燒肉801

營業中

休息中

大島教練好介紹，燒肉801！首先我打咗4日電話，只有1通有人接聽，這有點那個吧?! 只接受OpenRice訂坐，但1個月內都冇5點後嘅booking。我覺得呢樣幾好嘅，起碼唔會俾人胡亂訂枱，影響真係想食嘅有心人。晚市5點開始，限時90分鐘，所以大概預返時間用GuLu或現場攞早段嘅飛都可以，但7點後唔包啊，而且聽聞會太多人排隊而截龍停止派飛。食物方面：多種盛合選擇，可以額外加紫菜飯，冷麵，飲品，生菜。（午市白飯同味噌湯免費）三腹盛合：有3種腹肉，包括鹽燒同汁燒，選擇困難嘅你最啱。牛舌盛合：朋友話好好味，彈牙而且多到嚇親，3-4人千其唔好叫double！黑毛和牛盛合：有兩個部位-降霜牛小排同大判燒肩胛肉，肉好正。不過燒汁太咸。因為呢個原因，我哋再單點一份走汁轉鹽燒，但係都好咸，有啲嘥咗塊靚肉，建議全走或鹽on-side，記得要拌溫泉蛋食先最正！最後，大島教練話日本人食完燒肉都會食冷麵（韓國人都係）⋯⋯oh，只能用神來之筆嚟形容！當冷麵入口嘅一剎那，濃重嘅油膩感～refresh！冷麵彈牙，冷麵汁微酸爽口，盛合加$38有個迷你嘅，單點有兩款口味，下次再試。另外，紫菜飯伴燒肉一齊食係必須嘅，大家

近期新開嘅大熱日本燒肉店招牌以紅色為主紅噹噹夠晒搶眼餐廳主打🇯🇵九州黑毛和牛長期都好多人排隊要食一定要預約定🔸黒毛和牛盛り 159G $298🔸加配生菜 set $25.0🔸黑豚盛り150G $98.0🔸鹽味牛舌 $78🔸帆立貝 $58黒毛和牛盛り 包含咗黒毛🐮和牛肩胛肉及黒毛和牛小排。我哋仲加配咗每人一份生菜set，生菜set仲有配菜泡菜同埋甜辣醬。黑毛和牛油脂分布得好平均，牛小排肉質較厚，兩款都有入口即溶😍和牛肩胛肉成大塊，仲配有蛋沾上，特別香濃。抽油煙效果好好，仲可調較高低，食完飯唔會成身油煙味👍🏼鹽味牛舌薄切但濃牛味。黑豚盛有黑毛豚無骨小排、厚切煙腩肉及日本熟成豚香腸，黑毛豚無骨小排燒到外脆內軟，非常juicy軟滑👍🏼厚切煙腩肉燒完好香煙燻嘅味道！帆立貝配上牛油特別鮮甜

Yakiniku 801📍尖沙咀加連威老道14號地舖同朋友行過加連威老道見到呢間門口排咗多人嘅燒肉店 於是又去排埋一份原來性價比極高 人均$200內已經可以食到好飽仲有質素唔錯嘅燒肉 唔怪得知咁多人🤡🐮801盛$198黑毛和牛肩胛肉&腹前牛小排&蔥鹽味雞腿肉呢款係必叫 因為包左一塊黑毛和牛肩胛肉油花分明 點埋蛋汁更加滑嫩😻腹前牛小排 肉味濃郁 食肉獸必食👅牛舌盛$123鹽味牛舌&醬油牛舌牛舌爽口彈牙 分別用咗兩款唔同嘅調味簡簡單單已經好好食🐥九州雞盛$98蔥鹽味雞腿肉&九州雞頸柳&九州雞心鍾意食雞肉嘅朋友可以揀呢一款講到明係用九州雞推介雞頸肉 比一般雞肉更加爽口彈牙雞心用鹽醃咗燒完之後特別惹味 送啤酒一流🍚米飯set +$25 米飯 味噌湯 泡菜🥩黑毛和牛上肩肉$148見到呢款特別推介 好似幾吸引估唔到油花分明不再講 燒完之後啲油香出哂嚟用嚟襯埋個米飯一流

