牛奶冰室 (智選假日酒店)

營業中

休息中

今天下大雨，在等待女兒做美容之際，百無聊賴的走進這間茶餐廳吃頓下午茶,細看之下選擇頗多，但之前在蟹膳吃午餐,半飽情況下只選了香煎鷄扒蔥油撈麵加凍檸茶.未點餐之前問小姐姐是那種麵,小姐姐答是伊麵,半信半疑情況下便點了.45港元茶餐有伊麵底,可信程度真不太高.但一試也無妨.等了一會,先上凍檸茶,有點失望因為一片檸檬也沒有,必定是沖製飲品.反而鷄扒撈麵有驚喜,份量適中,蔥油味香,還有我這個從來不吃公仔麵的人也對這碟撈麵沒有抗拒.説真的,我真的不知道是那款即食麵,只知味道真的不錯,加上鷄扒煎得香脆,蔥油醬油加在一起就非常可口.身體肥胖關係只能試一款下午茶,有機會再試其他.

牛奶冰室 𓌉◯𓇋之前因為酒店做防疫所以停開咗一排，終於開返可以去試了。❁ 瑞士汁雞翼撈麵 $59 濃濃的瑞士汁足夠包含全部公仔麵，而且雞翼也很入味又夠大隻。另外的牛奶雞蛋也很好味，有蛋汁未全熟。❁ 酸菜魚米線 $70湯底會有奶白色，不會太酸，重點它是會愈吃愈麻，感覺很好！魚質夠滑身，份量都多，內配料有少量芽菜、萵筍、金針菇。建議配白飯會較好味，因為會加上薯粉，如果叫米線說沒有配。✍︎ 很少茶餐廳會有酸菜魚選擇，所以感到十分驚喜，而且常餐選擇亦多，每次去都可以試不同的食物。

呢間牛奶冰室有時收工行過都會比佢個菠蘿包櫃吸引住，佢地個爆漿拉絲菠蘿包真係好出色，其實之前都試過幾次，有時太晏去都會賣晒。菠蘿包即叫即焗夠晒熱，同埋佢個包食一個都夠晒飽，加杯凍奶茶做個下午茶就一流，不過呢個包真係唔可以日日食。會好溜！！！不過其他野食就一般般，係普通冰室野。

麻婆豆腐食得多，但係喺一間冰室度食到一個超級冇水花嘅...又點可以唔分享一下... 麻同辣都恰到好處，豆腐滑到跣入喉嚨.. 好味達到秒殺level❣️🌟亮點仲有一塊超香脆🦐蝦片係近期不斷想返去食嘅頭號種子💭😋 💭😋另外人氣嘅有流心芝士菠蘿包，佢嘅菠蘿包外皮都幾鬆化不過略為甜咗少少，佢嘅流心芝士簡直係邪惡教主，芝士控同菠蘿包控真係要試吓差啲漏咗杯萃取🍋檸檬茶， 佢將鮮榨檸檬汁預先調教好份量加入紅茶入面，所以杯入邊係唔會見到有檸檬嘅， 味道較平時自己篤檸檬較酸，但係反而香味較濃，小甜味道剛好#檸檬茶#菠蘿包#流心芝士菠蘿包#麻婆豆腐#mapoatofu#tofu #豆腐#foodiehk #instafood #foodie#instaeat #eaternet #foodgasm #foodphotographer #instapic #為食滑嘟嘟 #腌尖的Van仔 #雲葉哈思#van_snoopy

呢排對於茶記早餐零抵抗力，路過見到呢間牛奶冰室d 單接極唔停，唔使諗，即刻試！香脆雞湯麵早餐早餐一碗麵同埋炒蛋多士連飲品。多士竟然係蒜蓉牛油多，好足蒜香，炒蛋滑得黎勁濃蛋味，早餐咁滿足得唔得架？最後香脆雞其實係煎雞扒切件上，係堅脆嘅皮。揀咗即食伊麵，其實都係公仔麵嘅朋友，湯底係胡椒湯底，有驚喜，不過椒到有d 太鹹同埋嗆口到辣辣地，美中不足。凍咖啡係大杯過出面d 餐廳，味道反而冇乜特別。Overall 係有驚喜嘅早餐，最啱早餐想食heavy d 嘅人順帶一提，落單係scan QR code, 都幾方便。

係公司附近同同事成日都嗌外賣同堂食，比錢果陣買包阿姐就好忙，我已經吾洗叮熱，但數量多就好麻煩，要夾隻包出碟再打開雪櫃塞片牛油再入個細袋（重覆），又快吾到然後就另轉身啤我，我就吾驚既，後面就排幾個收錢，門口又幾個外賣比錢。冇戴眼鏡馬尾果個阿姐情緒管理超差，order多左個餐，叫佢void單，佢話冇得，點會冇得，然後又同排隊既食客吵架，然後佢地就走左，譚仔姐姐都客客氣氣。高層應該正視下員工既培訓，如果吾係幾好食都吾想去。堂食先有咖哩吉列猪，好大塊，最中意常餐個生滾牛肉通粉，咖啡都大大杯，吾同既餐加吾同既錢。另外，佢地員工lunch好慘，坐係門口位，但後面就係姐姐同食客嗌交同等外賣。

由於因為喺附近返工，所以可以選擇嘅餐廳唔多，變相方便關係，會經常幫襯呢一間茶餐廳。但係由佢開業，打電話去查詢關於外賣或訂餐嘅問題，電話裏面嘅服務員態度係非常之惡劣同唔耐煩。相信都唔係得我一個客人有同感。早餐餐牌明明寫住去到11:30 ，但係原來11:25已經是lastorder。我認為如果11:25 last order嘅話，商家應該更改返餐牌，以免造成誤會😊🙏🏻另外除咗一直都覺得佢哋態度好差之餘，以下係我今聽日經OpenRice訂的早餐原本以為係鑊焦，放上紙巾吸乾發現是昆蟲！另外真係好討厭食通粉有條米線，根本就係上一手嘅面，可以清乾淨廚具先至再煮另一碗比第二位客人嗎？

