煌府婚宴專門店 (已結業)

今日和母親大人飲茶，懶懶地就在屋企附近，好耐冇去過皇府飲茶，今日再去，變化有點大，門口多了個燒味區，見到啲燒味新鮮出爐，流口水😍諗住下午茶時段應該冇乜人，點知入到去人頭湧湧，確實下午茶時段係超級優惠，食物又有質素👍首先藥膳雞腳，湯底餚得十分入味，有好濃嘅藥膳味道，有益又健康，又可以增強骨膠原南乳豬手，彈牙，又係增加骨膠原，我最喜歡😁😁😁😁講一講今日最出色嘅就係呢個豉油雞，同普通豉油雞嘅分別，一食就知道，特別香😄😍👍雞肉超滑，必食推薦

🥢蜜汁叉燒腸🍀🍀🍀🍀🍀🍀🍀🍀🍀 叉燒腸建議唔好嗌黎食，好難食🤢就算點左好多豉油都好淡，餡又唔多，得少許牛肉同芫荽，腸粉皮都算滑既但有啲厚～🥢煌府蝦餃皇🍀🍀🍀🍀🍀🍀🍀🍀🍀 一籠有4粒，外皮好薄，啲蝦都彈牙，仲熱辣辣，新鮮蒸好～🥢懷舊馬拉糕🍀🍀🍀🍀🍀🍀🍀🍀🍀 超級耐無食，所以要嗌🤣後面既甜味先出，唔會好乾帶啲濕潤～🥢黑椒豬爽肚🍀🍀🍀🍀🍀🍀🍀🍀🍀🍀👩🏻‍🦱母親大人鍾意既牛肚已經無左，轉左豬肚，食落都幾好食，都好重黑椒味，反而蘿蔔有陣雪味，唔好食～🥢軟滑薑汁糕🍀🍀🍀🍀🍀🍀🍀🍀🍀🍀頭一啖食無乜薑汁味，之後先有重重既薑汁味，個樣似長方型既五花腩，口感好煙韌🤪🥢養顏紅棗糕🍀🍀🍀🍀🍀🍀🍀🍀🍀🟥正方形既紅棗糕，唔會好甜，口感煙韌，味道微甜亦帶出陣陣紅棗味～ 🍀🍀🍀🍀🍀🍀🍀🍀🍀☀️整體而言，餐廳內環境都好大，坐得都舒服，不過食物選擇唔多，而點心姐姐都好好態度，不過我地本黎刪左咗碟紅棗糕但最後照比左😂唔緊要我地照要～

呢度平時就係一間酒樓黎既,午市飲茶 晚市無婚宴就係食小菜今日約埋朋友去搵食,搵左間酒樓飲茶 契媽鐘意食點心菜式 濕炒肉片河粉 豉油皇炒麵 角仔 煎南瓜餅 桂花糕一碟2-3人份量夠曬食!桂花糕夠清香清甜 入口即溶好清涼煎南瓜餅 咬開香甜南瓜肉蓉,外脆內綿軟 角仔 咬開係咸水角 有蝦米肉碎夠咸香個外皮煙韌Q彈軟綿綿炒麵 落老抽爆炒碟底無油 夠獲氣 有洋蔥同芝麻 一人食2碗已經飽七分濕炒河粉 炒河粉淋煮好既肉片湯羹夾埋一齊食 無咁多油食落健康少少又食到河粉軟滑既口感煌府婚宴專門店元朗屏會街13-17號屏會中心地下 平均消費$200評分7/10

途經這間酒樓，又想吃點心，所以去試下。準備洗餐具時，我大開眼界！碗、碟和匙羹充滿油漬和食物殘渣，自己走去換了幾次，都有這情況，而且很多碗碟都撞崩了！充滿肉汁，但太多油，而塊皮略厚，要花太多牙力去咀嚼。☹️豉汁蒸鳳爪肉質太淋，欠缺咬口，而很多皮已從骨分離。雞包仔和流心奶黃飽不過不失，而流心包 沒有流心效果，而且偏甜，缺乏奶黃香味。🙂潮州粉果的餡料多樣化，整體口感香脆，但塊皮看落去太厚，影響視覺效果。新款蒸籠？支突出來的竹條夠晒有型！總結來說，這間酒樓的環境不錯，樓底高而且光猛，食物質素普通，但衛生等細節上就強差人意。

