熊貓小雲吞 (慈雲山中心)

營業中

休息中

二人餐$128主食 （四選二）一口豚肉鮮蝦雲吞（10隻）-皮薄餡靚，蝦肉彈牙，雲吞細細粒配蝦米紫菜湯-芫茜味很重的紫菜湯，不嗜辣或者芫茜迷可選這個湯底-撈麵餸料有花生、青瓜、脆黃豆、菜脯和蔥等等，口感豐富小食（二選一）芝麻鹽焗手撕雞-手撕雞鹽焗味突出，雞肉撕得不算太碎甜品 （二選一）軟糯香甜紅糖糍粑-如其名真的很軟糯香甜，外面脆，裡面煙煙韌韌的，好味👍🏻雪梨茶🍐香桃茶🍑氮氣茶口感特別綿密順滑，雪梨茶比較清新，香桃茶甜度高一點紅燒肉套餐 $72（送汽水）外婆紅燒肉油蔥酥熱撈粗麵-比普通版油蔥酥肉躁熱撈麵顏色較深，味道較濃，再加它們的自家菜脯，十分惹味酥炸韭菜豚肉雲吞 （5隻）-很脆很香口📍快餐式經營的川式連鎖店，價廉物美👍🏻店舖還有自家醬料選購，麻辣醬味道相當不錯😋

👉二人優惠套餐 $128👈 👉主食選兩款1️⃣油蔥酥肉燥熱撈麵見到街坊熟哂架步都曉講走青、走芫茜嗰啲🤪我就順其自然食最最原味啦 一打開興奮！好多配料 即使話蔥油底但整體口感唔會過膩 雖然豉油好上色 但唔會好重口味🤔唔知關唔關我點走辣2️⃣傳統重慶川式涼麵初嘗試唔知辣度有幾盡 然而幾慶幸自己叫咗BB辣😂果然食呢啲係無辣不歡！涼麵都幾大兜 睇落無撈麵咁上色 其實🌶幾足🤣好彩無膽粗粗叫小辣 不斷飲茶解熱下 👉小食任選兩款3️⃣炸孜然椒麻雞翼肉嫩唔錯 係椒麻味比想像中輕量 幾啱川菜初哥挑戰😂4️⃣軟糯香甜紅糖糍粑攤咗一陣最後當甜品食 都無阻佢煙韌軟糯嘅嚼感😋沾埋紅糖醬咁食就係食辣辣川菜最好嘅句號kekee 👉飲品任選兩款5️⃣氮氣西柚茶好少見嘅自製氮氣茶飲😯原來nitrogen除咗可以防氧化 仲可以令茶味更出 出到啱哂我呢啲戒糖苦行憎🥴超健康！6️⃣氮氣青蘋果茶飲落比前者多一份清甜嘅 茶味依然濃郁 其實幾啱食完辣野平復下味覺同心靈。。。🦔👉手工涼皮 $25好多花生好多脆粒正 面頭都滿滿的青瓜絲 主角涼皮比我想像中有質感同嚼勁 頗有紋理的 BB辣認真夠哂色 撈得夠味。。。🦔👉手工串串鍋 $38一揭開聞到陣辣油味💨好川菜

雙拼一口雲吞套餐（粟米10粒、鮮蝦10粒）+蓮藕+香腸 $64蕃茄湯底勁好飲，雲吞細細粒，方便又好食😍冇諗過佢咁細粒但係都好足料🤓 蓮藕好爽甜，正！金錢肚涼皮（小辣）$45金錢肚整得好入味，好淋👍🏻涼拌皮蛋（小辣）$22同譚仔嗰啲有啲唔同，呢個係甜甜地辣辣地嘅，譚仔就係酸辣，我個人鍾意食甜野多，我會prefer呢個多啲芥末蜜糖雞翼（三隻）$24呢個幾特別，甜甜地，而且炸得好脆😋不過冇乜芥末味🫥特製烏龍茶 $12無糖烏龍茶，戒糖嘅你可以飲呢個！特製雪梨茶 $12有雪梨味，幾Flash，幾好飲☺️熊貓涼粉 $16呢個涼粉同平時街市買嗰啲差唔多，不過我落得太多糖，甜得滯😹建議大家唔好落咁多糖🙈總括而言 (5個💚係最高)好味指數 : 💚💚💚🤍🤍服務態度 : 💚💚💚🤍🤍環境打卡 : 💚🤍🤍🤍🤍回頭指數 : 💚💚💚🤍🤍📍龍貓小雲吞🏢慈雲山毓華街23號慈雲山中心3樓327至328號舖🕗星期一至日 10:00 - 22:00