同日本食既無分別,食材,用料,器材,爐具,都係用日本貨尖沙咀美食攻略2022 今次食燒肉日式專門店呢度係新開,今期最HIT新店,人氣分店,有拍人介紹過左黎試平均100~150一位就食到頂級水準牛肉燒肉唔食牛也可以食雞豬肉,都係來自日本既高水準食材雞肉特別有肉汁,可以用中火慢烤,食到甘甜既雞肉鮮味,又食到嫩滑既雞肉,配少少檸檬汁已經好味道和牛簡單令人流口水,呢度招牌定食SET 有雞有牛肉,先食雞再食牛和牛脂香肉鮮,入口即溶,燒個3成熟已經好夠,太熟無曬油香脂鮮甘味,撈麵撈飯或包紫菜食都一流另一款牛肉都係高水準之作,油花無和牛咁勁,但肉味勁濃厚,燒熟食已經夠味,個種濃郁味道久久不散,好好食呢套餐配麵或飯,下午茶食更加抵平均消費$200#燒肉801 #Yakiniku801 #和牛燒肉 #頂級燒肉 #和牛A5 #神戶和牛 

近日天氣開始轉涼，特別想吃燒肉，便想約朋友來這家燒肉801來個午餐。裝潢很有日本的感覺，店面大而且夠通風。我們先點了兩個肉類拼盤，樂盛（Single $108）有腹前牛小排、黑毛豚無骨小排及蔥鹽味雞腿肉，而神盛（Single $168）有特上牛胸腹肉、腹前牛小排及牛板腱肉。當中特上牛胸腹肉及蔥鹽味雞腿肉最得我心。牛舌盛（Double $188）有鹽味牛舌及醬油牛舌。個人偏好鹽味，更能吃出牛舌本身的質感及味道。801沙律用上生菜，配以醬汁、溫泉蛋、紫菜等，健康無負擔又惹味。午飯時間12-5pm叫任何盛盒送日本米飯及味增湯，另外可以加$25要生菜Set有生菜及泡菜。味道出色，環境舒服，可以encore！

神盛-特上牛胸腹肉-腹前牛小排-牛板腱肉$168 (Single)好味指數：9/10牛胸🐮腹薄切有三片，沾上濃濃醬汁💦好入味，每邊燒45⏱秒已經啱啱好。牛小排都幾厚身，又係有三塊，咬落好多肉汁，唔需要點醬汁🥣已經好夠味。牛板腱🥩好大塊，亦都係有三大塊，呢款係最好味，因為呢款佢有啲油脂係側邊，燒好我哋將佢捲埋嚟食，油花喺口裏面徘徊，好滿足🥰。跟冷麵set (冷麵、泡菜)$38好味指數：8.5/10冷麵🍜用咗醋同麻油嚟調味，好開胃。麵底要稱讚👍🏽，係非常有彈性同埋煙韌，我未試過食呢隻咁特別嘅冷麵，好有驚喜。仲有一小兜🥗泡菜跟埋。醬油牛舌$78好味指數：10/10牛舌👅非常出色，雖然佢唔係厚切，個人比較喜歡薄薄地容易咬😬，但佢燒完一啲都唔會韌，表面仲有滿滿醬汁，所以咬落去濕濕地好入味，仲好juicy。日本熟成豚香腸$58好味指數：7.5/10豚肉香腸正常發揮，咬落去有一粒粒🥓肉粒，口感都幾豐富，味道亦都唔會✅過鹹，但就冇乜特別。日本忌廉汽水$25好味指數：8/10初初叫我仲以為好似港式忌廉咁，但係飲落去佢個味道好似忌廉溝🥛鮮奶，原來日本版嘅忌廉係咁樣🤭。

今日同老公響尖沙咀行街，發現呢一間新開嘅燒肉店響加連威老道，門口有好搶眼嘅鮮紅色，又有多人排隊呢度就試吓啦！呢個地方都唔細主要係卡位同埋圓枱，好好彩佢俾咗張六人嘅卡位我哋兩個所以坐得好舒服。佢哋主打食日本和牛燒烤套餐，價錢單點都係大約 $100至$200之間，我哋就點咗佢哋嘅皇牌801盛：($198)包括咗黑毛和牛肩胛肉大判燒、牛小排同埋原味雞腿肉，而所有嘅單點都可以加配白飯或冷麵套餐。（ $25 ）有一碗飯或冷麵，另外有麵豉湯同埋泡菜，見到有日本忌廉汽水響出面比較少見，真係好有cream Soda嘅感覺，好飲！老公就叫咗支麒麟一番榨啤酒🍻之後我哋再嗌左兩個單點一齊試吓分別係803神盛（ $168 ）有三款肉包括左牛胸腹肉、牛小排、同埋牛板腱肉；另外再叫多個808 臟盛（ $118 ）有味噌牛腸、豬胸腹肉同埋九州雞心。呢度用嘅爐火力好夠，嗰塊牛肩胛肉大判燒，果然係黑毛和牛入口即溶，加埋蛋一齊食好滑唔全唔使點咬😂而佢哋嘅牛小排醃得好入味好有咬口，雞腿肉燒完之後都唔鞋幾好食，其他嘅肉類都好高質素性價比的確唔錯好似返咗日本咁。

