熊本牛鍋 (世宙商場)

營業中

休息中

今日嚟到位於元朗世宙商場嘅熊本牛鍋，過嚟都幾方便，屯馬線坐到朗屏站落車行唔使5分鐘就到。呢間餐廳主打日式火鍋，除此之外最近仲好Hit佢嘅皇牌套餐🙈。。幾經波折最後都確定選擇食雞煲皇牌套餐😂，唔使$300就可以又食雞煲又食火鍋，而且仲有頂級牛小排同埋牛肩胛可以食😋。。雞煲火辣火辣，而且份量都幾多，都幾夠辣味，而且入面仲有其他配菜，例如豆卜、洋蔥等等，超好食😆。。食完雞煲之後再加湯食火鍋，牛小排同牛肩胛牛味好濃郁，再加上本身雞煲嘅味道，簡直一流🤩。d肉食完之後可以再refill，另外調一次就不去有好多火鍋料可以選擇，啲蔬菜亦都好新鮮，而且啲雲吞同餃子好有驚喜，啲餡好足料，而且調味好出色😝。。熊本牛鍋 (世宙商場) (元朗)元朗元朗安寧路38號世宙商場地下24號舖。

熊本牛鍋 (世宙商場) (元朗)地址：元朗元朗安寧路38號世宙商場地下24號舖去唔到日本😏咪去住熊本牛鍋打住邊爐先🥳入到去店員會問揀邊一個Set 先 今次就食258 之後就會上雞煲 原本以為真係得雞 但原來入面有好多海鮮 有鮑魚 蝦 蜆等等 食到甘上下當然出去夾d 配料入去食☺️ 我自己大推佢地魚皮餃 唔知係咪佢地手工制🙈 就算放左落去好耐都好🙈 唔會話爛左 重保持住個種咬口 重有 如果同我一樣極愛食丸 大推 有好多唔同嘅芝士丸 芝士豆腐等等 諗起都想食😏

有次經過朗屏附近，見到間火鍋🍲店有好多公公婆婆排緊隊，就望多兩眼，原來係派飯俾老人家🧓👴🏻，見係良心店就入左去食😝*和風海鮮雞煲皇牌套餐 $258/位*叫左雞煲火鍋套餐，入面有好多雞之外，仲有鮑魚、蝦🦐、蜆。食完後我地加水打邊爐，比較推介既係美國頂級牛肩胛同埋安格斯牛小排，兩者都幾重牛味。牛白肉就唔太識欣賞，始終覺得肥🤣🤣飲品都幾令我驚喜😻，因為有象啤同麥啤呀！唔洗加錢可以任飲啤酒🍻岩曬酒鬼，唔飲酒既飲佢自家製夏枯草都唔錯，唔甜之餘又可以下火甜品黎講我鍾意食曲奇雪糕，而綠茶🍵泡芙都幾好食😋食足3個鐘係正既，唔洗趕頭趕命咁，可以同friend傾下計，慢慢歎都得，美中不足係個雞煲底食食下咸左D，要加多D水🤣

熊本牛鍋 (世宙商場) 元朗元朗安寧路38號世宙商場地下24號舖好耐冇食過雞煲，咁元朗多好嘢食有待發掘，單單係世宙樓下就有排你試，要食得舒服又要吹水時間足，咁去寬躺闊落嘅熊本牛鍋就岩晒。皇牌258叫左兩個二人任食餐，7點入座可以食到930，吹水時間一流啦，係呢區食有質素保證，因為競爭激烈一定要keep得到食物水準。配料方面任食，丸菜乜都有，野飲選擇好多，有自家製嘅涼茶，夏枯草同埋冰糖燉雪耳，但我最鍾意飲可樂同埋桃汁。雞煲要左香辣小辣，其實就好易入口，岩我食得唔太辣但又惹味口感嘅人。送左個海鮮盤入面有鮑魚好驚喜，重有牛小排牛肩胛牛白肉，豬肉都勁香滑好食！雞同豬重有嘢飲啤酒任飲，質素好。

今日嚟到元朗朗屏站屋苑世宙樓下嘅地舖呢間熊本牛鍋，位置好方便，喺朗屏站行三分鐘左右已經到✌️呢一晚我哋叫咗個雞煲皇牌套餐，可以任飲任食坐足三粒鐘，二百幾蚊一位嚟講都算好超值😝雞煲醬汁好惹味，雞件嫩滑，肉質好新鮮👍呢個雞煲裡頭唔只係雞煲，仲有好多款海鮮喺入邊，有鮑魚、蝦、蜆😱以任食雞煲嚟講又幾有質素，呢一點對比起市面上好多任食雞煲店更加優勝😃雞煲上咗冇耐，店員就會跟手擺低4款牛肉，左上角嘅牛胸油係最深印象，因為唔係好多地方有得食到😎出面自助區，有好多款配料可以自己攞，比較吸引我眼球係呢幾款手打餃😜仲有瓜瓜菜菜，點都要食返少少😀飲品櫃選擇好豐富😬幾欣賞佢哋有呢兩款自家製飲品🤪愛酒之人可以啤啤佢🍻食飽之後仲有雪糕！仲有兩款熱食，可以當做餐前小食～

