影片
以上資料只供參考, 請與餐廳確認詳情
為食來車仔麵⭐三餸一麵（雞中翼牛腩芽菜、河粉、辣汁）$49牛腩同雞翼超好食，牛腩大大塊，肥瘦均勻煮得夠腍，一啖食落去勁有滿足感，食得出係高水准嘅牛腩；雞翼有兩隻，表皮似燒過，肉質嫩滑，鹵水好入味，兩款餸都好正。芽菜新鮮爽脆，辣汁係咖喱辣汁，啱曬鐘意重口味嘅人，湯底濃郁好掛麵，唔會好鹹，我揀左小辣，唔會一啲辣味都冇，想食辣但又食唔到太辣嘅人可以試下，冬天食少少辣野個人暖好多。店鋪位置唔多，比較狹窄，lunch時間人比較多要排隊。💯兩位店員非常有禮貌，講野會用禮貌用語，收錢找錢都用雙手，感受到呢間係用心經營嘅餐廳，下次經過一定會再幫襯！
繼續閱讀
前幾日朋友話呢間車仔面新開話放假去試下，點知今日去到發現呢間車仔面之前已經食過🤣無奈附近唔多餐廳有開唯有再次光顧。店鋪唔算大，可以坐到十幾人，所以枱與枱之間空隙唔算闊。呢間車仔面店39蚊有兩個餸，46蚊有三個餸，餸嘅款式算多，有d餸仲好少機會出現係車仔面，例如：鵝腸，八爪魚今次叫左牛栢葉，魷魚，配辣汁（大辣）兩款餸都係白灼，size都算大件ge, 全靠辣汁令佢地有少少味，不過面嘅份量相當少，食左幾啖就冇晒😢食完都唔飽，大食嘅朋友一定要加底先得總括來說辣汁👍其他野就普通
繼續閱讀
離唔開係葵涌食Lunch🥺同飯腳去咗食車仔麵，大家一齊四餸怒食。🍜 四餸一麵 $49牛腩·牛肚·魚蛋·鳳爪牛腩：少少乾柴感牛肚：夠腍身👍🏻魚蛋：一般，不過不失鳳瓜：偏腍夠入味🍜 四餸一米線 $49豬紅·豬大腸·貢丸·生菜豬紅：爽口比較結實，唔會一夾就散。啲人話豬血+牛血製成嘅豬紅比較易形成一磚磚。個人喜歡結實的✅👍🏻 #補血豬大腸：比較有咬口，無異味👍🏻貢丸：無特別生菜：新鮮腩汁湯底香濃👍🏻偏甜仲有麵面少少辣呢間車仔麵好適合喜歡味濃同食辣人士👍🏻📍星期六休息飲品：汔水 $6罐
繼續閱讀
又係成日食嘅小店，有差不多一年吧？ 味道一路都好穩陣，今次寫低佢。《豬紅》😋其實真係唔太識分咩係真豬紅，但呢度嘅係唔易散開，而且係食到 “味”，機乎次次嚟都叫。《咖喱魚蛋》😋5粒裡面3粒係霹靂入味！ 啲辣係穿透成粒魚蛋 👍🏻《清甜蘿蔔》😋唔呃人！甜嘅，淋嘅，未食過有渣嘅 🤭車仔麵嘅汁好關鍵，呢度有腩汁、滷水汁，辣汁，我又係只食過辣汁，仲係大辣，好惹味，所以無意欲轉其他汁 😂粉麵反而試勻哂，都係米線最啱口味，而米粉、粗幼麵都唔會再食嚕。
繼續閱讀
因為呢排成日要去葵涌，咁岩lunch hour經過呢間車仔麵，幾次都見到好多人排隊，行過都聞到勁香😋😋今日再一次路過，終於又試一試😃一個人食車仔麵，係快靚正既選擇啦！雖然本身係一個眼闊肚窄既人，不過都係唔好叫咁多野食😂😂今次揀左豬皮、豬大腸、牛脷同粗麵。豬皮係秘制，好入味。豬大腸都好大啖肉，牛脷平時既車仔麵店都好小見，又整得幾好味😋因為鍾意食辣，所以都額外加左辣汁，整體係覺得可以再食🥳🥳🥳🥳
繼續閱讀