牛之鍋

營業中

休息中

平時放題食得多，主打鰻魚嘅真係比較罕見，餐廳前排推咗個風味烤鰻火鍋放題，可無限追加烤鰻魚，食完之後就加湯打邊爐！鰻魚可按個人喜好選擇軟硬程度，爐到自己覺得好食嘅口感，入口滑溜香嫩，無骨啖啖肉，醬香味突出，十分美味😋 另外仲有超過150款日本料理、火鍋配料、即製甜品，汽水啤酒，兩小時任飲任食真係預咗會肥幾磅，慘慘豬😥 日本料理有齊和牛、刺身、海鮮、壽司、炸物同燒物，款式好多，估計大胃王先可以食得曬！最推嘅有呢幾款，帶子滑溜新鮮、芝麻雞翼外脆內嫩，紫心香芋丸煙煙韌韌，餡料爆滿、芒果吉列蝦卷口感味道豐富、燒菠蘿超級juicy、肥牛嫩滑唔嚡、海蜇沙律十分開胃，值得encore～ 另外一定要記得留肚食甜品，焦糖燉蛋、楊枝/榴槤甘露、班戟、仙草麻薯、咖啡奶凍、牛奶燉蛋白、芒果布甸、冰糖木瓜雪耳、軟雪糕窩夫、巨峰提子綿綿冰，個人最鍾意芭菲同藍莓芝士杯，甜度適中，凍凍地幫助解膩，食到舔舔脷🥹

牛之鍋．風味烤鰻火鍋有特色牛之鍋的新出品，烤鰻火鍋配麵包蟹好有特色，更有150款食品選項搵朋友一起去吃，嘗嘗鮮！小菜好好食魚翅海蜇及酸辣鳳爪非常開胃好食然後主角登場！長方形的鍋上台鰻魚滿滿的鋪上面烤熟鰻魚，肉質爽滑鰻魚醬汁很濃香，配起來非常有風味而且鰻魚可以無限追加所以非常划算麵包蟹膏很多，大大隻吸收晒湯汁的香氣濃中帶鮮，有肉又有膏，非常好食食完主角，店員會加入湯底開始打邊爐當然要食牛肩胛肉眼(香口有嚼勁)美國肥牛，一滾就是肉香仲有必食的鮑魚，大大隻，爽口彈牙熟食點了串燒們專攻椒鹽大蝦與雞軟骨香脆可口，彈牙好吃配啤酒汽水都一流小小的迷你鮑魚軍艦一口一件，好食易入口脆口新鮮的北寄貝、鮑片、甜蝦、螺肉感覺都是很正很爽！沒有甜品的放題不算放題！這裡的芭菲很足料香甜軟糯、可口脆脆更要點一個焦糖布甸全都很讚！這裡的自取區都很乾淨企理茶酒汽水果汁任飲位置近銅鑼灣A出口，享有地利非常方便，可以一試牛之鍋銅鑼灣堅拿道西10號冠景樓2樓A號舖電話號碼  26281186

火鍋放題店🌟牛之鍋🌟嘅無限時優惠返嚟喇🎉！逢星期一至四（假期及假期前夕除外），晚市無限時任飲任食😋，連🥩和牛、🦪生蠔、🐟刺身、🍣壽司、🪱烤鰻、🍺啤酒等都係可以任嗌，優惠期去到5月30日，一定要嚟刷餐勁🤪！♨️烤鰻 ＋ C套餐 $366/位選用無骨嘅鰻魚，醬香濃厚入晒味，鰻魚爽彈鮮甜！食完仲可以無限encore鰻魚！🥩澳洲M5和牛C套餐包澳洲和牛任食，M5和牛有充足嘅油花，肉味脂香均濃郁！🥩雪花牛小排又肥又軟嫩，可以索晒醬香湯底，勁惹味！🐟刺身大大隻嘅珍寶赤蝦、即叫即開嘅韓國生蠔、肥大肉厚嘅珍寶帶子、仲有黃旗吞拿魚，C套餐都係包埋任嗌，輕鬆回本！🍦甜品有多款自家製嘅甜品，推介宇治抹茶芭菲同埋一口蘋果大福！仲有榴連系列嘅甜品供應！

