燒肉の牛太・本陣 (創紀之城五期(apm))

營業中

休息中

係apm唔知食乜，見到本陣做更泰國系列，有啤酒任飲的燒肉放題，都幾吸引，試一試都好，入到黎店員就提議，食d依定期間限定既泰國食品，唔想太飽就又可以試下冬陰功，酸酸甜甜都幾開胃，已經料都好多當乜都未叫時，就已經有一個招牌拼盤，有牛舌，豬頸肉，牛肋條，軟身筋扒等等再叫左少少海鮮，野菜沖下d油膩，店員都推介，加埋生菜一齊食，可以食到更多無咁油，都要讚下有兩款牛舌，厚薄都有睇自己鍾意咩口感，最重要記得要蔥盛版，d蔥油無得頂食到咁上下，唔知想食乜，就再要牛拼盤同豬肉拼盤，一次過再食哂所有款款，食完真係好飽，最後仲有芒果糯米飯雪條或雪糕揀，滿足

假日午市見陣名物燒牛肋肉飯只售$59價錢極吸引，又有沙律汽水，一試無妨。第一次試，竟然中一個超勁嘅伏！除了沙律正正常常，佢嘅所謂名物一到，竟然係吉野家牛肉飯！乜嘢燒牛肋肉，又唔係燒又唔係牛肋肉，連燒汁都冇！好明顯違反商品說明條例，可以告得。隔離枱都中㐲，個待應話牛肋肉只係講個部位，嘥氣。唔使係食家都知道張圖嘅失實情況有幾嚴重。作為一間餐廳，開門做生意都可以咁呃人，其他燒肉仲可以叫，千祈唔好食呢個。

今日來到本陣食下午茶 大概兩三點 所以不用排隊直接進場午市有燒肉套餐 我們點了一份牛肉($89) 和一份豚肉 ($79) 午市套餐包白飯 自助前菜 餐湯 同罐裝飲品 我們選了忌廉溝鮮奶同檸檬茶自助前菜台有唔少選擇 除了常見蔬果以外還有螺肉 店員很快就送上兩盤肉和飲品肉質以這價錢來算不錯沒有冰鮮味道 本來肉已稍為調味 可以不用再加醬料個人認為豚肉比牛肉好吃 肉質和味道處理得更好 尤其豬頸肉的部分但最好吃的反而是菇的部分 我們放在肉上面燒所以完全不會乾身還帶點肉的香氣環境不會滿佈油煙 店面亦乾淨 送菜速度很快 店員有禮另收加一

我是火到即場食緊都要用ipad即打食評簡了$288食「澳洲和牛燒肉」😡😡1）首先叫我搭枱，撘完不停將野食上錯俾隔離枱食，我地等勁耐都無得食！😑😑2）入面的"假和牛"無一舊係薄，無一舊係好食，呢世人未食過咁un、咁鞋既牛肉！明明燒得5成熟，咬完牙較好累，係你會唔想吞落肚講真加埋3xx食到一肚火！！😤😤根本唔覺得有任何一塊是和牛仲衰過攞去喂狗睇相好正？？舊舊好鞋好un牛角最平個放題都好食過佢100倍！食左20分鐘，個咀好累！咩世界黎架咁既餐廳都可以開係apm呃消費者用好靚既美食相哄人試食真係當香港人無食過好野？

之前一路同男朋友有去開佐敦間本陣食😻我地喜歡食最貴個個日本和牛放題 性價比好高 因為真係好好味！仲係咁介紹身邊既朋友去食！澳洲和牛都有試過 但同日本和牛個個plan無得比知佐敦執左之後都好失落，決定去觀塘個間試下等左大半個鐘 一入到去 比佐敦大好多 但位置好迫 不過食物最重要 好食就無乜所謂啦咁我地一如以往 叫最貴個個日本和牛放題一上碟 有小小唔同 佐敦係用木盤排得好靚而家係一個碟將堆肉pat埋一齊仲要啲肉係一岩一忽既 切件有d好大舊 有d好細粒 唔係一塊 係舊舊都不規則 都算！食落去係真係唔講都唔知食緊和牛 淨係知自己咬緊舊肉真係差太多 接受唔到 一定唔會再食附送一張以前佐敦既quality比大家睇下

