為食仔海鮮火鍋專門店

營業中

休息中

朋友黎食過好正, 趁假期又約埋D朋友一齊再食過, 不過今次幾多人, 要等左一陣先有位.今次都係要左卜卜蜆, 鍋底唔貴而且蜆既份量又多, 卜卜蜆好鮮甜,湯底又唔會真係好辣食晒卜卜蜆就開始打邊爐.近期最興手打丸, 依度有手打丸皮夠薄但無穿, 食落好爽口, 而且味仲幾濃香.手切牛頸脊打邊爐既精髓, 厚薄適中, 入口特別彈牙, 而且軟腍有咬口, 肉既鮮味一啖啖浸出黎, 令人回味.新鮮蔬菜好大盤, 食落好新鮮爽口, 索埋D湯食更加好味.為食仔海鮮火鍋專門店Hungry Boy 旺角白布街4號地舖G/F, 4 Pak Po Street, Mong Kok

其實為食仔有雞煲揀同普通湯底,但大家一場嚟到梗係食麻辣蜆煲啦。呢個蜆煲同雞煲差唔多，都係先食蜆菜然後再用同一個湯底來打邊爐。老闆娘話個湯底係魚湯嚟架，都幾鮮味，不過我地嫌佢唔夠辣自己加左一罐指天椒🌶🌶🌶 最欣賞佢啲蜆洗得夠乾淨每一隻都無沙粒👍🏾 包心丸都唔錯，有流心芝士，另一款奶皇餡就見仁見智。薯粉同個湯底好夾我哋encore左四次👍🏾重點:佢哋加湯唔係加清水而係得返魚湯架所以好正而且有個啤酒櫃,可以一路飲啤酒,一路打邊爐

9點半入到去食蜆，話頭半小時可加蜆，到差唔到到半個小時前，已叫同事加蜆，同事答應加蜆，但要食完首批才可加，但當食完首批蜆後，再叫同事加蜆，怎料同事告之已過六分鐘，不可加蜆。做不到又答應客人，這是什麼爛服務？沒有下次，失望..............

夜晚同朋友到旺角搵野食，因為呢頭太多各種唔同類型既餐廳真係好難選擇,於是去為食仔食野為食仔係用蜆黎做主菜同埋可以當打邊爐咁食，於是我同朋友去食呢間餐廳!於是我就叫左原味卜卜蜆煲。當主菜呢度時都已經好香，開始食既時候入口鮮甜，好爽口同口感非常好唔會因時間過得太耐而影響蜆既鮮味同埋成個盪底既味道完全無遮蓋蜆既味道之後我再加埋牛肉落去，牛肉味道都唔錯鮮味十足好新鮮咬感唔錯，份量十足。菜類都好新鮮,唔會用D唔新鮮既菜去比客人,依度值得一讚.而且菜盤都比較大,食完咁多肉再食菜,可以消化下大家可以一試。

行街行到攰, 搵地方晚餐補記體力, 黑白布街呢邊多食群, 又無咁多遊客.個朋友話想打邊爐, 雖然天氣熱, 我都捨命陪君子. 入左呢間為食仔, 幾多人等左一輪先入得.火鍋湯底好多類型, 但見好多人都食卜卜蜆, 而且價錢百幾蚊, 所以都叫左一煲.成煲都係蜆, 好澎湃. 湯底調味好簡單, 加D蒜蓉辣椒就係, 咁樣可以食到蜆既原汁原味.終於等到D蜆開口, 撈一撈均D蒜蓉等佢再入味D.蜆肉幾大粒, 煙韌彈牙, 夠鮮甜. 帶少少辣感覺好開胃. 而且一路食都無沙, 好乾淨.另外叫左邊爐配料, 墨魚奶皇包呢個配搭好得意, 本人好鍾意食奶皇, 所以叫黎試下.墨魚丸好爽彈, 個餡係奶皇唔算好甜, 滾完有少少流心, 好好味.黃沙豬膶好乾淨, 片片厚切, 口感一流. 膶味十足, 夠沙。雜菜拼盤有黃芽白, 生菜, 新鮮翠綠, 索左鮮甜既蜆湯特別好味.

