牛下合利小廚

做咗幾十年大排檔熟客，呢間絕對係我嘅飯堂！冷氣夠晒勁，夏天嚟開餐都唔會身水身汗。晚晚坐爆場，但侍應阿姐手腳快過後生仔，見我哋叫咗半打啤酒，未坐低冰桶已經送到枱，爽快！ 🐚生醃獅蚶×凍馬友鮮到震生醃獅蚶：原隻上枱即開即食，醃汁用魚露蒜辣調得啱啱好，蚶肉爽脆冇沙，冰凍鮮甜送啤酒一流凍馬友：揀中條肥美鹹鮮貨，魚皮凝住啫喱狀魚油，夾起蒜瓣肉蘸普寧豆醬，甘香到連骨都啜！ 唔係次次有魚春，但要撞啱先會有，魚春係極品。🍻老馬有火吹水夜同班相識卅年老友，隊住冰凍藍妹，由仔女升學吹到英超戰績。阿姐收碟唔會打斷話題，默默加冰換碟。食完海鮮再嗌碟豉椒炒蜆，鑊氣足到隔籬枱轉頭望。人均二百幾，抵食過酒樓，傾足兩粒鐘都冇人黑面——呢份係街坊情！ …查看更多

我係牛下原居民，識呢間大排檔幾十年lu，呢間大排檔係好友聚腳嘅好地方！冷氣夠晒勁，入到嚟即時降溫，唔使邊食邊抹汗。侍應阿姐熱情又熟手，見到我哋支啤酒唔夠凍，主動過嚟幫手加冰落冰桶，抵讚！全場坐無虛席，氣氛熱鬧。食物質素唔錯，我哋重點推介：滷水拼盤： 鵝腎爽脆、紅腸惹味、鵝肉嫩滑、生腸乾淨彈牙，滷得入味唔死鹹，配碗白粥或白飯，真係一流嘅送飯（送粥）佳品！臘腸蒸雞：雞件蒸得啱啱好，肉質夠晒滑溜，完全吸收咗臘腸嘅油香同鹹甜味，非常入味，係穩陣好選擇。揀幾支冰凍啤酒，同班好朋友喺呢度傾計食飯，冷氣夠涼、人情味濃、食物有水準，又係一個滿足嘅夜晚！想食地道風味同感受熱鬧氣氛，呢度值得一試。飲杯！！！…查看更多

很糟糕的體驗，原本想在翌日經網上外賣平台下單，選頂菜式不小心下單了，就馬上申請取消訂單（19:26）。誰知商家馬上拒絕退款申請（19:26）。本人已於19:27致電商家叫他on hold不要準備（本人欲意取消訂單），說已經只準備了蠔餅，如果騎手到後就一定要出餐。然後本人就馬上通知騎手不要前往商家（因為本人正在於商家商討取消事項），又馬上跟客服聯絡要求處理退款，客服說因為出了餐所以無辦法退款。線上退不到款，本人就馬上到商家與商家討論，商家仍然不肯退款，並致電警察到場處理。沒想到商家那麼沒良心，蠔餅不能退本人明白，因為打電話到商家的時候已經弄了，但其餘2個菜都不能退，實在不能原諒。網上外賣平台也很令人失望，沒能制止這些無良的商家。…查看更多

家人都好常去既大排檔最近啲小菜進步左😝好多菜式選擇今次叫左豆豉蒸白鱔炸子雞蒜蓉炒生菜霸王雞滷水拼盤佢啲份量都算幾大碟#FoodieJb #hkfoodie #tastofhk #hkfoodblogger #大排檔…查看更多

來得街市，主要想感受風味牛頭角街市的牛下合利長期旺場，朋友介紹我來的主要原因是喜歡這裏的人情味這裏可以自帶食物來加工的，當日我們到街市買了新鮮海鮮來給這裏處理，加工費是每碟$75，大家可以作參考另外點了這裏的煲仔飯，田雞煲仔飯。有飯香亦有飯焦，豉油甜度適中，田雞肉質爽彈，分量亦足夠，$78都算便宜了這是自帶材料給他們加工的椒鹽鮑魚，鮑魚仍然嫩滑彈牙，調味不會過鹹，幾好味。我最欣賞的是他們排好七隻鮑魚殼上碟，好均真，令食客放心。（我曾經去過三聖自備海鮮去加工是少了一隻鮑魚的）豉油王炒蝦，處理得好乾淨，剪頭剪蘇剪腳，味道亦好好，鹹度適中，有豉油香，令人食指大動吃不停口大家若不介意環境的話，推介大家來體驗一下風味…查看更多