平時行開都知道呢間食日式燒烤，不過午餐一個人無理由食燒烤嘅，又食唔到多款，就食左佢個lunch set, 本陣名物燒牛肋肉飯。呢個飯差不多都$60，但個賣相同張相都大出入，成碗吉野家牛肉飯加左啲芝麻同蔥，我個人唔覺得似食緊牛肋肉。不過，食落都不過不失喇，份量都幾多，又有湯同凍飲送都算唔錯。呢到啲飲品除左可樂，仲有韓國飲料，樂天檸七，忌廉鮮奶等等。下次有機會試下佢啲放題燒烤。今次黎呢到可能係午餐，無咩人燒烤，所以完全唔洗等位。但呢到都幾闊落，相信晚市多人到爆都坐得舒服嘅。

好耐冇食日式燒肉，見到apm呢間本陣好多時都有人排隊等位，而且係日式燒肉放題黎～唔洗就住就住食，就決定試下佢好唔好味。我地揀左個頂級澳洲和牛放題（$288加一/一位），見佢係和牛，又有87種類揀，就覺得好興奮，因為我同男朋友都係食肉獸黎😂場內都有好多蔬菜類，亦有好多飲品同雪糕～一直抱著好大期望黎食佢，因為寫住頂級澳洲和牛，以為會好正好嫩，點知食落真係好差，d肉唔新鮮又老又un，試左好多款肉都係差唔多咁既質素，完全唔值300蚊（一個人）既水準，完全唔值得黎食！

也許是人大了要求多了、也許是對日式燒肉有特定看法和堅持、也許是對放題有太多無謂幻想，這次燒肉頗令人失望。店內令人覺得挺混雜，倒不是太大煙或太大燒烤味，就是感覺很吵很吵十分不舒服。點菜是以平板落單，上菜挺快，但要知道，未熟的肉幾乎都是血淋淋紅色一塊，沒有說明下便將一堆肉同碟上，根本不知道在吃什麼。肉的質素不算很好，肉味不濃，醬汁醃製的更不堪，印象中只有一整塊自己剪的那種會好吃一點。蔬菜不過不失，比較喜歡的是菠蘿吧，很甜。肉本身不吸引，味道單一，很快已沒有意欲再點。結帳二人六百多，真心覺得這質素來說一點都不值。這家掛名是日式燒肉，內容其實跟韓式有點像。（尤其是提供醃肉，日式推崇原汁原味）好吧，或者只是本人太mean，但下次我會多付點錢去吃真正的日式。

星期六係觀塘學完畫畫係apm睇下有咩食，見到本陣價錢好似不錯就去咗食叫咗一個全牛燒肉定食，朋友叫咗牛雞豬合拼定食，質素不錯！全牛燒肉入面個牛肉粒好好味！兩個人食咗$185，包野飲，沙律前菜，加燒肉，其實都不錯！比起隔離火鍋平好多

日式燒肉是我最喜歡的， 本陣也是我們最常光顧的，最瘋狂的時候， 一個月會吃過兩三次。是日和朋友二人都能準時收工， 於是決定到本陣大吃一餐。我們約六點鐘到達，不用等候可以直接入座。我們最想吃的是298元那個任食套餐。一入咗侍應便會為我們遞上一盤肉，牛肉依舊好吃😋。除了燒牛肉外，燒豬頸肉也是一個不錯的選擇。友人最喜歡食燒菠蘿，成成一片接一片，吃個不停口。最後每人也會奉送一杯雪糕，Häagen-Dazs，經常都會吃草莓味，好吃

今天來到這家吃燒牛肉，由於它12：00啓市，我們12：10到達，所以不用等位就可以入座。我們被安排坐四人枱，但中間有個可移動的木屏風，這個設計我很欣賞，四個朋友來的話，可以拿走屏風，兩對不認識的人坐在一起，又能保持少少二人空間，讚，只可惜不是每張枱也有這個設計。談到食物方面，它有幾款不同價錢的燒肉餐和定食餐可點，而我們選了$88的牛三寶燒肉餐。這裡有個優點就是有個迷你自助沙律吧，餐未到時可以先去自取沙律，無限添食。材料不算太多選擇，但很日式（這個當然吧，畢竟這裡是日式餐廳），有我喜歡的菠蘿和粟米粒，也有沙律菜、紅腰豆、提子乾、車厘茄…等，另外還有兩款沙律醬任君選擇。沙律還未吃完，餐就送到，肉類份量還可以，每款三至四片，味道很「原味」，肉質就不是嫩滑的那種，也沒有很juicy的感覺，以這個價錢來說，我只能評級為「還可以」。不過要提一提的是，飯的份量較細碗，女生吃是ok的，但男生吃就一定不太夠飽，幸好我吃飯一向都吃很少，所以將半碗飯分了給他，才勉強夠填肚。另外這個餐還包飲品，主要是汽水，我點了一罐Jolly Shandy，因很少餐廳會有這款選擇。整體來說，這裡吃午餐還算不錯，但要留意入座後