開開心心和父母出來晚飯，去左間很不妥既酒樓，真黑仔。一到叫左四樣餸，冬瓜盅，片皮鴨，鮑魚雞煲，西蘭花炒帶子。冬瓜盅還可以，不過因枱面不夠大，放在另一張枱，食完三碗，叫再添時，冬瓜盅竟然失了蹤，原來比人收左，大佬裡面仲有成個冬瓜未食架，投訴不果，谷到一肚氣。片皮鴨就凍既，d 皮又韌，完全唔掂。鮑魚雞煲，尚算可以。西蘭花帶子，不過不失。不過， 最可惡的，係啲飯係凍ga。另外，食肆除左食物味道外，衛生都很重要，但今晚食食下，竟有（小強）從天而降，簡直不能接受。總結是，呢間酒樓，永遠唔會再幫襯。同埋，煌府都算大集團，估唔到d管理咁差，令人失望。

有時候同朋友仔都會飲下早茶，其實個人來說呢家係都算ok~~因爲服務不錯之餘，d野食都幾好～蝦餃燒賣就唔洗多講啦，是不錯的。今次叫左呢個生煎包又幾好wo,包煎得外皮脆脆地，又鬆軟，而且真係熱的（有些地方煎到亁晒⋯而且外皮太硬⋯）煎腸粉都係我向呢到幾乎次次都叫一份的，蝦米都算係份量剛剛好，唔會太少⋯而且輕輕煎一煎，有少少焦脆感又唔會好似煎完等於冇煎咁，飲茶地方來說，算是不錯！最後來到重頭戲了！我都係第一次係到食到！呢個雞翼超正！炸過的雞翼超級脆加上又甜又辣的汁，沾到脆香的雞翼到，熱辣辣！哇！真係正到爆，我記得好像是68蚊左右兩碟～（12隻～）超級值得一試！

一家人好難得就到一齊食飯，原本想開開心心食餐冬至飯………到酒樓時見到得嗰幾枱客，但就連糕點都送咗俾另外一枱，重聲大大話已經俾咗我哋，後來知道自己俾錯客之後又話等多兩三分鐘就會有，但點知一等就等咗半個鐘……不過都係無，而等嘅期間最後淨返我哋呢枱，而啲侍應就車輪轉式嚟收我哋嘅筷子（食嘅期間都無執拾），重要每一次都要制止及解釋！ 搞到屋企人唔開心！！！ 咁嘅服務質素，以後都唔會幫襯！！！

今天與太太揸車去朗屏村探親跟著去了煌府飲茶這裡真方便有停車場泊車還有2小時免費.去到取位時門口知客好有禮貌問我幾位帶入去後服務員一樣有禮貌地問飲什麼茶印象給我滿意肚餓了開始叫點心吃等了一會點心來有蝦餃,燒賣,排骨,鳳爪及叉燒飽也有牛肉腸及春卷及干炒牛河,點心味道很不錯味道一流干炒牛河炒得非常好評分很好,如再入元朗時一定會去煌府光顧的.

