燒肉801

營業中

休息中

尖沙咀開咗呢一間新嘅燒肉，門面富有日式風味，平日下午2點去入邊都有九成滿。相當多人。打開餐牌，有散叫、亦有套餐。午市免費送麵豉湯及白飯🍚我哋都係鍾意食牛肉，所以兩個餐都叫咗牛肉。而且我哋仲+$16升級紫菜飯。紫菜飯大大碗，有好多紫菜，特別好味。不自覺地食多咗好多飯🫣▶️801盛$198呢個盛合有三款肉：大判燒黑毛和牛肩胛肉，呢個大大塊，而且好夠肉汁，只要輕輕燒吓，薄身嘅牛肉就好快熟。而且油脂夠多，牛肉好香好好食！腹前牛小扒呢個相對地厚身。牛肉夠多汁，而且肉質腍身，都好食！蔥鹽味雞肉腿，雞肉滑，食落去啖啖肉口感。蔥鹽味輕輕調味已經不錯。▶️神盛呢個盛合亦都有三款肉，全部都係牛肉。特上牛腔腹肉及腹前牛小扒，兩款肉都好Juicy，相對地有少少咬口，肉味香濃！牛板腱肉呢個牛味重，而且薄身好食，又唔會太肥。呢個價錢食到呢個質素嘅燒肉，真係性價比高！

聽朋友講新開左間日式燒肉唔錯就係位於尖沙咀既燒肉801所以就約朋友放工去試下7點都幾多人排隊，建議可以訂定位先餐廳裝潢以紅、白色為主調睇餐牌燒肉種類唔算好多但勝在有唔同既燒肉盛合仲可以加$25-38 配飯、生菜或者冷麵首先嗌左個801盛有大判燒！黑毛和牛肩胛肉腹前牛小排同埋蔥鹽味雞腿肉一次過滿足你三個願望大推黑毛和牛肩胛肉一大塊充滿牛脂香再蘸埋温泉蛋一齊食口感更滑溜另外嗌左個牛舌盛有齊鹽味牛舌同醬油牛舌牛舌厚薄適中食落口感偏爽唔韌仲有神盛，有齊三種唔同牛既部位比較推介特上牛胸腹肉最後係黑毛豚無骨小排黑毛豚配生菜食就最夾食落油而不膩，蘸埋醬汁更惹味整體食物水準唔錯而且比起一般燒肉店價錢算實惠難怪咁多人排隊，值得推介

3條友每人$190食完一D都唔飽，事緣......此乃加$38嘅冷麵套餐，作為最重要嘅角色----負責塞飽你嘅角色，佢嘅分量只有約莫4份1包嘅公仔麵，真正嘅唔夠攝牙罅。我表示極度不滿。飯套餐係加$25，加成$38你只係比1啖麵我？邊個再同我講呢間抵食，我就罰你餐餐都只可以食呢碗麵，睇你幾時餓死。$98 牛舌，150g，毫無特別，只係一碟平平無奇嘅牛舌。編號802，150g，擺埋D雞起度佔重量，牛肉一般。招牌801，價錢1百尾，150g，又擺D雞起度佔重量，有一片好似幾高級嘅牛，比你撈蛋液食。結果係一般貨色，完全對唔住佢嘅價格。其實就"燒肉"而言，呢間野一般貨色啦，唔算抵都唔算好味，未至於差評。但係嗰個冷麵真係令我怒火中燒，你當我乞衣呀？咁鬼少，夠邊嗰食呀？加$38？你確定？PS 建議大家食 仲抵D好味DPPSS 真係有150g?可能D雞肉佔鬼晒D重量，食完一D感覺都冇

見身邊好多朋友仔都開始飛日本喇仲未有機會嘅我唯有食下日本野一解思鄉愁呢間紅卜卜嘅日式燒肉店 充滿住日本嘅氣息當自己去左旅行 餐枱之間好闊落 坐得舒服每枱都擺放好茶壺 醬汁 餐具 圍裙 非常貼心黑毛和牛盛大判燒黑毛和牛肩胛肉 & 黑毛和牛牛小排大判燒好巨型 輕輕燒一燒 然後沾上蛋汁 加倍嫩滑牛小排有6片 油脂分怖唔錯 食落肉味都幾香牛舌盛鹽味牛舌 & 醬油牛舌兩款味道各有5片 牛舌係薄片我個人重口味 鍾意惹味嘅鹽味多啲 餐廳12nn-5pm會送日本米飯同味增湯我地兩個女仔share食份量岩岩好 好滿足

