牛極 (通菜街)

營業中

休息中

之前食過這裡的牛肩十分好味而且又抵食，所以今次專登再來吃過，$80已有扒，飯，沙律和湯任食十分飽肚，今日八點多來到已滿座，等了一陣才可入去吃扒。在門口付錢後就入座，坐下後放好東西就出去拿食物，今次的湯是麵豉湯味道剛好又不太咸，入面仲有不少配菜，沙律是芝麻沙律好開胃，菜又十分新鮮，最後吃了二碗。白飯軟熟口感不錯，仲可以加上味素在上面食。拿了食物一陣扒就來到，八十元十分抵但都大件，肉面有少少煮過，來到個板夠熱，我切好扒後再自己再煎就剛好，牛肩肉口感有咬口又有點淋身，肉味都濃加少少鹽已經十分好味。我一個女仔來吃180G一定夠飽。

✨今日帶小朋友去旺角波鞋街，買波鞋準備返學著！點知呢個小朋友行行下街，喺度嗌要食燒肉😆，我就上網搵到呢間位於通菜街嘅燒肉店！一入門口就見到有部自助機，店員好快就走過來，好細心咁介紹，我地揀咗肉味比較濃嘅❤️澳洲肉眼扒❤️，肉眼扒好大塊冇咩根，容易食，而且可以按自己喜好喺石板上面煎，自己決定幾多成生熟！爸爸鍾意六成熟，我鍾意八成熟，小朋友要食全熟😄呢度可以滿足晒全部願望✌🏻沙律、餐湯、飯都係任食，而且飯仲有紫菜碎可以任加，啱晒要食飯飯嘅小朋友！如果冇食肉，加$30就可以任食沙律、湯和飯！呢款牛＄110，就有200g，真係好抵食！性價比好高！✨

日日湊住小朋友，同老公已經好耐冇去食燒肉了，驚細路會熱親，總係唔可以安安心心咁食，趁住今日公公婆婆得閒湊走佢，我同老公可以出去拍下拖，行下街兼食燒肉🥩😆.馬上開餐！坐低左一陣，服務員已經教我哋點樣去自助機度買飛，沙律、飯、日式牛肋湯都係任食，買完飛食住沙律，大約5分鐘已經黎主菜！我地每人點個牛肩排，只係$160，牛扒豐腴嫩滑，下面嘅石板充滿熱度，本身我鍾意食八成熟以上，都後尾唔夠熱，店員仲可以幫我更換石板添，自己想煎幾熟都得，好方便！👍飯係用上日本珍珠米，粒粒飽滿，我鍾意肉配上少少蒜蓉+醬油，同飯一齊食，口感十足✨呢度有熱石板，實在不適宜太細嘅小朋友嚟，爸爸媽媽唯有獨食lu😆

同朋友做完gym，諗住食得飽d，就去左依一間到食，個陣都已經差唔多10點，但個場仲係full緊。咁入到去啦，佢入面既沙律，味僧湯，飯，醬汁都係自己決定，我覺得依樣非常好，可以比自己決定自己所食既份量，唔怕食唔哂又或者想食咩多d，而沙律我就會落胡麻沙拉汁，好好食。西冷300g - $190廚師一開始會以一成熟既熟度拎出黎，比你自己決定你想幾熟就用鐵板烤熱佢，如果你燒到一半途中鐵板已經唔熱，你可以同職員講，佢可以幫你更換，咁我講返肉先，面個位我就放得耐左，整到面既肉熟得制，不過好彩中間肉既位仲保持到生生地，咬落去肉汁仲好夠，再配埋佢既醬汁，燒汁，燒肉汁同蒜蓉，同西冷同好夾，大家都可以隨便試下。

近日挑戰減醣，少食飯，睇食評知道呢間有椰菜絲沙律任食，岩晒我，仲可以一嘗成日想試既石燒牛一拉開門就見到侍應姐姐急步走過黎，以為係探熱，原來係叫我地先用點餐機點野食，我揀左200g牛柳，御廚就揀左200g肉眼再加啤酒一罐。俾完錢侍應姐姐即刻拎食物飛衝入去交俾廚房預備（後尾諗起佢唔記得幫我地探熱）我地自己搵位，望入舖面見到油煙滿佈，都係坐緊門口好啲，反正都近自助區。自助區有齊餐具，調味料，面豉湯，白飯，椰菜絲沙律，沙律汁有芝麻醬/柚子醋汁。岩岩拎完自助區既野，牛就送到喇！本身牛1成熟，建議食法係將牛扒切成小執，再按自己生熟喜好煎至合適。牛柳好軟，有肉味，唔加其他調味都ok,不過食到後段，牛有d過熟，決定全部夾起放係碗上，臨食再放上石整熱。總括黎講質素唔錯，係要自己留意牛的生熟程度，有時要反一反甚至夾開，面豉湯都好足料，忍唔住飲左2碗。如有機會值得再黎

