炳記茶檔

營業中

休息中

題目講得嚴重咗😅只係九個月後我終於抹走咗以前一貫嘅行徑，踏出左一步響炳記食一啲我九個月從來冇叫過嘅嘢。其實一直以來我自己一個人去炳記都係食返我最愛嘅奶油多同埋餐肉煎一隻荷包蛋，其實一直都好想食佢嘅三文治，餐蛋烘呀、芝士旦烘，旦牛烘等等，只係我唔想放棄唔食奶油多，一條友真係唔可以兩樣都叫晒。終於今日因為自己個胃有啲唔太舒服，其實諗咗好耐第一究竟食唔食嘢，但一場嚟到大坑冇理由就咁就走㗎！心諗個胃唔舒服咁不如就試吓唔好飲奶茶，飲啲酸酸地嘅檸檬茶啦！（自我感覺良好其實茶對個胃都唔係咁好，仲要飲凍野😅）另外仲叫咗一直好想叫嘅蛋牛烘。其實個胃都頂頂下，響唔係好有胃口嘅狀態底下我仍然覺得個蛋牛烘好好食，炒蛋同碎牛中間仲有少少流心狀態😋仲好似有啲唔夠喉添，不過我冇理由再格硬塞多件奶油多落個唔舒服嘅胃度😖雖然烘底麵包唔夠多士來得咁外脆內軟，可能佢做三文治嘅包比較薄身啲。雖然食完個胃都仲係有啲怪怪地，不過又好滿足喎以後有多個選擇

今日去炳記食Tea，三個人，先點了一杯熱奶茶，一茶走，一凍檸茶，一件油醬麥多，一件奶油多。跟住比人串”每人”要食$20。真係唔明佢點分邊個人食乜嘢，代表唔可以share食？以上加埋已經超過$60。其他地方只限人均消費，這樣規矩唔知點定。服務態度係一個字”串”。未入坐必須先諗好食咩，因為佢問你食乜要即答，否則擰轉頭走。落單要快唔準諗，唔準講錯，有佢講無你講。去過D人應該有同感吧！講真，食物係好食，奶茶好飲，服務態度就不敢恭維。

舊日茶檔真係買少見少、星期日訓唔著咪去歎杯奶茶⋯⋯大約早上8:00左右到達，巳經好多人，剛回復四人限聚令四人撘枱。我呢d生面口既，唯有自己見位就坐⋯⋯最後係後行搵到個位⋯⋯但對熟客黎講大概有種「賓至如歸」既感覺吧坐低未諗到食咩，求奇order都係奶茶旦治加多碗餐旦丁麵，食物無話好唔好味，standard普普通通，丁麵湯底自家製，麵應該都唔係丁麵⋯⋯奶茶無乜特別，食完就走，只可以話到茶檔食左個快餐，完全歎唔出茶檔既情懷⋯⋯

特別推薦大家✅凍奶茶《凍奶茶》非常香滑❗️奶同茶嘅比例恰到好處，奶味香濃同時有濃郁茶香，飲一啖就會愛上❤️係咁熱嘅天氣，飲杯凍奶茶，好爽😌💰hot $16💰cold $17💰take away $18*長期都要排隊🚶🏻‍♂️🚶🏻‍♀️，唔想等可以外賣😈**聽聞嚟大坑一定要飲😂

『大坑馳名凍奶茶・香港餘數不多的茶檔』☕︎炳記茶檔, 𝑻𝒂𝒊 𝑯𝒂𝒏𝒈⠀⠀那天跟朋友一起來這裡試試這裡的凍奶茶，不過因為留肚吃其他東西的關係並沒有吃麵呀多士呀，只點了個豬扒雞翼淨餸來share(⊃｡•́‿•̀｡)⊃⠀⠀꧁豬扒雞翼淨餸꧂ ⠀有大概一塊已斬件的豬扒和兩隻雞翼，兩者都被濃厚的黑椒汁包裹著，好惹味呢。豬扒鬆化之餘帶點咬口，不會說被鬆肉粉醃製到毫無口感，雞翼很滑嫩，不錯的| (• ◡•)|⠀𝑅𝑎𝑡𝑖𝑛𝑔: 7.45/10⠀𝑃𝑟𝑖𝑐𝑒: $40⠀⠀⠀꧁凍奶茶꧂⠀終於試到這杯馳名的凍奶茶啦！點了少甜的確沒有很甜，剛剛好的甜度呢，茶底不會苦澀，也不好太淡，各方面都平衡得不錯，是一杯好喝的奶茶，不過確實沒有到非常驚豔的程度呢(つ .•́ _ʖ •̀.)つ⠀𝑅𝑎𝑡𝑖𝑛𝑔: 7.55/10⠀𝑃𝑟𝑖𝑐𝑒: $17⠀⠀總結來說，食物和奶茶雖然都很不錯，但味道上不會有任何驚喜的，就別抱太大期望了。不過現在香港剩下的這類型茶檔已經為數不多，偶爾去吃一下感受一下還是不錯的哦( ˘ ³˘)♥︎⠀⠀——————————————————⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀凍奶茶⠀🤰🏻回訪 ʙᴀᴄᴋ ᴀɢᴀɪɴ?

