牛奶冰室 (啟鑽商場)

營業中

休息中

其實星期日食個快嘅午餐真係好難，周圍都係人，都係要排隊。呢間牛奶冰室，門口長期排長龍，間嘢又細，經過好多次，永遠都因為太趕時間而唔會揀呢間。最搞笑係，阿仔比隻牛吸引住，每個星期都問可唔可以食呢間。直到20/11，比阿仔開心下啦，咁啱果日早咗，唔駛排隊，我地就咁食咗一次喇！今日阿仔又話想去食，但今次排左4，5個人，見夠時間都排下啦，結果5分鐘都唔駛，已經可以入坐🥳🥳因為餐牌選擇唔多，所以order 返同上次一樣！「茄汁焗鴛鴦扒 飯」同「瑞士汁雞翼撈伊麵套餐」係好食嘅，不過我最欣賞杯「黑糖牛乳涼粉」😍😍😍同埋我好鍾意有個侍應好細心，不停提我小朋友個焗飯好熱👍🏻👍🏻今餐先啱啱食完，阿仔已經問我可唔可以下星期再食😂😂😂

門口經過見到有「拉絲菠蘿包」下午茶，入嚟試吓。個菠蘿包原來比一般嘅大，裏面有車打芝士醬。水嘅比例太高，拉唔到絲。呢個芝士味同菠蘿包其實唔係好夾，不過都幾得意，當係打卡用。個奶茶一般啦，手機點菜，講咗話要濃味，都係冇，仲淡過平時茶餐廳飲嗰啲，唔知係唔係水吧睇錯咗話要淡味 😆

用熊貓叫外賣速遞喺屋企食，本來想懶下，唔想煮飯。點知送上嚟啲嘢食完全唔ok。叉燒係大部分都燶，完全食唔到。兩碟飯的質素都好差，d 飯好似係隔夜飯，一舊舊凍冰冰，見到都唔想食。以為無負評語就安全，宜家證明係中伏。

服務態度欠佳！野食好食有咩用？服務態度好差，食到一半，未食完就行過嚟問：「係咪唔要啦？」「吓！我仲食緊！」未夠21:30就不停講要清場，重點係我個飯未食完！仲要係我面前講：「我想準時收工係無罪㗎！」仲要係客面前咁大聲講：「唔好阻住我準時收工呀！」而家啲服務態度咁差嘅咩?!就算係茶餐廳都唔應該係咁架，我去過咁多間都冇以上嘅事發生，侍應仲要送錯餐。客人叫左咩嘢食，你哋唔係好清楚既咩？咁既服務態度只係會令我下次唔會再去食！🔥🤬

呢條新嘅村真係多咗啲嘢食～今個星期日我就嚟咗牛奶冰室度試吓～天氣悶熱，冇乜胃口，就帶咗個牛肉通粉，有炒蛋加多士，有杯凍飲！個牛肉通嚟到已經好香，望都知個湯底好好味！同埋份量來講我都覺得有啲偏大份～（可能係我冇胃口掛），啲鮮牛肉好滑，一啲都唔難咬開，小朋友都食到！炒蛋好滑，好香蛋味，而個多士係薄身嘅，變咗你唔會覺得好哽胃～可以食埋佢😆😆😆😆而我自己就嗌咗凍檸茶，但我見好多人嗌個紅豆雪糕，我見都好大杯，等我下次試吓再話俾大家聽😘😘

<讚👍🏻>.🥣蕃茄焗豬扒意粉🥣：💰$62豬扒得5小塊左右，煎得幾香，肉質幾軟熟，個面好多芝士拉絲🤤醬汁茄汁偏甜，意粉量都多，好飽肚。🥣芝士爆漿菠蘿包🥣：💰$18上碟係新鮮熱的，包都幾大個，菠蘿外層夠脆，內有爆車打芝士漿😱一切就流晒出黎，整體又甜甜地配埋芝士咸咸地幾特別👍🏽.好味程度：⭐⭐⭐⭐抵食指數：⭐⭐⭐環境指數：⭐⭐⭐💸人均消費：$50另收加1️⃣服務費：❌再食 ENCORE：✅

朝頭早去見完工附近好多舖頭都未開門呢間舖頭喺正地鐵站隔離 同埋之前見到其他分店就打算試吓👍🏻本身以為佢間舖頭啲嘢食有啲貴因為一個榨菜肉絲米，冇其他多士之類嘅都要$31但係點知嚟到原來都幾大碗最搞笑嘅係叫完姐姐行埋來同我講廚房唔夠榨菜話加啲雪菜俾我好唔好😂我個人覺得都幾有責任心唔係求其俾啲榨菜我就算來到啲榨菜同雪菜嘅份量都幾多滿足到我好耐冇食過米粉早餐嘅慾望🤣🤣檸檬茶雖然冇影相但係好好飲佢應該係榨好晒啲檸檬汁，所以嚟到唔使自己篤檸檬攪拌一下就飲得👍🏻完全冇檸檬嘅苦味 fresh😏下次經過可以試吓午餐🤣都算係高質茶記👍🏻👍🏻

是日（26/5/2022）去開新蒲崗，路過一新屋苑，見這冰室餐牌的早餐啱食，便一試。早餐選擇都多，價錢亦合理。點了二份早餐意大利蕃茄肉碎濃湯通粉及火腿濃湯通粉，配牛乳炒滑蛋及蒜香多士，粉上枱時以為來錯，同餐牌相片不一樣，多了很多碎菜芯，對於很多人來說是很好，但對於唔食菜芯既人嚟講，就有小小麻煩，要㨂番出嚟有一定功夫，既然用得QR COD選粉麵時，點解唔順便選要唔要菜？濃湯味道唔錯，牛乳炒滑蛋好滑，多士脆口

啟鑽開咗間新嘅茶餐廳，有人話好食，咪諗住買外賣試吓，點知中伏😡😡😡成$60一個蜜汁叉燒流心蛋飯，仲要唔包嘢飲，一打開，隻太陽蛋係全熟，我仲要特登同個阿姐講要流心太陽蛋，阿姐話會同廚房講，講完咪又係咁🤦🏻‍♀️；啲叉燒汁多到可以當湯飯食，好鹹；叉燒更加唔使講～又乾又鞋，好似隔咗一晚野咁新蒲崗咁多食店，認真如果用咁嘅價錢真係可以唔使食佢

呢間餐廳係第一次去， 跟OpenRice上指示鑽石山地鐵站B出口就繞咗一圈，其實A2出口會近好多，係屋苑商場入面，都算方便。夜晚8點唔算多人，一入去就搵有位。樓面姐姐態度親切，好似鄰居咁。自己用手機落單，食物款式都算多， 蔥油雞扒飯，生炸雞扒，味道香濃，勁多蔥🫰 加多2隻煎蛋$8。川辣牛肉米線，味道似四川粉，小辣偏甜，鮮牛肉嫩滑彈牙😋涷檸茶係用檸汁，仲可以選茶既濃度同檸檬汁既份量🥤鎮店之寶《芝士菠蘿包》一早就賣晒😅，真係要揾日早d去試☺️