牛奶冰室 (何文田廣場)

營業中

休息中

外賣質素令人震驚 $73晚餐，質素連兩餸飯都不如🥲。呢盒蓮藕馬蹄煎肉餅一打開已經畀佢嘅色水嚇一嚇，好啡黑… 心諗：唔緊要，可能好香口呢！咬佢嘅時候已經好小心翼翼，因為好硬、好乾，仲有啲炸到燶咗嘅碎碎，係要吐出嚟嘅。而咬開之後，裡面嘅口感好泥，感覺係撈咗好多麵粉同埋未熟透…真係唔敢再食落去。可惜係外賣唔係堂食，真係好想直接反映畀佢知，呢舊混合物竟然可以賣$73，香港人有無咁慘🥲。食咗兩舊真係食唔落，亦都忍唔住第一次畀食評。

✨豬扒勁香蔥油飯 (HK$58)✨可立克 (凍飲+$9).塊豬扒好大塊！同埋硬度適中 唔會好硬，好香口，最可惜嘅係味道好鹹…😌😌一定要撈好多飯咁食，同時瘋狂飲嘢🙊可立克冇乜特別嘅，好香麥味咯😆。值得一讚嘅係 啲飯係珍珠米嚟，粒粒分明😋💕

回何文田娘家，又想吃個下午茶，便在牛奶冰室坐下。下午茶時段沒什麼人，坐位寬敞，餐牌都頗多選擇及吸引。我們叫了楊州炒飯及餐肉滑蛋三文治，配熱可可及咖啡。餐點來了，我卻嚇一跳，楊州炒飯竟然用日本珍珠米😅😂😂。味道沒有楊州炒飯應有的鑊氣，只可以說將一堆有味道的材料炒兩炒放在一起🙈。材料中的蝦🍤是頗大隻的，但沒什麼口感。而餐肉滑蛋三文治幾大份，滑蛋雖多但不是太滑，只能夠說是厚煎蛋餐肉三文治😅。味道不過不失，還可以。

美食沙漠既何文田黎講算係可以去既地方。集團式黎講唔錯，叫左個炒飯試下廚房。個炒飯都有d鑊氣，醬汁剛剛好冇太多。杯奶茶合格，加分位係大杯。坐位算闊落，茶記黎講ok的。

本來以為係港式茶餐廳，諗住試吓，點知入到去個餐牌似中式晚飯小菜多，跟餐叫咗杯熱檸茶，點知來左杯奇怪顏色的檸茶（話係冷榨），又冇茶味，又冇檸檬味，應該唔會有下次再幫襯。

平民開飯系列～茶餐廳～平民開飯第二彈，我揀咗茶餐廳。茶餐廳基本上係你個人夠貼地嘅話，都無乜可能無食過。茶餐廳就好似便利店咁，梗有一間喺附近，但係質素就可以好參差，唔好以為諗著幫襯啲連鎖集團會稳陣？你估食老麥咩！始終料理都係一門手藝，睇吓間公司請唔請到好師傅啦。一間茶餐廳嘅質素，炒粉麵飯好唔好在我評價嚟講就好緊要。今次食呢間「牛奶冰室」喺何文田廣場。我叫咗個「楊州炒飯」加杯凍奶茶。「揚州炒飯」首先第一樣要讚佢夠大碟！我叫下午茶餐但係個份量係正常size！第二樣夠鑊氣！ 第三樣配料足！啲蝦大大隻，原隻蝦仁差唔多有成五隻，飯炒得夠乾身，有火腿同叉燒。下次再食睇吓可唔可以叫佢多蔥先🤣。凍奶茶好飲又夠大杯甜度適中，茶底唔會苦。#食玩訓 # 吃喝玩樂 #食好西 #體重上升 #隨處吃 #吃貨 #餓底 #辛苦搵嚟志在食 #茶餐廳 #平民 #平民開飯 #貼地 #楊州炒飯#food_fighter #foodiehk #foodie #eat #hungry#hungerforfood #simplelife #friedrice

呢兩日腸胃有少少唔係好舒服，所以lunch叫咗牛奶冰室嘅外賣返公司食，我幾喜歡食佢哋嘅常餐，$48有一個牛肉湯粉，牛乳炒蛋，同蒜蓉多士。性價比嚟講，都算唔錯。今日係因為個胃唔係好舒服，所以我揀咗米粉底，打開之後，竟然有啲驚喜，用嘅應該係有新好食嘅新竹米粉，新竹米粉，真係我嘅最愛，而且湯入面仲有啲姜絲，可以俾我溫暖下個胃都唔錯最後想講吓佢個蒜蓉多士都幾有驚喜，平日呢啲嘅常餐多士通常都麻麻哋，但係佢整得幾有心機，好香嘅蒜蓉味，真材實料唔錯

叉燒飯始終是我首選 肥瘦相間再淋上秘制蜜糖汁果然不負黯然銷魂之名.爆漿菠蘿包也不妨趁熱一試 聽說也是招牌 口感確實比普通的多了個層次.眾所周知 香港消耗公仔面的速度位於全球前列簡簡單單的蔥油在面上走一圈 沾有香味後外加幾塊脆脆雞扒 真系掂到比個手指公啊

劣質咖喱｜📍牛奶冰室☞咖喱巨人雞扒飯☜｜💰外賣價$66咖喱存在感幾乎係0，倒一堆辣油落個飯就自稱為咖喱，啲飯仲要硬過我條命🫡浸住紅油都唔會散，將手放喺匙羹前端用力都整唔散舊飯，甚至連支匙羹都彎埋$66仲要無飲品，倒半枝辣油落飯度就交貨😑勁伏