今日同朋友去APM行街，因為係星期六，一早都預咗要等好耐先有位食飯，所以都一早攞定飛，諗住唔駛等咁耐，19:40攞飛，等到21:40先可以入座🤦🏻‍♀️，本來一早想唔等㗎啦，但見同行朋友好想食燒肉，而我又未係好肚餓，咁就陪佢等下啦，因為218個餐有好多野都食唔到，所以我哋選擇288個餐，仲有嘢飲，心諗應該唔會差得去邊，每一隻肉都有三款選擇，原味，鹽味，韓式，但真心講句全部都係同一隻味，枱上面嘅只有一枝醬汁，都係唔夠味的，我同我朋友食到中途已經唔想再食啦，因為根本全部都係同一個味，又話任食100分鐘，但又要早30分鐘截單😒，咁即係只係得60分鐘叫嘢食，其實講真，真係唔夠時間，又要燒又要食，根本就唔夠時間，咁嘅話根本就唔係任食100分鐘，如果咁嘅價錢，出邊大把選擇，都唔會再有下次🤦🏻‍♀️🤦🏻‍♀️亦都唔值得等咁耐👎🏻

午餐套餐沙律限量供應，售完即止，午餐超唔抵食，份量小，貴夾唔飽，服務差。服務員收錢快，飯及湯唔夠熱，飲品選擇多，但多數飲品售罄，環境可接受，沙律款式選擇小，食到好谷氣。

好耐無食韓燒，特登過黎試下每次期望就會失望🙍🏽帶位個姐姐勁惡，我地去到既時候6點幾門口都無員工企係到，店裡亦無咩人，前面排隊1男1女，我地咪跟住直接入店，佢見到我地行緊入去，即刻大聲叫停，可以用喝止黎形容，我地仲以為咩事，佢叫我地拎票先準入去，無票不會安排入座，我地就行番出去門口拎票，都諗係咪執緊抬要等一陣，但又唔係既喎，佢跟埋我地出門口望住我地禁票直接拎左我地手上既票就話跟佢入去，即刻有位咁點解要我地特登又走番出去禁票，到底係公司制度要佢咁做定咩？？真係迷惘算啦，我地黎食野既姐；佢話比我地聽食野時間100分鐘，但離座前30分鐘就截單，即係得1小時十分鐘食野，所有落單都係用部平板；晚飯時間搭抬係香港好平常，但不停拎左格離抬既野食比我地，而且經常漏單；時間已經不多，落單之後半個鐘野食都未到食物種類唔算好多，門口都寫住日本燒烤餐廳，但餐單都有好多韓式既食品⋯⋯韓式泡菜、韓式辛辣肉⋯⋯成個餐牌都唔見甜品，原來埋單個陣店員會拎每人一個雪糕（提醒：無得簡味既）計埋加一每人三百幾，食一個鐘服務差先重點

2018年3月23日往APM用餐(3⃣️人)，我兒子晚上6時55分到先入座，我7時到見到是安排了一張6人枱給我們，兒子對我說需搭枱，那麼我找經理說我不想搭枱，環顧全場頗多4人枱是只坐兩人，禮貌地詢問何時有4人枱，他𠵱𠵱哦哦一時話7時半，一時又話8時半。我對他說如7時半我便等吧！後來他説要8時半才有4人枱。這時我腦裏閃了一疑問，這裡用餐時間是限定100分鐘內，難道所有4人枱是早我兒子5分鐘入座。那麼算吧不想影響便往其它餐廳用膳，離開途中經理對我說有張2人枱7時半便埋單，你介唔介意加個位坐迫D。我當堂對他的處理手法非常不滿以後black list