呢間餐廳開咗一段時間最近食咗雲吞套餐$40八粒小棠菜雲吞紅薯粉 酸辣湯紅薯粉味道正常煙靭雲吞比較失望雲吞皮確實好滑 但內裏小棠菜餡料好少另外覺得豬肉調味唔夠令到雲吞味道一般般

話說我好少可會比劣評，仲係同一間店比兩次劣評。是咁的，等我同大家慢慢分享下當日發生左咩事。當日排隊買外賣既時候，我前面既一位顧客買個套餐。個收銀姐姐㩒左錯單，但又吾識改番岩，都擾攘左10-15分鐘左右。另一位收銀員番到黎先搞番掂。然後輪到我買，我就話要碗高麗菜麻辣雲吞（少辣）。順利買完之後，我就去左櫃檯另一邊等。突然個姐姐問另一位顧客，個雲吞吾小心落左芫荽，問佢接吾接受到呀。個顧客就話吾食芫荽，叫佢換個碗。咁佢地就換左第二碗。因為係半開放式廚房。然後，我不停聽到姐姐講小棠菜、小棠菜，但又無講過高麗菜呢個字眼。我當時立即提高警覺!因為我屋企人有幾次去買都被佢地fake 過，詳情請睇上次個食評。重頭戲黎喇！輪到我攞我果碗外賣。我問個姐姐係吾係高麗菜雲吞呀？個姐姐話係，叫我自己去睇啦喎。我打開一睇，吾對路喎，個雲吞係綠色餡（即係係韭菜或者小棠菜餡）。Ok, 即係佢地比錯左。我立即叫個姐姐過黎睇，又擾攘左一陣。佢地先「發覺」係小棠菜。改口問我要吾要啦，我話我只要高麗菜。然後就整過第二碗比我。都有講吾好意思既。不過依家諗番，懷疑緊呢碗就係上面另一位買家吾要果碗。因為我無見過佢地煮緊雲吞，同埋舊果

一直有買開呢間店食套餐，基本上每星期都買，套餐的份量是一直無問題，亦跟據餐牌上的數量，寫3比3、寫4比4。但今個星期開始，我發現數量變少咗，只係同朋友討論時話可能手誤，放少咗一件，所以不以為然。過咗兩日，我再去買嚟食，又係一樣的套餐，餐牌依舊數量係寫4件。到我取餐時打開一看，又係少咗，咁我就去問問職員，職員竟然答：「一直都係比3件，無比4件！」然後我指住餐牌話明明寫明係「4」呢個數，而我一直食都係有4件，我無需要屈佢吖~最後我返去食時發現，3件都唔係.....今次得2件！！（我發誓我完全未食過即影）真係想問返間鋪，係員工錯定餐牌錯？員工錯但又好堅持無錯，餐牌錯但我又一直食左幾個月4件的數，真係錯又唔改係咩玩法？？