天氣凍，食燒肉，暖笠笠🥩燒肉801係好出名既燒肉店，成日都見到好多人係門口等位靚肉點燒都咁好味，果然係高質燒肉店！801盛 $198(single)依個set好豐富，有大判燒黑毛和牛肩胛肉、腹前牛小排、蔥鹽味雞腿肉，大大塊黑毛和牛好嫩滑，沾上温泉蛋液食好好味好夾，牛小排肉質厚口感正，雞腿肉好有肉汁，配蔥食一流！神盛 $168(single)依個set係全牛宴，有特上牛胸腹肉、腹前牛小排、牛板腱肉，款款都好有肉味，燒完肉好有彈性，每啖既口感肉味都非常正！特上牛胸腹肉 $98汁燒既牛胸腹肉夠曬厚身，可以鎖住肉汁！蔥鹽味雞腿肉 $58雞腿肉又滑又嫩，加上鹽同蔥更添惹味！九州雞心 $58雞心係我由細到大都好仲意食既野，依度既雞心一樣咁爽口又有雞油香！帆立貝 $58帆立貝浸係牛油溶液入面燒，吸收左牛油既精華帶出帆立貝鮮味！大大粒咬落好彈牙呢！米飯set $25一set有飯、味噌湯、泡菜，泡菜做前菜好開胃呢，飯係用日本米夠香軟！

想平平地食燒肉過下燒肉癮🥓，推薦你去以搶眼紅色🔴做主調嘅日式燒肉店📍𝗬𝗮𝗸𝗶𝗻𝗶𝗸𝘂 𝟴𝟬𝟭。尖沙咀新開業，價錢親民，地點就喺The One對面；餐廳主打日本直送九州產黑毛和牛🎌，亦有供應豚肉、雞肉、海鮮等，並且備有多款🍱盛合套餐以供選擇。·**所有晚市點盛可加以下價錢轉Set Menu**+$25 🥬生菜set - 生菜+泡菜+$25 🍚米飯set - 日本米飯+味噌湯+泡菜+$38 🍜冷麵set - 冷麵(小)+泡菜特別推薦!! 冷麵超好食😋，勁爽口彈牙，必加之選!!·🥩805黑毛和牛盛 HKD$298/single大判燒包括 🐂黑毛和牛肩胛肉及🐃黑毛和牛小排，薄切和牛肩胛肉油花入口即溶😍，肉質軟腍充滿牛脂香氣，記得將肉先蘸蛋漿🍳食，口感會更加滑溜啊！而和牛小排脂肪分佈平均，色澤嫩紅好吸引🤩，肉質口感富彈性，肉汁豐富💦，而且醃得入味、味道甘甜。·🥓102極上厚切牛胸腹柳 HKD$138係厚切一大塊嘅牛胸腹柳😻，好吸睛!! 店家已預先將肉割開🔪一條條花紋，攤開來燒會更加易熟，燒到半熟再用✂️剪刀剪開；肉質軟滑冇筋，好吃👍🏻！·👅806牛舌盛 HKD$98/single有成150g

之前岩岩開張個陣食過一次晚餐，之後平時經過the one都見到夜晚排長龍，平價日式燒肉，叫到成枱都係都唔貴，好抵食。今次我地食午餐，午餐時段仲會free味噌湯同白飯。海鮮盛蝦肉爽口彈牙，蝦頭鮮甜，帆立貝大隻厚肉，雞肉嫩滑多汁。鹽味牛舌每次食燒肉都必點，口感爽脆。黑毛豚無骨小排肥瘦適中，入口嫩滑唔油膩。醃鱈魚胃袋味道辣辣地，處理得非常好，完全無腥味，口感爽口煙韌。烏賊估唔到一點都唔靭，燒到外脆內軟。肉質爽口。

><店員提示烤爐其中一邊係大火嘅可以燒較需時熟嘅豬肉 雞肉另一邊可以燒牛肉類 冇咁易燶旁邊有圍裙 醬料 餐具 一應俱全樂盛 Raku Double 300G($208) 生菜set +$25 腹前牛小排/黑毛豚無骨小排/蔥鹽味雞腿肉呢個set有晒雞牛豬 份量幾足牛味濃郁 五花肉用菜配嚟食 冇咁邪惡雞肉幾嫩 切嘅size都啱啱好大判燒！黑毛和牛肩胛肉($128)油花豐腴 入口柔軟即化 蘸蛋漿食好正鹽味牛舌($78)薄薄一片 軟腍似肉帆立貝($58)用錫紙兜裝住 燒完幾爽彈九州雞脛柳($68)冇咩脂肪 長條形狀食落幾有嚼口冬菇($28)用燒肉滲出嘅油份燒熟><><><><><><><><><><燒肉801尖沙咀加連威老道14號地舖

