牛奶冰室 (智選假日酒店)

營業中

休息中

雞塊蔥油撈面是一道讓人回味無窮的美食。雞塊外焦內嫩，肉質鮮美，散髮著香氣，讓人一口接一口。撈面煮至剛好，彈牙又滑順，與雞塊的口感形成絕妙對比。淋上醇厚的蔥油，香味四溢，讓整道菜更添風味。每一根麵條都吸收了蔥油的精華，讓人忍不住多吃幾口。再加上一些香脆的蔥花，增添了清新的口感，讓這道菜更加立體。忙碌的午餐中，雞塊蔥油撈面都是完美的選擇，讓人享受到家的溫暖與滿足。這道菜不僅味道出色，還充滿了情感，讓人每次品嘗都徬佛回到了那個熟悉的地方。是年輕的感覺呀！

今晚喺銅鑼灣逛完街，嚟到「牛奶冰室」食晚餐。呢間餐廳主打懷舊風格，餐牌設計走港式冰室路線。今次叫咗紅燒豆腐時菜魚柳飯，再加配三條香脆牛奶卷，飲品選咗熱檸檬茶，總共 $83，價錢合理。主菜方面，魚柳外皮炸得金黃酥脆，內裡魚肉滑嫩，配上紅燒豆腐同時菜，非常下飯，醬汁鹹香惹味不會過濃。配菜蔬菜份量適中，令整體感覺平衡健康。牛奶卷外脆內軟，香甜中帶點奶香，屬意想不到的小驚喜。熱檸檬茶夠香夠濃，檸檬味自然，唔會太甜，啱晒配飯解膩。整體食物質素對得住價錢，環境企理，適合放工後一個人輕鬆醫肚。

4月4日清明節我哋要返工lunch hour去食牛奶冰室11:42am落單 當時店鋪仲有好多空位到12點開始坐滿人而遲過我哋嚟嘅客人都有嘢食我哋就問女部長 跟進一下兩份酸菜魚女部長: 今日紅日呀 等20分鐘算少啦what?!?!?!!!!咁我哋打工仔放飯得1個鐘又點計？係咪奉旨要等你咁耐？如果要我哋等係咪可以態度好少少？最後12:09pm先影到呢張食物相🔻酸菜魚配飯 $69其實一直都鍾意食佢嘅酸菜魚但今日遇到咁樣嘅服務態度 以後不了🙃

放假在銅鑼灣逛街，逛完要來個下午茶，牛奶冰室抵食又美味，好多附近上班族和遊客都會過來。因為是店舖不大，人多要排隊等位呢！等十分鐘左右便可入座，客流量超快。點了爽口魚片角麻酸辣米線，配黑糖牛乳紅豆冰$38，這個下午茶餐超值。湯底酸辣度適中，很易入口。有炸黃豆和辣菜脯，爽口香脆，每次來都想多吃菜脯。米線滑嘟嘟，魚片角爽口有彈性，口感豐富，又能吸收湯味。黑糖牛乳紅豆冰，平時加配飲品都要十元八塊，這個餐是配有紅豆冰，超值！而且黑糖味道配牛奶，就像平時手調飲品一樣有特色，糖浸紅豆香甜軟滑，是這裏的美味特飲啊！這裏的招牌食物：醬爆拉絲菠蘿包$20，菠蘿包是港式麵包，在這裏加了新元素，中間釀入奶黃和芝士，加熱變成流心，切開每一口都可以有芝士拉絲感覺，香甜美味！雖然要等位排隊，這裏仍然人氣旺盛，可想而知，這裏很受遊客和附近上班族歡迎，食物性價比高，值得一再光顧的。

上菜速度極慢！47分落單，到17分先至有嘢食送上嚟。催左起碼三次，職員每次都係hea住答你話跟緊跟緊。肚餓等佢開飯真係搞唔掂，而且打工仔主打一個快，成半個鍾先有嘢食真係接受唔到。上菜速度極慢！有圖有真相，冇屈佢上菜速度極慢！47分落單，到17分先至有嘢食送上嚟。催左起碼三次，職員每次都係hea住答你話跟緊跟緊。肚餓等佢開飯真係搞唔掂，而且打工仔主打一個快，成半個鍾先有嘢食真係接受唔到。有圖有真相，冇屈佢

本人一家六口於下午茶時段光顧，侍應幫我哋口頭落單，先後兩次上錯奶油多都算，諗住叫佢印張單出嚟俾我埋單，店長亞姐話唔使印，要我哋直接去收銀處付款，當時佢同我哋講話枱號24($122)去到收銀處，長輩用八達通付款，但收銀處位哥哥話長輩拍卡唔成功，要求長輩多拍一次八達通付款, 今次變咗枱號21 ($127) 。長輩表示為何要拍兩次卡（以及價錢不一）。收銀員沒有解釋，要求店長亞姐幫手解圍，過程中店長堅稱系統顯示只收到一次錢（店長固意隱瞞付款畫面）但家人在櫃檯看到電腦畫面顯示四分鐘內收咗兩次錢。店長更直指長輩拍錯卡，並要求再次付款。首先唔肯印單出嚟，然後講錯枱號，收錯錢唔認，仲要冤枉老人家冇付款，不知所謂。最後，因為我哋影到個收銀機畫面，店長亞姐先肯退款。此等惡劣及不誠實嘅服務態度，唔會再幫襯。亦奉勸各位唔好幫襯。唔好助長呢啲垃圾餐廳。

