牛奶冰室 (智選假日酒店)

營業中

休息中

食過幾次，樣樣嘢基本唔會踩雷，但都無太驚艷嘅地方，不過菠蘿拉絲麵包麻麻地，無吹得咁好食。皮唔脆，應該係簡單翻熱下。外賣仲慢過堂食。要求唔高嘅都可以一試，分店都越開越多。

今晚同朋友在附近找嘢食，經過冰室，入去食嘢，響落單系統見到有叉燒蔥油飯， 賣相好似好吸引，所以叫了來試。點知嚟到嘅時候，同落單張相片勁大分別！我同朋友都覺得太離譜，問阿姐張相嘅蒽油係咁的吖，佢話「呢個咪就係蔥油叉燒飯囉！」我話張相嘅蔥油唔係咁樣，佢仲要話只係切得長咗啲，啲蒽係有用油炒！我放了一啖入口，完全係難食到吐了出來！完全唔掂！！最終阿姐同我取消張單。平時我對食物冇乜要求，從來未試過食嘢會難食到要吐出來，今次真係第一次，從未食過啲咁難食嘅蔥油飯！咁樣切啲蔥落去就叫蔥油飯，究竟係我未食過？定係個廚師未食過？🤮

喺附近返工，未返到公司已經打定電話去叫外賣自取。去到餐廳嘅時候其實已經過咗15分鐘，見到枱上有幾袋外賣，對一對啲number都唔係我嘅，咁好啦再等吓，一等又等多15分鐘，見到啲number後過我嘅都攞曬外賣，咁就等啲員工經過問吓，幫我睇睇我個外賣啦，問完我單number，就剩係話嚟緊喇好快㗎喇你等多陣啦，又再等多10分鐘，都依然攞出嚟嘅外賣係無我嘅，再問啦，同佢講我等咗半個鐘喇，佢剩係話今日好多單，就有㗎喇，然後先聽到佢去問，之後又等……最後拎到外賣喇，但企咗喺到等咗半個鐘，連埋打電話去叫嘅時間，足足45分

即使係茶記嘅食物，其實都可以好出色，同埋俾人一種療癒感。雖然食完呢間茶記，有朋友同我講話係藍店(大家自己決定食唔食啦)，但呢間啲嘢食真係靚到同好食到我要出post 🤤🥪茶餐：黑松露滑蛋三文治 $34烘底好香口，滑蛋好嫩滑，仲充滿黑松露味，真材實料！而且佢份量都唔少，我當晚餐食到飽✌🏻🥛黑糖牛乳紅豆冰 跟餐+$9椰汁紅豆冰飲得多，但黑糖牛奶紅豆冰真係未飲過，好有新鮮感。原來黑糖牛奶配上大大粒紅豆味道都幾襯，而且有埋黑糖掛杯，無論味道定視覺上都係享受☺️🧀爆漿拔絲菠蘿包 $22 第一次去呢間食嘅時候，聽到呢個菠蘿包已經賣晒。好彩第二次去嘅時候終於試到。個菠蘿皮本身已經好惹味，裏面仲要有超多拉絲芝士，芝士控一定要試😍

咁岩 3 個人去食 我同另外一個fd 到先排左一陣 坐底叫野食另外一個朋友未到 我地叫野食先右邊張枱冇人抹 都算個朋友10 分鐘後到 我地岩岩到野食個阿姐竟然即刻催人 問你個fd到未 我心諗我同個朋友都未開始食野 已經冇乜胃口之後我幫個朋友叫左野食 佢地因為 想讓3 人 入黎坐 將我個fd張台 再間一半 佢差d想痴埋拍成3 張枱 咁我個fd點坐入去…..————————————————————-野食方面 冇乜好講 正常多士 炒蛋 多士會好食d 蛋 大快活都贏到佢麵係用福麵 好唔好食睇你鐘唔鐘意食啦終知差到要講粗口 唔明點解咁多人排

第一次食牛奶冰室，鍾意食酸菜魚的我，第一時間見到有酸菜魚，就即刻點，原本冇乜特別期望，結果卻令我驚喜。估唔到酸菜魚咁好食，條魚新鮮之餘，酸菜同辣椒既配合度，亦恰到好處，個湯又好飲，撈飯仲正。😍😍😍。平時我都唔鍾意食魚，但呢條魚竟然令我覺得好食。😋😋😋香港整酸菜魚 冇乜邊幾間好食 但依間竟然令我留下深刻印象，實屬難得！👍👍🫶🫶，呢間值得再食，我見佢哋仲有好多小食，可惜今次得我自己一個人 食唔到咁多野！下次再去！

