燒洒一族

屯門 Vcity 最近新開咗間新派燒味外賣店-燒洒一族，店內主打西式燒味，有燒豬手、燒春雞、燒豬肋骨、酒醉冷盤、中/西式飯等等，價錢親民，款式多元化，睇起嚟好吸引，咁就買啲燒味返屋企加餸先 ~桂花蜜餞叉燒        $65原條叉燒份量都唔少，每一塊叉燒厚薄適中，肉質鮮嫩，啖啖肉無筋，仲有少少燶邊，肉味香濃鬆化，充滿肉汁，食起嚟桂花蜜既香氣散發出來，食完好滿足，值得推薦俾大家！蜜味雞髀       $40/2隻雞髀除咗蜜味仲有香辣味選擇，雞髀蜜味濃郁，帶少少微甜，雞髀好入味，雞皮香脆可口，肉質好爽好嫩，咬落去好juicy，雞味夠出，真係唔錯既小食。半半香草春雞         $40半半燒雞有3款口味，香草、南乳及窯燒。揀咗香草春雞，皮脆肉嫩，雞肉有淡淡既香草好入味，就算雞胸肉質都唔會乾身，加上特製既香料，越食越惹味，配合多種蔬菜，西蘭花、椰菜花、紅蘿蔔同豆角，營養健康又美味。酒醉薰蹄         $38大件又抵食既酒醉系列，份量好足！一開袋陣陣花雕酒香氣散發出來，厚切既薰蹄入味濃郁，肥瘦適中，豬皮口感爽彈，肉質鮮嫩，食到唔停口。酒醉雞卷         $38充滿酒香味既雞卷，濃郁入味，入口啖啖肉，淡淡酒香濃縮係滑嫩既雞肉中，連埋杞子一齊食，整體上味道清新，可用作餐前小食。酒醉豬手粒        $38喜歡豬手連骨既我，呢款完全合我心意。豬皮汆水足，食落爽口彈牙，酒香味亦完全滲入，可以講真係越食越想食。…查看更多

最近行屯門 Vcity 發現一間新派燒味外賣店 - 燒洒一族，店內主打多款燒味，有燒豬手、燒春雞、燒豬肋骨、酒醉冷盤、中/西式飯等，價錢親民，款式多樣化，睇起嚟好吸引，買啲燒味返屋企加餸先 ~桂花蜜餞叉燒             $98/2條我揀選左原條叉燒，份量一啲都唔少，每一塊叉燒厚薄適中，肉質鮮嫩，啖啖肉無筋，仲有少少燶邊，肉味香濃鬆化，充滿肉汁，桂花蜜嘅香氣散發出來，食完好滿足！蜜味雞髀                $40/2隻雞髀有蜜味或香辣味選擇，雞髀蜜味濃郁，帶少少甜，雞髀好入味，雞皮香滑，肉質爽嫩，咬落去好juicy，雞味突出，真的是唔錯嘅小食。檸檬泡椒薰蹄             $38大片又抵食嘅檸檬泡椒薰蹄，份量好足！一開袋陣陣檸檬同辣椒香氣散發出來，厚切嘅薰蹄入味濃郁，肥瘦適中，豬皮口感爽彈，肉質鮮嫩，食到唔停口。香茅烤雞扒飯           $36雞皮香脆肉嫩，肉質散發淡淡香茅味，加上特製香料，越食越惹味，配合多種蔬菜，西蘭花、椰菜花、紅蘿蔔同豆角，與米香白飯及黑椒汁拌勻一齊食，營養健康又美味。岩鹽鯖魚柳                 $22鯖魚燒至微焦，上桌時香噴噴，入口魚味十足，加上廚師功夫到家，已逼出大部份油脂，皮脆肉嫩，加點檸檬汁，味道更提升。Coke        $8飲品揀選Coke，冰凍清爽，配燒味亦都好夾。…查看更多

