牛一 (利舞臺廣場)

營業中

休息中

一直以為打邊鑪呢類飯局只限於晚上進行，因為成日都覺得lunch hour會唔夠時間食。點知今日竟然可以嘗試到午市邊鑪放題，好興奮！🤩去到鋪頭要排隊等位，但發現原來可以用GULU預先拎飛，下次真係要早d拎飛先得！不過好彩等左大概5分鐘就入得，唔係等左好耐。我地揀左60分鐘午市套餐的美國牛肉套餐$75。另外，因為咁岩餐廳做緊會員買一送一優惠，而我其中一位同事係會員，所以我地一行4人總共有8碟牛肉！加一之後每人都只係$82.5，真係好抵食！我地入座的時候已經揀好左要木瓜海底椰魚湯做湯底，所以我地去到座位放低行裝之後就出去bar枱拎其他食物。總共有兩大張枱放置食物。呢度有好多打邊鑪的蔬菜，都好新鮮，食物都fill得好快。另外丸、腸等等都應有盡有。不過最令我有驚喜的係佢的日式咖喱🍛，配白飯/ 日式和牛炒飯都好好食😋！份量又可以自己控制，非常推薦大家試試！👍🏻飲品區有汽水、紙包飲品等等，另外有凍茉莉綠茶可以揀，幾特別。另外有Yogurt機可以俾客人任食Yogurt！仲有好多toppings可以揀，正！👍🏻👍🏻👍🏻

朋友不想吃澱粉質，所以就選擇吃火鍋。吃到飽90分鐘，有不同價錢的肉類可以選，當然越貴越好吃，但我們只是選了每人$178的火鍋吃到飽。蔬菜類自己在外面取，肉類就要跟店員點。蔬菜種類多，也有丸類，炒飯，麵，冰淇淋提供，飲料選擇也不多，但也有2種韓國品牌的啤酒可以喝。

朋友介紹嚟食，食過幾次質素都幾好，靚料！而且地方環境闊落，侍應都隨傳隨到。想用openrice優惠，但原來要影印本，用唔到，不過職員推介有另一個優惠，沒有hea應完就算，反應好快，服務不錯！不愧我會繼續帶不同朋友來光顧。

依家都係得90分鐘食所以食得比較快有啲乾牛肉就係煮食呢間都算新鮮唔錯另外呢度衛生都算乾淨所以食得安心另外出面亦有個自助吧可以自己攞啲菜式都算多選擇而個湯底味道唔錯

其實我好鍾意食涮涮鍋㗎，尤其是係半自助式嘅， 或者全自助式，因為可以揀到自己鍾意食嘅嘢食！我今次嚟到銅鑼灣呢間嘅分店，感覺都唔錯因為等候嘅時間都唔耐，而且有我鍾意食嘅羽衣甘藍，不過refill唔太頻密，所以有時要等好耐先可以食到自己鍾意食嘅餸！牛肉質素有時好有時唔太好，有時候啲脂肪比例有啲多，但係有時候就啱好，或者有時候切得太薄，一夾就散左冇咩口感，有時候太細片，不過好嘅時候都唔錯，所以都要睇下每一次嘅質素係點樣！

平日食lunch咁趕, 上菜快真係好重要. 落左order後, 大家都出去salad bar攞小食, 然後湯+野食/肉其實都幾快到, 有效率salad bar有2張枱分開左小食+醬油, 另1個角落有飯+野飲+雪糕, 大家唔洗迫埋1堆~ 小食+醬油都幾多選擇, 職員都添得幾快~ 早1日已經留左電話book枱, 但係我地多人去到都要等, 都明白既. 眼見有2張細枱1直都都未有客人, 想問下有冇機會入座~ 職員話留左位, 但等左半個鐘客人都冇黎~ 職員應該1早同客人再次確認booking, 佢都想坐滿全個場架

今日公眾假期，唔想同人逼飲茶，試吓火鍋題，90分鐘牛、豬、雞、配菜、粉麵飯、甜品、飲料任飲任食湯底都幾多選擇，我哋揀木瓜海底椰魚湯，好滋潤，一人食左兩、三碟雪花肥牛，每碟牛都係薄切，而且keep住水準，絕對唔係一碟比一碟差，上菜都好快，菠菜非常新鮮，粟米、紫番薯、南瓜都好甜，有好多款丸，芝麻雪糕夠滑，仲有好多配料可以加門口服務員好細心，佢見我哋未人齊，建議我哋先揀湯底，亦提議我哋人齊才入座，因為入座就即刻開始計時

牛一火鍋放題午市90分鐘任食 牛 豬 雞 $128+1唔知有冇人同我一樣 其實我去牛一係為左食羽衣甘藍 同 Yogurt 牛一的肉質素 Ok 對得住個價錢 而且叫 refill 肉的速度都快但其實最吸引我的係放係任食區的羽衣甘藍 好少火鍋放題店會有 而且幾新鮮 點醬汁食好好味 基本上食菜多過食肉任食區仲有丸 菇 其他菜類 唔算勁多 但都夠選擇 飲品有罐裝啤酒 紙包飲品 汽水機... 另外一大特點係有雪糕 Yogurt 機 當日食係豆腐雪糕 同原味 yogurt 平時食都要幾十蚊杯啦 呢度任食真係好爽P.S. 用 leegarden app 係呢間分店食有10% off