其實我好少可會比劣評，但今次真係過份左！因為屋企人係成日幫襯開佢外賣自取，每次都只會買高麗菜雲吞，好多次都出現過一D問題，例如：落錯單，明明要高麗菜雲吞，但比左韭菜；高麗菜雲吞入面會有幾粒係韭菜定吾知小棠菜；要小辣但成碗野紅到岩漿咁都算啦，但係今次係第一次食到勁酸既雲吞！而且換左第二碗依然都有問題！上年幫襯個陣，係無問題既！到左依家，個湯底都係正常，雲吞皮既味道正常！但慢慢開始發現佢有D雲吞係縮埋一舊，食落口完全無肉味或菜味！而到左當日，同平時一樣，係買左碗高麗菜雲吞，買到番屋企，就開始食。食左一粒酸酸地，再食多幾粒，發現吾對路，係食到個入面個豬肉餡係酸酸地。有機會係隔夜，或者豬肉臭左，或者溫度太熱導致變味。嗱嗱臨走去換，點知比店員質疑我地有落醋，就叫佢去試下，試完佢就無出聲咁換左第二碗比我地！換左小棠菜比我地，如下圖，但個肉餡依然食得到酸味，只有幾粒無咁酸！都要食嫁，吾算平嫁嘛，食完無肚痛、無吾舒服（吾會好似D假食評咁，個個都話食完即刻肚痛、即刻睇醫生咁），不過吾代表其他人食完無事。希望有改善，話曬你都有分店，如果吾係只會趕客嫁啫！

返到屋企成碗無郁過 一打開一粒雲吞都無 。一粒雲吞都無 。一粒雲吞都無 。一粒雲吞都無 。一粒雲吞都無 。一粒雲吞都無 。一粒雲吞都無 。一粒雲吞都無 。一粒雲吞都無 一粒雲吞都無 。一粒雲吞都無 。一粒雲吞都無 。一粒雲吞都無。係唔係呃人 啲員工有冇睇清楚 張外賣單編號：1322020年6月29 自取外賣B區小棠菜 粟米紅薯粉麻辣湯（bb辣）豬肉丸墨魚丸芝士腸

路過「熊貓小雲吞」好幾次，每次都因為各種理由，冇入到去幫襯。呢日放工應承咗媽咪幫手去買啲 #海鮮 加餸，而我就只係識得由 #鑽石山 搭 #小巴 🚌 去到 #慈雲山，順理成章我又再一次路過。呢日有啲肚餓，睇嚟唔係太大份量嘅 #熊貓小雲吞 就啱晒我。望望餐牌，先知道原來呢度唔係食 #上海雲吞，而係#四川口味 嘅 #小食😋 一場嚟到點都要試吓嘅，我揀咗套餐，入邊有 #韭菜雲吞、#上海麵、#墨魚丸，#湯底 我唔敢揀 #四川麻辣湯，清淡啲要咗個 #紫菜湯。#小雲吞 細細粒一口一啖感覺唔錯，韭菜嘅香味我至like👍🏻 #上海麵 比我屋企食開嘅較幼身，不過都幾爽滑，而墨魚丸都好鮮味爽口，誤打誤撞居然有啲驚喜。不過呢我覺得店舖可以執得整齊啲，唔係話佢唔乾淨，但硬係覺得周圍好多什物。而且使用即棄餐具似乎唔多環保，可以考慮改善🤪

疫情期間經過慈雲山巴士總站，被個陣辣味吸引入去。作為一個重度食辣患者今次就試下川菜嘅熱門菜式——涼皮同埋酸辣粉講真，個涼皮味道還ok，雖然中辣個辣度同傷x酸辣粉bb辣冇分別，但本身d麻味都幾得吓酸辣粉就麻麻地喇，大辣如同虛設，同普通嘅小辣差唔多。個粉本身淋pet pet，不夠麻亦不夠辣，不如食譚x算數。可能係間鋪頭d人太勤力，食食吓由粉裏面走出一條硬撅撅嘅絲綫，唔知是不是洗碗洗剩嘅，我唔想加料啊喂！見到都唔開胃