喺銅鑼灣辦完年貨之後，就去咗鵝頸橋對面搵嘢食，銅鑼灣雖然係大集團林立，但係亦都不乏高質小店。今日我又嚟咗食放題，因為天氣真係太凍，唯有打邊爐放題暖下身！🤭今次我哋食呢個餐係任食烤鰻魚套餐C（任食M5和牛、刺身、海鮮、生蠔），收費係$366一個人（另收加一服務費）無限時任食，就咁睇落去呢一個價錢，以為係一般嘅放題質素，但係呢一間餐廳帶俾你嘅係物超所值嘅飲食體驗。🐟烤鰻魚任食啱啱坐低嘅時候，即刻送上一份烤鰻魚，建議大家揀醬汁做湯底，味道好濃郁，食完鰻魚用嚟打邊爐都好正！烤鰻魚係用活鰻黎煮，廚房會預先炸咗啲鰻魚先，個鰻魚鎖住啲肉汁，然後再配上佢哋預先調製好嘅醬汁，一路咁樣俾我哋打邊爐黎食，呢個體驗真係第一次，好好食，而且鰻魚可以任食我哋食咗四、五份👍🏻😋🐄M5和牛任食呢間餐廳主要有兩款M5澳洲和牛、一款美國和牛，比人任食。店家仲好細心喺每一碟嘅上邊整咗塊牌仔，話俾你知呢一種係咩牛同埋要煮幾耐。等我哋可以根據指示嚟煮，唔會煮到啲牛老晒😍😋 好細心好抵讚👍🏻🦪海鮮任食任食海鮮的種類多到超越你想像，除了有海蝦、蜆，居然仲有原隻鮑魚、原隻扇貝仲有帶殼嘅生蠔啊！當中我朋友最推介嘅係原隻鮑魚，配上醬汁嘅

天氣涼涼地最岩打邊爐，朋友推介的牛之鍋，風味烤鰻火鍋放題，除咗有無限添加烤鰻魚外，亦有150款日式放題及任飲任食火鍋，同非常高質甜品烤鰻+B套餐（成人）$316 風味烤鰻有兩款口味，麻辣及唔辣嘅醬香味選擇，鰻魚肥美肉厚啖啖肉，外皮先炸過再放入鍋度烤，入味而不膩。另外鍋底亦有預設配料蓮藕及薯仔，吸滿濃郁醬香味，性價比極高，食完可以加湯打邊爐。憑QR code落單，亦有自助區可自取火鍋配料及飲品。飲品區除咗有汽水任飲，仲有自家整冷泡茶，解油膩感一流。原隻鮑魚煮完都唔會縮晒水，口感彈牙，完全不韌。有任食的美國極上牛肉、 澳洲牛肩胛肉眼、美國肥牛肉，入口柔軟潤滑。其他火鍋配料都種類繁多，應有盡有，刺身有三文魚、帶子、赤貝、甜蝦等，每樣都幾新鮮！質素都拍得住甜品舖，款式多元化，有芭菲、中式糖水、奶凍、布甸、pancake，而且有一系列榴連口味，每樣細細份可以食多幾款！牛之鍋營業至凌晨，晚上9點後入座仲有特別優惠價，2小時任飲任食火鍋放題，真係超抵食！服務方面，必須大讚上菜速度快，店員態度有禮，相比一般放題餐廳，絕對令人稱心滿意！

