牛摩+ (沙田中心) (已結業)

是晚跟媽媽去看譚校長入行40年演唱會,事前跟媽媽去了沙田多個廣場逛街。下午三時許, 我們都見肚餓,而又恰巧途經之前在將軍澳見到但沒有試的''牛摩'',大好機會下, 一於拉著媽媽去試 ^^意想不到的是, 食客竟然寥寥可數......其實它與其他日式火鍋店沒太大分別,都是以一個價錢在90分鐘內任吃牛肉﹑豚肉及雞肉~只是它是一人一鍋, 好處是不用遷就他人,可以選擇自己喜愛的湯底; 而且感覺更見衛生 ^^媽媽選擇了豬骨湯底; 青蛙則選了甜甜的壽喜燒配雞蛋。肉類則以豚肉比牛肉外表較為新鮮,口感亦是豚肉比教爽口, 而且肉味較濃!!雞肉賣相亦不俗,入口亦嫩滑好吃~之後再巡視一週自助食物處,發現丸類比較多選擇, 有:墨魚丸、蟹子丸、芋頭丸、芝心包、香菇貢丸等等....不過要數最特別的, 要算是動物魚丸了,熊仔及企鵝仔造型, 趣緻又色彩繽紛!!有助吸引小朋友進食呢 ^^至於蔬菜方面選擇比較少, 款式亦未見特別~只有基本的紹菜、西洋菜、金菇、蘿蔔、南瓜、粟米....等。幸好全部都新鮮、清甜;而媽媽則情有獨鍾芋頭件, 薄切快熟又夠綿。飲品也是自助形式, 可自行到凍櫃取罐裝飲料;又或從咖啡機/汽水機自取~差不

果日我同班朋友九點幾去拎位所以就算叫12位都好快有位都唔洗點等呢到既環境非常好好乾淨裝修亦都好新淨食物器皿都好乾淨衛生食物好多元化除左打邊爐基本嘅牛，豬，丸，菜之外仲有咖喱飯，SUSHI，乳酪雪糕等等幾新穎特別價錢方面我地係9:00-9:45PM呢個SESSION入坐60分鐘任食＄98再加一幾抵食因為個個都食到好飽好滿足咁走等我介紹下D野食先牛係牛摩嘅招牌但係我覺得有D普通因為同豬相比下豬好食好多 豬骨湯好夠濃又夠甜極力推介呢款野飲 GOOD用餐時間9:45-10:45PM 因為得一個鐘要爭分奪秒 所以野食擺到成張檯都係服務方面我地當時嗌野食既情況都幾混亂不停加單又盛但服務員都將D單跟得好足冇乜點漏單最後仲醒我地一人一杯乳酪雪糕食 

終於試到沙田中心既牛魔😊😊等大概十分鐘就有位喇 可能係平日關係 所以唔會等太耐 坐低之後就有位四眼哥哥同我d介紹收費 之後就叫咗個168既牛肩胛試下 一人一鍋 仲可以自己揀反自己喜愛既湯底感覺這個非常好 然後就出去夾火鍋配料喇 菜都有十幾款 丸都有十款 又有埋壽司🍣飲品又有汽水機 又有罐裝 甜品係乳酪 外面好似幾十蚊一杯架 好正一邊食壽司一邊等湯滾 😜主角上場了牛肩胛 😍😍 食落去又幾有牛肉味 又唔肥 再試埋個豚肉 感覺都係牛肉好食好多 又係一個夜晚抱住個肚走😂又有生日優惠 四人同行 免費一個 值得推介👍👍下次一定會再黎

經常都會去沙田中心，然後每當經過牛摩都會心思思好想食。我看見單張晚市時段90分鐘$148+10%都ok,比牛陣同牛涮鍋平，又看到有壽司食，所以昨晚就和兩個朋友去吃了。Book了枱，七時去到，就立即入內。不過其實平日人不多，直接walk in 都得。幾鐘意一人一鍋，衛生得來又可以試唔同湯底。我們點了兩個豬骨濃湯和一個蕃茄濃湯。一來待應就給我們送上三碟精選美國肥牛和三碟豚肉。其實還有雞肉可選擇，但我們沒有點。牛摩的火鍋配料選擇很多，感覺上比牛陣多很多，只算魚丸、肉丸等都有差唔多十款，金針菇、菜、麪、醬料等當然不在話下。Frozen yogurt 挺清新，食濟時吃杯可以開胃，繼續戰鬥。最開心就真係因為有壽司，重有好多款，但沒拿。拿第二輪時只拿三文魚，哈哈哈…每次追加肥牛時，都是三碟三碟地叫，因為我們只有三個人，叫多碟會讓別人擔心我們吃不完。服務overall都ok ge。最後送了兩張coupon鼓勵我們下次再惠顧，但我很奇怪怎麼只送兩張而不是三張！