之前上網見人介紹過呢一間新式燒味外賣店，今日喺屯門睇完戲，順路就嚟試吓。除咗平時燒味店會有的燒肉，叉燒同燒雞之外，仲有燒豬手，鴨胸，鯖魚等等。我今日揀咗燒豬手飯配蒜蓉汁。豬手唔會燒到太乾，蒜蓉汁好香，價錢只係$40性價比高。店內還有麻辣系列和醉酒系列的涼拌食品，豬手，鴨舌，雞卷等等。下次要試吓先。😋…查看更多

黑椒烤燻蹄飯$38燻蹄給的都是肥膏，量也很少，味道一般，可能因為太多肥膏可能30幾蚊唔好要求咁高招牌燒豬手飯$40豬手好一些，多少少，外皮脆，味道香，但肉好實，飯好硬，加埋黑椒汁好食少少😋配菜味道好難食🤮如果招牌菜都唔好食，咁就唔需要食呢間想飽d,又或者加多啲錢再加啲嘢食，咁樣加埋可能同你喺另一啲餐廳度食差唔多等候時間長，排隊買都排咗成15分鐘，等就等咗10分鐘，合共25分鐘，因為收錢及派飯盒都是同一人，但有位員工就在後方，較為空閒的，可能做慢啲，感覺好似好多人排隊咁所以如果趕時間，同埋唔係細食嘅話，不建議在這裏買，因為起碼食兩個先夠飽…查看更多

本身買了燒肋骨飯的，請問右圖的係叉燒定係一排排的燒肋骨。食落去似叉燒但食落又有骨的，本身滿懷歡喜食的以為係一排排的，最後食到一半覺得很差掉了，希望職員切好後望一望先擺入盒內。…查看更多

最近屯門新開了一間燒肉店，有賣燒雞、豬手、烤肋骨和豬頸肉等等的燒味，全部食物我都很有興趣，今天便先試試古法燒春燒、黑椒豬手、燒腩仔和香腸。古法燒春雞：這間店舖的燒雞真的很美味，之前我已試過南乳春雞相當美味，今次的古法春雞亦十分出色，雞肉非常嫩滑可口，鮮嫩多汁，而且醃料亦很入味，它的燒雞大家真的不容錯過。燒腩仔：燒腩的外皮十分酥脆香口，肉質亦算柔軟，味道相當不錯。黑椒豬手：豬手充滿著濃濃的骨膠原，黑椒亦不會太辣，味道挺好的，不過我老公更喜歡之前吃過的德式鹹燒手。香腸：今次試了蜜糖和香辣兩款，對於燒味，香腸的味道便失色不小，蜜糖比香辣美味一點。價錢方面，總共$169。總結來說，這間餐廳的燒味我都試過很多款了，除了烤肋骨偏鹹，香腸沒有什麼特別，其他都十分出色，下次應該會試叉燒。…查看更多

香港有間新開的燒臘店，餐牌和感覺都和傳統燒臘店非常不一樣。有傳統的燒腩仔、叉燒、燻蹄，再看一看餐牌，有德式燒豬手、烤豬肋骨鹽烤鯖魚，相當有創意。而且，燒臘店非常清潔乾淨，感覺不錯。香草法式燒春雞 $65，一整隻份量一人吃飽飽，兩人都足夠。黑糖烤豬頸肉 大份 $75，黑糖經過燒烤，非常香甜，配搭豬頸肉一流。燒腩仔 $48，燒臘經典，而且這家切的非常厚肉，口感極好。香甜蜜味烤雞髀 1隻 $22，燒烤配蜜糖，沒得輸之餘，吃了超多飯😂。沖繩黑糖焗叉燒飯 $33，叉燒大大塊，口感佳，只賣$33，糧尾恩物。追加酒醉溏心蛋 1隻 $6，因為不是糧尾，追加了溏心蛋😂，帶點酒味特別開胃。°°°°°°°°°°°°°°°°°°°°°°°°°°°°°°燒洒一族📍 屯門屯門鄉事會路83號V City 地下G7A號舖#MrsLong #hk #hkbloggermama #Longs #mamablogger #香港美食 #餐廳推介 #hkfoodie #香港探店 #foodieshk #hkigfood #tasteofhk #hkfoodlovers #燒味…查看更多