真係要打左電話問多唔多人排隊，問下幾點截單先好去，我覺得真係好誇張，明明OpenRice寫營業時間係12-16點，平日我3點去到同我講已經截單，我一個人咋，都唔會食好耐啦，一個鐘都搞點啦，日頭3點話截單唔做生意。所以大家去之前打電話問先，千其唔好好似我咁3點walk in，一定冇得食。真係第一次聽日頭3點截單。可見佢地唔憂做。3截單到5點都休息時間，大家唔好好似我咁蠢walk in，點都打左電話問多唔多人排隊，幾時截單，有冇得訂位之類。果然日本認開嘅餐廳係唔同d嘅⋯⋯好灰，特登去左2次都食唔到，唔係評論服務好唔好，提醒大家想去，唔好walk in，一定打電話問先，費事好似我咁特登去2次白行，一係等位等到截單都未有得食，一係平日勁早截單，

上網見到介紹，所以諗住去試下，滿心期待錦，兩個人去食。入座時間大概係夜晚8點50至9點左右，入到去係一張4人既圓擡，隔離有張長bar擡，擺左佢地預先準備好，一碟碟既醬汁，我地食飯成程啲服務員就係我地隔離行黎行去，因為佢地要拎個啲醬汁，同埋張擡擺左佢地要用既用品，我覺得非常打擾，但無辦法，我地已經開始食。坐低後無一個服務員同我地講解要點樣落單，我都係睇檯面個張貼紙提示先知係手機落單。無人同我地講啲用具擺邊，我都係自己望黎望去先見到啲筷子原來擺左係我地背後既長bar擡到。網上又話啲服務員好好服務既，唔知係咪因為人地係youtuber所以好服務啲。無人話我地知用餐時間係幾多，last order係幾時，我地都唔知道佢地收10點半，所以都無問到。我地去到落左第一輪，岩岩開始燒既時候，有個服務員就同我地講：個陣時間係大概係9點15左右，我地兩個呆咗一呆，我心諗我岩岩入座無耐啵，覺得last order有啲早，錦唔緊要，我地覺得肉都夠啦，諗住嗌啲主食啦，見人地話個檸檬冷面好好食，所以嗌左份，過左一陣，有個服務員過黎話冷面無曬，錦我都明，錦熱門既可能賣曬，就轉左兩個紫菜飯，過左一陣，又有個服務員話：

人人都去日本食燒肉，未搶到機票要留喺香港嘅你，又想歎返餐性價比高嘅日式燒肉，就要嚟尖沙咀試試呢間燒肉801啦！就算落雨天都好多人企喺門口排隊，就知佢人氣高必試啦！黑毛和牛盛黑毛和牛肩胛肉同黑毛和牛小排油花十足，而且口感嫩滑濃郁，油脂豐富，輕輕一灼充滿油香，可以和牛點溫泉蛋享用，加埋檸檬燒肉醬，入口即溶！神盛特上牛胸腹肉、腹前牛小排同牛板腱肉好抵食！一個套餐就有齊各個人氣部位，入口軟腍，油脂及肉香平衡。

天氣涼涼地，最啱食燒肉，放假約埋朋友去食lunch，呢間燒肉店就係the one 附近，紅噹噹嘅門面，好搶眼 午市套餐已包白飯及味噌湯，抵 801盛(150G) $198套餐入面已包含大判燒！黑毛和牛肩胛肉，腹前牛小排及蔥鹽味雞腿肉。黑毛和牛肩胛肉一片過，沾上蛋汁食，入口超順滑富蛋香，肉質柔軟，好值得試，雞肉燒完個皮好脆，亦都好滑溜 803神盛(150G) $168套餐入面已包含特上牛胸腹肉，腹前牛小排及牛板腱肉，呢個set 係全牛宴，好啱我，3款都好食鹽味牛舌$78一碟有5塊，輕輕燒吓落埋檸檬汁調味，嫩滑有彈性，厚身d 更好 杏仁豆腐 $28好香杏仁味，超級滑，好似食緊奶凍咁，必食 生菜 $16汽水 $8

燒肉801 (尖沙咀)忙左成日，去尖沙咀搵好野食❤️❤️801盛 Single (150g) 🥩 $251和牛肩胛肉、牛小排、鹽味雞腿肉大家一定要叫🥰🥰好抵食，有3款肉，款款好食☺️☺️肉味濃郁，好推薦⭐️⭐️配白飯+$25 🍚807 三腹盛Single (150g)$148牛腹肉、豚胸腹肉、雞胸腹肉🍗🍖肉汁鮮甜，鮮嫩十足，好正😆😆 腹肉好淋，好有口感😋😋極上厚切牛胸腹柳$138大大份，厚切啖啖肉🥩🥩檸檬冷麵$78好開胃，好岩而家食😍😍冷麵凍凍地，正😉甜品🍮$28杏仁布甸😆😆好好食👍👍呢間燒肉真係好抵食，坐得又舒服，推介😍😍地址：尖沙咀加連威老道14號地舖整體評分：5/5味道：5/5環境：5/5抵食：5/5

