為食來車仔麵

營業中

休息中

一點左右堂食，嗌咗四餸車仔麵，第一點就係個湯，正宗嘅車仔麵湯底唔會Default你係加咖喱汁，個湯底冇乜味其次，我食嗰個牛腩竟然有一股紅燒汁的味道，我未見過邊間車仔麵的牛腩係呢個味個魷魚本身冇味就算，而且仲煮過龍，根本咬唔入口仲有車仔麵，個麵底下便會有菜，呢間就乜都冇，而蘿蔔就不錯，不過好明顯浸咗糖成個體驗就冇幾款餸係好食嘅，我淨係食咗個麵就走咗，啲餸就剩咗唔少，份量都係比較不足，食落唔覺飽，價錢呢亦係較貴。都係想講返句車仔麵睇落去好易整，但其實有好多功夫唔係求其一碗麵落啲餸落去就係

為食來車仔麵⭐三餸一麵（雞中翼牛腩芽菜、河粉、辣汁）$49牛腩同雞翼超好食，牛腩大大塊，肥瘦均勻煮得夠腍，一啖食落去勁有滿足感，食得出係高水准嘅牛腩；雞翼有兩隻，表皮似燒過，肉質嫩滑，鹵水好入味，兩款餸都好正。芽菜新鮮爽脆，辣汁係咖喱辣汁，啱曬鐘意重口味嘅人，湯底濃郁好掛麵，唔會好鹹，我揀左小辣，唔會一啲辣味都冇，想食辣但又食唔到太辣嘅人可以試下，冬天食少少辣野個人暖好多。店鋪位置唔多，比較狹窄，lunch時間人比較多要排隊。💯兩位店員非常有禮貌，講野會用禮貌用語，收錢找錢都用雙手，感受到呢間係用心經營嘅餐廳，下次經過一定會再幫襯！

前幾日朋友話呢間車仔面新開話放假去試下，點知今日去到發現呢間車仔面之前已經食過🤣無奈附近唔多餐廳有開唯有再次光顧。店鋪唔算大，可以坐到十幾人，所以枱與枱之間空隙唔算闊。呢間車仔面店39蚊有兩個餸，46蚊有三個餸，餸嘅款式算多，有d餸仲好少機會出現係車仔面，例如：鵝腸，八爪魚今次叫左牛栢葉，魷魚，配辣汁（大辣）兩款餸都係白灼，size都算大件ge, 全靠辣汁令佢地有少少味，不過面嘅份量相當少，食左幾啖就冇晒😢食完都唔飽，大食嘅朋友一定要加底先得總括來說辣汁👍其他野就普通

離唔開係葵涌食Lunch🥺同飯腳去咗食車仔麵，大家一齊四餸怒食。🍜 四餸一麵 $49牛腩·牛肚·魚蛋·鳳爪牛腩：少少乾柴感牛肚：夠腍身👍🏻魚蛋：一般，不過不失鳳瓜：偏腍夠入味🍜 四餸一米線 $49豬紅·豬大腸·貢丸·生菜豬紅：爽口比較結實，唔會一夾就散。啲人話豬血+牛血製成嘅豬紅比較易形成一磚磚。個人喜歡結實的✅👍🏻 #補血豬大腸：比較有咬口，無異味👍🏻貢丸：無特別生菜：新鮮腩汁湯底香濃👍🏻偏甜仲有麵面少少辣呢間車仔麵好適合喜歡味濃同食辣人士👍🏻📍星期六休息飲品：汔水 $6罐

又係成日食嘅小店，有差不多一年吧？ 味道一路都好穩陣，今次寫低佢。《豬紅》😋其實真係唔太識分咩係真豬紅，但呢度嘅係唔易散開，而且係食到 “味”，機乎次次嚟都叫。《咖喱魚蛋》😋5粒裡面3粒係霹靂入味！ 啲辣係穿透成粒魚蛋 👍🏻《清甜蘿蔔》😋唔呃人！甜嘅，淋嘅，未食過有渣嘅 🤭車仔麵嘅汁好關鍵，呢度有腩汁、滷水汁，辣汁，我又係只食過辣汁，仲係大辣，好惹味，所以無意欲轉其他汁 😂粉麵反而試勻哂，都係米線最啱口味，而米粉、粗幼麵都唔會再食嚕。

