燒肉の牛太・本陣 (創紀之城五期(apm))

營業中

休息中

想book 7個人12:45pm 話只可以book 1pm預早搭的士落唻12:45到12:53見到有大檯佢照入2人4人去搭檯問門口究竟1點有無檯佢竟然話1:15分先有人交檯早咗有大檯會優先俾我哋唔係就要等到1:15𢴇埋檯快既都要一個字兩點返工仲要搭返車返去係咪玩我哋呢？

同女朋友行到好餓，又唔知食乜好，呢個時候一定係諗到食放題，但觀塘專食放題果棟大廈實在太多人，行APM原來有呢間「燒肉の牛太・本陣」，就食燒肉放題！餐廳內外APM搵食基本上每間都要等位，我地已經唔係晚飯繁忙時間黎，都已經等緊位，不過都算快入座。食物選擇基本上大家黎得都係食放題，但佢其實有放餐牌係門口，可能晚市都有得散叫，咁當然，今次黎食都係食放，分左三款，第一次黎食，唔揀最平，唔揀最貴，試下中位價既「頂級澳洲和牛放題」，每位$288再加一，限時100分鐘。肉類拼盤一坐低，店員幫你入好iPad你係食邊個餐之後，上面會顯示截單時間同離座時間，可以知道自己食左幾耐，呢點唔錯。同埋即刻上一份肉類拼盤等你燒住食住點餐。前菜試左日式豆腐、味付螺肉，味道正常冇乜特別。牛肉選擇唔算好多，但都夠食，仲分左唔得醃汁，有自家醬汁、和風鹽燒醬以及韓式辛辣，三款都試過，覺得和風鹽燒醬醃得最入味。而牛肉有既選擇基本上樣樣都有試過，覺得必食係絕稀少腹胸扒、柔軟身筋扒都好嫩好Juicy，燒完咬落去仲有肉汁，而且牛味好濃。仲有限定既壽喜燒薄切和牛，可以沾上拌勻既生蛋食，不過就乾身左啲。羊肉只有羊架一款，勁大一隻，好貼心地

冇同過屋企人去食燒肉放題，就帶佢地去食下，又想食得經濟實惠啲，加上自己都想試下呢間就帶埋屋企人黎食。環境位於APM四樓，一條全部都係餐廳，我會稱之佢為「APM美食廊」，估唔到6pm左右前來已經大排長龍拎緊飛等位，生意十分好，等左一陣先有位，以放題餐廳黎講，入面唔算大，幸好被編排到一張私隱度高既枱，可以同屋企人更開心咁食放題。餐牌100分鐘放題分別有：大人氣超值放題(55款) $218、頂級澳洲和牛放題(87款)  $288以及日本黑毛和牛放題(94款) $428。我地揀左中間價位既頂級澳洲和牛放題(87款)  $288。頂級澳洲和牛放題(100分鐘)  $288(另加一)含八十七款，分別有限定壽喜燒風燒肉套餐、沙律、泡菜/韓式菜、盛合/套餐、燒肉(自家醬汁/和風鹽燒汁/韓式辛辣、雞及豬、海鮮/燒野菜、前菜、飯/麵/湯、飲品、其他，共13個分項。限定壽喜燒風燒肉套餐呢個分頁內只有日本雞蛋同埋薄切和牛，壽喜燒配火鍋就食得多，配燒肉真係第一次試。由於好薄身，好快就熟要睇住時間，燒肉沾上生蛋液食真係別有一番風味，食落冇咁油同冇咁乾身，牛味又唔會被蓋過，唔錯。沙律：本陣招牌沙律用左少少醋調味，食

一直想試apm四樓嘅本陣， 放工時間總是多人。今日放咗假行经 嗰邊終於可以一試。店舖仍在準備中已到達， 等埋老公就可以入座。主打係 $288 顶级澳洲和牛放題燒。入咗起計100分鐘。 以平板手機落单， 簡單方便又環保。先來一盤指定嘅 綜合拼盤， 有雞，牛，豬腩片和 蔬菜。 有款牛肉淋上壽喜燒嘅汁醬， 略為烧熟加入葱白和生雞蛋， 甜甜地又令肉質更滑， 肉汁和蛋汁原美配合，一試难忘！菜單沒有相的就是和牛系列， 每份兩件。 每邊烤十秒左右， 表面以铺上壽喜燒醬汁，沾些蛋汁已 非常滋味。 肉質嫩滑入囗融化， 每次order嘅部位都有少少唔同， 但質素平均， 我哋 encore 咗兩次。羊扒唔錯, 厚切有肉汁!牛舌都有三種做法， 有醃渍，香葱汁， 鹽。 亦有厚切。 厚切嘅都不能燒太耐，否则会乾。蔬菜類唔錯。 粟米超甜， 菠蘿厚切香甜多汁。 食烤肉一定唔可以缺少！這款醃浸蒜頭， 在錫紙兜中加熱之後，一點也不辛辣又唔甜， 蒜味亦消失， 唔係好知道應該點食法至啱。。京蔥烤熟之後裏面好juicy！海鮮類有蝦， 牛油帶子， 小魷魚。 推介小魷魚好嫩滑， 鮮味! 烧到差不多熟小心會爆出一些水份。雞的類別較少

