炙・宴 (荃灣廣場)

營業中

休息中

原本母親節諗住帶兩老食飯，點知佢哋嗌嘅鰻魚飯等咗40分鐘仲未有，我哋話要cancel就有。不過最後都係取消唔要。而到咗嘅和牛芝士黑咖喱飯（$129）好一般，啲所謂和牛仲不如唐記嘅牛腩，咖喱同自己買日式咖喱磚自己整冇分別，分分鐘屋企好食啲冇咁鹹。仲有和牛丼飯（$179）啲和牛好一般，自己去aeon或者一田買好過，人氣第二都咁難食，可想而知其他嘢有幾差。千祈唔好嚟食！！咁垃圾仲有加一，根本0 service.

叫咗宮崎和牛壽喜燒鍋，食物來到 只有面頭很薄的一些牛肉，牛肉份量食到完全感受不到自己有食過牛…大部分都是菜…整個鍋低都是菜，根本像食生菜鍋….但價錢竟然要超過$200！！！性價比真的是很低，從來未試過食一個壽喜燒鍋可以完全感受唔到有肉食…..個份量完全當客人係水魚！！！拉麵就算揀左增量份量亦很少 只有兩片豬肉完全食唔飽 都要$123食水極深 食左400幾蚊都可以食唔飽唔會再來光顧此店！！！！！！！！！！！

一個人的午餐。諗住簡單快捷，又趕時間，又想可以行一下樓下的LOG-ON 🤪。上到2樓，西餐廳好多人。去到4樓，見到日本餐廳就衝入去。點咗一個宮崎和牛、豚肉雙拼飯。點知4塊宮崎牛，半暖不凍咁⋯⋯仲咬極都咬唔到。4塊有2塊死吞，剩返嗰2塊真係咬唔郁。埋單時同佢哋反映，反問我點解唔早D出聲。我13:11落單，13:43已經埋單離開，我仲邊有時間同佢哋糾纏？ $200一個午餐，荃灣喎，唔好意思，幾好招呼都好，真係冇下次。

今日經過就試吓呢間日本野點知有驚喜🤩🤩今次叫呢兩個餐都包咗麵豉湯，沙律，煎餃同甜品，份量比想像中多😋💙照燒雞肉丼配烏冬（冷/熱）烏冬彈牙有咬口，湯底係昆布鰹魚湯好清甜，而丼飯都不錯，雞肉嫩滑🫶🏻💙月見豬腩肉丼配炸雞芝士黑咖喱飯豬腩肉燒到啱啱好唔會太韌，配飯一流🥰而黑咖喱飯好香，炸雞好脆好多汁😋呢個份量適合男士嚟食😝😝性價比超高💕

下午茶餐叫左個宮崎和牛烏冬$88,冇諗過牛肉得細三片,下午茶預左佢細碗,但完全冇諗過現場與相片不符得咁誇張！反而個飯仲抵食,唔會再叫烏冬,因為性價比係超級超級低

主打日本炙燒炙飯的炙。宴 Aburi-EN，最近推出鰻 Unagi Signatures，重點推介Unagi Hitsumabushi 一本鰻魚三吃，鍾意食鰻魚的朋友要留意！Unagi Hitsumabushi 一本鰻魚三吃，以親民價錢$168享用原條鰻魚定食，並且用三種食法，細味鰻魚的肥美、焦香！第一種食法係原味，先簡單食鰻魚，加上特製鰻魚汁，十分開胃😋鰻魚夠肥美，質感嫩滑😍而且唔多骨，仲要份量十足，超大條啊‼️第二個方法提加入配料紫菜碎、芝麻、Wasabi，撈勻飯就可以食，味道豐富，又有口感。第三個方法係加入配料之後再倒茶，品嚐鰻魚茶漬飯，每一啖都有清香茶味🍵另一款鰻魚二重丼，一次過品嘗焦香的鰻魚，以及鰻南蠻。鰻南蠻經過南蠻汁調味之後再炸，炸得酥脆，調味相當好，食落甜甜地，好惹味！🔸Unagi Hitsumabushi 一本鰻魚三吃🔸鰻魚二重丼🔸鰻南蠻📍炙。宴 Aburi-EN @aburien_hk

