為食仔海鮮火鍋專門店

營業中

休息中

買了優惠券，入座後問佢哋，佢哋話原來要入座之前出示，所以唔俾用！ 我覺得成件事都好唔fair其實一入到去個環境就怪怪地，明明就係星期六夜晚食飯時間入到去竟然一張枱都無人座。而且鋪面個設計佢係全部用晒磨砂膠紙封住間鋪頭，唔俾人哋望入去(完全唔知點解會咁奇怪)坐低左之後個阿姨就好似係咁迫你叫嘢食先，佢會係咁問你話要食啲乜野啊幫你落咗單先，我冇理佢佢就繼續企左係我隔離。食物方面我叫咗個卜卜蜆。其實味道都還可以，只不過係我覺得太多沙啦。另外因為嬲得制所以一個配料都冇叫到。

一開始以為係任食又限時兩小時，一坐低就係叫甘野食。海鮮卜卜蜆唔錯，大部份有肉，同埋兩個人枱細細，食物速度上得好快，唔夠位擺食物，變相要食得快dd,同埋要食到就著就著。後來知道唔係任叫，叫左中等價錢既羊同牛試一試，質素唔錯，而且同平時食既鋪頭食物，佢主打係新鮮同鮮！好似我試食左佢地自家製既響鈴，有心機之作！係出面真係食唔到。店員會頻頻同你收野，唔驚唔夠位放其他餸。另外，飲品都偏貴，選擇唔多，同埋唔見佢地有水提供。講就講兩小時，但我地打到過鐘都沒人吹，可能人唔多。最後埋單差唔多9百頭到，只收現金，唔可以碌卡。

Openrice 為食仔天氣開始涼涼地，我地今次就決定一行四人去食蜆煲。黎到爲食仔，發現原來晚上9點半前，半隻既卜卜蜆雞煲有優惠，只係$48 咋！反正之前未試過，今次就叫左個小辣黎試試佢！ 蜆雞煲相比平日既蜆煲小左啲鮮味，我諗我會用惹味黎形容！味道其實都唔錯，不過對於平日小食辣既我地黎講，小辣都已經唔係好頂得順，所以拿拿聲要叫返啲野飲！飲品價格尚算公道，而且仲有Hoegaarden Rose 添呀！ 食完個煲就加水開始打邊爐喇。 我地就叫左必點既黑松露蝦丸、自家製響鈴、豆卜手打蟹子墨魚滑等等。黑松露蝦丸，一個字「正」呀！粒丸非常爽口，而且仲有好香既松露味，真係唔可以錯過架！ 墨魚滑就不過不失啦反而有驚喜既係啲豆卜！雖然平日打邊爐都成日會見到佢，但可能個湯底真係夠惹味，啲豆卜吸哂啲汁，真係好好味呀！ 整體黎講，呢到既食物都唔錯，但價錢屬中等價位。而且食物既份量唔算好多，要叫多幾份先夠食。 （提外話）值得一提係今次黎，有一位好有熱誠同細心既呀姐，佢見冷氣不停吹住我地個煲，搞到滾極都滾唔起，除左比我蓋我地吸住，仲幫我地先關左個冷氣，等到滾起先再開返，呢個動作重覆左三、四次。而且係自動波！依家

今晚同男朋友想食雞煲所以就試下呢間為食仔。一去到同侍應攞位，態度已經麻麻，問佢要等幾耐答我都唔知道，踢曬腳又唔耐煩。等左一陣入到去，叫左個$48雞煲卜卜蜆煲，以呢個價錢的確算係甘，味道唔差，不過真係好少蜆....亦無得半小時內再加蜆。唔緊要，除左個煲，都仲叫左一碟$198細既肩脊肉同菜。最嬲既係，碟牛本身已經唔多，估唔到佢可以係超薄切，完全唔值$198呢個價錢...雞煲卜卜蜆平左，轉價落碟牛度，結果我地食左$370都好似食左陣風甘。絕對無下一次

有朋友從外國返嚟，成機帶他試下香港火鍋先！依度要預早BOOK位,因為夜晚幾多人先嚟一個東蔭公蜆先！果然橙紅的一盤，聞到都香！煲內又多蜆肉，食落湯底勁海鮮味道，又有多種香料同勁多辣椒！蜆肉大隻，無沙，味道鮮甜，肉質彈牙！加上勁酸辣既湯底！真是好配搭！連我朋友都讚不絕口之後開始打邊爐啦打邊爐當然要嚟一碟丸啦！丸帶有光澤又新鮮！將丸放入去，更令湯底要鮮！配已飯食！更恰宜！本人忠谷各位～夠膽就要試下啦,因為真係有D辣,食得辣既朋友可以挑戰下！