九下合利已幫襯多次，喜歡他有氣氛又大件夾抵食。今晚和朋友再去幫襯，叫了佢地馳名豬手，大蝦粉絲煲，墨魚餅... 等等。由於我有朋友後到，姐姐一見我朋友到就幫我叫佢過來，十分親切。餸菜來到一試就發現今日火候太猛了，偏柴皮和乾身。今次明顯偶然失手，可能師父今日放左假掛。下次會再去試多次。…查看更多

咁岩心思思想食醉雞，平時叫開其他公司涮涮鍋有啲食厭，一直以為呢啲養生湯底鍋要出街食唔知係咪因為疫情嚴峻，上外賣平台search見到呢間多選擇又有靚湯底（有打冷、火鍋、雞煲、粥、湯羹都有..）就諗住係屋企試下百頭有個醉雞煲+（目測）半隻雞，好重藥材味好香都幾抵食又好食，屋企仲有包粉絲吸左啲湯底食落同係街食一模一樣，仲有人送到門口仲買左魚頭、粟米羹、鰤魽、辣花螺，全部未食一個醉雞煲已經吃飽了，份量唔少、一個人分三四餐食都得下次必定再幫襯…查看更多

UA淘大係小弟最多去嘅戲院, 貪佢夠平!我窮嘛.... ~~ >_<~~睇完套比星戰9葉問4更好睇嘅白頭山火山浩劫之后, 去咗"牛頭角結界"牛頭角街市上面大排檔開餐.多年前同友人去牛頭角街巿想話開餐, 兩條友行完成個街巿水靜河飛烏蠅都無隻, 過咗一年再去, 居然見到兩間大排檔!於是我地懷疑當年入咗牛頭角結界!上次去牛下合利, 見到羊腩煲啱啱上巿, 而且相當吸引, 但當時無即刻落單, 等佢炆冧D羊腩下次先叫.所以今次點個羊腩煲, 希望有驚喜.優點 :1, 好多時食羊腩煲, 一係配支竹一係雙冬, 牛下羊腩煲兩款齊哂!2, 支竹係近年食過最冧嘅, 冬筍同冬菇亦出色.3, 待應服務唔錯.缺點 :1, 怕米奇咪幫襯!2, 羊腩主角失色, 妹仔大過主人婆, 每件羊腩 size 都過大, 令口感變硬, 而且乾身唔夠 juicy.3, 有幾件直頭係肥肉, 攪到勁重羊騷味!4羊腩汁唔夠味，太淡.牛下合利支竹雙冬 + 土瓜灣神采廚房羊腩 + 柴灣泉記羊腩汁 = 天下無敵羊腩煲…查看更多

去過幾次新南苑, 今次轉場, 幫襯吓旁邊牛下合利.即使新南苑又好, 牛下又好, 有三點要留意!1, 有潔癖唔好去.2, 怕煙味唔好去.3, 怕嘈唔好去.點咗個蒸釀豆腐同臘味炒介蘭.臘味有臘肉, 臘腸同潤腸.以前超討厭潤腸, 后來人老咯..... 口味都改變, 由討厭變成喜歡.可惜三款臘味味道都過咸!但錯有錯著! 介蘭炒得夠冧夠鮮嫩但唔多夠味, 於是兩者一同放入口, 亙補長短, 好味!蒸釀豆腐釀嘅係鯪魚肉, 我喜歡豬肉.豆腐口感幼滑, 滿意.而同樣問題又再出現, 味道又係淡咗D, 當然, 用同一方法解決啦!埋單離開時見到好多枱都叫咗羊腩煲, 望埋去又好似幾正喎! 如果再黎牛下會試試羊腩煲。…查看更多

🍺牛頭角街市貼地大排檔 超班炸豬手🍖小女子跟我男人同朋友去大排擋食飯隊啤🍻今次嚟到牛下合利食飯 發現極高質炸豬手😱呢間大排檔非常岀名 以前係牛頭角下村自從牛頭角下村重建 03年就遷往牛頭角街市🍖炸德國鹹豬手$128呢個價錢咁大隻確實抵食👍🏻食落口係有 “估你唔到喎”嘅驚訝感覺😱👍🏻炸得超脆不在話下 皮夠乾身 豬皮下嘅膠原口感同脆豬皮有好大對比肉入面仲好夠juicy 豬油滲岀嚟 味道夠鹹送啤酒一流🍺4條友10分鐘內清哂🍴鐵板沙薑粉腸$68我未食過呢個餸 但真係超香口送飯一流👍🏻鐵板令到粉腸有更多焦香 仲一啲都唔腥裡裡外外都有沙薑包住 香到暈加埋洋蔥絲真係一絕🤤🍗椒鹽墨魚咀拼雞軟骨$88份量唔算好多 雞軟骨多過墨魚咀仲有好多炸腰果😂覺得椒鹽味唔夠咸雞軟骨食落唔太夠味 多蒜頭但食落唔夠香有少許失望😐🥦芝士牛油焗西蘭花$78無咩芝士味 但幾香牛油味嘅中式白汁😂撈飯正 但淨西蘭花都呢個價 性價比不高🥚麻辣皮蛋$38皮蛋有點過硬 麻辣醬唔夠香🌶可能咁啱我地呢轉皮蛋質素麻麻…查看更多

