘅嘢牛肉真係又健康又好食Order咗兩款 牛肩扒同埋牛柳每個牛嘅部位同埋唔同重量收費唔一樣，睇吓你鍾意食邊款口味，自己選擇一入去門口就會有一部機好似日本咁，入現金就可以選擇嘢食店員就會再安排位置佢會出張飛仔 安心等待便是了等待上菜期間望到出面有好靚嘅日本珍珠米、牛肉湯、同埋沙律原來係自助式自己拎重點原來係無限添加！啱晒成班大隻仔🤣講返呢度嘅食物質素，其實真係唔錯牛肩扒180G $80重量級嘅牛肩扒， 180 Grand都只係$80 ，仲要冇收+1食落有好香濃嘅牛味油脂比較少 口感好好增肌減脂食佢就啱啱好牛柳200g $110呢個個人比較喜歡佢油脂比較多食落牛肉質地比較軟身其實佢出面有三款唔同嘅醬汁點牛肉但係個人最喜歡都係用天然嘅岩鹽已經帶出牛肉嘅鮮味最後仲食埋成碗飯因為啲牛肉太好氣啦哈哈！幾個朋友捧住個肚走出舖頭，呢一餐真係滿足

這次第四次嚐牛極同類型火山石自助煎牛扒，性價比最高深水埗分店比其他大的多，位置寬敞又舒服米飯、湯、沙津及水均以自助任取的形式左邊起，是燒肉的醬汁，包括秘製燒汁、蒜蓉及辣醬中間的是大飯桶右邊的是牛尾湯這是沙津吧，有芝麻醬及醋選擇每枱也有三支調味粉，個人認為本身的肉味已足夠牛柳(200G) - $110油脂含量較少，質地軟腍肉質細嫩富嚼勁，可媲美肉眼中間夾著一道筋，帶筋帶肉的口感牛肩排(180G) - $80這個部位經常運動，脂肪百分比為4.2%肉質較為結實，口感爽滑而有嚼勁牛味亦是最濃厚的部位牛尾湯很多一片片的牛肉，絕對真材實料番茄又濃又甜，有益又美味沙津配芝麻醬，冰冰涼涼，低卡健康又美味飯加了些鰹魚紫菜味素飯，提供了鮮味

今日黎到荔枝角食牛極，餐廳主打石燒牛扒，見佢幾得意所以就試吓喇🤣，牛肉級數有唔同嘅選擇，豐儉由人，大家可以按照自己嘅口味價錢選擇。今次就試咗牛肩180g扒同牛柳200g，店員會將大約一成熟嘅牛肉放喺石板上邊，跟住客人就可以按自己鍾意嘅生熟程度去食，而我自己就鍾意大約五成熟左右。枱面上邊仲有即磨胡椒、海鹽、BBQ鹽，客人可以除自己喜好調味😋餐廳有個自助區，客人可以出去仼添湯、飯、沙律嫁🤩，食到你飽飽為止啊！

一間好有日式風格嘅鐵板燒裝修都好靚仲好有格調播日文歌有一個小小嘅自助位有沙律有牛肉湯有飯任食個湯真係有牛肉㗎唔係hea湯好好飲 我飲左2碗呀!沙律都有兩個醬揀一個芝麻醬一個柚子醋老公叫咗牛柳200g肉質比較厚 牛味適中 啖啖肉岩唔鐘意重口味既朋友我叫咗牛肩肉 180g又平又好食😌好推介肉味好重 肉質好林好岩女仔食鐵板燒嘅好處就係可以將自己個牛扒鍾意整到幾熟都得鍾意燒到幾成熟都係自己話事餐廳仲好貼心咁有準備圍巾唔洗怕彈到成個身都係枱面上仲有3樣唔同嘅鹽最好食嗰隻係BBQ味大家一定要試吓

呢日去咗長沙灣親戚既屋企，到食lunch就到附近既石板燒。店內多卡位，坐得舒適。要先到門口買飛落order。menu 都有幾多牛既選擇呢！ 佢飯、沙律同牛肉湯都係自助任裝，分量按自己需要，值得一讚！ 枱上準備咗調味料俾大家，不過啲食物夠曬味，我就無落到啦～我地要咗牛肩180g，牛柳200g同Asahi。佢上枱時個石炸炸聲，佢好細心有張廚房紙cover住。牛肩佢都幾淋身，咬落唔韌，仲要幾有肉味，好食！而個牛柳肉質就食得出比牛肩嫩滑。 但牛味個人覺得牛肩比較濃！而個雜菜牛湯都好有驚喜，濃牛味，牛肉粒都唔少呢。店内既姐姐都幾nice 呢~

係荃灣牛極食過一次， 感覺良好，所以今日想食牛，又知深水埗有，又來食食。 點知就永久blacklist 1) 環境細， 枱與枱之間極埋，枱好細，基本上放左個石燒放唔到其他野，荃灣個間都細，但無呢間坐得咁唔舒服。2）店員不足， 店員不足到你要入座，枱面的東西都都未執未抺， 出面的飯同湯都無曬， 你個石燒上左， 但無叉比你用3） 佢啲牛肩肉同牛柳基本上品質都算係咁， 但係唔知係咪太多人， 忙不過來， 一上枱個塊扒外層已經燶左， 但入面都係未熟4）又唔知係咪同太多人食有關， 塊石燒板， 上枱已經唔係好熱，食到一半已經要換，但叫左3，4 次先有人幫我換總括來說，早知食返黃金冰室好過😒

繼續食牛狂熱🐄🐄🐄其實呢間嘢我已經係第二次嚟佢哋嘅鐵板真係熱辣辣而且講真嗰句，喺出面超級市場買塊牛扒返去煮， 都唔少錢！！牛極補多少少錢就有齊飯、湯、 沙律、仲有鐵板上，所以懶得煮都會想出嚟呢度食 一入門口個姐姐真係好友善、好nice，仲有推介，真係加唔少分，之後我哋就分別揀咗一個牛肩扒、同一個牛柳。牛肩扒同牛柳 都好淋、又重牛味，鐵板溫度夠，可以自己好好控制生熟程度 食到最後吾夠熱可以換塊新既 ！！出面仲有任食嘅沙律🥗，飯🍚，湯 🥣 一定夠哂飽啦😁😁

今天終於試了石燒牛套餐，我們點了牛肩排及牛柳，我與老公都覺得好好味，而且性價比相當高。入店先要量體溫及搓消毒搓手液。再到售賣機揀選食物，我們點了牛肩排180g及牛柳200g，等待時先到自助bar拿水、沙律、牛肉湯、白飯、醬油汁料、食具及圍巾。自助bar是放題式自取！基本上我們自己可按喜好將牛切件及燒至多少成熟度，每枱也有黑椒、粉紅海鹽等調味。而自取醬料有辣醬、蒜蓉及自家制燒肉汁，我自己最喜歡燒肉汁。椰菜絲沙律可配芝麻醬或柚子醬汁，牛肉湯足料，有肉、番茄及蘿蔔材料。座位空間足夠，店員服務良好！