呢間燒肉之前見朋友介紹話唔錯，特登都想去試吓，經OpenRice訂位，都要等成個半月咁長時間， 十分期待。見佢價錢分兩款，有份量細同份量多嘅選擇，試咗佢出名嘅牛拼盤，同埋一個雞肉拼盤，就冇試到佢嘅和牛，因為和牛嘅價錢都唔係平，先試呢兩個普通款。不過感覺同食一般普通燒肉冇特別，唔算太過特別出眾，價錢亦都唔算太平。如果要咁樣等法，我寧願食牛角。試後感係期待過高，唔使特登預約去食。下午食送一碗飯加一個湯，如果夜晚去食要額外俾錢，會更加唔實際，如果有朋友想試，我建議去食lunch 會底d ❤️❤️🙂#燒肉#日本燒肉#和牛 #牛#尖沙咀搵食

親民價嘅日式燒肉店【 Yakiniku 801 - 抵食套餐🤩$88起】主打九州產的黑毛和牛，仲有☝🏻Single 同✌🏻Double分量比你揀801盛Single（150G）💰1️⃣9️⃣8️⃣人氣套餐之選🔥有三款肉黑毛和牛肩胛肉、腹前牛小排同蔥鹽雞腿肉，肉類食材高質日本九洲直送和牛燒至半生熟，再沾上溫泉蛋一齊食，蛋漿令和牛更嫩滑香口👍汁燒牛小排油脂平均，肉味濃無根😋雞腿肉肉汁豐富，加上蔥花一齊食更香餐升級紫菜飯加💰1️⃣6️⃣超多紫菜仲有溫泉蛋添🤤809豚肉盛Single (150g) 💰9️⃣8️⃣黑毛豚無骨小排肉質嫩，油花平均厚切煙腩肉半肥瘦，慢慢燒至焦香，肉嘅鹹香味濃日本熟成豚香腸外脆内香，有驚喜每日🕧12-5pm, 仲免費送埋🍚日本米飯同🥣味噌湯醬油和豚胸肉 💰7️⃣8️⃣豚肉配特製醬油，燒起一啲都唔dry🎈燒肉801🎈尖沙咀加連威老道14號地舖

今日在尖沙咀看到一間日式燒肉店，因天氣轉冷，所以想食點熱辣辣的食物，燒烤是最好了。店內全是卡位設計，座位闊落舒適，每張枱都有個燒烤爐，上面有個抽氣的設置，所以不會有燻煙的感覺。這裡的食物選擇很多，以黑毛和牛為主，有牛肩胛，牛胸腹肉和牛舌，其他還有黑豚肉，雞肉和海鮮等。我們點了:黑毛和牛盛有2款-黑毛和牛肩胛肉和牛薄薄一大片，油脂分佈均勻，入口即溶，非常淋軟，肉質嫩滑。-黑毛牛小排有咬口，肉味濃郁。-生菜和泡菜(套餐加配) 生菜可包著牛肉和泡菜一齊食，可減少肥膩感。-飲品-可樂-赤海老（3隻）很大隻的蝦，差不多有手掌的大，肉質鮮甜爽口。

每次夜晚行過加連威老道，都見到啲間燒肉店門口企滿人，心思思都想睇吓係咪咁好食😆 今晚又經過見唔洗排隊就二話不說試吓啦😆餐廳裝潢不算豪華，但充滿咗日本地道燒肉店嘅格調（木色枱、紅色座墊、倒吊抽氣系統）。比較欣賞嘅係佢個抽風系統，就算滿座都唔見得煙霧離漫，甚至離開之後身上都沒有好大陣油煙味👍🏻Menu有不少set，較單點抵食，價錢合理。我地就叫左牛、牛舌、雞嘅set，再單點左豬，每樣都有少少，可以食到唔同嘅食材！牛：801盛　$198大判燒！黑毛和牛肩胛肉腹前牛小排蔥鹽味雞腿肉806 牛舌盛 $98鹽味牛舌醬油牛舌黑毛和牛上肩肉 $148801盛，作為與餐廳同名嘅set，一定不可不點😆，個和牛肩胛肉係薄薄一大塊，油脂豐富入口即溶，肉味香濃。牛舌set$98 有10塊，非常抵食，質素同牛角冇分別（但價錢平一大折🤑）。另外單點咗個黑毛和牛上肩肉，5大塊厚切，口感軟淋肉汁超豐富，好味！雞：810 九州雞盛 $98蔥鹽味雞腿肉九州雞脛柳九州雞心雞腿肉係來自九州，雞肉鮮嫩肉味濃郁，而雞頸肉同樣出色。Set仲有跟埋雞心，第一次食估唔到原來都幾好味！味道豐富之餘肉質爽彈，就算燒耐咗都唔會韌👍🏻豬：301

