影片
營業時間
今日營業
12:00 - 15:30
17:30 - 22:30
星期一至日
12:00 - 15:30
17:30 - 22:30
公眾假期
12:00 - 15:30
17:30 - 22:30
以上資料只供參考, 請與餐廳確認詳情
今日去這間烤肉店試下。餐廳的環境幾整潔企理，雖然座位排得有點密集，但抽風系統不錯。特選牛板腱薄燒$298這一款是最好吃的！牛板腱很薄，但充滿油花，滿有肉香，加上流心旦汁，還是有壽喜燒汁，味道濃郁、甜香又滑溜，正！和牛牛肋肉$248這牛肋肉的肉質十分軟滑，既有肉味，又有肉汁，加上適量牛脂，沒有太膩口，好味道！和牛肩胛肉$288這肩胛肉沒有牛肋肉咁多油花，味道比較清爽，但口感仍然軟身，完全無筋，感覺無咁肥膩，是ok的。澳洲和牛舌$128這和牛舌切得很薄，口感沒那麼充實，是爽爽的口感，又有爽滑感覺，沒有很膩，相比在日本吃的厚切牛舌真係無左滿足感，但味道仍然不錯。北海道五日市豚腩肉$22/2片這北海道五日市豚腩肉有驚喜！燒過的豚腩肉又香又爽！烤過的肥膏又爽又甘香，加上豚肉的甜味，真滋味！面鼓湯水準平平，泡菜等是ok的，白飯軟滑，滷牛舌幾軟身。炭燒咖啡$18這咖啡是即磨的，沒有太苦太酸，加上咖啡忌廉，口感幾滑，幾ok.
繼續閱讀
想吃優質燒肉😳?! 一定要試試來自日本神户的 🇯🇵 神戸石田屋焼肉 𝐘𝐚𝐤𝐢𝐧𝐢𝐤𝐮 𝐈𝐬𝐡𝐢𝐝𝐚𝐲𝐚啦(⁎⁍̴̛ᴗ⁍̴̛⁎)～開業的時候到訪過一次，最近又想吃燒肉，所以再次到訪囉。主打精品燒肉的石田屋，有日本兵庫県但馬牛神户肉的會員認證，選用的和牛，當然有保證囉❤️～餐廳地方寬敞，可以飽覽維港美景，特別推介坐窗邊，用餐感覺更好呀～☆ 石田屋特選套餐🍽️$𝟕𝟖𝟎/位·前菜: 燒和牛肉、白蘿蔔、大白菜🥬和牛好軟腍，白蘿蔔和大白菜則調味得宜～·沙律: 石田屋沙律🥗沙律爽脆，醬汁酸甜，清新又解膩哦～·特選燒肉🥩包括: 特上鹽牛舌、肩胛肉、赤身肉、牛肋肉、横隔膜肉。牛舌肉質彈牙，鮮美十足。肩胛肉肉質鮮嫩，牛肋肉嫩腍兼肉汁豐富😍，激好吃呀～·和牛海膽卷🤤賣相吸引的和牛海膽卷，和牛肥美，海膽鮮甜，再配上三文魚子，超正呀～·和牛薄燒配魚子醬一口飯🖤和牛脂肪豐富，肉香十足，配上魚子醬吃，激好吃(≧▽≦)!·燒野菜🧅洋蔥、青椒🫑、冬菇。·石鍋拌飯🍚&蛋花湯🥚熱辣辣的石鍋拌飯，拌上生雞蛋，又香又惹味呀☺️!·乳酪雪糕🍦最後還有乳酪雪糕，清新又解膩呀😍!•
繼續閱讀
呢次踩入石田屋，整個味蕾都準備好要迎接一場和牛嘅盛宴。對上第幾時食到咁滋味多汁嘅和牛呢？🤤首先，嚟到呢家店，當然少不了試下佢哋嘅招牌和牛三文治。麵包嘅脆口同和牛嘅柔滑完美交織，入口即化，唔講你都知咋！再嚟就係夏多布里昂和牛，這裏一切都系精品。無論係肉質定係那份味道，都嗌得你心癢癢。配上鮮磨wasabi，簡直喺味蕾上彈一曲貴族交響樂！😍再話你知，神户牛西冷絕對係醉翁之意不在酒，那份肉味同有啲彈性嘅質感，唔洗多講，實在系太正！最後嘅豆腐雪糕，清新嘅滋味令人回味無窮，完美咁收尾。成場食宴落嚟，如果要形容，就系—食極唔肥，肚仔好開心。石田屋，下次再見，我嘅味蕾等唔切啦！🎉