九龍灣食黎食去都係德福淘大🤢🤢🤢🤢🤢🤢如果想食小炒都係淘大馬路邊果堆🤔🤔😔😔今次行多兩步去牛頭角熟食中心!叫左個粉絲蝦煲個汁稀左少少 但都好香沙爹味👍🏽👍🏽👍🏽蝦爽口 主要材料好足 唔會好似其他咁配菜佔一半🤪…查看更多

牛頭角街市大件夾抵食🍚-睇個名都知餐廳係以前牛下既大排檔，雖然進駐左入去熟食中心，但整體個風味都keep到似大排檔喎🤪。-避風塘豆腐($58)辣味幾出，咬入去幾juicy，唔會成啖油。-黑椒茄子脆腩煲🐟($88)脆腩比得多，茄子整得夠淋易入味，整體黑椒味幾重，送飯唔錯。-薯仔牛柳粒🥔($88)鑊氣之選，份量夠曬多，牛肉偏鹹，薯仔外脆內軟。-鍋貼小棠菜🥬($88)唔知大家有冇食過喱味餸，好少有餐廳有得食估唔到佢居然有🤣。雖然佢個名叫小棠菜，但其實菜既比例佔得好少，平時食開既入面都係蝦膠為主，哩到做既係用墨魚膠為主，各有風味啦。一上枱超脆口，超大份送酒一流。…查看更多

懶既日子當然係叫外賣啦😝😝住左咁耐都唔知有一間咁正既大排檔舖頭位置喺牛頭角街市熟食市場叫左個「窩貼小棠菜」一打開個盒時真係「哇」一聲😱因為好大盒 好抵🤭🤭.墨魚滑裡面包住左d小棠菜粒𡁻落去時好有口感😋味道調較得好好🤘🏻🤘🏻墨魚滑亦打得好煙韌💯咬落爽口 食材都新鮮既出面包住一層薄既脆漿炸完之後食落更香口😎一路𡁻都keep住刺激口腔每個細胞送飯🍚送酒🍷佳品價錢都算係平 🎉驚喜🙆🏻‍♂️…查看更多

潮州生醃鰤魽鰤魽偏細，肉未算飽滿。但醃得剛好入味，還算食得過。不過生吃貝殼類未必人人敢挑戰。另外叫了幾款香口小菜，剛炸起的椒鹽九肚魚，香膽可口，骨位不粗硬，但略嫌九肚魚不夠嫩滑。大排檔必吃的薯粒牛柳粒，牛柳粒大件有嚼勁，薯粒外脆內軟。但論最好，還是深水埗愛文生的招牌薯粒牛柳粒，最令人百吃不厭。乳鴨($58) 的份量挺大，能切一開6件。還有蝦醬通菜，蝦醬的味道偏薄，不知是不是現在都市人不愛吃太咸太濃味的關係。加埋白飯2碗，埋單$329街坊價錢，值得食！…查看更多

是夜在九龍東。十點過後搵野食選擇真係唔多。開飯搜尋見到呢到竟然挾牛下之名。用上曾經係九座巷內既合利招牌。咁梗係要黎試下堅唔堅。見有生魚皮基本上都一定會叫黎試下。唔多地方有嗎。魚皮一過熱水就要冰鎮去保持爽口。拌上薑絲蔥絲。師傅豉油再加拃花生就係。食完一定口渴。但係魚皮夠爽口。薑蔥絲同花生又香口。師傅又夠鮮。咁唯有叫埋罐可樂送住食啦。再叫左多個生醃鰤魽。除左唔夠大隻同肉未算飽滿之外。醃得味道好。食得過。咁當然腸胃一般既朋友要有皇恩大赦既心理準備。叫得合利冇理由唔叫佢啲名菜。薯粒牛柳粒算係一例。可惜以前既姐姐聲鐵板已經不再。只係用碟上。咁梗係冇以前咁熱辣辣啦。鑊氣當然夠。黑椒既香氣撲鼻。薯粒依然外脆內軟。但係牛柳粒切得太細。感覺好碎。食完魚皮。整多個魚卜黎試下。用上薑蔥黎爆。叫得做爆。鑊氣係必然既要求。呢到絕對合格有餘。薑蔥既香氣綻放得到淋漓盡致。魚卜外滑內爽。火路控制一流之作。唯獨個人覺得酒香未夠。非則為上品。搬到黎熟食中心一樓。樓底焗住食客既熱情的確熱鬧。但係就見唔到聽唔到舊時火水爐既火光紅紅既咆哮。…查看更多