成日經過都見倒呢間好搶眼既燒肉店，仲有吾少人排隊，呢日就算夜晚八點半都仲係有好幾個人等緊位，個人幾like既係坐得舒服，每張枱都夠哂大，全部都係卡位，夠哂有私人空間😎.👁‍🗨801盛(7.5/10)💲236 (single). ➰呢個801盛入面有大判燒黑毛和牛肩胛肉、腹前牛小排同埋蔥鹽味雞腿肉🤫大判燒黑毛和牛肩胛肉勁超大塊😨另外用左隻碟放，和牛味濃郁，陣陣牛脂香又吾會太過膩🤭腹前牛小排油脂分佈好平均，望落都覺得好吸睛，不過個醬汁本身比較濃味，食落有時會覺得偏甜偏咸咁🥹雞腿肉睇落普通，但係都有驚喜，juicy又嫩滑，雞肉邊位燒到有啲焦既效果，脆脆地好正啊🤤套餐仲可以加錢加配飯，冷麵或者生菜🥬吾叫咁多肉，可以考慮下加錢醫肚😂我就加左$38冷麵set，幾特別既係一間日式燒肉店，會有韓式既水冷麵😂不過又出奇地好食，酸酸地好開胃，冷麵既麵條真係同韓國食既一樣帶點煙韌，食完啲比較膩既燒肉，再食佢真係好岩，好fresh🥲.👁‍🗨803神盛(7.5/10) 💲168 (single).➰ 另外仲叫左個有特上牛胸腹肉、腹前牛小排同埋牛板腱肉既set🤪全部肉都一樣高質，同樣牛味同油脂平均，就算牛板腱肉呢

經常路過801門口，總是排滿了人龍。今天竟然不用排隊，即時推門內進。總是好奇為什麼天天都這麼多人在排隊，今天總算有機會內進，一窺全貌。全紅色的佈局，鮮有遇見！點了幾份套餐，先是黑毛和牛肩胛肉 + 腹前小牛排 + 蔥鹽味雞腿肉 $198，相當抵食。黑毛和牛肩胛肉，只能用完美來型容 😍😍😍😍😍，全晚最精彩的一片！肉質軟綿香滑，有入口即溶的感覺！肉味跟油香平均，非常好食！可惜就只點了這一件罷！腹前小牛排 + 黑毛豚無骨小排 +蔥鹽味雞腿肉 $108，這個價位，怪不得人山人海在排隊！黑毛豚無骨小牛排，繼和牛外，這片豚肉也算相當不錯，無豬羶味，唔韌唔嚡，加點醬跟生菜一起吃，也回味無窮！蔥鹽味雞腿肉，選用雞腿肉，肉質軟滑，燒烤後有肉香，伴飯佳品！特上牛胸腹肉 + 腹前牛小排 + 牛板腱肉 $168，全牛餐都是百多圓，只能再三讚賞它的價廉物美！追加生菜 $25，有加白飯及味噌湯！白飯質量都相當好，軟熟香滑！牛板腱，色澤鮮艷，有肉味，有咬口但不會韌，肉感豐富！腹前牛小排，有嚼勁！絕對可以回頭的餐廳，抵食超值！

無意中睇到一位Youtuber介紹呢間燒肉店，佢話日本人主理，食物正宗、抵食、又好味；而且Openrice亦有好多讚評，更指出晚市需要排隊😯 最慳家又慳時間嘅做法就緊係嚟食Lunch 啦😌，因為可以免費upgrade做白飯套餐之餘，Walk-in都仲有好多位。白飯餐可以揀要大飯或細飯，日本米咁好味，緊係揀大飯啦!!😏 不過大家都唔駛擔心大飯會好多，佢個量大概係屋企飯碗嘅份量。跟餐仲有碗唔會好鹹嘅麵豉湯，適蓬當日只有17度，天氣咁凍，飲碗熱辣辣嘅湯真係幾爽。801盛(Single 150g) $198黑毛和牛肩胛肉雖然好薄，但肉質好嫩滑，配埋個蛋漿更滑漏；😋腹前牛小排共有3片，燒到仍然帶點紅就最好，可以保留番肉汁同軟淋淋口感。不過醬汁有少許搶過牛味，個人覺得走汁會更好。雞腿肉正常發揮。803神盛(Single 150g) $168特上牛胸腹肉、腹前牛小排、牛板腱肉每款各3片，而且全部都係汁燒。普普通通，無乜記憶點。806牛舌盛(Single 150g) $98一份共十片，鹽味加左少少黑椒，卷埋D蔥一齊食最正；而汁燒我就麻麻地，但屋企人就覺得好過鹽味，真係各有喜好。可能我地期望過高，所以飯