銅鑼灣鵝頸橋個邊有間牛之銅任飲任食，近期主打係烤鰻鍋，有幾款唔同既set, 今次簡左b set, 任食款式種類多達150款，非常挎張。烤鰻鍋既鰻魚肉幾肥美，肉夠厚身又帶嫩滑感，選擇左醬香味道湯底，濃郁入味，之後就可以隨意用qr code落單，款式超多呢！還有自助區可以拎d蔬菜類來火鍋。刺身類都唔錯，赤貝帶咸鮮夠爽脆，三文魚亦都肥美肉厚。肉類選擇都夠多，牛上肉色澤紅潤，食起黎牛味夠濃郁，雖然較薄身，但味道卻唔錯。甜品款式亦係多，綠茶芭菲雪糕夠特別，唔會死甜！賣相都幾靚。整體款色多，又幾好味！

銅鑼灣嘅火鍋放題店牛之鍋，慶祝緊開業9周年，有風味十足嘅烤鰻套餐，閒日仲要有無限時任食任飯嘅優惠，真係Gathering嘅首選！風味烤鰻火鍋放題 Set C $366/位主角烤鰻真係肥大肉厚，鮮甜嘅魚味，仲要完全去骨啖啖肉！可選麻辣味or醬香味，醬香味類似雞煲嘅口味但完全唔辣，惹味中帶一絲絲嘅甜！食完唔夠喉仲可以再encore鰻魚，保證食得過癮！食完烤鰻可以直接加湯打邊爐，或者＋$10要個小鍋烚下菜都OK！澳洲M5和牛｜雪花牛小排｜澳洲手切牛Set C包含最靚嘅肉品，澳洲M5和牛滑嫩可口！雪花牛小排肥美軟柔！澳洲手切牛重肉味兼多肉汁！珍寶赤蝦｜韓國生蠔Set C尊享嘅珍寶赤蝦勁大隻，軟糯甘甜！韓國生蠔勁重海水味！鮑魚｜扇貝係睇得出嘅新鮮，仲要劏得好乾淨，一粒沙都冇！自助區大量新鮮蔬菜同埋飲品，連啤酒都係任飲，乜都抵返晒！甜品牛之鍋嘅甜品係極高質，有賣相有味道，記得留肚食！

最近天氣咁凍 食返啲暖暖地嘅嘢就最啱😍所以小編早兩晚就去咗銅鑼灣嘅牛之鍋🤣 位置非常方便 就係喺鄭銅鑼灣鵝頸橋隔離🥰呢間餐廳嘅食物種類都幾多 放題嚟講都算係幾唔錯🥰 餐廳嘅衛生情況亦都OK的 坐落去都幾舒服😎.🐷烤饅魚B餐今次我哋就揀咗烤鰻魚B餐😍 小編覺得烤鰻魚嘅質地好滑好鮮🥰 而且味道亦都好香好好食 啲鰻魚係入晒味嘅😍😍除咗烤鰻魚之外 其他嘢食都好似放題火鍋咁樣 食完個鰻魚 如果唔使再refill 就可以開始食火鍋放題😗😗喺呢度食火鍋放題真係可以食到好多好多嘢🤣🤣 刺身、壽司、炸物等等 放題應有嘅嘢佢哋全部都有😍 唔係剩係得打邊爐嘅嘢食架🤣打邊爐點少得落唔同嘅丸😏 小編就叫咗好多款丸 覺得佢哋丸類嘅選擇都真係幾多😙😙出邊仲有蔬菜同埋唔同款類嘅麵條可以自己攞😏 小編就攞咗好多蟲草花🤣因為真係好好食😂😂😂 啲菜都真係幾新鮮🥰 麵條方面 小編就係攞咗寬粉 雖然值寬粉真係會好飽😂 但係放題嘅好處就係可以要幾多食幾多攞幾多 過吓口癮 食幾條都得😎 寬粉口感真係好正😂 成個口感非常煙韌韌🤣係比薯粉更加好食嘅😙😙另外 佢哋嘅甜品放題都好吸🥰🥰 平時去食放題啲甜品好多都係出面有一個雪糕櫃 跟住有唔