燒肉801（尖沙咀）星期三約咗幾個朋友去呢間燒肉。聽講好出名，實際上果然名不虛傳， 去到真係勁多人排隊。 間店位於尖沙咀The One對面，位置好方便。店舖嘅裝修都好有日本風格，不過佢嘅賣點係主要食牛嘅燒肉，而整間店提供嘅肉質都係非常優質！醬油牛舌/ 鹽味牛舌食得燒肉通常都知道燒牛舌係一定冇死嘅，通常都好食。但係佢哋嘅牛舌真係唔係一般嘅好食，真係好有咬口之餘再加上佢本身有嘅醬汁，真係唔使再點醬都超好食。三腹盛顧名思義就係牛腹嘅唔同部份。 食落去覺得好鮮嫩，好有牛味。 即使係一啲有脂肪嘅部份（燒得好惹火） 但係放落口係冇油膩嘅感覺。特上牛胸腹肉一句講晒：鮮嫩嘅牛味。建議大家食嘅時候唔好講嘢， 因為咁先至能夠細味一下極品牛肉。極上厚切牛胸腹柳同上面一樣，不過係更加鮮嫩嘅牛味。一整塊牛空腹柳上碟，建議先將佢剪開一塊塊，然後放上架度燒，唔使燒得太熟，見到一邊熟熟地就已經可以反轉燒第二面。記住：食嘅時候唔好講嘢，用全個感官去細味呢塊牛。赤海老蝦店員話呢啲蝦係刺身級嘅蝦，所以唔使燒得太熟。食落真係超級鮮甜，的確係刺身級。鍾意食蝦嘅人一定要試。辣牛肉麵最後，都叫咗碗牛肉麵。

燒肉801 - 性價比高燒肉店今日介紹一間位於尖沙咀的燒肉店，主打日式的燒肉，餐廳裝潢有別於一般傳統的燒肉店充滿日式木元素的風格，而是新派紅色門面加上白瓷磚，最緊要係價錢經濟實惠！805 黑毛和牛盛Single $298餐廳有不同號碼的盛合，牛豬雞海鮮的搭配。這款就可食到大判燒！黑毛和牛肩胛肉和黑毛和牛小排，黑毛和牛油脂分布平均，入口即融化，配上溫泉蛋和白飯一絕！必食的黑毛和牛set!802樂盛 single $108另一款燒肉盛，包羅萬有，有齊牛豬雞，包括腹前牛小排、蔥鹽味雞腿肉同黑毛豚無骨小排，性價比超級高的一款。極上厚切牛胸腹柳 $138超級厚身既牛胸腹柳，肉汁爆多，肉質嫩嫩，最緊要係啖啖肉！

係尖沙咀又搵到一間正正既燒肉店! 呢度環境唔大，但全部都係卡位好闊落，坐得好舒服! 而且燈光偏暗，但每個卡位既天花中間都會有燈射落來，感覺要客人好好欣賞食物呢😋 我地今次叫左:..🥩801盛 燒肉盛合set- 大判燒!黑毛和牛肩胛肉- 腹前牛小排- 蔥聯味雞腿肉🥩黑毛和牛小排🍖黑毛豚無骨小排🐚帆立貝🥬生菜set🍚日本米飯🍮杏仁豆腐🍹日本忌廉汽水.自從之前係其他燒肉店食過大判燒黑毛和牛之後，就偏愛呢款，所以見到呢間都有大判燒黑毛和牛就即刻order左! 黑毛和牛肩胛有2大片，紋理好靚好均勻，由於切得薄身，所以擺上爐燒一陣就已經可以食用，大判燒一定會附上生雞蛋一隻，等你擺放燒好左既和牛與蛋液撈來食，好好味! 入口即溶!.黑毛和牛小排就較厚身，本身已經有醬汁醃左，擺上爐燒香後，肉味好濃郁🥹 如果話上面既黑毛和牛肩胛係嫩滑juicy入口即溶，呢個牛小排就係勁濃郁爆汁! 加埋本身醃既醬汁更添惹味! 好好食!.黑毛豚無骨小排本身脂肪同肉分佈平均，唔駛上油直接擺上就得，因為脂肪會爆油出來，肉質好軟腍好味! 而跟set既腹前牛小排有2片，同埋蔥聯味雞腿肉就有幾件，腹前牛小排肉質就較實身但仍然肉味濃郁!