為食仔海鮮火鍋專門店

營業中

休息中

夜晚10點喺旺角搵嘢食，見到餐廳門口好光猛，問個店員仲有冇得食？佢話梗係有啦，仲好熱情咁招呼我哋，安排咗我哋上2樓一啲細房，細房入面有自己嘅電視冷氣機有個細嘅私人空間幾啱一班朋友嚟敘舊！之後我哋揀咗冬陰功味卜卜蜆煲，個煲一上到嚟，勁香冬陰功味，仲有勁多蜆，份量夠四至五個人食！店員超貼心，成日幫我哋收蜆殼、加湯😂😂之後我哋嗌咗炸雞軟骨，味道好濃郁，一碟有好多。仲嗌咗黑松露墨魚丸，好重黑松露味之餘仲有墨魚味😝😝一碟有六粒。仲有蔬菜，皇帝菜份量唔多，價錢偏貴。店員推介我哋食近江牛，因為新返，所以我哋嗌咗一碟，不過三百幾蚊一碟好貴！但好有牛味😝

卜卜硯呢樣海鮮火鍋真係喺香港唔常見，但有日同朋友發現咗呢度有得食，所以就試吓。我哋叫咗個小辣既卜卜蜆。一開始食嘅時候真係的而且確幾鮮甜，而且蜆嘅份量都幾多。不過食食吓就會覺得越嚟越鹹之餘，某一啲係有沙。牛肉嘅脂肪分布幾均勻，將佢放係有海鮮的湯底的而且確幾好食。珊瑚蚌只需要淥幾秒就已經識得，尚算新鮮。新鮮腐竹，有豆香味之餘仲係非常滑。紫菜響鈴係打邊爐必須要食，吸收湯底嘅精華，不過一開始食還可以，最後食到真係有啲鹹

食物質數普普通通唔差既，出品亦都企企理理，咁點解無下次呢，我地叫左最貴個餐$1588再加小小散叫接近$2100埋單，本身已經覺得好貴，性價比超低，4個人咁既價錢係第二度食可以食d更好食既野，胡椒雞湯底原來無雞既😂算，去到中後段問人攞幾杯清水，無！打邊爐無清水提供我都第一次聽😂最後埋單無等look卡🤦🏻‍♂️你話我食唔夠一個價錢唔比look就話，d野咁貴都無卡look真係第一次見，絕對無下次

十八禁卜卜蜆超好食 小辣已經好過癮 而且價錢合理 員工態度非常好 仲有值得一讚 有個男員工知我跌咗個口罩落地即刻叫其他員工俾個新口罩我 而且服務過程非常禮貌 十分難得！難忘又愉快的一餐

最鐘意食佢地既卜卜蜆雞煲，非常惹味😊一行8人，分左2枱，我地枱叫左個套餐，其實都相當夠食，不過熱愛食牛，所以都加左單。平時小食又熱又好食，但當日嘅雞軟骨就有啲失望，上菜嘅時候已經凍左，可能咁岩遇上有人上嚟查針卡所以令到出菜時間遲咗，總括而言都會想再去食😃

🐈✨✨✨✨✨✨✨✨👨🏻‍🍳🤳🏻18禁卜卜蜆雞煲 BB辣/小辣❤️‍🔥食過兩三次(?) 蜆同雞每次份量都好多✨蜆肉我食嗰幾次都無沙而且夠肥美，同埋唔會得啲殼無肉😹雞肉夠嫩，配埋個辣係愈食愈起勁🥵 (我食辣其實都幾渣不過又好鍾意食😋)基本上2-3人食的話呢個煲份量係好足❤️‍🔥👨🏻‍🍳🤳🏻自家黃金炸響鈴 ❤️呢個好有驚喜!! 響鈴夠脆配埋鹹蛋黃，食落口味道好豐富，會即刻想encore 🤤🤤另外推介特級安格斯肥牛同埋黑豚肉，兩樣都有水準🤤為食仔有2層，座位下面會有籃擺私人物品👜 食蜆煲會有個桶擺蜆殼，員工清枱方便啲我地又唔洗堆到成枱殼驚污糟，好細心嘅做法⸜(*ˊᵕˋ*)⸝‬ 推薦大家試個蜆煲，希望佢地可以繼續保持水準啦✨✨