唔使返工瞓到黃朝百晏是常識吧！ 之後同男朋友去酒樓食個下午茶 呢間酒樓喺元朗嘅煌府婚宴專門店 我哋兩點鐘去到 唔使等位亦唔使搭枱 叫咗壺水仙 茶味好香 唔會太濃 秘製鮮蝦炸雲吞$11.8雲吞皮炸得好脆 中間包住大大粒蝦膠 真係好滿足嫁 再點甜酸醬 食落好有懷舊嘅味道 陳皮牛肉球$11.8佢個名叫陳皮 係完全冇陳皮味 大細適中 食落有芫茜同馬蹄 但係咬落比較多根有啲un 好在馬蹄夠爽口搭救 牛肉味都幾濃 下面有支竹墊底 索曬牛肉汁同喼汁好味道 豆沙鍋餅$11.8鍋餅新鮮煎起夠 曬晒熱辣辣 豆沙餡唔算太甜食落啱啱好 不過就要趁熱食如果唔係就成口油啦蜜汁叉燒包$13.8大細適中 入面叉燒有咬口唔會話好甜呀 唔會話睇落唔係好多色素 新鮮滾熱辣 正 燒腩仔米線$15.8米線唔算太大碗 不過米線比較鞋口同好似未熟好硬 值得一讚嘅係湯底唔算太濃味 燒腩仔嘅外圍嗰兩嚿個皮就幾脆口 但係中心嘅就淋咗啦 不過肉質唔會話好嚡而且好爽口彈牙 仲有兩條烚菜蟹子燒賣皇$16.8燒賣皇size唔算話好大 但係勝在粒粒入面都有兩三粒蝦仁 爽口彈牙 埋單$103 優惠時段嘅價錢都幾抵食 我哋兩點鐘左右去到就坐到四點鐘

今晚老公表哥女兒百日宴，太約下午5點到達打麻雀，冷氣開太細很熱，然後6點叫人開大7點才覺得有冷氣，期間有段小插曲，唔知係半更侍應還是全職員工啦！幫我隔離的麻雀枱的客人斟茶，個阿姐指住杯茶同我老公講(4眼仔，哩杯茶係你㗎!)我老公因為打緊所以胡亂應了！事實當時隔離枱得我老公係帶眼鏡，其他都係親戚，當時我這邊又緊張中，我在自己枱中說(我老公花名佢都知?)然後我枱的老表也笑了，但我覺得一間酒樓(大公司)員工基本禮貌都唔識?客人是這樣招稱呼的嗎？4眼仔是員工能夠這樣稱呼客人的嗎？先生/小姐/太太這樣稱呼是常識吧？這是服務性行業最基本禮貌!講到出品真係唔多得囉～紅雞蛋的雞殼上有雞屎，這樣的出品還可以嗎？雞屎係傳播病菌的源頭，這麽大間酒樓會犯這些低級錯誤?其他餸菜都唔合格，瑤柱節瓜，節瓜唔夠味及硬身，條魚有泥味，鮑魚冬菇鴨腳，鴨腳未夠火喉，單尾個鮑汁海皇燴絲苗，飯太濕，甜品太甜，總括來說頭盤乳豬，及雞是ok之外，其他都可以改善，服務不錯，除了開頭說的耶位員工之外!

家有一老，如有一寶，生日當然要賀壽啦，金豬賀新歲乳豬外皮脆口，內肉都夠鹹，唯脂肪量偏多富貴蝦球肉帶蝦球有濃郁海產香，又爽口，西芹青脆嫩口，味道唔突出但呢個菜式係我最愛黃金百花釀蟹拑炸蟹拑剛炸起，外皮脆口，咬到內部時仍然燙口，味道鹹得黎又有油香仲有火箭菜伴上，有啲人會感覺唔食得，不過我就唔客氣食埋喇～發財好市柱甫味道十分正常，蠔油汁鹹道適宜，瑤柱完整唔鬆散，髮菜有海藻味，可以話係冇過失嘅菜式紅扒菜膽大鮑翅食翅當然要落醋，令翅嘅味道唔太鹹膩清蒸海星斑豉油汁略鹹，不過難得魚肉內外熟透，肉質亦比較滑口鮮甜，總之小心沾太多豉油就ok蠔皇6頭鮑魚伴玉掌蠔油味道香濃，鮑魚彈牙，咀嚼間有海產嘅海鹽味，而且有少少啜牙，口感特別，鵝掌入味，放入口時可吸出大量蠔油汁，脂肪量多，令膠質嘅感覺濃郁，因為長時間餚煮，骨皮分離，食得方便煌府一品燒雞雞嘅感覺肉質比較乾, 而且脂肪厚,幸好有味道彌補不足，雞肉夠鹹又不過原有雞肉嘅蛋白香，蹤使肉質乾都有香口雞肉味黑松露蛋白炒飯（由於太搶手，未能先影無圖片）黑松露菇菌味道十分香，本身只用蛋白伴黎炒飯令黑松露味道不受其他味影響，使黑松露成為主角，啖啖香軟飯粒間都散出黑松露味，

