燒肉801

營業中

休息中

之前岩岩開張個陣食過一次晚餐，之後平時經過the one都見到夜晚排長龍，平價日式燒肉，叫到成枱都係都唔貴，好抵食。今次我地食午餐，午餐時段仲會free味噌湯同白飯。海鮮盛蝦肉爽口彈牙，蝦頭鮮甜，帆立貝大隻厚肉，雞肉嫩滑多汁。鹽味牛舌每次食燒肉都必點，口感爽脆。黑毛豚無骨小排肥瘦適中，入口嫩滑唔油膩。醃鱈魚胃袋味道辣辣地，處理得非常好，完全無腥味，口感爽口煙韌。烏賊估唔到一點都唔靭，燒到外脆內軟。肉質爽口。