外賣返去諗住開心打邊爐，點知食到成口沙，份量的確好多，一百幾蚊有好多蜆但基本上隻隻都有沙拎啲殼出嚟，多到連啲殼都有唔知係外賣先係咁，定係堂食都係沙以後一定唔會再食

應該冇咩香港人唔鍾意食火鍋😂😂🥗。雖然就話而家3️⃣6️⃣5️⃣日都可以打邊爐，但始終都係天氣涼涼地打先夠正✔。同朋友約左交完功課📚📄要食好西，大家都不約而同話要打邊爐🍲。揀左旺角白布街呢間試卜卜蜆。啲蜆俾我地食完都唔記得影相📸😂😂 不過啲蜆就唔算好大粒，份量就🆗️。食完蜆就點左碟肩胛肉🥩，娃娃菜🥬，西洋菜，手打四寶丸🍡同黃金炸響鈴。🥩牛肩胛肉都夠牛味，肥瘦適中。🫔鹹蛋黃響鈴好味 鹹蛋味重。洽一秒就即刻拎起😋🍡手打四寶丸都好出色，全部都好彈牙。〰️埋單人頭二百中左右，可以一試。

好耐冇黎食啦，因為個service要特登上黎讚揚下啲員工超有禮貌，加好體貼，同行有小朋友，我地未開聲已建議拎開個鍋，同拎埋兩個碟比我地夾啲淥好既野食灘一灘先比小朋友，覺得好窩心野食整體好食，啲牛好正不過啲蜆有沙，同埋嚮鈴冇以前咁好食。下次都會再encore

我哋特登出嚟試招牌菜-卜卜硯，打開煲蓋見到好大隻所以好開心，點知食咗頭幾粒都有沙😩，諗住忍下，可能之後嗰啲無，點知跟住嗰啲都係有沙😩😩，要自己問佢拎碗熱水一隻隻淥走啲沙先敢食 😩😩😩向男職員反映咗，俾佢睇埋啲沙同怪味死硯，佢話「知道，轉頭俾一個新嘅」，我哋就邊等佢個新嘅，邊食住自己另外order嘅牛肉和蔬菜，邊食邊等。等咗約30分鐘後，我哋都未見有新一煲，問個男職員，佢就話「準備緊，等一等」😞😞又等咗約50分鐘後，我哋已經食完牛肉和蔬菜，都係未有新一煲，再問個男職員，佢都係話「準備緊，等一等」😞😞😞我哋就呆坐喺度等佢準備！！過多10分鐘左右，我去洗手間時想順便問下仲有幾耐，但就變咗係女職員，我就問請問仲要等幾耐先有？佢嗰樣好似唔係好清楚發生咩事😨😨，就答「唔好意思，今日有啲忙，交接緊上一個男同事嘅工作。」於是我哋就講述一次剛才發生咩事，而且我哋等咗好耐都仲未食到。個女同事就轉頭好快手俾咗一煲清湯硯，仲送咗兩支汽水。我哋好期望今次食無沙，食得暢順啲，但係依然大部分都有沙，都係要自己用熱水淥走啲沙先敢食，都有向個位女職員反映咗。仲有，地下無位要上樓上食，樓與樓之間好迫、樓底好低、全黑色墻，

上次朋友介紹過，今次食過返尋味🤤招牌卜卜蜆煲($168)，一上枱果下真係嚇親，咁大煲點食得哂呀😂 成個煲裝得滿滿的，全部都係大大隻蜆，唔會有其他配料。仲要全部蜆都係超大隻，又無沙，每一隻嘅肉都超飽滿，而且唔會得返個殼喺度🦀黑豚肉($118)，色澤睇落都唔錯，不過面頭果幾塊切得太厚，淥完之後有少少韌。下面嗰d厚薄就啱啱好，啲肉又滑又有肉味。自家炸響鈴🔔 打邊爐邊少得響鈴，新鮮炸所以勁脆，再擺落湯底浸2秒，無得彈呀😋

