影片
營業時間
今日營業
11:30 - 16:00
17:00 - 23:00
星期一至日
11:30 - 16:00
17:00 - 23:00
公眾假期
11:30 - 16:00
17:00 - 23:00
公眾假期前夕
11:30 - 16:00
17:00 - 23:00
*午市最後落單時間: 15:30
晚市最後落單時間: 22:30
以上資料只供參考, 請與餐廳確認詳情
有關獎賞計劃
相關文章
夏天熱辣辣又想食打邊爐 去牛大人就啱晒啦 佢地最新主題炎夏椰樂祭🥥 其中一款湯底木瓜椰皇嫩雞湯係我私心推介 打完邊爐完全無熱氣感覺💁🏻♂️ 直接當湯飲都得 我地未食就已經飲到要加湯😂因為我地本身太鐘意牛大人嘅秘製麻辣湯🌶 所以一定係鐵膽 另一款喇沙椰爺仲夏鍋下次都想試下 😍日本A4和牛雪花超靚 入口即溶 唔需要點醬都已經好香牛油味🤤 放落麻辣鍋口感就更加有層次 最重要係之後加單兩碟嘅質素係完全無分別 貨真價實👍 另外值得一提係澳洲M9和牛牛丸 比平時食開嘅牛丸最大分別係爆汁💦 海鮮拼盤有 生蠔 鮑魚 扇貝 魷魚 全部大隻又新鮮 放喺冰鎮盤度勁吸睛 當中脆肉鯇 鮑魚等等仲可以任食 鍾意食海鮮嘅朋友就有福啦👏除左湯底之外 仲有幾款椰樂祭期間限定小食同飲品 例如椰酥跳跳豬 其實係炸豬扒加炸糖同椰絲 香脆豬扒跟爆炸糖一齊喺口腔入面跳舞 💃🕺另外兩款黃金椰絲蝦丸同薯條 就要配埋香椰火焰醬同椰汁美奶滋一齊食 各具特色甜品仲有期間限定椰子味movenpick 🍦我地叫嘅A4和牛餐仲可以任飲3款椰子主題cocktail 包括粉桃椰香 冰檸伴椰 藍調微風 我飲咗冰檸伴椰 酸酸甜甜酒味唔會太重 女士們應該會鍾意🥰依家仲舉行緊知識就是折扣等一系列優惠活動 大家可以挑戰吓 答啱越多優惠越多 我地今次都贏到杯椰奶蓋芒芒爽 😎
繼續閱讀
街坊又黎食晚飯, 愛食靚牛嘅我地 照舊食 “日本A4黑毛和牛火鍋” 120分鐘放題~鴛鴦鍋最開心, 唔使淨係就我, 我地都可以揀自己鍾意嘅湯底~佢可以爽食麻辣; 而最愛清新嘅我 今次簡咗期間限定嘅 “木瓜椰皇嫩雞鍋”~我習慣一坐低就 食雪糕 飲啲嘢 食住熟食 warm up , 等打邊爐~ 台灣腸必食呀, 我每次去最少食 3碟~跟餐仲送: 澳洲M9和牛牛丸2粒、海鮮拼盤、任食鮑魚 同 啤酒一杯~牛大人嘅靚肉肉, 一直都咁靚~A4黑毛和牛黑毛豬梅肉海鮮都正, 蜆必叫~今次個湯底有桃膠, 開心養生~每次都會不停encore嘅水蓮菜~期間限定嘅 「炎夏椰樂祭」 啱曬我呢啲椰友~除咗我簡嘅椰子湯底, 小食 . 甜品 . 特調飲品都有椰子選項啊~我地都好鍾意: (圖咗左下)香芋椰漿脆脆 又脆又棉, 幸福味道! 粉桃椰香 同 藍調微風 勁“打卡able “ 呀, 我地自拍咗 n張~ 食食下靚牛牛, 侍應妹妹埋黎邀請我地玩 “知識就是折扣” 啊!抽抽卡 答答題, 好有氣氛呀!我地答中 4題, 頒獎好正呀 貼紙同證書, 仲有彩旗畢業帽可以拎住影相!大愛儀式感嘅我, 食得玩得好開心啊!現場見到好多同學仔齊齊開心食, 原來個DSE畢業季 - 學生狂歡時段, 幾好喎又~ fyi,學生憑全日制學生證, 於星期日至四21:00後入座可享以下優惠: * 「美國特級安格斯」套餐即減$30* 「澳洲極上和牛」套餐即減$60* 「日本黑毛和牛」套餐即減$90
繼續閱讀