海鮮雞煲火鍋皇牌套餐180分鐘任飲任食 $258/每位海鮮雞煲醬汁偏甜微微辣，幾惹味！煲內除了雞件，芋頭、豆卜、金菇、紫洋蔥、蒜頭外，仲有鮑魚仔、蝦、蜆！夠晒豐富，而且又入味！任食 ： 牛小排 / 牛肩胛 / 豚肉片，此3款需以QR Code下單。而其他火鍋任食配料、小食(炸薯條)、雪糕及小泡芙等，與任飲飲料 (包括啤酒) 及醬料一樣，以自取形式供應。火鍋加湯底的話，有清水/豬骨湯湯壺自取。任飲： 選擇多！除了罐裝茶類及有汽飲品，仲有夏枯草、葡萄適、包裝利賓納。 更有日本麥啤、泰國象啤、韓國黑啤！難怪見到鄰桌放滿啤酒罐，鐘意同老友暢飲又鐘意任食的話，不能錯過！🍻_______________熊本牛鍋 (世宙商場) (元朗)元朗元朗安寧路38號世宙商場地下24號舖_______________

元朗三小時海鮮雞煲火鍋放題🤭👍🏻〰️〰️〰️〰️〰👅 #yumyunmfood元朗✨ 元朗呢間雞煲火鍋放題都幾抵食 揀咗個雞煲王牌套餐 會送一煲和風海鮮雞煲😋真係好足料 第一次食雞煲會有鮑魚 仲有唔少蝦同蜆 雞件嘅份量都好多 辣度啱啱好 醬汁好惹味👍🏻🤤✨ 食完雞煲可以加水或者轉火鍋湯底 佢哋都有八款唔同嘅湯底選擇 今次我就揀咗壽喜燒😝我揀既雞煲王牌套餐 除咗可以任食頂級牛小排/牛肩胛 豚肉 雞肉😎吧枱仲會有超過60款火鍋配料 同多款飲品 仲有雪糕 可以任飲任食🤩三個鐘‼️真係可以慢慢坐慢慢食～呢個價錢嚟講絕對抵 而且坐得都舒服 想食雞煲又想打邊爐嘅你 可以黎試下🥳🥳🍴雞煲皇牌套餐 $258/一位📍 熊本牛鍋🔍 元朗元朗安寧路38號世宙商場地下24號舖

【海鮮雞煲火鍋放題🌸任食牛小排/牛肩胛】今次去元朗食雞煲！雞煲火鍋食得多，今次既雞煲有埋鮑魚，蝦！雞煲香濃滋味，食完轉鴛鴦火鍋湯底，大量配菜任你揀，可以坐好耐！$258 180分鐘👅味道：3.5/5🌌環境：4.5/5👍🏻推薦：3/5(📍元朗) 熊本牛鍋 (世宙商場)元朗元朗安寧路38號世宙商場地下24號舖

熊本牛鍋🌟整體: 二百幾蚊任食 有雞煲 又有靚牛食 重點係 180 分鐘食 唔使趕頭趕命🏠環境: 典型火鍋店 不過枱ok大 d菜放得舒服🧑🏻‍🍳服務: ✅☆║．．．．．．．．．．．．．║☆‼️雞煲皇牌套裝 $258✅ 先有濃味雞煲 做開頭 雞件都算多 啱哂啲重口味人仕✅ 跟住又可以加水 打邊爐 不過我就加$20 就整過新湯底 鴛鴦 一面四川麻辣 一面沙嗲 真係幾香口 又唔算辣✅ ‼️ 主打： 牛小排、牛肩胛、牛白肉✅ 牛白肉即係牛胸前肋骨上的一塊細小的筋膜類肌肉，實屬罕見！ 含豐富的骨膠原 佢係胸腔肋骨中間的軟骨部位，食落十分爽口架！✅ 牛小排是位於胸腔左右兩側 油花分佈均勻,質地柔軟 肥嫩柔軟✅ 牛肩胛肉肉質特別結實、細嫩、極具彈性‼️ 其他任食部分✅ 基本野都有 我最愛嘅萵筍都有✅ 飲品方面 都好多種 連啤酒都有 仲有幾款 黑啤都有✅ 甜品有雪糕 曲奇 士多啤梨咁📍 元朗元朗安寧路38號世宙商場地下24號舖Shop 24, G/F, Yuccie Square, 38 Yuen Long On Ning Road, Yuen Long⏰ ☎️ 電話號碼 52363638📷 Fuj

熊本牛鍋 (世宙商場) (元朗)元朗元朗安寧路38號世宙商場地下24號舖$258雞煲+海鮮火鍋放題價錢中肯，呢個雞煲仲有唔少海鮮，有蜆、幾多蝦、鮑魚，鹹香味重，幾惹味👍🏻火鍋放題選擇多，任食牛小排牛肩胛，肉類質素不錯😜菜類都有好多選擇👍🏻好鍾意佢啲自家特飲，特別推介冰糖紅棗燉雪耳❤️ 好滋潤又解渴，足料又唔會太甜👍🏻雖然元朗好多選擇，但呢間開頭值得更多人去～Igable:7/10Taste:7/10Worth revisiting:7.5/10#元朗 #朗屏 #元朗美食 #朗美食 #放題 #火鍋 #雞煲 #香港放題 #香港美食 #香港好去處

