牛奶冰室 (何文田廣場)

營業中

休息中

明顯無人管理班員工，食物差，服務垃圾，我夜晚入去食，掃安心出行都無人理，入去搵位坐又無人理，我見幾張枱面都無抹乾淨，其他位又有人，唯一勉強㨂一張枱坐住先，但之後叫極無人理，連比我落單既qr code都無比到。坐左十分鐘之後唯有走人，去大快活食都好過食呢間，仲要平過佢。都唔知係咪做生意。呢間野個老闆係咪發夢，定以為附近啲居民一定會食佢間餐廳？食物款式又有問題，又無人睇場，服務態度太差，絕對屬同區最差。

外賣堂食都試過，等食物超過30 分鐘。服務態度好差。如果趕時間唔好去食。。。我嗌咗個常餐，10分鐘應該會整完。等咗30分鐘都仲未有，用惡啲嘅態度同佢講，5分鐘即刻俾到你。…

食物一般，普通加普通，茶餐廳一間，價錢中上，服務下下下下，零分！成日見到呢間餐廳比客鬧，今日去試吓叫外賣自取，用咗15分鐘提前落單，最後喺門口再等多15分鐘先取到餐，一去到見到一大班人企起門口，已經心知不妙，一出份外賣，成班餓狼去搵外賣，千祈千祈，千其唔好叫外賣，無法取消，只有呆等我淨係叫咗一份五香肉丁公仔麵，加炒蛋，一般茶餐廳嘅常餐，通常用五至10分鐘出餐.佢用咗半個鐘，其實餐廳唔算多人，只係一大班人喺度等外賣，同埋有五六個人企喺度等位，呢間餐廳嘅食物質素，唔值得等，更加唔值呢個價錢，最慘係等到一肚氣，你冇佢辦法

幫襯過五，六次，食物質素每況愈下，其中一次要酸菜魚湯飯，結果漏了白飯。亦有兩次漏單，一次等50分鐘， 一次等30分鐘，多次吹單不果。 食物不熱，價錢偏貴。 內部員工調配混亂，朋友亦試過漏單。總結：漏單問題嚴重，食物質素差，性價比低。

之前食過幾次，啲咖喱唔錯，其他也過得去。今日去到，D員工態度散漫，坐低五分鐘都冇人畀執枱，叫極都唔嚟落單，當時餐廳內祇有一半人客，樓面有四五個，掛住傾偈，嬲嬲地於是走人，起身走人到出門口都冇人理，ha ha ha。

今日叫咗一份巨人咖哩牛腩飯同酸菜水煮魚。兩份都超級超級中伏！居然咖哩牛腩飯辣到死，吃咗兩塊已經喉嚨痛，頂唔順，用咗超多辣椒油！！而且冇晒咖哩香味！飯只得少少，少得可憐，好大既碟，只得一塊飯。飯十分超級特別軟，唔係粒粒分明個種，全部黏埋一起。酸菜水煮魚，都係好差！冇酸味，冇辣味，只得好重既生油味，好厚一層油覆蓋係上面，宇宙最差唔明，咁難食仲有人排隊，餐廳人手又唔夠，服務員個個都慌慌張張，場面混亂。俾咗QR掃咗之後又打唔開。

出餐超級慢，黎過3次食早餐，每次都要等半個鐘以上！最搞笑佢唔係跟落單次序出單，每次見前後左右啲人食緊，自己追幾次唔好講食物，餐飲都未有，連水都唔畀杯。超唔掂，以後唔會再幫襯！

服務態度勁差！問啲服務員野又五答 嗌左杯野飲 食哂個飯都仲未到 嗌取消幾次都冇人理 埋單先拎杯野飲比我 我話五要 啲服務員就話 下做左啦喎 甘我想問下 我嗌左好多次取消都五聽 甘點解我仲要因為你整左而繼續飲？姐係客人就五可以取消？麻煩該公司處理一下員工的服務態度

公司附近新開的牛奶冰室，日日都排長龍，想食都要同事先去拿位，今天都好彩可以拿到位。午市套餐價錢都不高，平均40-60都有一個套餐，包埋熱飲。鮮茄牛肉飯，牛肉同番茄都是新鮮貨，沒有雪味，味道就偏甜，不算好味，加9HKD可以升級一杯特飲，選左黑糖紅豆冰，黑糖味好濃，紅豆偏甜，都算大杯。FD選左常餐，有碗牛肉麵，多士同炒蛋，炒蛋都幾幼滑，多士好香口，40多HKD一個餐都抵食。太陽蛋豉油雞翼飯就麻麻，普通貨色，雞翼都算比得多，比左3只，勝在夠平啦。