第一次食$428套餐，最近新出左壽喜燒風燒肉，多左好多款肉選擇，其中最回本就係任食黑毛和牛，亦有唔少配菜選擇！不過個人認為和牛真係食唔到多，雖然牛味相對較濃，但油脂真係好多！燒落好易因爲太多油脂而搶哂火，燶哂，真係要好好控制火候呀！最好食係$288套餐已經有嘅厚切牛舌，厚切唔係到到有，呢到個d質素一啲都唔差，好有口感，唔韌，ENCORE 左幾次！所以下次黎自己都會揀返$288~

跟同事約了大半年，終於有機會去試試。同事一早預約好，放工即去，差不多6點半已到，所以不用等。我們選了美國牛肉($288)的任食任飲，一坐低職員先給我們一盤較為漂亮的拼盤，燒得剛好，而且油脂分佈及肉味也可以，這個價錢能要求再多，但其實每次食完，大家都不太認得那款跟那款肉，所以點菜上來有點困難。我們其實差不多每款肉及配菜也有點，覺得吃得肉太多，就點些沙律跟泡菜中和一下吧!! 凍蕃茄也是同事特別推介，果然不錯。整體說肉類很多，滿足到我們，但我們一行5人只用一個爐，時間上就比較緊湊(用餐時間100分鐘)，如果可以有2個爐或是時間長一點會較好，好讓我們可以邊吃邊聊，不用只顧吃而沒有交流。最後有個小插曲是，當日的時間一到，職員便過來立刻關火並要我們離座，但我們爐上仍有正在燒的食物，職員說放下不用食，要我們立刻離開，當下覺得很突然。我們都明白當日人多，但可否早一點跟我們說，好讓我們不用浪費，吃回已燒好的食物吧! 職員那個語氣也令我們有點不愉快，我們亦沒打算繼續坐，更不用立刻要我們放下餐具離開，可以溫馨提示一下食客便可以，也不會令人有反感。食物值得讓我來再食，但希望下次職員態度會有所改進，公司應該都想

有日同朋友傾計講開燒肉, 而家有質素嘅燒肉放題選擇不多, 朋友推介左呢一間, 佢話呢間已經食左幾次, 所以決定試試佢。100分鐘任飲任食, 平均每人$320我地5個人, 得一個爐, 過程要密密燒, 因為時間唔係好夠, 個個都掛住燒, 無乜時間傾到計一夠鐘職員走埋黎即刻熄左我地個爐, 我地爐上嘅肉就快燒好, 佢都唔比我地燒埋呢一轉其實我覺得應該要早5分鐘通知, 等我地有準備快手小小, 就唔會浪費爐上面嘅食物。除左牛之外, 雞類及海鮮一般醃蘿蔔用黎包生菜及牛肉, 好好味凍蕃茄又係會重覆落單的一道食物, 好開胃。厚切牛舌-好爽及彈牙燒帶子一般雞軟骨同雞腎都ok蝦唔太新鮮，食落肉質有小小梅

駕車外出搵食，最大考慮點係泊車問題。係觀塘開源道搵食，揸住架車通常都會去apm。貪佢可以做埋泊車優惠。因為星期六都有set lunch的關係，所以今次我地就去食燒肉。牛三品盛合（$89）有三款牛，最好食的是牛小排，油脂分布平均，而且肉質嫰滑，配燒汁食，真係可以食曬成碗飯。而豬牛雞盛合，我則比較喜歡雞，雞肉好有彈性，燒左好耐都好彈牙。在相比之下，牛肉飯就比較失色。可能因為樣樣食物都熱辣辣，而牛肉飯只是用普通碗上，所以相對冇咁吸引。如果改用石窩上，應該會好好多。

本陣對於我來說，是慰藉我不能去日本吃和牛燒的一個好地方，每次光顧必定要選四百多元那個放題價錢，重點是可以喝我最愛的ASAHI啤酒，那有食燒肉的不喝酒的道理？再重點的就是這個價錢包括日本牛肉任吃，不單是二百多元的只吃到澳洲牛肉，分別就在這裡，更何況個人認為本陣的日本和牛是中級價錢、高級賞受 ^^單是開場白已看得到我是多麼愛日本和牛，光顧過的朋友也必跟我有同感吧 !雖然只有90分鐘，所以我投入在ORDER的世界裡，完全忘記拍菜單的照片.....(對於我這麼有寫食評經驗的人來說可算是有點點失職)。首先大家要熟習如何使用ORDER平板電腦，然後看點飲品，記著別著急ORDER西冷牛扒，因為每一桌首先送上的就是....這款頭盤，跟大家說一下，頭盤的西冷牛絕對是最美味美的西冷牛扒，所以之後如果想再ORDER同樣款式就請考慮清楚，因為西冷牛扒本身就已經很多油脂，吃太多你就不能再吃更高級的....日本和牛了第一ROUND ORDER盡情地吃吧，嘗試過那一款肉類是要再吃的就多ORDER一兩次。除了牛肉，想必要吃的是海鮮吧沒辨法，蝦的大小要好睇當天的來貨，就那天我吃為例算是小了點點。今期甜品：雪條 or 雪