而家間間鋪頭都叫冰室，好多都未如理想，價錢貴咗，環境坐得好似舒服佐，但味道不如理想。知道在灣仔時代廣場附近又有一間叫冰室嘅餐廳，入去試下。今次見到餐牌有幾樣都想叫，例如蔥油煎巨人雞扒，咖哩牛坑腩，但我今次叫咗個蒜香叉燒焗箱双蛋飯，個人覺得食物質素對得住個價錢，味道唔錯，比起另一間主打叉燒嘅黯然銷魂飯的冰室，此店叉燒無咁咸及厚身，方便入口，配上一杯熱咖啡，好滿足，咖啡味道唔錯，冇苦味及比較重奶味，但略嫌熱飲份量比較小。另外可能處於灣仔地段，餐廳內的坐位比較相近。

times square 附近有間牛奶冰室...見裝修走小清新風...平時lunch hours 都見多人排隊等位...今朝見冇人等位去試試佢早餐先...🌟幸運地有張卡位...呢度都係用QR code 自己order(但其實懶懶的我唔係太like🤫🤫)🌟最近秋風起...勁想bbq 燒腸仔,但燒烤場又未開...所以揀咗雙併麵餐（腸腸通...有3條腸（滿足🤣🤣）湯底-牛奶湯（味道比較淡）腸仔-有煎香好食太陽蛋-(燶邊有流心👍🏻）餐包-蒜蓉多士（烘得不錯,夠香脆）餐飲-凍檸茶（聲稱係冷萃檸茶...原來係冇新鮮檸檬😩..冇左平時檸茶有新鮮檸檬片ge 獨有香氣）個人認為檸茶真係要用返新鮮檸檬先係茶餐廳檸茶ge 精萃🍋🍋🍋

因為有時係附近做野，間中都會嚟牛奶冰室食早餐或Lunch，野食OK，座位有D窄，但最趕客既係員工，嚟過好幾次，遇過唔同既店員態度都好差...無禮貌無反應...好在佢有自助落單，可以減少同佢地店員交談既機會及時間

叫左個外賣等左半個鐘起，返左公司再落樓攞都仲未有外賣。叫左個瑞士雞翅撈，請問係咪係農場搵緊隻雞，唔明點解後面啲號碼先過我。次次都係咁。趕時間返工真係唔好揀佢，人手唔夠就請人啦…等完返到公司打開諗住食啦，點知原來係錯既，仲嬲，話下次補返俾我？仲下次，老闆唔好咁cheap啦，唔夠人就請人啦…浪費我時間。吓吓俾啲客咁樣投訴都可以完全唔理會，等完錯，錯完又要等………… 離曬大譜野食係唔差既，不過呢方面麻煩改善吓

只 要 你 要 求 唔 高 ，呢 間 可 以 做 飯 堂 啦 🥳💰低價位美食｜茶餐廳🔻➖➖➖➖➖➖➖➖➖➖疫情穩定後，生活返學都回復正常，所以小編既地獄模式又turn on啦☠️繼續要係呢區搵食，見到盧九附近既一間新裝修左既麵店，就比佢吸引左入去啦😍原來呢到係主打食雲吞既，不過考慮到黎緊3個鐘既堂，都係食個飯飽肚啲同有力氣啲🤣隨心點左個「黑椒雞扒飯」，然後服務員就送上例湯啦，真係好有驚喜😯通常晚市都冇湯送仲要咁既價錢真係好暖心😭長期食外賣真係好需要飲湯食菜.....講返個飯先啦，黑椒汁超濃好辣，啲飯索太多汁會辣到食唔到😂雞扒大大份又炸得好香，仲有小量菜配搭已經好感恩～黎緊幾個月都會不停幫襯😆最愛平靚飽！黑椒雞扒飯

朋友話好味 走去試下啦 係門口等左一陣 一入去叫左生滾牛肉湯通粉 點知中大伏 好難食 一食得浸薑味 跟住咩味都無 跟左個炒蛋都好難食 啲蛋又係有浸味 真係令人作嘔的味道 除左個包係ok啲之外

係附近翻工食過幾次 整體味道都唔錯嘅 但係餐廳啲員工態度真係好差 明明冇得罪佢地 但送餐時係將啲食物掟落檯咁😥😥😥感覺不太良好 去幫襯佢地仲要受氣😐😐😐😐😐

係銅鑼灣做嘢，有陣時經過都會見到岀面排曬隊，尤其是Lunch同下午茶時段。心諗，錦多人排隊，啲嘢食應該唔為差啦，等我試下先我叫左個巨人雞排勁香葱油飯，個雞排又真係幾巨人既，難怪叫巨人雞排啦唔單止雞排大塊，啲葱油都好多，正常水準，不過不失啦。不過要讚一讚既係杯凍檸茶（都幾大杯，幾好飲，唔記得影相添），杯凍檸茶同傳統既有幾塊檸檬自己拮既唔同，呢到既凍檸茶係將啲檸檬榨左汁先再冲調。所以，比較上係酸啲既，但係茶味會岀啲，係幾好飲既。總括來講，如果下次經過我都係會嚟既。

爆浆拉丝菠萝包🍍无意间路过看到、马上进去试一下店员端上来的时候真的是平平无奇切开的瞬间也只是芝士流出来但是吃起来是时候真的有拉丝女生的快乐就是赶紧📷拍照记录下拉丝的瞬间吃多了菠萝油的、不妨试试拉丝菠萝包芝士爱好者的福音