話說我哋公司呢排搞咗個大型 義工活動， 上山下海… 樣樣都唔通嘅我，都係簡簡單單玩吓Bread Rescue熱吓身先😆 雖然要等埋 #麵包舖 閂舖先輪到我哋開工，真係有啲難為👉🏻👈🏻 不過間中做吓 #善事，幫到人之餘，感覺都唔錯㗎☺️今日打開張Memo，先知道我哋需要喺 #指定時間 去兩間 #指定地點 嘅 #麵包店 攞走啲 #賣唔哂 嘅 #麵包 之餘，仲要即晚送到 #NGO 嘅手上… 簡介講明要我哋喺收舖前15分鐘前到達，真係識分身都搞唔掂！同partner分工合作，每組人揀一間分店，搞掂之後再聚集… 點知有預知能力嘅EE，一早喺電話已經講明啲麵包會賣晒… 言下之意活動取消？明明去到嘅時候仲有大把存貨，但係最終我哋只可以分配得九個麵包咁大把？我冇聽錯呀嘛？！既然都出咗嚟，就喺附近食啲嘢先出發。誤打誤撞我哋去到 牛奶冰室，打開餐牌，見到佢哋嘅食物嘅選擇都唔少，不過時間有限，我哋好快就落咗決定… 喺等食之際，見到廣告牌上大大個 #爆漿拉絲菠蘿包 喺眼前，感覺都幾吸引… 加上見到隔離飯香，一於試吓佢🤪 #菠蘿包 咬落去暖暖地，冇諗過

何文田廣場可以揀嘅餐廳唔多依間牛奶冰室就係近年新開茶餐廳格局有午餐 全日餐之分午餐一般包一杯熱飲 凍飲加$3餐廳款式好多常餐/炒粉麵飯/麻辣米線/焗飯都可以選擇今日揀咗鮮茄牛肉炒蛋飯 Size係大份 有好多牛肉 但炒蛋就比較少 偏碎有蕃茄同洋蔥炒 洋蔥味香個醬汁 偏甜 但送飯就唔錯的凍檸茶並唔係要鮮檸檬 而係用檸檬汁檸檬味比較濃但就欠缺鮮味 餐廳用QR code落單方便客人慢慢睇慢慢揀當日見到有其他食客食常餐但大部份人都會剩低份多士唔知係咪麻麻哋呢

早餐豬扒麵(用福字麵)個朋友叫錯左，十秒內叫『哈比肥拉』服務員改，話無得改，同她講其他餐廳都可以，死死地氣去改，『哈比』轉頭比重『嘴妙妙』，好似要佢做少少野，係d客錯，真係以為收大快活價錢，重差過快活，下一層個間收費差唔多，態度就好好多，呢間真係我第一次比你一個，你們的態度好到比個，開左無幾耐就做到咁好，真係以為何文田得你一間咩，新唔係大曬，裝修好都無用，食物水準，服務態度唔改，只係個包好食，堂食無下次。

美食沙漠終於開多間新食嘢，食晏時間當然又會係大排長龍喇。二人座位相對上會快啲有得入座，唔想等嘅就提前打外賣專線嗌定先。瑞士雞翼撈公仔麵 $52配有牛乳炒滑蛋同蒜香牛油多士。多士邊焗到有啲黑，蒜味好濃同埋有一層厚厚嘅牛油，而滑蛋就比較熟。公仔麵味道好甜，感覺瑞士汁都落咗大量糖。雞翼有三隻，食到裡面嘅肉係冇乜味嘅。麻酸辣牛肉炸響鈴米線 $47湯底味道都好濃郁，麻辣味比酸味出，係愈食愈麻。響鈴好吸湯，牛肉份量正常。米線煮到有啲漲，口感都好腍，份量多到都食唔曬。蜜汁叉燒煎雙蛋飯 $58呢度嘅叉燒係厚切版，肉質有啲韌，比較難咬開。雙蛋煎到剛剛好，一拮開就會有蛋黃汁流出嚟，撈埋飯食即時冇咁乾。厚切豬扒勁香蔥油飯 $56豬扒真係好大一塊，完全遮蓋咗個飯。豬扒係意想不到咁好食，啲肉好腍，仲帶有少少嘅甜味。蔥嘅份量係好多，飯帶有蔥油香味，但就略嫌有啲太油。

由10：00等到10：30 都未有 吹漲 但如果入座 既話 食完已經出黎 最慘既係 後面啲號碼反而黎先 混亂到死啲員工懶理不理 行黎行去又唔幫手包野 希望快啲執 唔明佢會咁多人食 垃圾

見牛奶冰室新開左幾日都勁多人，一直都無機會食下。今日收4點幾見無咩事排隊就去試下。其實我都係想試下佢個招牌芝士菠蘿包🧀😚。18蚊，大大個，店員好細心咁問我食凍定熱，我揀熱食。原來要即場用焗微波爐+焗爐整返熱佢。全學校都等咗成5分鐘😅。好彩食落都冇令我失望。熱辣辣，個菠蘿包唔會太甜，芝士分量十足☺️☺️第一次食有芝士嘅菠蘿包，估唔到味道都幾夾。鹹甜鹹甜咁，芝士都用左兩種，都幾有心機☺️推薦🎉🎉