繼續閱讀
黎自神户既石田屋係選材上十分講究，唔單止要挑選由神户兵庫縣養殖既雌牛，仲要直接由牧場空運到香港🇭🇰確保所有牛都係正宗優質。餐廳環境好開揚，職員都好細心幫我地安排左望維港景色既卡位，抽風系統唔錯，無油煙味殘留係衣物上。🐄石田屋五點盛五點盛分別係夏多布里昂，牛小排，臂肉心，牛板腱同腰脊蓋肉。夏多布里昂係和牛最矜貴既部位之一，首先將牛牛最嫩既部位—菲力分為五小份，然後位於中央最厚個舊就係夏多布里昂！肉質好柔軟，雪花紋路好精緻，油脂分佈均勻🫶🏻入口有小小似棉花糖咁化開，令人驚歎不已既口感！牛小排切成厚厚一條，燒好後非常之嫩紅同富有光澤，入口肉汁飽滿，口感好細膩則富有咀嚼感！臂肉心比起其他四款脂肪較少，同樣都係以厚切形式呈現，肉味係咁多款之中最香濃。至於牛板腱同腰脊蓋肉都表現得好出色，不過食到一半其實都分唔太出每一件既分別😹🐄推薦三點盛呢幾款係有用醬汁醃製過既肉，分別有肩胛肉，牛肋肉同赤身肉。肩胛肉肉質結實，處於一個經常運動🏋️既部位，所以相對上無咁多油花油脂，入口都係柔嫩同比較清爽，有小小筋不過無礙食用。牛肋肉係肉味同牛脂中取得平衡，肉汁同脂肪一半一半，咬落肉質相當嫩口，加少少鹽一齊食更帶出和牛既鮮甜！赤身肉亦都係比較少大理石油花分佈既部位，肉身依然軟腍不過肉味就好突出，需要更多既嚼勁，彈性比較多而又唔過韌。👅特上鹽牛舌厚切牛舌售罄☹️唯有叫個薄切既鹽款，口感無咁充實，入口偏爽身，有些微嚼勁，不過就無左食牛舌個份滿足感！鹽味部分就唔係太食得出，都係要靠蘸醬汁提味。🐄和牛海膽卷和牛，海膽同三文魚籽都係令人嘩嘩叫既食材🥳輕輕一灸和牛令和牛既油脂爆出黎，入口慢慢溶化既肉肉包住新鮮既海膽同三文魚籽，味道係口腔大爆發，口感軟綿綿加上三文籽卜卜既鹹脆，幸福感滿滿！🥢冷麵食左巨量肉之後最岩食碗涼浸浸既冷麵解膩🥰麵質彈牙煙韌又咬得斷，冷麵汁好清澈又清爽 ，小小酸味味再撈埋泡菜，紫菜碎，蔥花，食完有一種透心涼既感覺！📍燒肉石田屋銅鑼灣告士打道280號世貿中心10樓1001號舖
繼續閱讀
如題，好失望，但唔只一樣野失望先講落單，入座時會提供menu，但落單用QR Code，玩咩？快餐店？加一服務費都過百時你叫我QR code落單？😦然後明明間餐廳已經唔多款式嘅食物，都可以冇貨講緊係佢嘅signature神戶牛得1頁3款食物然後有2樣都冇神戶牛西冷冇，神戶牛小排冇，signature 都冇咁認真唔需要嚟食🙄之後到牛脂，食燒肉最怕黐底，但你唔俾牛脂我我明和牛多油，黐底機會唔大，但我會燒菜咖嘛？燒完菜個爐咪冇油咪黐咯講緊係你個職員代燒都黐，即係唔係我問題😟食物質素正常，薄燒牛油感強啲，牛排就咬口勁啲，最貴嘅嗰啲選擇都做唔到入口即溶職員服務正常，但餐廳質素唔值得食貴野呀突然記起，入座時張枱有明顯油漬未抺好啲食物懷疑連牌都唔夠俾，有啲肉有寫係咩有啲又冇份量亦都好少，講緊叫咗咁多，埋單都唔飽肚
繼續閱讀