今次朋友生日, 就約左佢一齊位於觀塘APM 的燒肉放題。 呢度D肉內質唔錯, 可惜無乜牛肉香味, 唔好抱太大期望。不過放題唔只食牛, 原來呢度既泰式冬陰功湯係我試過既數一數二好飲, 真係估佢唔到。海鮮好新鮮, 尤其是蝦都幾爽甜。外面放題店既蝦通常放得耐會梅梅地, 而呢度一隻梅既都搵唔到。 仲有就係呢度用IPAD點菜, 唔洗等侍應姐姐黎先叫, 慳左唔少時間, 而且上菜快又齊, 值得一讚。泰啤任飲係我想試呢度既其中一個原因。放題中途，ipad突然關機，我地叫侍應姐姐幫手，佢好也就幫我地攪返掂。我同朋友過左一個美味開心既晚上。

知道你地11点收，未夠鈡已經叫我們埋單，冇問題，一邊燒住，服務員就來收碟，一次收晒，都冇問題，但D碟有肉汁，仲要係窩石頭窩钣上面收，我心想D汁滴左落去，係咪可以收埋走;最後仲食緊，個服務員又走來想收埋窩飯，同佢講仲食，居然話佢地要洗，係咪所有客都要11点前就要起身走，等佢地可以收晒D碟去洗，11点正全體員工落閘走，唔會再來。(我離開本陣時間係11:03)😠

今日下午到了apm搵lunch,周圍都好多人，記得之前食過依間燒肉lunch，不貴又不用等位，所以帶同事來了。餐廳係用ipad點菜的。我地3個人，叫左1個熟食飯，2個要bbq的肉套餐。叫了本陣名物燒牛肋肉飯$59,肉的質地其實像某某家的牛肉，不是厚的，但這個價錢配這個質素，我覺得性價比高燒肉叫左牛豚雞肉三品同牛三品組合。豬頸肉幾好味，牛方面有一隻肥牛的款，我覺得脂肪比例太多 太肥了。其他牛肉，質素正正常常。出面有自助沙律

經過幾次都好想食，次次都排長龍，今次一早用手機app攞飛，夾啱時間嚟就有得食😉。話說我入坐時見到個靚仔㩒飛，到我食完佢先入座，佢真係等足個幾鐘呀！陰公豬😟三個級別揀，我哋食中間嗰個「$288 頂級澳洲和牛燒肉放題餐」🤤 首先送上頭盤盛合，質素已經好唔錯， 仲有埋泰式酸辣汁。當然和牛🐂、和牛🐂🐂同和牛🐂🐂🐂梗係重點項目，帆立貝同蝦同樣高質，回本之選✨！ 食$288或$428放題，就可以免費食埋期間限定嘅【Thai Fes '18 泰式美饌登場】泰式青木瓜海賊沙律泰式柚子沙律泰式酸辣豬頸肉石鍋冬蔭功海鮮湯石鍋香葉肉碎溫泉蛋飯泰國象牌啤酒任飲ISEE iSEE「芒果糯米飯味手工雪條」一條 【石鍋冬蔭功海鮮湯】石鍋上枱，滾到起晒泡，有蝦、帆立貝、魷魚，香而不辣，足料好味！【泰式柚子沙律】柚子夠多，多汁香甜，不過個泰汁太辣。【ISEE iSEE「芒果糯米飯味手工雪條」】芒果、椰汁、糯米飯集於一條雪條，粒粒糯米飯口感煙韌又得意！

朋友介紹說此燒肉放題餐廳最近推出泰式主題，提供不少泰式美食，趁星期五下班後便來一試。由於時間尚早的關係，不需等候便能直接入座。餐廳使用iPad點餐，十分方便。首輪先點了沙律、肉類及海鮮。柚子沙律略嫌柚子份量偏少，但味道清新。泰式豬頸肉酸中帶辣，十分惹味。再來點了泰式肉碎飯及冬蔭功。前者配上流心蛋，加上泰式香料，味道不錯。但冬蔭公湯則略嫌過浠。最後還有芒果糯米飯味雪條作甜品。雪條椰香味濃，更有米粒增加口感，為這餐劃上完美的句號。

和女儿高兴到观塘中饭，选了本阵。上好菜后，烤炉打开，3分钟后，我们放肉，大概等了10分钟，我们只烤了牛肉的一面，也没见动静，翻过来一看，只变了一点点颜色。问服务员，她说就这样，然后就走了。这是烧烤吗？？？我们一直以为会有人来处理。 但是又5分钟，还是没人。一个男服务员还偷笑。没搞明白这家店的逻辑，服务态度真的的很差，没人和你解释，换台或者其他补救方法。香港少见的服务态度差！另外这块猪颈肉也挑衅我，见下图