燒味本色

營業中

休息中

作為深水埗地膽 成日經過呢度。近排見佢換咗新裝修 名都轉埋。雖然都係賣燒味，但見衛生同啲燒味質素好似好咗好多，所以就入嚟試吓～小朋友先做選擇，我哋全都要！燒鵝四寶同乳豬四寶 分別都有肥叉、成隻鹹蛋、同埋一款師傅發辦。我哋一個係貴妃雞、一個係豉油雞。是日例湯+$7 係節瓜瘦肉，大大碗好足料。唔使講咁多，所有嘢水準都屬於中上。值得稱讚嘅係，今日樓面得一個姐姐，但一個打三個，仲保持到熱情款待。佢拉嘅茶更加茶香四溢，成間舖都聞到濃濃茶香，忍唔住想叫返杯嘆吓。🤤

雖然深水埗有好多燒味店，但呢一間燒味本色俾人感覺比較乾淨企理😂企係外面見到啲燒鵝、雞色水都好靚。吸引到我入去食！燒鵝叉燒雙拼飯 ($58)燒鵝肉質厚實，個皮燒到好香，平時我少食皮都忍唔住食曬。叉燒肥瘦適中，大大件，味道不錯。油雞髀燒肉雙拼飯 （$63）油雞髀色澤鮮明，又香又嫩，唔會好肥，點埋蔥油配白飯，正👍🏻燒肉皮脆卜卜，新鮮得黎唔會有豬臊味。整體份量都多，食完又飽又滿足。另加$7可以配凍飲，叫左一杯凍檸茶同凍奶茶都同茶餐廳一樣水準。呢區黎講有好多燒味店，大部分都以平為賣點，而呢間我就覺得係比較高質👍🏻

又喺屋企附近覓食喇，今次突然想食燒味。上openrice搵到呢間， 以燒味店嚟講 ，裏面新淨企理，座位舒適，應該好似新裝修過！ 啲姐姐店員都好有禮貌。 睇完餐牌之後決定叫咗乳豬四寶飯同埋脾雙拼飯 （揀咗貴妃雞脾及燒肉）。 跟飯呢，如果加配凍飲或者例湯就加七蚊，都算係抵，見到佢寫明例湯冇加味精，就決定叫完凍飲再加多個湯！例湯飲落堅係住家足料清甜老火湯😋 飯嚟講，乳豬四寶飯就好豐富啦，絕對啱曬麻甩系列，有埋鹹蛋送飯！ 而雞髀飯就好啱我啖啖肉，鹹味剛剛好。

今日食既呢間位於深水埗既燒味店, 最大特色一定係乳豬, 一定要嗌香港最特色既一定係燒味, 配白飯食極都唔厭!!我嗌左既係乳豬拼油雞飯一黎到已經見到係超大碟, 乳豬份量都唔少, 總共有7塊, 而且肥瘦適中, 已經聞到好香口油雞D色水勁靚, 唔洗點醬汁已經好夠味!!乳豬皮+肉再撈埋飯一齊食, 話咁快就食完一碗飯, 超好味友人點左既係雙拼, 叉燒同燒肉, 燒肉勁脆皮, 香口加香噴噴, 叉燒燒得岩岩好, 甜甜的又嫩嫩的燒味飯性價比一定係高!! 超推薦

【深水埗•燒味本色】@ππππππππππππππππππππππππππππππ深水埗高質啖啖肉燒味店乳豬燒鵝髀飯燒鵝髀拼貴妃雞髀飯老火靚湯（青蘿蔔紅蘿蔔豬骨）乳豬燒鵝髀飯和燒鵝髀拼貴妃雞髀飯都是傳統中國菜中的豐盛選擇。燒鵝髀的經典烤製搭配米飯絕對會帶來美味的風味。而貴妃雞也是中國美食中的經典之一，料理方式獨特且美味。至於老火靚湯，以青蘿蔔、紅蘿蔔和豬骨熬煮而成的湯品聽起來清爽可口，這樣的湯品被視為對身體有益的滋補湯，也能平衡整餐的風味。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 260✨✨✨✨✨✨✨✨✨✨✨✨✨#深水埗美食 #燒味本色 #web3深水埗燒味本色深水埗元州街21-23號恆威閣地下B號舖