凍冰冰最啱打邊爐！呢間牛之鍋本身火鍋放題B餐 $278起，一人一鍋可選不同湯底。宜家加$38就有風味烤鰻鍋，雖則不能另選湯底打邊爐，但任食烤鰻都幾吸引。① 風味烤鰻火鍋放題 + B套餐 $316首先上個烤鰻鍋，好似平時食烤魚咁，但就換左一塊塊鰻魚，第一次咁食鰻魚都幾特別，唔會太濃味，好食。除左加鰻魚，亦可以加入其他火鍋配料，除左一般蔬菜以及雞牛羊豬，仲有蠔，帆立貝，鮑魚，鵝腸，鴨血，雞子等好多選擇。我覺得羊肩肉同五香雞肉好食，小籠包打邊爐都幾特別，入面仲有湯汁，所以烚完夾起要小心。日式放題有刺身，壽司，燒物及炸物等，選擇跟一般放題店差不多，食肉獸表示雞皮餃子同台灣腸我Encore左兩次。而最有驚喜是這個放題有很多甜品選擇，除了芭菲，楊枝甘露，還有幾款榴槤甜品！雖則榴槤肉係得少少，但都可以過下癮。另外個法式焦糖燉蛋都好食。

早兩日行完時代廣場買聖誕禮物，七點幾都唔知食乜好，天氣又開始轉涼，咁不如打個邊爐啦。但你知，銅鑼灣實在太多選擇，於是乎就諗起，平時行天堅拿道西天橋都會見到一個建築物，入邊有幾間火鍋，又咁啱喺附近，就行過去睇吓啦。點菜都係用電話落單，佢哋可以俾你揀要一人一鍋定一鍋過。火鍋放題一般都係嗰啲嘢啦，有牛有豬有魚有肉、有海鮮有丸有菜有麵有粉～但係呢間竟然有不同形式嘅甜品，雖然佢個樣睇落一般般，但估樣樣都幾好味，推介佢個雪糕芭菲唔到每樣咁樣睇嘅話其實佢係一間主打火鍋嘅放題，點解咁講，係因為佢仲有刺身任叫任食～鍾意多選擇嘅朋友可以嚟試吓

被食評騙入來食！難得一家人食飯 簡他們愛吃既鰻魚 誰知一小鍋圍住食 鰻魚無鮮味 湯底又不夠濃 似食緊煲湯既 「魚湯渣」！ 由於比普通火鍋套餐貴 當然叫多次…落單20分鐘仍未有 最後前後跟吹4次單 先有多一碟….真係辛苦晒 原來任食鰻魚套餐 做法狡猾！ 另外，套餐刺身 串燒 炸物 甜品 質素是不錯，但經常漏單 上菜慢 會擔心重覆點菜 所以迫住蔬菜區夾野食醫任肚！總結， 不要叫鰻魚火鍋套餐！ 普通打邊爐套餐一人一鍋更好！ 不然會好失望！….不如食另一間啦！

放工7點見有啲餓，即興約埋幾個同事落銅鑼灣搵嘢食，打電話牛之鍋有位就即刻去試。選了B餐任食放題，一人一鍋方便衛生。火鍋食物種類算多，仲有刺身同炸物，呢個價錢真心超值，最後一路食一路吹水直至10點幾先走😆