呢日收早好肚餓，咁岩老公話想打邊爐，就來到附近世宙任食🍲.$258一位任食唔算貴，點了老公最愛雞煲，叫左少辣哈哈🤭雞煲幾有誠意，雞大大件鮮味嫩滑，入面仲有好多海鮮😍鮑魚彈牙爽口，蝦🦐幾大隻，配菜有金菇洋蔥芫荽番薯紫薯豆卜好得意.食完雞煲到任食打邊爐！自助區有好多飲品、肉、餃、丸、菜，jo最愛還是食肉哈哈，用qr code落單，美國頂級安格斯牛小排最好食😋 有咬口牛味濃厚，點了好多🤣.特別介紹下自家製的飲料質素幾高，冰糖紅棗燉雪耳真心一流，甜度剛好，打邊爐可以滋潤吓幾好，仲有涼茶夏枯草下火👍🏻難得好飲到我唔拎啤酒🤣.最後當然食到好飽🤣如果住附近咁岩想打邊爐吃到飽又想坐得舒服又唔想食太貴可以來試下😄

好耐都冇食過打邊爐，朋友就帶我去元朗依間牛鍋放題🍲🥘我哋叫咗雞煲澳洲和牛套餐 🤟🏻送和風海鮮雞煲一鍋 $298一位無限追加美國頂級安格斯牛小排➕美國頂級牛肩胛➕加拿大極嫩保濕豬片特別一提🐷豬片好爽同埋好有豬肉汁味👍🏻仲有任食超過60款吧枱火鍋配料（豬牛雞丸，蝦滑蟹捧，粟米，多種菇類，豆腐各種時令菜，芋片南瓜魚皮餃。。。。數吾晒😆😆）仲有無限提供飲品同埋雪糕🍦🥤一般放題都係45-60分鐘， 第一次食180分鐘嘅任食放題🤟🏻😆實在又抵食又可以慢慢歎💕 唔會覺得好趕同食得好急🌟地方寬敞🌟位置方便🌟價錢抵食

彷彿有一段時間無食雞煲，今次黎到元朗世宙地下嘅熊本牛鍋 一個價錢$258 食完和風海鮮雞煲，就可以食埋邊爐放題！除左肉類外，大部分食物在自助區領取～～鮑魚都唔細隻除左有鮮蝦、仲有蜆肉!肉類美國頂級牛小排比牛肩胛軟稔好味加拿大保濕豬片 大大片夠爽彈而且送左一客牛胸爽！自助區有多款蔬菜類選擇，丸類等鮮魚片都幾靚仔手工水餃、雲吞 墨魚滑 幾出色飲品就有自家製燉雪耳、夏枯草提供，幾滋潤！另外有多款韓國汽水飲品較少見！

唔知大家係咪住係屯元天，我個人就覺得屯元天都幾多雞煲打邊爐，可以話係成行成市，但係呢一間我覺得係值得推介既，因為價錢、質素都係上上乘既，另外我覺得環境都係一個重要既一環，試過係元朗一間鋪頭佢開左出面比我地坐，但係就冇燈，仲可能有小強係隔離行過，而呢種對於我呢個後生仔黎講係好唔中意既一樣野，會驚住食食下加送咪出事。我當初黎呢間餐廳老實講就係佢既優惠睇落都唔錯，今次我有兩個朋友生日啦，仲有免費升級套餐都真係好抵，你諗下四十蚊一位，咁條式就係40*1.1*8個人，唔講生日優惠呢個都節省好多錢，加上佢既美食同埋１８０分鐘，真係好過去果Ｄ大型連鎖店打邊爐，佢既雞煲湯底唔可以話真係好好食，但係不過不失啦，唔係難食，呢個價錢冇理由仲要求佢既質素高高高嫁嘛，就算係香港人都唔可以咁樣，應該知足常樂，欣賞人地好既地方，唔係不停攻擊果少少既不足，而最後我想講我真係會再帶朋友黎呢到食，一來因為好食，二來因為價錢相宜！

我周不時去唔同既地方打邊爐，可以話牛一、牛大人等等既我都有去，但係牛白肉我真係唔係成日見到，可以話係第一次試添，而佢呢到竟竟有，但係我個人唔太好，但係食落去味道唔係真係話咁差既！而呢到既牛肉同豬肉係好食既，唔係出面是但搵間酒樓果d最平價既牛肉，因為真係有味，我唔敢話可以同果d好貴既牛肉比，但係呢個價錢呢個質素，可以話真係好值得黎食，同埋佢呢兩個月有優惠真係令到佢既性價比節節上升，因為我地用既係２５８升做２９８既優惠，而呢間餐聽既位置我覺得係幾好幾靚幾方便，朗平站落車行幾分鐘就到，出面既景色都唔錯，食完出去散下步都可以係個好選擇，我番去果程行去坐巴士都係近既，所以我下次一定會再黎。