放假逛Vcity見《燒洒一族》新舖裝修新簇明亮，食物新鮮熱辣出爐，決定買些回家與家人共享。我選左🥢德式燒鹹豬手$118，豬手皮燒到金黃色脆卜卜又鬆化，豬手肉不會過鹹味道剛好，肉質軟腍可口配芥末醬提升美味😋😋🥢自家製燒腩仔$65: 五花腩肥瘦均勻，皮脆肉嫩滑，肉味香濃好好味。👍👍🥢酒醉鴨舌$58：鴨舌腍滑夠入味，酒味香醇濃郁有少少甜味。😍😍🥢酒醉腎片$45：腎片爽口，酒味香濃，配飯或麵都好味。💕💕…查看更多

屯門又有斬料加餸好選擇🔥平時斬料都係去傳統燒味店，V city終於有間西式燒味比起傳統嘅燒味店選擇種類比較多而且有招牌烤豬手一定要試吓！德式燒鹹豬手個皮脆卜卜！燒得好香脆全條原骨上，豬手肉啖啖肉又唔會柴皮粘蜜糖芥末醬真係好正😍除咗斬料，仲可以叫雙拼燒味飯燒腩仔+辣味雞髀飯 配黑椒汁燒腩仔好好食，半肥瘦，肉質爽口雞髀啖啖肉，夠哂嫩滑juicy黑糖焗叉燒+蜜味雞髀飯 配蜜糖豉油汁叉燒用黑糖烤香，肉質偏瘦帶點肥膏但唔會柴皮雞髀帶有蜜糖味，甜甜地幾好味酒醉溏心蛋一定要試吓，超入味啊～德式烤香腸有幾款，特別鍾意食芝士口味…查看更多

今日咁岩行過V city, 見有間餐廳係新開, 專做外賣既燒味店, 眼見到店舖十分乾淨, 雖然叫燒味, 但係食物包羅萬有, 好多唔同款可以揀, 有已經pack好既麻辣鴨舌同口立濕等等因為佢得外賣既關係, 所以只能夠加餸拎返屋企食, 嗌左既係叉燒同燒腩仔, 外加一盒麻辣鴨舌!!先講個叉燒, 斬既時間已經聞到好香既叉燒甜香, 一份既份量都唔少!!燒腩仔外皮係超脆口, 而且唔會太肥, 肥瘦均勻最最最好味一定係呢個麻辣鴨舌, 雖然係麻辣, 但係辣度不高, 而且份量都幾多, 超入味!! 辣得過癮而且口感爽彈!! 值得一試既新店!!…查看更多

屋企附近新開咗間外賣店，收到傳單就決定晚上去試吓。去到之後醒起好耐以前喺藍田應該有試過同一間舖，但藍田嗰間而家應該執咗啦，嗰間煮得好差。但係屯門呢間好有驚喜，首先鋪面好光鮮，職員態度好好。價錢仲非常相宜。晚餐一盒飯都係36至$45。叫咗一個招牌豬手飯，豬手好食，啲皮好脆，而家飯都仲係熱辣辣嘅。雖然好平，但都有俾到少少配菜，仲可以揀個汁，我今次就揀咗黑椒汁，同豬手幾夾。埋單$40，飲品就唔包啦。但今次去到見到佢其他燒味都好吸引，下次去會試埋其他餐！推薦！…查看更多