牛肩冇得輸呀👍🏻首先牛肉鮮香有𡁻口，牛肉有牛味真係唔係間間做到👍🏻好鍾意佢個熱石燒過石好夠熱👍🏻👍🏻因為試過有幾次舊石唔夠熱😩切晒一嚿嚿牛之後啲肉喺舊石上面完全冇反應,要佢換過舊石先可以繼續😂唔係就食生牛肉😨呢個就完全冇呢個問題啦👍🏻👍🏻👍🏻👍🏻我可以慢慢逐舊牛切好一個方形在每邊燒香入邊仲係好Juicy👌🏻出邊都有飯，湯，沙律，水。。。係自助嘅幾大食嘅都夠飽我自己就喜歡一啖飯一啖肉，咁樣係最好食😋！你

聽朋友介紹旺角有間性價比超高的石板燒牛扒，沙律、白飯及湯都是自助方式無限任盛的，一餐最便宜只要$80。到店後先在門口購票，然後店員會安排入座，感覺到了日本似的。.🥩亂切牛扒200克由於第一次食，不知道哪個比較好就點了亂切，每款肉都包含在內，而且便宜份量足，性價比超高。但由於亂切每款肉都已經一早切細塊，吃到中途已經變成全熟，也少了石板燒自己邊食邊燒的樂趣。另外吃完後感覺西冷的肉比較多筋，反而是最便宜的牛肩排最軟最好吃，比較推薦👍。.❗️注意店內油煙味比較厲害，介意味道的要慎重考慮，或者是帶備一枝熊寶貝，吃後噴一噴身上衣物及頭髮去味。

🍽牛極（旺角）通菜街78號地舖之前留喺屋企太耐啦，多咗自己煮飯食。好耐冇出街食過一啲有自助放題嘅餐廳，心癢癢。今日出到旺角咁多選擇，見到呢間好多後生仔入去食，我同男朋友就望下啦，原來係最近好受歡迎嘅石燒牛肉！仲要寫住放題都係$80起。原來佢係以唔同嘅牛肉種類而定價錢，我哋就叫咗最優惠嘅牛肩排同埋澳洲牛仔肉眼。每一個牛肉都包埋自助吧沙律，湯同飯，好抵呀！趁啲牛肉未嚟嘅時候，我哋就出去自助吧度攞嘢食。拎咗飯，牛肉湯，同埋一人一碟沙律。食肉嘅時候有菜食下會冇咁油膩嘅感覺，輕盈啲。上碟啦！熱辣辣嘅石頭上邊裝住左一舊厚厚嘅牛肉，上面仲有啲蒜頭片，好香口。我哋立即將佢啲牛肉切片，兩邊翻一翻，等牛肉慢慢受熱，慢慢變熟啲。我哋唔鍾意用太多嘅調味料，我哋直接食牛肉都已經夠晒味，係原汁原味嘅感覺，非常香濃嘅牛肉香。肉嘅份量都好大呀，唔怪得知咁多後生仔入嚟食啦，用好平嘅價錢又可以享用放題嘅感覺！啱晒鍾意自助食到飽飽嘅朋友仔😋

近2年新興嘅石燒牛扒，可以話越嚟越多餐廳選擇🤩雖然間野係以自助為主，但員工都好好態度😊會主動上前幫助你落單同介紹啲牛扒有咩唔同😌當中最平只需俾$80可以食到高質牛扒，同時又享有自助沙律、湯同飯👍🏻好多時呢個價錢總抵食過出去据扒😋呢間餐廳都會提供4-5種牛扒加唔同重量嘅牛扒，可以話適合唔同食量嘅人☺️🥩亂切牛扒300g $130角落評分：🌕🌕🌕🌑🌑亂切意思係切唔同款式嘅牛扒，諗唔到試邊款牛都可以試吓呢款😁啲牛扒係好食嘅，有西冷同牛柳😋可惜佢係預先切開咗，所以有啲牛扒做唔到由一成熟俾你慢慢控制到幾成熟😢如果塊牛扒切得較薄就會好易燶😭🥗自助區 沙律就冇乜特別，不過提供咗胡麻沙律醬同柚子沙律醬☺️湯係麵豉湯，唔錯唔錯👍🏻另外，亦提供咗啲燒肉汁同蒜蓉泥，用嚟點牛扒都好好食😋

今日去左旺角既牛極度食扒，入到去環境都乾淨，門口有一部購票機，有好多唔同種類既扒可以選擇。簡完餐坐低一陣 侍應送餐既速度都好快 至於飯 湯 醬汁 沙律 都可以係自助區無限添加 餐桌上面亦有黑椒 辣椒同岩鹽可以加落牛扒度 方便到唔同口味同習慣既顧客👍👍我地叫左個牛柳同牛肩扒，上台會附埋熱石板 上個陣都係一成熟 所以客人可以按番自己口味去煮塊扒 唔洗驚太生/熟兩塊扒都好juicy 肉汁好豐富 相當滿意我地攞左個羅宋湯 入面用左牛肉去煲 都幾好飲 我都添左兩三碗😂😂😂成個用餐過程都好free 體驗唔錯 都幾適合朋友黎聚餐