因為呢排成日要去葵涌，咁岩lunch hour經過呢間車仔麵，幾次都見到好多人排隊，行過都聞到勁香😋😋今日再一次路過，終於又試一試😃一個人食車仔麵，係快靚正既選擇啦！雖然本身係一個眼闊肚窄既人，不過都係唔好叫咁多野食😂😂今次揀左豬皮、豬大腸、牛脷同粗麵。豬皮係秘制，好入味。豬大腸都好大啖肉，牛脷平時既車仔麵店都好小見，又整得幾好味😋因為鍾意食辣，所以都額外加左辣汁，整體係覺得可以再食🥳🥳🥳🥳

屋企附近新開車仔麵檔食連鎖米線舖食得多間中都想食返啲地道車仔麵😝因為限聚令影響決定買外賣返屋企試下而店內的裝修樸實簡單大概可以容納15至20人岩岩開門已經有幾個食客等外賣車仔面餸選擇都幾多~款式都幾大路除左傳統嘅粗麵幼麵公仔麵都可以做車仔麵😯價錢係葵涌區都算合理4餸都只係$45👍🏼第一次幫襯揀左5個餸: 豬手、咖喱魚蛋、豬紅、冬菇同埋豬腸🍜湯底比較清甜亦可加配腩汁/辣汁/滷水汁平時食車仔麵都揀開腩汁今次試試新配搭揀左辣汁~估唔到辣汁同個湯底幾夾😙粗面面質不過不失個人認為偏硬講返啲餸~豬手真係必食!!皮爽肉滑炆到入晒味🤩好有膠質兼啖啖肉咖哩魚蛋夠辣同口感彈牙而豬紅同冬菇都好吸湯平時好怕豬腸處理得唔好🤭依度洗得乾淨又無怪味更重要係食完碗麵唔會好口渴👍🏻咁近屋企一定會係咁幫襯!!

我最愛吃車仔面，初嚐新開小店，店內座位少於20人加上限聚令，兩個人等約15分鐘先有位。我點了豬手、豬腸、雞翼、羅白，油面(大辣)，可能我個人食得好辣，感覺佢個辣係完全唔辣，加咗兩次辣汁都唔辣又唔香。兩件豬手係烤不是滷水炆嗰種，很一般，好硬又多毛。豬腸味道不錯，但份量好少，得四舊仔。兩隻雞翼入面係冰凍嘅，已經唔洗講好唔好食。羅白可以，但都係得四小舊。面份量都係偏少。友人點了牛腩，肥牛，貢丸，羅白，油面。佢話冇樣嘢好食，貢丸何其細粒，肥牛得兩小塊，好搵笨，食完好似冇食過咁，備註佢平時已經好細食。試過一次，應該冇下次啦

琴日想食下午茶，行過石蔭唔想食普通茶餐廳，見到有間新嘅車仔麵開張，就行左入去試下。望下張menu，心諗都係平時戈啲野，叫左碗4餸（牛腩，豬手，腩肉，滷水雞翼）油麵底，食車仔麵就緊係要加腩汁先得！牛腩一咬落去唔係出面戈啲一咬就散哂變肉碎，入味；豬手就入哂味；雞翼就更加好食；唯一想重點講下啲豬腩肉，本來一夾起見佢白雪雪，諗住好似譚x米線戈種乜味都冇，本來有小小失望，點知一放入口先知我怪錯好人，原來啲腩肉唔係就咁清水煮，係先醃鹹左嘅鹹肉！呢下我真係覺得店家老闆有細心機去做，（食緊戈陣仲聽到店員話都係事頭婆自己煮啲車仔餸，唔係出面就咁買番黎加熱），食完走埋單走人，40幾蚊，但我覺得幫襯小店，仲有食埋店家戈種心機，值得！會再去食！