兩個人來食佐一次燒味頂配大滿足😌98蚊嘅燒腩骨飯，配黃芥末醬；68蚊嘅燒鵝四寶飯，有燒鵝、叉燒、油雞、鹹蛋；燒味飯搭配嘅肉都份量好足，質素好好，對得住個價啊。白飯🍚食落口感幾好，似係香米來嘎。👍仲點佐口水雞，話係本店秘制口水汁，食落真係無咁辣，👌睇來係照顧大多數香港人唔係好食得辣嘅口味去調製嘅。例湯➕7蚊，必點，唔係味精湯，而且夠曬足料😁好過自己煲。兩個人一次過食佐兩百幾蚊，滿意滿意😀

下午準備去做個檢查，驚做完檢測冇啖好食一於要食返餐好嘅先。時間又趕又想食得好，就即刻諗到要食燒味啦。深水埗燒味店有好多但係大部份都係外賣嘅，呢一間燒味本色睇嚟又乾淨又企理仲有好多燒鵝掛晒喺門面咁就吸引到我入去食啦。入到去一坐低就見到有個掛住生鵝嘅雪櫃似乎依度啲燒鵝應該會做得唔錯。平時都係點下啲雙拼飯嘅我怕做完檢測冇啖好食，決定鼓勵下自己！同老公各人叫咗個勁 嘅，原隻燒鵝髀乳豬飯，燒腩骨燒鵝飯。果然同平時食嘅唔同大大份過燒鵝髀好吸引呀乳豬份量亦都好多。燒腩骨竟然有兩排但係燒鵝就真係上妝 位置少啲肉啦！似乎鍾意食燒腩骨嘅應該配其他嘢會更好。佢跟餐加$7有例湯個例湯都幾吸引，係蓮藕豬骨湯，真係有幾件蓮藕同埋有件豬肉喺裏面嘅。油菜亦都唔貴$20碟大大碟 仲可以加多$7跟餐要飲品添。離開嗰陣再望多次門面發現原來佢有$28一盒雙拼外賣飯盒咁下次可以買返屋企食。

講到食平價燒味，真係要講吓呢一間，好有驚喜！❤️❤️👍🏼👍🏼老闆同埋啲侍應都超級好人，特登斬大嚿叉燒俾我。舖頭掛住嘅燒鵝設計都好靚。我哋食唔同嘅燒味飯，叫咗：叉燒切雞/燒肉切雞雙拼飯啲叉燒真係冇得頂，燒到燶邊又甜甜地，肥瘦適中有光澤。隻切雞就好入味，本身嘅雞肉係光滑彈牙，伴以蔥油，真係冇得頂。真係好難得食到咁好味嘅燒味飯。燒肉都好新鮮，皮脆肉滑（伴以芥末醬真係冇得頂）油菜我哋叫咗菜心，好青綠新鮮！

又再次行過黎深水埗搵野食，行下行下又行到元州街燒味本色，依間我食過好多次，咁都行到門口，就行入去坐抵食，我今次叫左個雙拼飯，今次揀選燒肉切雞飯，真心係深水埗48蚊一個雙拼飯算係平，但要搵間座得下，燒味又要有些質素，依間算無三甲之內，今次食到好好味既雞（真係同其他鋪有啲唔同）佢果份鹹香真係唔同啲，另一拼係燒腩仔，脆到一個點嘅燒肉皮，佢又唔係死鹹，加埋碗OK既例湯，但食左一啲之後先記得影相，最後飲埋杯凍0茶，飽飽，超滿足！下次再食下其他野

餐廳位置位於深水埗同石硤尾之間，兩個地鐵站行過去都好方便～櫥窗玻璃掛滿各種燒味，燒得好靚仔好吸引😆咁就入去試吓啦～1️⃣乳豬四寶飯 $68乳豬、叉燒、油雞、鹹蛋2️⃣四寶飯 $58燒肉、叉燒、油雞、鹹蛋乳豬尤其出色，肥瘦比例適中，乳豬皮燒得好脆，味道調教得啱啱好，肉嘅位置就燒得好香口👍🏻燒肉同叉燒都處理得好唔錯👍🏻隻鹹蛋都好高質，油脂豐富～燒味本色 (深水埗)深水埗元州街21-23號恆威閣地下B號舖