今個星期朋友生日，約埋一齊去打邊爐食，20:00去到4 位，等左15分鐘左右就有台，都唔算好耐!!職員見我有蛋糕主動問我需唔需要先雪起!! 夠細心~到座低落單，因為有1位免費，我地選左個$278澳洲和牛餐!! 湯幾好，一人一鍋衛生d，同可以唔同湯底!! 有個叫"壽喜燒湯"同"蕃茄湯"都幾好!! 地獄湯可以再辣d...唔夠辣。牛肉口感幾好有肉味同雪花幾靚，另外仲有豚肉同雞肉，也不錯，至於buffet大約有1x款菜同10款丸，有個叫"麻辣湯包丸"辣辣地都幾特別!! 飲品款式都足夠，有款叫檸檬綠茶都ok，仲有甜品低脂乳酪! 如果可以有多d乳酪配料會更好！今晚用餐係開心既!! 埋單送左鮑魚同聖子既優惠券！

見呢排天氣開始轉冷，所以好想食個暖笠笠既火鍋，見呢間係附近，所以去試下。一坐低就點左個138套餐，店員的態度都吾錯，要左一個壽喜燒，一個蕃茄湯底。湯底既質素平平，都係咸為主，沒有太多甜鼓油同蕃茄味，食完好口渴。到出去拎野食，真係一眼睇晒，菜類就夠既，有7到8款，但丸類真係少得可憐，只有兩三款。而且更新的速度不快，我第一round 拎左金菇一次，要到用餐最後嗰10分鐘先見到第二次，但正常來說這些火鍋熱門食物不是要經常添加的嗎 另外，我見到有個長枱專放壽司和冷麵，但質素當然麻麻，令我不解的是為什麼在火鍋配料都這麼不足的情況下都仲要用嗰個位黎放壽司，客人黎呢間店舖係想打邊爐，吾係食壽司，如果店舖將該位置都用黎放多幾款配料，我相信款式吸引性會更大。如果想做到多元化，都請先做好主要銷售嗰樣先再發展其他。到主菜牛肉的質素方面，一黎到盤牛肉我只見脂肪多過肉，同去一間普通酒樓食到既冇咩分別，但收得呢個價錢(雖然肉既質素都不會太高，呢點我絕對明白)，但講真，呢個價錢有更好牛肉質素既選擇大有人在，真係比快餐店四到五十蚊既一人邊爐提供的牛肉還要多脂肪，白色多過紅色，真係徹底失望，完全不值呢個價。 但豚肉

小姐擾擾攘攘想打邊爐有一段時間，原本打算到大圍的我們，最後去了文化博物館睇展覽，順道即日望望有什麼餐廳可以留台。差不多兩點鐘才打電話留位，在夜晚七點半後的訂座已經滿了，唯有時間較為緊迫，留了七點鐘的座位，幸好我們七點的時候還來得到。來到餐廳，我們被安排在自助區旁的四人座位，非常寬敞舒適，而且寧靜，不似得正門的座位人多而且嘈雜。先來點餐，一共有四款的牛肉可以選擇，但全部都是限時用餐90分鐘。選了嚴選牛肉餐(每位$168)，套餐有牛肉有豬肉，分別在於牛肉比起其他三款較為瘦一點，這裡選擇火鍋牛肉都是視乎每個人對牛肉的肥瘦喜好去決定。特別的是，牛摩的火鍋是一人一鍋，我們分別叫了蕃茄湯底和清湯底(海帶湯)，通常打邊爐打了一段時間，煮熟了不少的菜肉後，已變成一堆滾油，基本上都沒有湯底之分。一人一鍋感覺上蕃茄湯最後都會是蕃茄湯，不會變大雜燴，我幾喜歡這種心思。牛摩的自助吧有壽司提供，種類不算太多，大約十多種吧。亦有另外的冷熱食物，冷的是凍烏冬，烏冬入口都幾彈牙，但是要盡快食，攤放了一陣之後口感就變了。熱食的是和牛炒飯，隨個人喜好可以加少少日式咖哩汁，和牛肉幾豐富，肥瘦肉都有，飯粒亦炒得乾身，好食。最

啦間餐廳都開左一段時間，終於有機會試下呢間新日式火鍋店，環境算不錯，7點鐘都未要等位，仲有一人一鍋位或者2人一鍋既選擇。牛肉質素有好有唔好，好既就當然貴D啦，我地一行5人揀左168 果隻，可惜，我本人係唔食牛肉既，只可以食豬同菜呀丸呀果D。湯底有4個選擇，我自己就揀左地獄湯底，湯底除左有少少辣味之外其餘我咩都食唔到。值得欣賞既就係出面自助食物BAR，有甜品有壽司有菜有丸有菇，真係好少打邊爐既地方會有壽司食架。甜品有PUFF同埋乳酪雪糕，仲有埋配料，好好味好吸引。食完甜品之後仲可以自己整返杯熱檸茶。最後埋單4個人要700幾蚊，唔算太抵食，下次黎都係叫個別138好過啦。