侍應全部都好熱情，會主動加湯，又會不斷幫我地倒蜆殼，美中不足係卜卜蜆太重海水味，胡椒雞湯係好味既！因為今次得2個人食，但蟶子同鮑魚又可以各2隻咁叫，又唔洗浪費食物😬

旺角可以話係香港最多美食既地方，亦係香港美食創意既英雄地。今次黎到為食仔海鮮火鍋專門店,食左個麻辣雞煲,雞煲成日食,但唔係間間都咁好食所以都忍唔住要去試下依度既雞煲不過做過功課麻辣真係有返咁上下料到，自問自己未夠玩，所以叫定左食得辣既朋友個人揀雞煲其實都有一個原因，因為我覺得咁食可以食雞本身既鮮味！果然無揀錯，個雞煲好多雞，而且肉身的確比平時食既特色大！湯底有咁多雞味去煲，必然係鮮甜，加上辣椒、香蒜、蔥，個味都好充足，有基本適中既辣度~~另外亦點左個極品牛肉，真係好大塊好抵食，無諗過會有咁大塊，仲好靚仔添！口感唔會話沙到一餅野咁，又番少少質感、爽嫩既，外層口感嫩滑,中央就綿滑如流沙！好適合配雞煲食，亦都係食得飽既，肥美，唔會縮好多水，可以一試！呢餐總算無揀錯喇~~~

早前同一班朋友去食蜆，去旺角為食仔海鮮火鍋因為同行朋友非常食得辣(平時會咬指天椒送飯嗰啲😑)我同女友也算ok食到辣而且係愛辣人士，於是試下個18禁卜卜蜆煲另外4位唔食辣的朋友就食普通蜆煲最後蜆煲上黎,淨係見到紅色一試，俾辣汁彈到喉嚨。。。嘩正到😂而食得辣朋友都話辣不過，餐牌上寫係麻辣其實食食下都食到，又無話辣到頭痛嗰種而且辣味都幾快散所以都食哂食到蜆味,辣中有香味而其他火鍋料只係正常但價錢唔貴每款都幾好食

前言：好耐之前等唔到930食卜卜蜆，食咗$48咩雞煲，難食到嘔，完。（所以今次抱住莫大的決心再次挑戰卜卜蜆）好啦因為我有個朋友，晚晚都黎食卜卜蜆，好似好好食咁，我就覺得，命運唔會玩多我一次，人地就食到好好味，我就難食到死咁既，咁我就book定位，黎挑戰之前食唔到既卜卜蜆！【$98任食卜卜蜆煲】（只限頭30mins)所以係要放下無謂既包袱係咁食啊！個煲一黎到，都係幾多蜆既！每粒望落都健康正常大隻！好，都好快就有得食！第一round係good既，鮮甜肥美，無沙，惹味！（這是第一round既殼）第二round係無咁好既，卜卜蜆細粒好多，有沙而份量係明顯少咗。第三round係咁多round入面質素最麻麻既，粒蜆好似鼻屎咁細粒，仲有好多好多沙！但係，$98，有得食三round，夫服何求呢？所以我地已經好滿足。跟住就打邊爐啦繼續，極健康的野菌煲咁。主要想讚下兩樣配料。【極上牛魔王拼盤】$448首先要讚既係非常新鮮，呢個拼盤既上菜速度係令我懷疑係即叫即劏！等到我頸都長，不過係非常值得，我地4個人食，係食唔晒呢個拼盤，好多，而且牛肉嫩滑唔鞋口仲好重牛味，非常滿足！必食！【手打四寶丸】$72呢個都唔錯！

呢期見好多朋友黎食，所以都想黎試下，約左兩個朋友一齊黎食啦，黎到都等左半個鐘先有位,好多人食.我地坐左4人位,因為一係2人位,一係4人位,無得選擇一黎到叫左個麻辣雞煲，落單好快黎到,一上台無錯真系成鍋雞肉，好大鍋，好足料，雞肉隻隻都好肥美厚肉，食落好鮮甜仲要啖啖肉，食左一個你會追坐夾下一個，三個人食一鍋都覺得仲唔夠喉，仲想食牛肉好大件，洗得好乾淨！好新鮮，食落厚肉，爽口彈牙，好鮮甜丸類味道都唔錯,節瓜都好好食,成個煲都好惹味,感覺唔錯!價錢都化算, 人多會好D, 可以食多幾樣野. 旺角咁近. 一定會介紹朋友!