屯門v city 一田超市個層做左大翻新，開左唔少新店鋪，其中一間就係呢間西式燒味外賣店「燒洒一族」身為打工仔，有時收工真係趕唔切煮飯👩🏻‍🍳，所以間中都會買外賣，或者斬料番去當一餐。呢間外賣燒味提供單點同燒味盒飯，可以一個人食或者買黎開party德式燒鹹豬手（大）🐷有特大同大兩個size 選擇，大size都好大份，足夠兩至三人食。店員已經將豬手骨肉分離，食起黎好方便。外皮燒得香脆，中間肉質軟嫩，配有蜜蜂芥末醬。慢煮醬烤豬肋骨（大）🐷望落勁似叉燒，不過肉質比叉燒厚實，BBQ醬有些微甜味自家制燒腩仔🐷屋企人中意食燒腩仔，所以即刻叫番一條，肥瘦適中，外皮香脆，送酒一流🍻麻辣豬耳🐷豬耳爽脆易咬，辣度適中，包裝乾淨衛生，唔洗怕啲辣油流哂出黎…查看更多

呢間餐廳響屯門vcity底層，呢度既食物即叫即炸，豬手分左脆炸豬手同煙燻豬手，脆炸既香口外脆內軟，口感勁正，脆到一個點，仲要即時幫你切埋肉放落盒度，呢度仲有酒醉系列既食物，食品主要係燒味多，碟頭飯價錢都好抵食，三四十蚊就有交易，而家新開仲做緊新張優惠8折tim，抵到呢～脆炸豬手仲分左大隻同特大隻，特大隻份量都一百蚊有找，燒香草烤雞都好大隻，全部食物都即時切好，睇到佢點切同放入盒度食落衞生又安心，仲有醬汁配埋俾我地。…查看更多

喺屯門探完朋友，過咗嚟 V City 行下，喺商場地下見到有間燒味店，走近一看，原來係「燒洒一族」嘅新分店。之前喺樂富街市幫襯過，商舖專攻外賣，燒味款式齊備，價廉物美，一於食過返尋味。店舖主打新派西式燒味，有脆皮豬手、燒春雞、烤豬肋骨、西式燒味飯同一系列酒醉及麻辣食品供應，花款非常之多，啱晒外賣返屋企同家人齊齊分享。特大德式燒鹹豬手 ($118)  豬手勁大隻，外皮烤至脆卜卜，肉質肥瘦剛好，腍滑得嚟又有肉汁，香口鬆化，蘸點附上嘅自家製蜜糖芥末醬吃，更添風味。蒜香南乳春雞 ($68)  隻春雞燒得啱啱好，皮脆肉嫩，雞味濃郁，一咬啲肉汁就流晒出嚟，吃時更帶陣陣南乳香，誘發食慾。自家製燒腩仔 ($65/條)  腩仔外皮超脆，瘦肉同脂肪層層疊，肉質軟腍但又唔鬆散，有豬肉香卻沒有豬臊味，加上鹹度恰好，送飯一流！香甜蜜味雞髀 ($40/2隻)  雞髀大大隻，外皮塗上了一層蜜糖，雞肉好厚身，滑溜得嚟又夠蜜味，入口啖啖肉，成隻揸住食，勁滿足。…查看更多

燒洒一族是連鎖主打西式燒味外賣店，最近在屯門V City開了新分店，很適合買回家加餸！西式燒味方面有燒豬手、燒春雞、燒豬肋骨等，除了單點也可以買燒味飯，一人或者多人聚餐也可以！另外他們的酒醉及麻辣系列小食也有很多款式，味道媲美餐廳質素，而且性價比更高！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<德式燒鹹豬手> $108/隻 (大)<酒醉鴨舌> $96<酒醉雞卷> $45燒味選了最熱賣的德式燒鹹豬手，有大和特大兩個size，大size足夠兩至三人吃，豬手外表炸得很香脆，中間肉質不乾柴，配上芥末醬可以解膩！另外試了酒醉系列的鴨舌及雞卷，兩款的調味基本上是一樣的，酒味很濃但易入口，鴨舌肉質爽彈，而且挺厚肉的！雞卷肉質嫩滑，雞肉連雞皮卷在一起，吃起來啖啖肉！…查看更多