又來婚宴酒樓晚飯，水晶燈處處，彷如置身水晶宮。這水晶宮是我媽媽和娘家過節飯聚的飯堂。是晚由家人點菜，我負責坐享其成，一見蒜茸蒸海中蝦和金蒜銀絲蒸元貝，就知是愛吃海鮮的舅父點的，這兩味最常見的情況是“妹仔大過主人婆”，席上客很多時愛配角（粉絲）多過愛主角，因為當粉絲吸收了海鮮的精華是十分美味的，所以粉絲往往比海鮮更快被徹底消滅。極品燒鵝皇（例牌）的份量不少呢！而我反而喜歡海皇什菜煲，大大件看來很新鮮的魷魚、帶子、蝦仁和珊瑚蚌，哈哈！看得人心花怒放。海皇翠塘豆腐是每次家庭飯聚都會出現的，專為連一隻牙齒都沒有的外婆而點，貪其用料切得細細粒，易入口之餘鮮味又滑流，好好送飯呢！青芥末安格斯牛柳粒和鎮江小酥骨都很不錯，兩者都醒胃惹味，尤其鎮江小酥骨甜甜酸酸，伴上墊底的洋蔥很美味。煌府小炒皇的芽菜和韮菜爽口鮮甜，味道調得很不錯。原來今天是舅父的生日，舅母早已把買來的生日蛋糕交酒樓存放準備飯後品嚐，飯後酒樓給我們換過新的碟子吃蛋糕，沒收取切餅費，服務值得一讚。

流沙奶皇包我覺得只是普通奶皇包,並冇流沙現象，甜味不算太好甜,味道都可以蝦餃味道一般,個皮唔夠薄，有些小痴牙，個蝦只是一般,整體味道就一般蒜溶春卷我覺得春卷又幾好吃，炸得好脆又有蒜溶味道，整體幾好味牛肉腸我覺得還可以啦,豉油並不太咸，整體味道一般波菜餃我覺得只是一般最近1星期同屋企人去飲茶，弟弟又帶BB出來，飲茶地點常去煌府,由屋企行去只是5分鐘，十分方便，環境都OK,我們坐下之後就寫點心紙，邊吃邊等弟弟一家,這裡服務都可以，煌府來過2次,整體環境/服務/食物水準都OK

開頭入到黎，感覺都可以，整個環境唔錯！上點心嘅速度都算快，不過食物味道都唔算特別好，但仍然可以接受到後來，好似趕收工咁，個男經理走出黎，問我地野食到齊未，我地想同佢講我地有個腸粉未到，点知條友叻唔切咁，就同我地講依個時間已經冇蒸腸，之後我地話唔係蒸果啲，係xo醬炒腸粉，点知話口未完佢又叻唔切，佢話：哦…煎蝦米腸牙！ 我心諗你識唔識聽下人講野架，趕都唔係咁掛？搞左一輪，果個漏單腸粉終於出黎，真係失望到爆，所謂xo醬炒腸粉，一啲xo醬嘅味都冇，成個豉油王炒腸粉咁，仲要好淡冇黎味道差到爆真係不知所謂，個女部長仲要話xo醬梗係落得小小，問題係連味都冇！！！！真係冇下次呀

今日放假,跟家人到元朗飲茶食午飯,想說以前羊城舊鋪開了煌府新店去試下....可能新開張多人去試,等左30分鐘先有檯,下午茶點心款式比較小,以前羊城感覺比較抵食.感覺侍應職員都係新手,點左幾個點心有幾個話無,已取消,但埋單時好在有比錢前要求睇單,好幾個都無取消到,如果無睇清楚肯定收錯我錢.....