睇食評的人有福了🙏🏻
#邊爐癲佬放題系列

大將 (將軍澳)
📍唐賢街9號PopCorn 1 1樓F10號舖

大閘蟹當造時間就緊係要吃爆佢!!!!!
咁岩見到呢間大將有邊爐+大閘蟹放題 即刻9秒9約朋友會一會佢先
今次試既係HKD$498(加一)嘅爆膏大閘蟹+邊爐放題 比較有趣嘅係佢地係店員落單 唔係自己手機落的~
（以下為真實個人感受食評❗️❗️❗️）

👍🏻任食大閘蟹
老實講 黎食之前都做定心理準備 唔特別期待有啲咩好好好出色嘅大閘蟹
但反而好有驚喜呀今次! 首先癲佬今次食嘅全部都係蟹乸(約2-3兩) 而且每一隻都有唔小膏 蟹膏味香口 熱食更佳 呢晚我地每人食咗十隻 姐係5 ROUND 雖然開頭上得比較慢 但後期愈黎愈快 亦都唔會比面色你睇 只要你食到 無限歡迎你任叫!

👍🏻湯底（雞白湯及海老濃湯完熟蕃茄湯）
呢次邊爐都係一人一鍋 送到嚟既時候蕃茄湯已經有一陣好濃既香味 而打邊爐既時候 D食材都可以索到小小湯味 真的不錯 推薦推薦! 佢個鍋細細地好的骰 店員亦會時常留意住你個鍋 會主動幫你加湯~

👍🏻肉類
呢個任食SET一開頭會每人送兩款靚牛(和牛胸腹眼+安格斯牛小排) 都大大盤絕無欺場 好重口味 和牛既油花都幾靚 絕對唔會係放題就比次等野你 更其後我地再加單嘅牛肩肉同牛胸爽都唔錯 但咁對比起一開頭個兩款靚牛就真係差小小 而雞肉都好嫩滑

👍🏻海鮮
真係要大讚佢既沙白! 好!大!隻! 真係好正! 而且極之新鮮 送到上嚟啲沙白仲會伸出嚟 鮮甜肥美 真係ENCORE咗幾次 嗌到最後無貨 另外蝦滑彈牙 都充滿蝦味 癲佬就鍾意大大粒咁整落去淥~

✊🏻自助蔬菜+丸類吧
種類唔算多 但常見嘅萵筍、娃娃菜同生菜都係有的
而丸類都無咩特別 都係個幾味啦

✊🏻熱食+前菜
特別嘅係有玉子燒 味道都唔錯 甜甜地 而且咬落都算濕潤
另外仲有炸雞同關東煮 賣相睇落唔算特別吸引 癲佬就無試啦今次~
而前菜中既泡菜同醃蘿蔔正常發揮 當係解下膩

👍🏻飲品
值得抵讚嘅係佢有汽水機! 可以自己先裝冰再裝汽水 老實講 打住邊爐飲番杯凍到震嘅可樂真係人生一大樂事 另外 佢都有啲特別罐裝飲品 烏龍茶呀綠茶個啲都有的

👍🏻甜品
甜品中既亮點就一定係可以自製既窩夫! 熱辣辣咁好玩又好食 即製完仲可以即時加埋雪糕 仲有三款口味比你選擇 雲尼拿、朱古力同雙併 今次癲佬試咗朱古力 朱古力味都重 唔係死甜 配埋窩夫 真係無得彈

總結CP值係…….（5個為最高分數）
🉐🉐🉐

公道講句呢個價錢真係貴嘅 但整體食落都覺得物有所值 間唔中想食好啲又有啲預算的話 呢間邊爐放題真係諗得過架!