呢間野岩岩開既時候有朋友食完劣評一大堆，所以一直都無興趣試！點知近排有另一位朋友食完大讚，就俾次機會佢啦！九點半後全部卜卜蜆$98 仲可頭半個鐘任加，但實在太肚餓等唔倒食左正價時段。原味卜卜蜆 $168黎到等幾分鐘啲蜆就開始開口，食落好肥美好甜完全無沙，係食左咁多粒，粒粒都無沙！湯底好重蜆味有小小辣，兩個人黎講我覺得食一煲已經夠😂因爲係食極都食唔完！牛肩胛$218呢個價錢有咁大碟好抵好有牛味又唔會太肥，不過真係唔可以碌得耐，一耐就會鞋口。另外叫左娃娃菜同薯粉，薯粉就普普通通，娃娃菜吸哂啲湯好入味另外服務幾有驚喜，員工都好勤幫你倒蜆殻，同埋係即叫即到既，又有笑容！下次會揀九點半後再食

Cheap tasteless food NOT HEALTHY as it’s advertised everywhere. It’s not even really Korean flavour. Orders meal without egg and it came with egg Bimimbap dry and not tasty only few veggies and no kimchi Will not try again it’s not worth the money Maybe someone can help them with the false advert and pictures to change to what they really service. High salt and high sugar too

因爲喜歡打邊爐又見到優惠平日放工去左試卜卜蜆雞煲雞算幾滑 份量唔多 味道正常鮮淮山唔係好夠滑潺潺 佢sell既貴妃螃唔新鮮其他食物份量是可以的環境都是一般冇特別裝修同埋我叫既野主要來貨 煮個個人係我 冇咩特別意見俾到我不滿既係佢叫自己做卜卜蜆雞煲但放落去個啲並不是卜卜 搵到唔知有冇十隻 我影到個3隻已經係最大隻 大部分細過我半隻尾指指甲 仲有全部離殼 殻好乾淨咖 咁知咩事啦😌😌就算搵到放左入口都係咬下啲味跟住吐返出黎因爲勁梅掉咁多殼落去炒不如叫貝殼雞煲算 起碼附合商品說明啲。我明白四十幾蚊個卜卜蜆雞煲真係唔可以要求太多 但放咁多殼落去真係反哂眼 🙄️而個唔係優惠 係倒自己米 整體黎講味道無咩特別 卜卜蜆雞煲不建議 想食雞煲既出面有更好如果真係去試就叫正常個個卜卜蜆煲（好似$168 我見人地食真係連殼...

峴煲大部份都係得啲殼（如圖），而且有點沙🙄這個煲中的雞翼是有異味，我就食唔到落口☹️店員主張我選海鮮，但我沒有理會，因峴得殼的緣故。唯一好處就是會WhatsApp你確認Booking🤨

近排好火紅既卜卜蜆，所以約左2個朋友一齊去試下呢間卜卜蜆可以係openrice 網上訂位，咁就book左夜晚9點半98蚊一鍋冬陰功卜卜蜆，頭半個鍾仲可以免費加蜆一開始我地先食左蜆先。。。食食下越黎越咸，跟住再加第一次蜆，佢d 蜆連埋d 蜆既水一齊幫我地加左落個鍋度。。。。我懷疑個d 係海水。。。haha....因為成個鍋都越黎越咸。。。到第2次加蜆時，佢幫我地加左d 清湯。。。咁就冇咁咸。。。至於其他配料就正正常常，吾算好好味。。。價錢都吾算平。。。3個人食左4百幾5百蚊。。。但一d都吾飽既d侍應亦都吾醒目。。。我地去到坐底吾比menu..要自己問佢攞。。。。比完menu又吾比筆。。。。又要問佢攞。。。。。成台蜆殼又吾理。。。。最基本不過既金菇又賣曬。。仲要餐廳只收現金，有d 吾方便