下晝1:40落單，我嗌米線，朋友嗌飯。朋友個飯10分鐘後已到，亦有一個米線嚟咗，但隔籬枱話個米線應該係佢哋嘅，個店員就攞咗個米線比隔籬枱。（但其實唔知係我嗌先定佢嗌先，不過都算啦）🫥過咗5分鐘，店員同我講米線要等耐啲，咁我諗住最多咪10分鐘，繼續等。🙃又過咗15-20分鐘，淨係嚟咗杯檸檬茶，我再吹佢，再過咗幾分鐘個米線先至到。😀到嗰陣時已經一肚火，咁就諗住快啲食埋佢啦，點知個米線食落去係硬嘅！😅我同個店員講，佢同我講全部米線都係硬嘅（但啲米線係完全咬唔斷，好似橡筋咁⋯⋯）跟住個店員就叫我換過第二個餐，我就拒絕咗。唔通又要我等多半個鐘，即係加埋等一個鐘先食到嘢？😰😅最後我就退咗單，杯檸檬茶變咗單嗌 $20。間嘢喺學校附近，第一次食，亦係最後一次食。🤦🏻‍♂️

在何文田，食物的選擇沒有很多。就似是在兩個你不想選擇的答案二擇其一。故此，撇掉隨處可見的，找到了這兒。(1) 咖哩巨人雞扒飯首先，較為欣賞迷你薯仔與咖啡一同烤焗。薯仔口感軟糯，可以輕易壓碎與醬汁混為一體。其次，醬汁偏辣具備異國風情。但加上生蔥及生芹菜實為不妥，將味蕾拉扯到原始森林，完全不搭。最後，巨人雞扒有點名過其實。兩邊脆面非常令人有食慾，但內裏可加入少許調味，當配上醬汁時會更出色。整體來說，是一個合格的快餐。但沒有很驚艷的地方。所以當你不想思考的時候，也是一個能待的地方。

下午茶既首選緊係大家最愛嘅西多士😆我自己未食過牛奶冰室任何分店，但今日就腳，就試一試，一上枱見到啲食水都好正常👍🏻 牛油糖漿都冇孤寒到，切開睇原來係兩層包再夾兩層花生醬🤩，真心夠晒味，下次可再戰，希望其他分店質素都一樣🤣🤣

午餐時間，有同事提出食牛奶冰室，我無特別idea，所以就一齊食🙈原本想叫瑞士雞翼撈麵，可惜佢售罊🥲結果揀左生滾牛肉湯通粉呢個餐～第一次堂食，原來佢個碗都幾大個🧐牛肉係有牛肉味既，正常口感，不過略嫌個湯底無乜味。。。餐飲叫左凍檸茶少冰。。呢度既檸茶同出面飲開既有小小唔同，就係佢會直接打碎埋個檸檬係入面，飲落係會比平時酸，但都好fresh 既感覺，重點係放耐左都唔會澀口。呢個餐仲有炒蛋同蒜蓉多士，所以都好夠飽🙈炒蛋來講，唔係好食到佢係用牛奶炒，感覺同一般炒蛋無乜分別，蒜蓉包既蒜蓉都算濃同埋香，不過多士來講就可以脆口d😝整體來講係不過不失，當佢常餐咁食都ok既~

出餐唔跟次序，三樣食物要半個鐘先至完成………慢。食物水準差：焗豬扒飯一大pat唔靚嘅芝士; 咖喱牛腩飯啲牛腩堅硬；燒味油膩，講咗要啲蔥油分開做唔到…………....

今日返學，同同學去咗何文田廣場新開嘅牛奶冰室🥛，食完覺得真係浪費時間！😑😑😑我同朋友嗌咗：巨人雞扒勁香蔥油飯$54其實，佢嘅雞扒🍗係好大塊同埋好厚，但係我嫌蔥油🧅唔香，而且廚房落得太多豉油，啲飯全部都係豉油飯，鹹到腎衰竭😂😂😂同埋佢上菜嘅時候啲嘢係凍㗎，完全唔係新鮮出爐🙄焗豬扒飯$63呢個真係嬲咗，雖然明白即焗係需要時間⏰，但我哋嗌左成半個鐘頭都未上到菜⌛️⌛️⌛️，我哋仲要趕住返學📚，催咗佢好多次先有手，嬲咗！不過係幾好食嘅，塊扒夠大塊，加埋蕃茄醬🍅同埋芝士🧀，真係令人回味無窮，一口接一口。佢最特別嘅地方係嘢飲可以選擇濃度，例如我今次帶咗熱杏霜，🥛我揀咗特濃，真係極之濃稠😂但環境方便真係麻麻，開放式嘅環境四周圍嘅路人都會望到你進食嘅樣，再加埋我嗰個位置上面正正係風口位🥶，吹到我頭都痛埋。🤕——————為食分界線——————📍 牛奶冰室 (何文田廣場) (何文田)何文田佛光街80號何文田廣場2樓234A及B號舖推介指數 🤰🤰(2/5)好味指數 🤰🤰🤰🤰(4/5)抵食指數 🤰🤰🤰(3/5)環境推介 🤰🤰(2/5)人均消費： $50#mariofatfat #hkfoodie #Foodie #