我地三個人放工近近地喺銅鑼灣食個飯就去左牛一我地去左第三平既有雞🐔牛🐮豬🐷任食切得幾薄 好正 勁快食得出面都幾多菜 麵 丸 幾多choices飲品唔係好多選擇 但係竟然都有兩款酒D服務幾好 一舉手 加湯 加肉 都好快就黎三個都食到唔想再食館住走🤗

牛一自助餐……日式風格！先選擇套餐，然後確定好，就可以坐下來，享用有60分鐘和90分鐘用餐時間之分……有牛肉，澳洲和牛，雞肉，豬肉等品種之分……大家可以根據自己需求選擇……我選的是218一位，澳洲和牛套餐，選了鴛鴦鍋（番茄🍅➕干貝清湯，需要加18元）！肉類是可以任意加，當然不要浪費，根據自己食量而點，話說我們兩個人也吃了9盤和牛太能吃了！還有一些配菜：丸子、素菜、豆製品等等，自己夾……飲品選擇挺豐富，有汽水🥤，有果汁，有啤酒🍻，熱茶……個人感覺，在香港，就算普通店舖的牛肉，口感都不錯

我今天在牛一午膳，選了90分鐘的自選餐，以這價錢，食物算是不錯，牛肉薄一點，但是味道和品質都是好的。然而，給我留下最深刻印象的不盡是食物，而是因我在結賬後，不小心把我的iPhone XS手機遺留在餐廳內，15分鐘後才發現，慌張地返回餐廳，竟然很好彩被尋回！我想感謝誠實員工Steve ，他拾到後把我的手機放在櫃檯收好，沒有據為己有，我打算以現金獎賞他，卻被他微笑地堅拒，在此我表示衷心感激，如此誠實員工現今社會實在難能可貴！

午餐時間又到，今日去食午市火鍋放題，有丸有肉有蔬菜，種類選擇也不錯，又有不同款式飲品，有時悶悶地唸唔到食咩，呢個火鍋都是不錯選擇，最後食埋個乳酪雪糕味道不錯唔太甜，今個午餐真是大滿足

今晚友人想打邊爐，所以我哋一行四人就去左利舞臺間牛一。牛肉選擇多，有不同質素選擇，而且價錢平，我覺得幾抵食。我點左極上美國牛，以其他食店任食放題的經驗，初上時會係靚牛，但愈上啲牛會愈差，睇睇這間會否不負眾望。我哋每次都五板五板甘叫，牛肉因為切得夠薄，淥落湯度會好快熟，而且唔怕 overcook，食落美味。除了牛肉，還有其他食物在自助 bar 任攞。菜類款項多，總有一款會適合大家。有軟雪糕任食，可加不同配料。我個人最唔鍾意啲九唔搭八的食物，例如食韓燒有豬腳薑。今次食店就係有炸魚皮。我個人喜歡食炸魚皮，但在適當地方要食適當嘢，九唔搭八會令人好反感。整體而言，食店服務爽快有禮，環境舒服，食品質素高。除了炸魚皮外，各方面都值得欣賞。

今晚，一家大細，有老有嫩，一行5人去左位於銅鑼灣利舞台17樓嘅牛一。牛一，由佢幾年前係銅鑼灣廣場地庫果陣，已經開始幫襯佢。到佢幾年前搬左嚟利舞台，再開到成行成市。唯一不變就係.....CP值爆燈！由於今日6:30左右就去到，所以好好彩唔洗等好快就有得入去。環境：暗暗地幾好氣氛，乾淨程度亦都算係唔話得。食物：今日叫左鮮茄龍蝦湯，丫，唔係，係鮮茄濃蝦湯先啱。牛肉，我地就選擇左極上美國牛肉（大人178，小朋友長者138）。如果喜歡食和牛，佢地個極上日本和牛真心推介。不過今日有老有嫩關係，怕佢地吃不消，都係叫返極上美國牛肉算。不過唔好睇少佢，啲牛肉唔肥，有紋理，好啱老人家小朋友食。豚肉，我真心另一個推介，厚薄啱啱好，唔肥，打邊爐一流。出面自己拎嘅火鍋配料有好多，丸類，菜類，麵類，豆腐類，重有乳酪蛋糕，汽水啤酒。如果你每一樣都拎少少入去試，一定好快就飽。不得不提係佢個日本和牛咖哩加白飯，雖然飽肚，但係我每一次去點都會整一碗細細地食下，試過你就知好野。小朋友最鍾意嘅芝士丸同腸仔。90分鐘嘅火鍋放題，去到最後既15分鐘，佢地會溫馨提示返你淨低15分鐘，你可以選擇加鐘，或者找數。到果陣，食多少少就去拎

價錢便宜，即使晚市都只係$178+1/位，而肉質亦已經好好，肉同飲品亦都係無限添加，係性價比一流既sabusabu。 中意食壽喜燒既朋友一定要試壽喜燒湯底，免費有生蛋一人一份點牛肉又係十分出色火鍋配料無限添加，比其他火鍋餐廳特別既係有黑蒜醬油，用黎點牛肉十分入味，再配合埋辣蘿蔔容真係無得頂！ 飲品種類亦都十分多選擇，大小都啱飲 到甜品，每期既甜品都唔同，多數係水果味同原味乳酪雪糕，我最深印象係蜜桃味既雪糕好好味！