燒味一直係廣東地道飲食文化中不可成缺的一環，亦是相當經濟實惠的美食!叉燒貴妃鷄雙併飯叉燒肥瘦適中，色澤鮮明，散發出陣陣焦香，用白滷水來把雞浸熟，豐富了白切雞的味道，又香又嫩，而畫龍點精嘅一定係蔥油醬，香味四溢，配搭白飯同鷄一絕。燒鴨貴妃鷄雙併飯燒鴨成菜色澤金紅，鴨體飽滿，且腹含滷汁，滋味醇厚，貴妃鷄皮滑肉嫩，非常好吃!隨餐仲可以加例湯，清香多汁的蘿蔔與香甜飽滿的粟米，大塊新鮮豬骨更令人會心一笑，匯聚而成粟米豬骨湯!

離遠睇已經見到好多隻燒鵝吊哂係到都燒得幾靚 皮光肉滑嘅感覺呢度嘅燒味飯最特別係有乳豬 同埋燒鵝髀或者其他嘅髀類鍾意點配搭都得我今日就食咗一個燒鵝髀叉燒飯燒鵝髀切得好靚 原形畢露咁樣見返隻髀出黎食落啲鵝肉幾有味道 同埋多肉忍唔住食埋啲皮加埋叉燒 燒得幾靚甜甜地 唔會太肥份量都幾多 淨係食啲餸已經好飽所以我都叫咗少飯（雖然仲有好多😅）仲有林甜嘅時菜加多杯凍鴛鴦一路食都好多街坊幫襯另外呢度啲侍應都好好服務態度 有講有笑

呢間餐廳位於深水埗,朋友帶我黎呢度食平野,佢話呢間既燒味好抵食,環境好光猛同吊好晒D燒味響櫥窗度,碟頭燒味飯既款式選擇都算多,我地叫左一碟雙拼叉燒貴妃雞飯$48,除左D客可以自己選擇食咩餸最多仲可以選3款餸既燒味飯,叉燒半肥瘦適中,而且食物可以即時睇到斬料師傅斬,飲品推介呢度既咖啡,沖得幾岩份量又唔會好甜,咖啡味同茶餐廳既一樣濃郁。例牌叫左一份燻蹄拼燒鴨,鴨脾好啖啖肉而且皮都幾脆配埋酸梅醬食好夾。

最近喺度搵緊地方食晚飯，咁啱係上網見到社交平台 燒味關注組裏面有講過呢間嘢，之前我都有買過佢地既外賣雙拼飯，印象中係叉燒拼燒肉， 我仲話佢地好似漏咗蔥容冇畀我， 點知最後發現原來已經加咗入去個飯裏面， 佢哋啲職員仲好有心機咁打開話畀我知👍 。咁我今次就大膽啲走出去試下佢其他出品， 今次就試下佢個乳豬飯(因為網上講到好正)， 碟飯一嚟到皮脆色靚，食落肉有豬既香味， 唔似其他舖頭好似食緊香料咁，個價錢只不過係58蚊都算係抵食，遲下會再過嚟試下啲燒鵝，因為隔離枱個師兄話燒鵝好味。

真係唔抵得啲haters，得把口又冇圖。我自己尋日就同個女食完。唔知係咪因為新開，見間舖頭比平時燒味舖乾淨得多，就同個女入去試下。叫咗碟三拼少飯(燒煵仔、叉燒、油雞)，加杯凍鶯鴦。啲燒味一啲都唔靭，燒煵仔真係脆卜卜，叉燒同油雞都好入味，俾阿女食晒咁滯，薑蓉夠多，無諗過杯鶯鴦好好飲。😋有機會再幫襯。👍🏻#抵食#燒味#深水埗#支持香港小店