見到食評唔錯，又以為可以尋回昔日老香港的大排檔風味，便專程去試試看吧。但是服務不周，有空枱都故意唔安排，而且豬扒重口味，米粉是銀絲米粉湯包，比較適合同聲同氣的遊客，完全唔係那回事，一次夠晒。連水也要自己取。

前日黎左個大坑半日遊，一朝早跟住導賞員參觀左虎豹別墅之後，一路行返出去途經勵德邨、融苑等地，行到黎大坑最出名嘅炳記茶檔醫肚🤗😻地方容易搵，大坑啲路都係井字型咁排，沿住浣紗街行，到施弼街左轉入去就見到，排隊等左10分鐘咁上下，一坐低點左個豬扒雞翼麵配凍奶茶😻我啊媽同我講佢以前住銅鑼灣，呢間老闆係佢鄉里，以前成日去食，今日終於食到😻🤗又真係好好食，豬扒同雞翼都配上黑椒醬汁，鋪頭仲好貼心幫我將豬扒同麵分開放，不會減淡醬汁嘅味道👍👍來大坑一定要食啊！！！

今日去大坑趁熱鬧 因為今日大坑有搞市集 去市集前要醫左個肚仔先 肥仔帶我去食正野 佢話炳記出哂名 不過就痞街邊無冷氣 咁有好野食就無所謂啦 我地行到去就已經見到排緊隊 不過都唔係等左好耐 食客們都好合作 快快手食完 所以我地等左10零分鐘就有得入座 好好彩地我地雖然痞街邊但就對正個大風扇 上面又有簷篷 簡直係「綠洲」非常幸運🍀🍀我同肥仔都好快手有共識食咩 我地叫左 一碟豬扒 一碗雞翼麵 一個奶醬多 2杯凍奶茶 咁就叫做可以大包圍試哂佢地D野 🥳先上既係豬扒 一上枱肥仔以為佢係牛腩 因為無諗過佢切開哂碎上 都好既 唔食我地切 佢係好濃郁嘅黑椒汁包住塊豬扒 醃得好入味 食落口塊豬扒好林身 係略嫌偏多汁左 有點咸 不過唔使自己落手切真係好 啖啖肉再上係凍奶茶 佢個色水好深色 望落似乎好正 本身我係想叫凍檸茶但係俾肥仔喝止左 肥仔話「人地出名奶茶架😂」肥仔講到咁正 等我飲番啖解下渴先 嘩 我覺得呢間野應該係主張重味少少嘅 杯奶茶係沖得好香濃好滑 不過好甜囉😂 我後悔唔叫少甜 我係要溝D水先飲得因爲我等唔切冰溶😂 肥仔就等冰溶先再飲 如果唔係今日咁熱我諗我都會試熱奶茶 因為飲得出佢個茶底係OK👍

炳記茶檔 is one of the few remaining dai pai dongs in Hong Kong as people now would much rather eat in more hygenic environments with plenty of air conditioning. But boyfriend always wanted to eat here. However, every time we came, there was either a ridiculously long line, they were closed or they simply had run out of food. However, on this sweltering hot day, we arrived and it was open! With food and no line! So, we promptly sat down.Located in an alley way, this place has been in opertion for 60

大坑美食天堂, 當然唔少得炳記茶檔.傳統的大排檔, 是舊式的街檔形式的檔口.星期6中午到坊, 排左大約10分鐘. 點餐上菜的速度十分快。招牌豬扒麵：豬扒非常好食，有豬味，份量多。面底比較普通。奶油多： 烘得岩岩好，趁熱食超正。凍奶茶： 無得頂！平時唔中意飲奶茶既我，唯獨係呢間我必飲，茶味有別於其他餐廳都，雖然坐喺露天但係飲一杯凍奶茶非常舒適😉特別推介: 招牌豬排麵, 鹵水雞翼, 奶油多, 凍奶茶

