牛奶冰室 (啟鑽商場)

營業中

休息中

啟鑽苑入伙一段時間後，不少新商店開業，其中食肆比較多，有幾開茶餐廳，冰室以呢間牛奶冰室較為吸引，不過座位幾擠迫，侍應服務態度亦有進步空間。① 爆漿拉絲菠蘿包 $18好邪惡，好大個，熱辣辣，堅係爆漿，但唔係好拉絲，一切開已經聞到好濃芝士味，呢個菠蘿包入面有Mozzarella 同Cheddar Cheese，鹹鹹地幾好味。② 咖喱牛坑腩 $63③ 四川麻婆豆腐飯 $54普通碟頭飯，兩個都偏重口味，多汁，撈飯一流。牛坑腩幾腍，不過碎濕濕，比較細件。麻婆豆腐幾多料，食落口感豐富。④ 雪糕紅豆牛奶 $29夠大杯，不過個雪糕見到舊冰咁，賣相即時扣分，食落口感係有啲怪，似食冰多過雪糕。