天氣凍冰冰，晚餐食火鍋一定係我必食之選。不過呢，我想花晚餐嘅quota食啲特別啲嘅火鍋，竟被我找不到呢個最近新出嘅醬香味烤鰻火鍋，係咪好特別呢？風味烤鰻火鍋放題 + C套餐 (HK$366/位)，可以任食任飲2小時。🥘 烤鰻魚．店員會先上一份烤鰻魚．烤熟嘅鰻魚肉真係特別爽滑、彈牙，因為鰻魚是每日新鮮即日劏的．一份唔夠，可以無限追加喔！🦀 麵包蟹．半隻放入醬香味醬底煮熱，非常入味又不失鮮甜味，啖啖有肉，仲有一層厚厚的蟹膏，蟹殼又軟又薄，輕輕一咬就可以啦，超正👍🏼📌 提提你：分享餐廳指定影片，每2位有半隻蟹食喔！鍋底食完鰻魚和麵包蟹之後，店員會直接加入秘製濃湯開始打邊爐啦🤤 掃code點嘢食，很多選擇，包括海鮮、刺身、牛肉、壽司、炸物、火鍋配料、甜品！蔬菜類、飲品和醬油及調味料，就自己去其區域自助攞。*🦐 刺身．珍寶赤蝦：肉質爽彈，味道鮮甜．珍寶帶子：厚身，肥美滑口．韓國生蠔：簡單加些檸檬汁已經好鮮甜！*🍤 炸物．紫心香芋丸：炸得香脆Q彈，芋泥餡好好味．酥炸韓國蠔：炸粉炸得酥脆、乾身，蠔肉嫩滑、多汁🥬 蔬菜 & 麵食．每張枱放咗一個白色盤，方便去自助區揀選蔬菜和麵食，大約有27款，包括有我

打邊爐豬骨煲雞煲食得多，位於鵝頸橋《牛之鍋》就有特色——烤鰻鍋，除咗日式火鍋係做放題，烤鰻鍋都係做放題，有3個價錢選擇，今次揀左B餐$316，放題食物有和牛，刺身，海鮮，壽司，炸物，燒物，甜品、沙律、飲品選擇，款式有超過150款架。烤鰻鍋有麻辣味同醬香味兩個選擇，今次我揀左醬香味，醬香味道濃郁帶有微甜，鰻魚新鮮魚肉細緻，咬落去入口即化，而且鰻魚本身有嘅鮮味配合秘制醬汁味道更加多層次，個鍋滾起嗰陣視覺好治癒。餐廳有幾款牛選擇，我試左其中3款🥢美國肥牛肉質細嫩，油花分佈均勻，一下入湯即刻融化，帶出豐富的牛脂香氣。🥢美國極上牛肉美國極上牛肉，果然名不虛傳，啲牛肉片薄而均勻，口感肉質鮮嫩軟熟 ，質感係3款之中最中意🥢牛肩胛肉眼牛肩胛肉眼，部位獨特，肉片厚實，質感緊緻咬落有嚼勁，牛味濃郁甜品試左3款🍨宇治抹茶芭菲係抹茶控之選，佢嘅抹茶味係啱啱好，唔會太濃太淡，口感輕滑，而且好少火鍋放題會見到有擺得靚靚嘅甜品架🍨榴槤芭菲榴槤芭菲有驚喜，唔止味道香濃，有雪糕嘅奶味又有榴槤嘅香味，除咗榴槤巴菲佢哋仲有榴槤甘露同榴槤班戟，今次太飽下次一定要試下🍨精選綿綿冰綿綿冰條理分明，綿綿細緻，入口即化，配埋啲果汁爆

午市加左60蚊加刺身，由頭到尾一塊刺身都冇嚟過，話個剌身師傅冇嚟喎，冇師傅就咪話提供刺身。問左幾次有剌身未，都淨係係到拖，擺明有心唔想提供剌身，呃客人錢。錢照俾，刺身就冇得食。牛肉有2-3款，豬肉有2款，款款都切到好薄，食了個空虛。甜品落完單，等左半個鐘先到。唔係得我張枱係咁，隔離枱都係咁。仲要係三催四請，d甜品先係落完單半個鐘到。如果仲係想食呢間，最大既忠告係千祈唔好加錢要剌身，咪做水魚🐟🐠味道俾一星，因為剌身都未嚟，乜都無擺入口，點知好唔好食。服務一星，侍應（特別係有個好似經理嘅男人）淨係一味拖