同女友3年幾想住慶祝下 點知月中等係想平平地經濟食番齊餐 再去玩 ，行過沙田中心睇到呢間火鍋店寫住午餐48任食。 等係要試下，入到去帶位個西裝四眼哥哥。就比左張大台我，就識做，好禮貌介紹左價錢，有48.68.78.98.4種價錢，48就無肉食，98就任食普通肥牛。我同我條女睇到自助吧。有好多菜丸，決定48算數，因為個四眼哥哥話可以單叫牛肉。叫左個豬骨湯，2分鐘左右就到台面，算佢無呃我鐘。個湯仲要熱住上，等幾分鐘就食得，汽水機就任飲。食食下條女又話想試下食和牛，自然問下價錢，都要成100$一碟， 豪一次要左碟。肉到睇到，100$好像好小肉 。算最多未呃一次，點知女友食完話好正，好滑 。總結48元個價錢真係平爆，員工服務態度良好，再次多謝四眼西裝哥哥，和一位四眼肥仔，我傻更更一開頭想拿食物點知道不知用咩碟。四圍望期間，個肥仔睇到我就彈行彈行就過來就問我是否想要大碟，呢d未識做。好奇有個汽水雪櫃，不過無汽水。如果48元可以有多小小時間就非常好，因只得60分鐘。

夜晚放工…同男朋友都好肚餓醒起之前經過沙田中心既“牛摩”…火鍋放題一定可以食餐飽一去到唔洗等位(因果時都21:15,,)未坐低+餐牌都未睇,就chur住問要咩邊款牛同咩湯底 簡單介紹::自選湯底(5款,可選鴛鴦湯底)昆布濃湯；豬骨濃湯；蕃茄濃湯；九州地獄湯；壽喜燒湯牛(分4個等級)+豚肉::牛摩(美國肥牛/豚肉)嚴選(美國牛肩胛/豚肉)極品(澳洲殼飼和牛/豚肉)霜降黑毛和牛(黑毛和牛/豚肉)我地就揀左“豬骨&蕃茄濃湯”+“嚴選”同湯底未到我就行出去自助區拎野食…唔知係咪夜既關係,基本上得10款野揀(5款係菜類)仲要每碟得返1/4既份量…另外有幾款壽司,泡芙,(仲有部唔知係雪糕定乳酪機)”野飲就有汽水機自己斟&有幾款“道地”罐裝飲品…係咁e執左d就返埋位啦～上湯底同第一輪係快既..首先,兩個湯底除左色水上係有明顯分別..味覺上真係淡到一樣… 之後21:35,已經同我地講last order..問我地要再加幾碟牛/豚肉…(有少少不滿點解帶位果個冇講過咁快截單)加左4碟牛就算…搞到好趕咁而22:00自助區都暫停開放…所以食唔到雪糕/乳酪*冇咩牛味*但牛肩胛相比起肥牛口感冇咁粗榎…

我終於試左而間新日式火鍋店，環境上不錯，有一人一鍋位選擇，有大桌選擇，不過大桌之可以最多坐六人，坐低之後出事啦！！我問佢地有咩牛最靚最好味啦，個位人兄只喺好簡單講左依隻牛咪肥Ｄ囉，依隻咪硬Ｄ囉，態度衰到呢唔識講，甘我選擇叫左地獄湯底同黑毛和牛一於試試，湯底冇味，好似清水加Ｄ辣椒油，甘自己出去搵Ｄ配料落下加Ｄ味啦，出面配料真係少到冇朋友，得十樣嘢選擇加幾種壽司食，全部普普通通冇咩特別啲嘢，主角黑毛牛黎啦，一試之下真喺好想走人，牛冇牛香味，又硬喎，加上個湯又冇味，都唔知食緊咩落肚，出面甘啲價錢起碼唔會衰到甘囉，正所謂好一餐唔好又一餐，食完食甜品啦，個乳酪雪糕溶的都冇食，好灰…

一向鐘意週圍食野，今日同女友行沙田，行到差唔多去到佢屋企，樓下新開左間牛摩，見到餐牌原來係任食牛肉火鍋，本身大熱天時都唔想食火鍋，不過女友話而家食火鍋邊有分架，咁就入去食啦，選$168個牛同壽喜燒湯底，女友食番茄湯，牛肉ok有唔太薄都幾多款式，同好多丸類，菜， 有壽司食，我左食幾件，味道普通，始終唔係壽司店ok,  ，麻辣包心丸好正 食埋杯yogurt,應會再嚟試吓。睇左幾年openrice, 第一次寫食評。