今日食飯時間揀嘢食，行呀行呀行經過見到好多人排隊等，我叫左個冬蔭公湯底既蜆煲，睇下佢究竟有幾好食，成鍋都幾好大鍋，好豐富甘，食蜆都食到飽,不枉我地等左20分鐘先可以入，要煲佢一陣等佢開口，見到甘多蜆即係覺得好抵食。蜆食落口好鮮甜，好厚肉，一d都無沙，系食甘多隻都食唔到有沙，粒粒都好大粒肉，微辣帶出蜆更鮮甜其他配料，有好多不同選擇，樣樣都排得好整齊，好乾淨，芝士腸唔會結晒冰，冬瓜無雪到爛晒咁，最怕蔬菜唔新鮮，唔知雪左幾內。 價錢唔貴,不過星期5,6要早D訂位,因為好多人

約左個FD打邊爐, 黎到先知呢間有得食卜卜蜆, 最近好HIT, 所以要左一鍋黎試下, 食完先再打邊爐.卜卜蜆密集放滿一整個鍋, 非常多但係絕無恐懼, 仲好期待.  用左清湯滾D蜆, 咁樣最可以滾出蜆既鮮味.蜆肉粒粒肥美肉厚, 咬落煙韌, 味道好鮮, 越食越開胃. 而最令人滿意係D蜆唔會剩係得個殼, 粒粒入面都有肉.芝左響鈴結實得黎夠彈牙, 好夠味, 芝士味香濃.越食D湯越濃郁, 所以要左碟菜索下D湯, 要連D湯都飲埋. 菜大大條好爽口.食完呢次邊爐又有新食法, 煲完D蜆D湯夠甜, 仲好味.

今日收工 約咗一個舊朋友佢最like吃雞煲， 在旺角有間吃雞煲而且出名還有卜卜蜆。 我哋叫了一鍋卜卜蜆和雞煲。 這窩卜卜蜆份量非常大 啲蜆好大隻有辣椒蒜蓉吃落味道非常濃郁 ，而且啲蜆肉質好新鮮不過如果唔吃得太辣最好落少啲辣椒叫工作人員。 我都係第一次見到咁大窩蜆。而雞煲味道非常入味 而且 啲雞肉非常嫩唔會比一般舖頭 煮得太老太硬。 還有自家製響鈴，芝士腸和翠綠萵筍， 啲響玲細細嚿而且好鬆脆 ，而窩筍好新鮮。可能啲分量太大所以都唔敢叫太多嘢食 。所以下次值得再來！

今晚一班同事問慶功食咩好，有個就提議左我地去呢話，佢之前試過18禁卜卜蜆但失敗左，加上我地同事入面有d唔係好食得辣，但係又想試下大隻多肉既台灣卜卜蜆喎....所以今次大家就黎左呢度輕鬆食 - 原味卜卜蜆喇！呢個原味卜卜蜆用左香蒜、辣椒、蔥去做湯，湯底味道愈煲愈清甜，d蜆都好大隻，仲好多蜆肉，同事果然無介紹錯！一煲既份量都幾多下，真係一大煲蜆，限時內要食哂佢都真係有dd難度。。。如果唔係好大食既話，其實都夠2-3個人食，very good！係其他地方真係食唔多咁大隻蜆肉。除左蜆，我地仲叫左豬潤，又大塊又抵食，而且仲滑，係新鮮既豬潤。d生菜好甜，食飽左做餐後清腸胃就一流！！！今晚呢餐真係好滿足！

我一向鍾意海鮮，所以今次就揀咗依間卜卜蜆嘅火鍋店啦。嚟食之前都睇咗一啲食評就話九點半前入座或者九點半後入座都有唔同湯底嘅卜卜蜆有特價。我食嘅時段就係六點半，但因為我唔食辣所以就食唔到嗰個特價嘅湯底啦。。。最後就揀咗胡椒雞湯卜卜蜆。本身覺得$188好似唔係幾抵食，但係睇實物，個份量都算係符合價錢啦。（可能係見到九點半後特價個價錢，相對返就覺得188唔抵啦）睇住啲蜆一隻一隻咁熟，一隻一隻咁擘口，個感覺真係好治癒呀☺️煮熟晒就係咁嘅樣啦蜆肉好鮮甜，無乜沙。一路食嘅時候店員都一路幫我地收走啲蜆殻，服務幾好。另外就叫左其他四個火鍋配菜包括係午餐肉、烏冬、雜菇同埋黃金響鈴。黃金響鈴記得食嘅時候唔好將成個浸晒落個湯度啊，如果唔係啲鹹蛋黃就會冇晒㗎啦😭最後俾錢嘅時候發現OpenRice，原來有優惠券。咁就問個店員可唔可以用啦，如果可以我就會即時購買。但原來用依個優惠卷係要早一日通知佢哋㗎，所以就用唔到啦。大家記得想用優惠券就要，早一日打去問清楚啦。