這晚在銅鑼灣下班，順便在這邊吃晚飯。沒想到在銅鑼灣都有牛奶冰室，能在這區找到性價比高的美食非常不錯。黑椒欖油牛肉炒意大利麵$72，黑椒味很突出，牛肉粒嫩滑，橄欖油炒意粉清爽而不油膩，很不錯啊！猴頭菇響螺燉雞湯加25，材料豐富，燉湯清甜，最喜歡有雞腳，滋補養顏，喝完全身都暖呼呼的。優惠價加$10黑白脆酥條，其實就是烤多士條，烤得乾身脆脆的，配上朱古力醬和煉奶，黑白色賣相漂亮，香甜味道作為甜品一流。跟餐加$6配熱泡沫奶紅茶，非常抵飲，奶泡豐富，拌勻紅茶就是香滑的奶茶，但又比一般奶茶更有茶味。

今日喺銅鑼灣行街, 想搵間茶餐廳食下嘢, 一眼就畀我望到牛奶冰室, 嗌咗佢嘅午市鮮茄蛋牛肉飯！好快就到咗了, 佢個鮮茄蛋牛肉飯都好有鑊氣, 熱騰騰, 唔係嗰種頹頹飯, 同埋都好多牛肉同埋蕃茄！

今日收工已經係下午4點,可能今日中午食吾飽,有點頭暈眼花,第一時間睇下openrice,附近有咩餐廳抵食,食個下午茶先,我係第一次來牛奶冰室,一境舒適乾淨,光線充足,入到去就見到我公司同事,即刻坐低吹水.這間冰室係用二維碼落單,隨後我點了一份黑松露炒蛋三文治同港式茶走.食物質素吾錯,三文治冇叫烘底,都吾使加錢,非常好.茶走正常,餐廳職員會在你面前落煉奶,直至客人叫停,正呀一份下午茶只係$36,都吾錯

今日係附近做野，未夠鐘得閒就入牛奶冰室食個下午茶先。下午茶餐由2點至6點供應。環境乾淨企理，座位唔逼，裝修有獨有既乳牛風格，整體都幾舒適。睇menu圖片最吸引就係炸雞脾配薯條，隻雞脾好大隻$42，再+$3轉凍飲凍奶茶。上枱見到熱辣辣出哂煙好正，切落脆卜卜，滿心歡喜。但係再切入啲，原來入面未熟，即刻同員工反映，收走左要等廿分鐘先再比過另一份。🕰️搞到我本來好得閒既行程，變左要遲到。😢雖然係幾好食，但係今次體驗唔係幾好，希望下次改善。完！

到養和醫院探病完，落到銅鑼灣地鐵站搵野食，見到有牛奶冰室，未食過，就入去試下。7點幾好多餐已經售馨，叫咗全日餐生滾牛肉麵，送配牛油蒜多士，炒滑蛋。多士同炒蛋都正正常常，雖然多士只有一片又薄。但湯底淡到懷疑人生，只能食到牛肉味胡椒粉味，我懷疑廚師係咪係湯底加咗水之後唔記得加鹽？！屋企人叫鮮茄豆腐牛肉米線，都係差唔多，只是稍微濃少少。見餐檯有樽鹽，想自己加d鹽，結果樽鹽完全塞住咗，用唔到。實在好失望，唔會再食牛奶冰室。

自助落單，QR code超咗時搵人幫手度極惡劣，11:25想order早餐，話11:30截單唔可以再落，好，咁我等個系統11:30 落午餐，但個米線等咗20分鐘都未嚟，我一個人坐二人枱就俾多個人同我搭枱，我隔籬嗰兩個大陸人坐四人枱坐咗一個鐘都未落單，仲要見到後邊張卡位有人走咗即刻話要調過去又唔出聲話佢。啲員工對大陸人仲好過香港人。

Some months ago, B shouted us all tea from Milk Cafe. Without much expectation (and complete lack of appetite as I usually don’t eat much for lunch, not to mention tea), I was wowed by how tasty Milk Cafe’s 爆漿拉絲菠蘿包 was (well, just don’t compare it with the best pineapple bun in town that people would queue up for in Sai Kung la). I was sceptical at first about its flavour profile but gosh! Did the molten cheese complemented the pineapple bun well 🤯 So I came here today after my usual lunch clas

本人從未試過寫劣評，但這間的品質實在過分。他們的叉燒蛋飯的飯像塑膠圓形一整舊，可以用叉成個飯拮起，店員仲要好像理所當然地說明他們的飯是叮熱飯（微波爐加熱那類），本人完全覺得這間連鎖茶餐廳的出品嚴重影響香港本土最有價值的茶餐廳的名譽。他們不單只食物質有問題，員工的服務亦不合規，出餐又慢，超級差😡

今日經過銅鑼湾，去了一間牛奶主打的餐室，叫了一個叉燒蛋飯嘩！正喎，好大碟，平常都是一至兩隻蛋，但佢有三大隻，而且是流心蛋好好味，叉燒都好大塊，有五大塊，厚厚的而且是慢煮叉燒，咬口軟硬適中，好入味，是蜜糖叉燒，飯味也軟硬適中，好正，而飲品，我選了咖啡，奶的比例也很到位，而且是用电腦選單，可以自己改選奶多少，甜多少。另外我叫了奶醬多士，味道就一半一半，普通少少，另外點了一客雞翼，味道不錯，外脆內軟，可以一試。