睇食評的人有福了🙏🏻 #邊爐癲佬放題系列 為食仔海鮮火鍋專門店 (旺角) 📍旺角白布街4號地舖 位於旺角既為食仔係癲佬既愛店，今日決定嚟介紹一波！！！！！ 癲佬就坐樓上既房仔既，加埋店員服務態度抵讚，都食得舒服 呢餐人均食左HKD350左右 飽到捧住個肚走 （以下為真實個人感受食評❗️❗️❗️） 👍🏻招牌卜卜蜆煲（蒜蓉）小辣 海鮮加蒜蓉真係絕配，夾埋做湯底真係夢想中既組合 打邊爐之前先大吃一波卜卜蜆 唔係講笑 蜆鮮甜肥美 食到啲蜆殼堆到座山咁 而個湯底保留到啲蜆既鮮甜再加埋蒜蓉嘅香味配埋少少辣椒 簡直係神作 開始淥野食之前都忍唔住飲左兩啖 👍🏻特級牛肩胛(小） 牛肩胛既油花好靚 口感軟嫩 厚度適中 食落重牛味真好味！無論賣相定味道都係靚貨 果然係正野！ 👍🏻本地新鮮牛舌托 牛舌托唔係周圍都食到 比起普通牛舌更多咗一陣油香肉味 煙煙韌韌有彈性 好食到差啲連隻碟都食埋 👍🏻黃金雞中翼+自家黃金炸響鈴 黃金系列真係邪惡到撒但都唔夠佢玩！！！！！雖然兩樣都係油炸 仲要加埋鹹蛋黃醬 但出奇地食落一啲都唔油膩 係香口係脆係回味無窮 黃金雞中翼外脆內嫩 咬一啖啲肉汁就會流出來 真係必點系列 趁熱食就120分！ 響鈴都係打邊爐嘅必備常客 今次搭埋黃金醬 浸一浸落帶有蒜蓉蜆味既湯底到 一咬就感覺到唔同層次既味道湧埋黎🤪 ✊🏻金絲炸番薯 又黎多個香口小食 上次癲佬黎食覺得好正 番薯可以拉到啲糖絲 香甜脆口 但今次食就有小小失水準 脆就脆啦 但陣甜味同啲絲都唔見咗 👍🏻娃娃菜 娃娃菜記住要浸淋啲！娃娃菜記住要浸淋啲！娃娃菜記住要浸淋啲！索晒啲湯真係JENG到傻💛 👍🏻 稻庭烏冬 姐係平時食開個種雪藏烏冬 口感彈牙煙靭 配埋個湯底都真係追住食兩碗 👍🏻鮮果菠蘿沙冰 沙冰最怕死甜假甜藥水甜 但為食仔嘅沙冰係水果甜 飲得出真係原隻菠蘿打出黎 而個種甜唔會漏 係剛剛好既清新甜 最正嘅係大大杯 可以由頭飲到落尾！ 總結CP值係…….（5個為最高分數） 🉐🉐🉐 老老實實 話平就一定唔係 但叫對得起價錢！食得到係食材方面嘅用心 絕對會翻兜！ 呀～溫馨提示 為食仔9:30pm後入座係可以無限任添卜卜蜆架 你都咪話唔抵 仲唔快啲去試試佢！

朋友介紹癲佬一於試試佢 今次試既係澳洲產黑毛和牛及北海道四元豚放題套餐（HKD299/人） 湯底有6款 我地今次試壽喜燒湯同清新蕃茄湯 老老實實 環境唔算逼 裝修都新淨舒服 但我嚟打邊爐唔係食環境呀 （以下為真實個人感受食評❗️❗️❗️） 👎🏻湯底（壽喜燒湯及清新蕃茄湯） 打邊爐最緊要係咩呀？對癲佬黎講 係湯底呀！ 呢兩個湯底都非常極之清淡 差小小以為用緊滾水打邊爐 養生既人可能會鍾意 但我就真係要比個dislike 壽喜燒湯有小小甜味 而蕃茄湯既味就好似茶記紅湯溝左好多水咁款 ✊🏻肉類 HKD299既呢個set寫明有澳洲黑毛和牛 但講真 真係唔知和係邊呀隻牛 牛味唔重已經係死罪 其次仲要鞋焓焓 全場MVP係牛舌 有啲咬口 味道都唔騷 比和牛同其他牛肉更有牛味 北海道豬肉就不過不失 👍🏻丸類 自助食材雖然選擇真係唔算多 但啲丸都出奇地有驚喜 咖哩爆丸咬落去已經有陣咖喱味 之後仲會流些少汁出黎 外皮雖然粉粉地 但整體都juicy 芥末爆丸第一下咬落淡淡地 本身以為無咩料到 點知咬到入去之後攻到眼淚水都出埋黎 但都是yummy的 👎🏻海鮮（所謂的） 要用app點既海鮮有所謂嘅蝦滑、章魚同墨魚 無啦 真係好食既得自助吧到夾既魚柳 碌完都係滑的 抵讚 👍🏻蔬菜 種類都多 特別既羽衣甘藍、秋葵同紅莧菜都有 👍🏻熱食/甜品 關東煮🍢好食 濃味過個壽喜燒湯底先 地瓜條都唔錯 雖然唔多脆都味道good 另外佢仲有燒賣 但因為調味料嘅豉油真係麻麻哋 所以都影響到燒賣嘅發揮🫠 甜品有乳酪雪糕同牛乳雪糕 個人推薦乳酪雪糕 牛乳雪糕死甜假奶味真係唔該收番埋先🤮 另外 仲見到有啫喱糖 我就無試啦 總結CP值係…….（5個為最高分數） 🉐 呢個價錢建議食好啲🫠埋單加埋一HKD329 今獲真係比人當水魚咁劏🥲 但朋友依然為佢平反：「唔係呀！佢個期間限定蕃茄壽喜燒好L正架！」 癲佬無試過 唔作評論 僅供參考