我係貝殼類怪，吾食吾舒服，今天行完街, 就同個friend子帶路來里呢度食蜆，如果我自己來，一定要睇實GEOGLE地圖,不過其實個地點又唔係難搵,因為門口都有好多人必須讚下個蜆煲，又多又新鮮又甜，皇帝菜都好靚，但一份得果少少，我們叫左两份，手切肥牛好正，又淋肉味重我們二人世界，自己坐埋一邊,都幾方便傾計,侍應人手充足,服務唔錯, 值得一讚食物同價錢成正比既，下次坐樓下可能好D，熱鬧D，不過人小小坐樓上都唔錯

約左個FD打邊爐, 黎到先知呢間有得食卜卜蜆, 最近好HIT, 所以要左一鍋黎試下, 食完先再打邊爐.卜卜蜆密集放滿一整個鍋, 非常多但係絕無恐懼, 仲好期待.  用左清湯滾D蜆, 咁樣最可以滾出蜆既鮮味.蜆肉粒粒肥美肉厚, 咬落煙韌, 味道好鮮, 越食越開胃. 而最令人滿意係D蜆唔會剩係得個殼, 粒粒入面都有肉.叫左碟牛肉,估唔到都幾好食,肉質唔會好韌,係好滑溜果種芝左響鈴結實得黎夠彈牙, 好夠味, 芝士味香濃.越食D湯越濃郁, 所以要左碟菜索下D湯, 要連D湯都飲埋. 菜大大條好爽口.食完呢次邊爐又有新食法, 煲完D蜆D湯夠甜, 仲好味.

男友鐘意食海鮮 今次就去試左卜卜蜆我地都鐘意食辣辣地 就簡左冬陰公湯底一黎到真係覺得有好多蜆！我見隔離仲會食完加蜆 但我地都食唔到咁多 依到啲蜆到我地打埋邊爐先啱啱好食晒咋！ 啲蜆都幾甜 有大有細 隻隻都有肉 唔會淨係得個殼一路食仲一路會有人黎幫你收走啲殼另外我地都叫左黃金響鈴 九菜餃 墨魚滑 牛展同娃娃菜牛展好有牛味 我地叫細都幾大碟 兩個人一定夠食九菜餃唔知係咪佢地自製 但都唔係急凍個啲 好好食！整體黎講 蜆好味 打邊爐料都唔錯 可以再去！價錢就食左7百幾蚊 都少貴

今日同朋友去為食仔嘗試吓食卜卜蜆，抱着一份期待的心情，點知失望而回。先講食物食咗特別推介18禁卜卜蜆雞煲，點知食蜆無蜆，醬料另外收費但服務員沒有說，服務員解釋不清楚！

見呢排朋友成日話想食話打邊爐，咁為食嘅我咁梗係唔輸蝕一定要抽時間來試吓。人哋話假日好多人排隊，咁我就平一齊試吓，係飯時時間都要排一排隊，不過大約10分鐘就有位啦。我最鍾意食海鮮煲嘅，見依度有龍蝦煲，出到黎效果不錯，湯底帶出龍蝦的鮮甜度，剛好一點也沒蓋過蜆原本的味度，龍蝦好大隻,肉身好滑,味道唔錯豬紅望落唔似雪左好奈的,食落都幾有鮮味,個湯底好夠味田雞，唔系間間火鍋店都有田雞食的，呢間有，新鮮，食落肉質彈牙，唔霉栗米甜湯底好入味，可以唔洗再加其他調味料價錢唔算貴,回頭率高