滿懷歡喜嚟食，叫嘅係鹹蛋黃蜆，味道好味但溫度麻麻，初頭食面都可以，但食到中間有啲臭，仲要唔止一隻...小食反而有驚喜比外面街吃的不一樣，炸豆腐雞軟骨不錯，魚皮都好好食。之後再到醉雞煲...我到底食咗乜，好似溝咗10份一水咁。。。完全冇味 落埋醉雞啲酒都搞不掂，淨係食完啲雞就gg

為食仔 @ 旺角卜卜蜆打邊爐❤️❤️👍🏻招牌卜卜蜆煲（蒜味）$168記得以前係澳門第一次食卜卜蜆依家香港都有啦 好食好食湯底就係大量既蒜同蜆👍🏻邪惡之選 必食黃金炸魚皮 $58好重既咸蛋黃味 脆卜卜👍🏻至尊牛拼盤$488五款牛 五款都食得出都唔同既口感都有牛味 而且三層份量都OK👍🏻柚子/菠蘿沙冰$45兩款都好飲 味道岩岩好佢有好多選擇 又有套餐不能盡錄 環境座位我就覺得一般但食物值得我再encore 人均消費約$350

📍 ᴍᴏɴɢ ᴋᴏᴋ, ʜ.ᴋ好多年前黎過食佢個18禁卜卜蜆當時覺得無咩特別 就無再回頭啦多年後再同朋友黎 對佢改觀啦~📌招牌卜卜蜆煲（蒜蓉）$𝟙𝟞𝟠《加蜆$𝟝𝟠》評分：8/10啲蜆都算大隻 而且鮮甜 食落都無沙👍🏻再配埋蒜蓉同豉油 好好味 忍唔住都加咗碟蜆😚·📌頂級安格斯肥牛（小）$𝟚𝟙𝟠評分：8/10食完卜卜蜆 湯底可以用黎打邊爐 佢啲牛都好嫩 不錯不錯 值得俾依個價·📌美國黑豚肉$𝟙𝟙𝟠評分：9/10 相比起牛肉 依款豚肉更加好味😋·📌特色四寶墨魚丸$𝟙𝟘𝟠 📌鮮蝦雲吞$𝟝𝟠📌自家炸響鈴$𝟜𝟠 📌娃娃菜 $𝟛𝟚📌炸支竹$𝟚𝟠·整體餐廳質素唔錯 依加平日17:00-17:45 入座 Open Rice 訂位仲有8折 抵食呀!!—————————————-📍為食仔海鮮火鍋專門店 (旺角)旺角白布街4號地舖

兩個女生的晚餐 又係眼闊肚窄系列😂好耐無食雞煲+打邊爐 所以咩都想食 雞煲叫左18卜卜脆雞 小辣係微辣 唔係好食到辣味 如果食到辣可試中辣 平時食開麻辣 今次無叫麻辣覺得唔夠香 下次要叫返麻辣 但係雞汁夠濃 雞好滑 同埋份量好多 我地兩個女仔食完個雞煲已經半飽😂因爲為食仔出名係打邊爐 點飽都要打埋個邊爐 一定要試下個手打四寶丸 好彈牙 味道全部都好好味 平時打邊爐就唔會食烏冬 但係朋友極力推薦 就試左少少 點知試完要食多一碗先夠😂因爲烏冬吸哂湯底精華 濃雞湯味烏冬 正🥰黑豚肉 大塊又好重豬味 又唔「鞋」口 👍🏻👍🏻小食試左魷魚鬚 估唔到又幾好味喎 可能新鮮炸起 炸粉唔厚 又唔會炸到好大舊好難咬 本身加左少少椒鹽 又香口又好味 送酒一流👍🏻👍🏻