今次來到PopCorn的牛大人 餐廳環境寬敞舒適 充滿台灣夜市風情🏮 主打120分鐘日本A4+黑毛和牛火鍋放題 食材新鮮豐富😍期間限定「炎夏椰樂祭」仲帶來多款夏日限定美食飲品🍹㊙️超值優惠 現時有做好多優惠 DSE畢業生憑學生證📚星期日至四21:00後入座 特定套餐即減$30至多達$90👍🏻另外有「知識就是折扣」活動📝答中2題有即影即有一張📸；答中4題即送鮑魚小吃拼盤；答中5題下次惠顧仲有全單八五折優惠😍✨湯底 揀咗鴛鴦特色湯底 喇沙椰爺仲夏鍋🌶️ 椰奶香濃帶微辣好惹味 另外木瓜椰皇嫩雞鍋🥥清甜滋潤好足料 夏日消暑首選💯✨頂級肉品 日本黑毛和牛A4+🐮油花均勻 入口即化 伊比利亞黑毛豬梅肉🐷肉質鮮嫩油脂甘香 每款高質肉類都無限任點👍🏻✨火鍋配料 贈送的澳洲M9和牛牛丸彈牙多汁 海鮮拼盤新鮮豐富🦐鮮甜爽彈既鮑魚任食夠豪氣 仲有多款丸類蔬菜選擇好豐富🥬✨台灣特色小食 椰酥跳跳豬🐖炸得酥香的豬肉條加入爆炸糖口感幾得意 酒糟嫩牛舌 酒香濃郁軟嫩入味😙✨夏日限定甜品 有成個雪糕櫃多款特色雪糕雪條之外🍨仲有期間限定嘅香芋椰漿脆脆🥥香芋綿密 加入椰香濃郁既椰漿同埋脆卜卜嘅椰子脆片口感好豐富✨特調飲品 有幾款雞尾酒特調 試了粉桃椰香🍑蜜桃香甜 椰香清新 仲有特色飲品 椰奶蓋芒芒爽🥭芒果香甜 奶蓋綿密 📍牛大人台灣火鍋吃到飽 (將軍澳) 將軍澳唐德街9號PopCorn 1 2樓PopFood 3號舖
繼續閱讀
每次一想打邊爐，一定係食牛大人🥰，牛正、食物款式多，質素好！ 最近又食咗一次😆，依家仲有「炎夏椰樂祭」限時活動，除咗平時食材，仲有以椰子為主題的特色食品、有mocktail任飲、有遊戲玩贏全單85折、小朋友仲有小禮物🎁，120分鐘好忙唔夠用🤭～食得就要食日本黑毛和牛A4+套餐，和牛真係超靚超高質！.🥥炎夏椰樂祭有2款期間限定湯底：喇沙椰爺仲夏鍋、木瓜椰皇嫩雞鍋。椰子小食：椰酥跳跳豬、黃金椰絲蝦丸、椰林火山脆薯條，配上特色香椰火焰醬和椰汁美奶滋，清新特別！記得試埋香芋椰漿脆脆，脆卜卜配粉粉的芋頭，多種口感享受！打邊爐仲有得任飲mocktail‼️（所有特調飲品「日本黑毛和牛A4+」晚市套餐任飲） 特別要講📣📣 一定要食埋Movenpick杯椰子雪糕先好走啊！
繼續閱讀
牛大人最近推出的「炎夏椰樂祭」限時活動，真係一個清涼消暑嘅好選擇！以椰子為主題，佢哋提供咗一系列特色餐點，讓食客可以沉浸喺呢個椰子主題火鍋之中，感受夏日的清涼氣息。🥘 **椰子期間限定湯底**：- **喇沙椰爺仲夏鍋**：濃郁嘅喇沙湯底，加上椰子的香氣，真係令人垂涎欲滴。- **木瓜椰皇嫩雞鍋**：湯底清甜，配上嫩滑嘅雞肉，口感極佳。🥥 **椰子小食**：- **椰酥跳跳豬**：外脆內嫩，椰香四溢，咬落去真係好過癮。- **黃金椰絲蝦丸**：蝦肉鮮嫩，加上椰絲，味道獨特。- **椰林火山脆薯條**：脆口可口，搭配椰子風味，令人一試成主顧。🍯 **特色醬料**：- **香椰火焰醬**：辣味十足，超級開胃，配上火鍋真係絕配。- **椰汁美奶滋**：滑順嘅椰汁醬，為火鍋增添咗一份獨特風味。🍭 **甜品**：- **香芋椰漿脆脆**：清甜可口，口感層次分明，完美結束呢頓美食。🥤 **特調飲品**：- **粉桃椰香 (Pinku Paloma)**：清新嘅桃味，配上椰子，夏日必飲。- **冰檸伴椰 (Malibu Lemonade)**：酸甜可口，消暑又解渴。- **藍調微風 (Blue Hawaiian)**：色彩繽紛，飲落去感覺彷如置身熱帶海灘。所有特調飲品喺「日本黑毛和牛A4+」晚市套餐中，任飲，或者每杯售價$58，絕對係一個超值嘅選擇！總體嚟講，「炎夏椰樂祭」真係一個唔容錯過嘅夏日美食盛宴～
繼續閱讀