Weekend 去左銅鑼灣假日酒店樓下嘅牛奶冰室食早餐，早餐時段都要排隊，同好多人買外賣，算係好受歡迎嘅早餐舖頭！今次試左兩個餐，沙嗲牛肉配即食伊麵配牛乳炒滑蛋、蒜香多士（$39）同香脆雞扒即食伊麵配牛乳炒滑蛋、蒜香多士（$40）。蒜香多士烘到好熱好香口，上枱好快可以食曬成塊，牛乳炒蛋炒到半熟夠滑，上面仲有少少香草，令到佢賣相同味道都有加分！麵食方面可以揀通粉、米粉、米線、即食伊麵，會配上即食伊麵湯底，入口嘅時候少少香辣，幾惹味！沙嗲牛肉嘅肉片比較薄唔會好韌，配埋有花生香既沙嗲汁，香脆雞扒就比較失望，皮唔算太脆，好在雞肉唔柴，最有驚喜嘅係竟然會有啲菜心做配菜！飲品方面都唔差，凍飲用高身杯上，奶茶茶底幾濃。下次嚟再試佢嘅爆漿拉絲菠蘿包（$20）！

12點15點了外賣，12點45才來，真的不懂為什麼需要這麼長時間才能做出兩份，裡面有一盒奶茶也是有漏出來。告知我15分鐘可以來取，結果等了半個鐘。酸辣粉絲聞起來味道很重，但是吃下去又沒有味道。

新鮮出爐爆醬拉絲菠蘿包！中意食芝士嘅朋友唔好錯過啦⋯⋯$20 大個你塊面，同同事share都超飽，芝士用咗兩種唔同嘅芝士，咸香夠熱，但菠蘿脆面可以再脆啲！包夠鬆軟！另外常餐試咗鮮牛通粉，鮮牛係靚鮮牛，湯係營養牛奶湯，但鮮牛味更突出，唔落胡椒粉都好夠味！有埋菜粒，抵讚👍🏻炒蛋食得出係普通蛋，唔夠蛋香但算滑，多士係garlic toast, 不過唔係好厚toast, 叫左菠蘿包就好似double左！凍檸茶都有驚喜！檸檬係一早blend左，唔洗自己篤檸檬🍋仲好fresh!$54+$3常餐另外都仲有其他飯類粉麵餐，下次再試！

呢間好似係新開嘅冰室，之前經過開冇留意到有，鍾意試新野嘅我決定入去試一試。見到佢哋食物種類都幾多，除咗有一般茶餐廳有嘅粉面飯之外，佢哋有一啲類似中國特色嘅酸辣湯底面，所以今次除咗電阻個茶餐廳必食嘅乾炒牛河之外，我另外點左一本豬扒酸辣湯麵試一試。整體湯底都幾濃郁，有救辣同夠酸，如果豬扒更容易咬開會更加好，而另外嘅乾炒牛河上碟嘅時候都幾熱辣辣，見到佢哋都係即叫即整幾新鮮，呢款整體味道可以，就係覺得油膩咗少少，不過一餐半餐都唔緊要啦！

呢間冰室價錢好抵，$96兩個人，食完菠蘿芝士拉絲包、飲埋阿華田，我已經食唔落份三文治，可見佢大份兼抵食，$18大洋菠蘿拉絲包。雖然佢送左份牛肉碎三文治黎，但好快又拎走，換返黑松露滑蛋多士俾我，感動😹仲有沙嗲牛公仔麵既麵係福麵。牛奶冰室比紅豆、紅茶、金記冰室更出色！只有嘉樂冰廳可以一較高下！

Not a lot to expect, an ordinary cha chan tang meal. no surprises. Be cautioned though about the real self of the cheese pineapple bun. It is miles away from how it is being advertised in its promotional photo, instead of using the real stuff, cheddar sauce is used instead - absolutely no stringiness, just a mass of runny tasteless stuff.

最近都鍾意喺度外賣早餐因為份量十足，而且外賣嚟講，味道已經好好！多士係蒜蓉牛油多士，炒蛋份量好多，而且唔乾身！ 其實淨係完成咗佢嘅炒蛋多士已經飽咗一半🤣再講嘅就係佢嘅火腿通粉，分湯上其實巳經加晒分，因為唔使急住食同埋浸到發晒！ 我喺通粉裏面仲有大量嘅蔬菜🥬。感覺上健康好多❤️再用app買完自取，個餐只係$30左右，你話咁抵點可以唔變食堂呢❤️👍🏻

老友話好好食OK啦行到過去12:50大概有10個人排隊見午餐時間仲有咁就即管排隊啦一路排隊一路留意吓個餐牌真係好多嘢食恍似百分百嗰種真係話咁快都唔使15分鐘已經有位光猛乾淨外面睇以為好世間原來都OK喎可以坐到好多人唔怪得知咁快有位見到好多人食咖喱吉列豬扒飯點知想叫嘅時候已經冇晒唯有叫瑞士汁雞翼炒麵仲有多士炒蛋凍飲/熱飲我哋兩個都係嗌同一個餐好味喎雞翼大大隻啲面都好爽口仲有蔥油喺上邊炒蛋好味濕潤多士熱辣辣我飲熱奶茶OK嘅值得推薦喎下次再去食其他嘢先