又到lunch hour想食牛肉既時候 🤨🤯總會諗起價錢幾貼地既牛極 😌今日行到旺角通菜街附近又係機會嚟食石燒牛做午餐🌟叫咗份牛肩扒 😃牛肩排一樣食落好有肉味 😋落啲鹽 燒肉汁 味道幾出 😝另一塊要返塊牛柳 😚食落肉質都幾彈牙 都唔錯呀😝嘆埋個麵豉湯 飲落都有啲昆布 唔hea 椰菜絲夠幼得嚟食落唔會無曬口感 撈埋柚子沙律醋同胡麻沙律醬 食落簡簡單單甜酸開胃😌加埋燒牛一齊食 好夠飽既午餐 除咗可以起度食牛午之外仲有雞 饅魚個d 下次再嚟過😌

朋友唔帶我黎食真係唔知而加香港食牛都可以自助點餐😆😆旺角女人街入面搵食又多一個選擇～-無得去旅行唯有幻想自己身處日本😂😂-呢個自助形式都幾方便，餐牌一目了然-而且米飯，湯同沙律都係飲食大胃王又或者介澱粉質既朋友都好適合～自助拎自己想食既野-湯都好足料，個味唔錯，又香，忍唔住飲左兩碗😂😂-主角出來了，如果怕油彈到衫既話，餐廳係有提供圍裙既～-牛柳 200g $110200克對我黎講已經好大份🙈餐廳係會以一成熟既牛上餐，等食客根據自己個人口味將佢整到岩自己心水既熟成要留意翻，個熱石盤真係好熱！唔好唔覺意辣親-相比起，我更加鍾意呢塊牛肩排 $80 180g牛味好香，肉質更嫩，估唔到呢個價錢竟然有超質素既牛食😍一定會再黎！因為牛肩排價比實在太高！

我同老公兩個都好鍾意鋸扒，今日趁個囡唔喺度，就嚟呢間熱石牛扒試吓。六點幾嚟到已經差唔多坐滿，要喺門口㩒機落order先，跟住先安排你入去坐，店員都細心幫你手。環境就比較狹窄，我哋行去墜入個張兩人枱要兜一大個圈先入到，其實周圍都係熱石同油煙，我覺得幾危險，所以要等小朋友唔喺度先至可以嚟。可以自己去攞沙律，飯，湯同埋水。沙律其實就只係得普通椰菜，自己在家柚子汁或者芝麻汁。湯裏面都有好多材料，蘿蔔同啲肉都食得飽㗎。牛扒嘅醬料可以自己攞，枱面仲有鹽啊胡椒啊你自己調味。食吓沙律飲下湯就有扒食啦。聞到隔離枱傳過嚟嘅香味真係好想快啲食下，但一切落去，啲油真係彈得好勁，我仲着住條短褲，係咁彈落我大脾度，即刻攞條圍裙遮住先。我叫咗一份300 g肉眼扒，林係幾林嘅，但就冇咩牛香味，仲有一大條筋喺塊牛度，切啲刀又唔夠利好難切，搞到啲血水流哂出嚟，仲留咗喺塊熱石上面，令到塊扒煎得唔香。老公叫咗一份赤身和牛，牛味係好明顯你重過我嗰份肉眼好多好多，同埋佢幫你切埋片，直接上去煎就香好多。我地兩個都對牛嘅質素有要求，呢間就唔多合格，咁當然呢個價錢如果想來玩下煎下牛扒，當然係接受到啦，但你係想你想食靚扒嘅，就會好失望呀

叫左2個分別係牛肩排(180g) $80同牛柳(200g) $1102款都肉質好淋，好juicy，大食d既可以有唔同gram揀醬汁有辛味燒汁，自家製燒肉汁，蒜蓉辛味燒汁，好濃，唔算太辣自家製燒肉汁加蒜蓉，大推，甜甜地，好香口，同d牛肉好match 日式牛肉湯係番茄🍅味架，入面仲有牛肉，洋蔥🧅，蘿蔔，紅蘿蔔🥕沙律🥗有椰菜絲同埋車厘茄，有得揀柚子汁同胡麻醬沙律🥗，飯同湯都係自助架，有個貼心位係佢地會提供圍巾，咁就唔洗驚會彈左d汁落件衫到總括黎講好抵食，食物亦都好高質，對比平時鋸扒又另一番享受

石燒牛係我等二次再戰， 真係食過返尋味😋😋疫情底下冇啖好食，石燒牛係我想再回味的。叫了一客牛柳同澳洲牛肉眼，不用5mins就已可以上枱了， 用熱辣辣的石燒盛載著， 香氣四溢。石燒牛的好處，就係你想要幾成熟就幾成熟， 自己話事， 加了點鹽同胡椒，別具風味， 更加能帶出牛的鮮味。就算燒久了， 肉的質感仍然彈牙， 抵讚嘗試配白飯， 原來白飯配搭這個牛肉， 別有一番風味， 更有日式的感覺， 而且用珍珠米煮的飯真係冇得輸。另外好欣賞這個牛肉湯， 非常足料非常濃味， 入面還有好多牛肉， 令到成個湯都好豐富足料，前後飲料兩大碗真係好抵食， 白飯任裝，湯又任飲， 沙律亦都任食。