朋友介紹都這間大排檔食早餐，他位於銅鑼灣的大坑，若不是朋友帶路根本不是很容易找到，因為在小巷內。這間餐廳很有風味，吃的是懷舊的味道，若果希望有冷氣，就別想了。我們叫了以下的食物：凍奶茶在炎熱的天氣來，我一杯冰涼的奶茶，簡直是心曠神怡。奶和茶的比例剛剛好，也不是太甜，我很喜歡。黑椒豬排我們叫了一份黑椒豬扒，想來的時候細心地把它剪開了小小的，讓客人容易吃。黑椒味辣，配上豬扒，好吃。奶油麥多多士被烤得很脆，麵包用的是提子包，本身也有甜甜的味道，加上奶油的香味，簡直是人間美味。雞翼餐肉面他用的是出前一丁麵，麻油也是出前一丁的麻油，，但比起其他食物就不是太有特別了。

大坑出名多好嘢食 今次介紹呢間茶檔 即使係夏天坐室外每次去都見到大排長龍😌 記得小弟中學放lunch都會去食個麵 歎返杯奶茶🤪~~🍜豬扒蛋麵 $30🐷豬扒可以話係呢間嘅招牌👍🏻 係黑胡椒豬扒 醃得好入味 而且食落唔鞋 味道好惹味😋加$5就有隻煎蛋🍳 係流心嘅荷包蛋🤤麵底可以揀米粉或者公仔麵 枱面上有支麻油 加左令碗麵更加香🤩.🥤凍奶茶 $17茶記就當然出名奶茶啦😛 夏天飲番杯凍野涼下🧊 茶底濃 唔會淨係飲到奶味 怕甜嘅朋友就記住嗌少甜啦~~總結1）簡單又好食嘅一餐 不過夏天坐露天就真係幾熱2）星期一唔開呀~~評分📈味道 7.5/10環境 5/10性價比 8/10

一向是炳記的忠粉，為嘅係你地嘅食物同人味。但經過呢一次我以後就吾會再去幫襯。我同朋友去到，有張枱，我地兩個坐低左，有個人埋黎搭枱，由於實在太近距離，張枱又細，大家放喺枱面的食物又會貼到好近，耷底頭向住同一枱面食野又可能有湯汁彈出黎，平日嘅大牌檔當然就冇問題啦，但疫情下，真係吾係咁想飛沫交叉。我地並冇諗住走， 只係行番出去， 諗住排隊等路邊嘅細枱，諗住兩人枱會好些。點知，個呀叔好惡咁鬧我地一餐。話我地吾好以為呢到就吾洗搭枱，問我地係咪到時有人黎搭又再起身。我呆一呆。先吾講佢冇帶口罩，冇幫我地探熱，我都吾介意；我地只係以為坐細枱可以吾洗搭枱。 其實如果你好聲好氣講，我地會明白， 或者選擇去第到食， 下次先黎。但點解要鬧我地， 我轉頭走左仲聽到佢喺我背面嘈，我覺得超級難受。其實疫情下吾係應該互相體諒嗎？ 我保護自己都係保護大家，萬一有食客感染， 佢仲要吾要做生意呢？ 我真心堅難過，點解會有咁嘅對待，我以前風雨不改去食野，但以後都吾會再去。

很喜歡黎炳記食早餐，幾乎次次都要等位的！講下我黎呢度必食嘅兩樣野先！ 豬扒蛋麵，豬扒醃得相當入味，咬落去唔會太硬，食落有質感，配上太陽蛋一齊食簡直是絕配！油占蜜多，係我另一至愛，多士唔會烘得太燶，烘得剛剛好！多士食落是甜甜的，因為是用麥包的關係，加上牛油🧈和果jam, 食落有重幸福的感覺🥰🥰🥰

響呢個疫情底下，我發覺我有一樣野改變左嘅，就係唔再食公仔麵啊！🤪以前有人share可以食到一碗三餸面再加一件多士，而家獨力難支啦😖。不過都好嘅，始終公仔麵唔太健康（雖然好味）😛相反有一樣野係改變唔到嘅，就係對炳記嘅情意結啦！以前一個禮拜最少要去一次，而家仲越嚟越過份，隨時身痕都會心思思想去下，一個人嘆杯奶茶食件多士 ，成個大叔咁😌真係好希望我可以喺大坑住，可能到時日日都要落去坐吓添啊！響第二度飲唔番嘅奶茶，食唔返嘅多士😋😋💭💭💭💭唔知會唔會有一日真係願望成真🤔🤔