今天與好友相約共共聚午餐，朋友知道我愛吃川菜，特意推出這間在他居所附近的餐廳給我，說要帶我去品嚐一番。餐廳裝潢簡約透亮，位置寬闊舒適，坐位因應疫情亦有細心地保持適當的距離，廚房是開放式的，可以看見廚師製作食物的過程，環境衛生安心。紫菜清湯米線紫菜湯底清淡健康，米線柔軟爽滑，配料則每碗米線均會附有蔥，芫荽和芽菜，相當豐富，而自選方面，我選擇了白蘿蔔，腐皮以及午餐肉，白蘿蔔鮮美甘甜，腐皮豆香濃郁，午餐肉輕微煎過，口感外脆內軟，鹹香味濃。麻辣小雲吞小雲吞共有十顆，外型精緻小巧，正好一口一顆，雲吞皮滑溜薄身，呈現半透，隱約看見內餡，小棠菜餡料飽滿，濃郁入味，辣度恰好。孜然雞翼雞翼炸至色澤金黃，再於表面灑上孜然粉，入口外層香脆惹味，內裡鮮美嫩滑，肉汁佈滿口，配搭上孜然粉，味道辛香濃郁，美味可口。紅糖糍粑紅糖糍粑外層灑滿芝麻作點綴，再沾滿紅糖漿及少量黃豆糖粉，味道濃稠香甜，糍粑口感酥脆軟糯米，煙韌香口，甜度適中。青蘋果茉莉花茶茉莉花茶與青蘋果的比例恰到好處，既帶有淡淡茉莉的花香，同時亦有青蘋果的清香，口感清爽順喉，冰涼解渴，正好緩和辣味。整體而言，環境舒適衛生，價格合理，食物可口美味，是與朋友或家

較早前去惠顧是俾佢小雲吞的招牌所吸引。之前食過他的小雲吞是好好味的。過咗兩個月冇惠顧產品變得沒有之前好味，今次食泡椒鳳爪，同肥片米線，真心有味唔辣又唔酸很淡，大大另人失望。店舖没有飲管供應，雖然現在大家的講環保但都有客人需要飲管的，由其依家疫情嚴峻，我真的不知點樣飲用這接木花茶，結果我今次買了都没有立即可以享用到。好失望

今晚因為我想試吓商場新開嗰間本灣水產標榜自製嘅香腸、午餐肉及魚蛋，還有參觀即製海鮮檔是怎麼樣的，我們三個朋友連埋我爸爸乘的士到這個商場試左本灣水產的美食廣場之後經過這間自助的粉面店，見到佢哋嗰個自動淥麵機好得意，順便入嚟試吓啲嘢食，點左以下食物：1. 清湯雲吞（小棠菜）（10粒）$20 ，味道真係唔錯，啲清湯有好多芫荽。2. 酸菜湯雲吞（高麗菜）（10粒），$22，味道都唔錯！但係個小辣的湯唔係咁特別。3. 鹽焗手撕雞，$22，呢個唔好食！4. 熊貓涼粉，$12，整成一盒盒擺咗喺雪櫃自己攞，正到飛起！唔知點形容！啲涼粉有啲煙靭。5. 孜然雞翼，三隻，$20，都係譚仔啲雞翼好食好多。但係最頂癮係枱面嗰啲菜譜同埋辣椒油好好味，啲辣椒油落咗啲豆豉諸如此類嘅嘢整，渣比油多，真係好正！因為我哋多人分享，要多幾隻碗就每個收$1。

今日沒有什麼胃口，但又有小小肚餓，突然想起慈雲山中心有間熊貓小雲呑！剛剛開張的時候評價一般，所以沒去試....但今日狀況可以一試.....店舖一般，但也乾淨衞生！因為沒有胃口，所以點了老檀酸菜小雲呑和皮蛋...皮蛋有辣或不辣，朋友不吃辣，所以選了不辣，帶有少少酸！幾巧味！老檀酸菜小雲呑⋯⋯酸中帶點辣，似酸辣湯！開胃之選... 雲呑細細粒，一口一粒👍🏻 $22/10 粒或$38/20 粒都可以叫合理！

有一位女員工態度很差，已經是第二次了，第一次弄錯辣度，非常差的語氣問我先生，聽極都唔明人話，我忍唔住話佢就黑面；第二次就張單已打明要什麼辣，仍語氣差地問我個仔😡，至於食物好味嘅