天氣凍凍地最岩就係打邊爐, 今晚收左工就約埋朋友仔一齊去附近打邊爐, 揀左位於荃灣廣場嘅炙・宴, 7點鐘入座已經有唔少人食緊, 我地點左一人一個精選日式一人鍋, 一個set包左一個自選鍋, 可以選擇唔同湯底, 仲有一隻生雞蛋同白飯, 非常豐富, 唔夠仲可以追加肉肉～✨️宮崎和牛併特上日本豚鍋想食牛又想食豚肉就最岩食呢款, 車車揀左壽喜燒風, 一嚟到已經超多野食, 牛肉鮮嫩可口, 我地另外追加左2份牛肉, 大滿足!✨️宮崎和牛併海鮮鍋 呢個係新嘅海鮮龍蝦湯, 一見到已經忍唔住要點, 超濃郁嘅湯汁岩哂撈飯, 入面仲有三文魚、帶子等等海鮮, 海鮮控嘅朋友仔一定要試✨️香桃梳打✨️熱情果芒果梳打

One price includes two dishes, a salad, soup, a drink and dessert 🥰I love this idea because we can try different foods at the same time. We got the grilled pork belly rice bowl & fried chicken black curry rice with cheese and the Miyazaki wagyu rice bowl with udon. They were all so delicious 💖I loved the grilled pork belly rice bowl. The pork belly dipped in the onsen tamago was perfect 😋 The meat was so tender! Also, it was our first time trying the black curry. It didn’t taste like traditional

間唔中我都會黎「炙·宴」食佢地嘅丼飯，天氣濕濕凍凍，今次食佢地晚市最新推出嘅宮崎和牛拼海鮮鍋，大約2百幾蚊就食到日本宮崎牛，秋冬最適合食番啲暖笠笠嘅火鍋🍲☺️▪️宮崎和牛拼海鮮鍋$218海鮮鍋就揀左龍蝦🦞湯底，鮮味十足，有齊和牛、三文魚、魷魚同帶子，材料豐富。魷魚爽口彈牙，帶子同三文魚都好新鮮。而宮崎和牛有兩片，入口嫩滑▪️宮崎和牛拼特日本豚鍋$179豚鍋可以揀壽喜燒或者豬骨清湯，有三片豚肉兩片宮崎和牛，豚肉片夠薄，套餐跟一碗白飯，另加$10可以轉烏冬▪️追加宮崎和牛$74做緊半價優惠，$74蚊有一份，每份4片▪️香檸蝶豆花梳打🦋$38味道偏清新，唔會太甜，顏色吸引▪️菠蘿梳打🍍$38菠蘿汁味濃，偏甜果香

平日下午去荃灣廣場行街，見到呢間專門食豚肉既日本餐廳有下午茶餐，價錢好抵食！平時晚餐時段都起碼要八九十蚊，宜家竟然五十幾蚊就有😋😋一於入去試下先⭐️月見豬腩肉丼豬腩肉岩岩燒起，肉質鮮嫩燒到脆邊的，香香脆脆很好食! 飯粒粒分明，配埋九洲秘制醬汁食非常惹味😆⭐️火炙沖繩琉香豚豬骨湯拉麵第一次食“沖繩琉香豚”，估吾到“琉香豚”真係同一般既豬肉吾同，係有一陣香味！😍😍雖然琉香豚拉麵得3片肉，但真係值得一試，第二度好難食到，幾特別🤩👍

喺商場揾餐廳食飯，俾門口隻可愛白色飛天豬所吸引🐽😂，就同我友立即入去試下，估唔到唔單止可愛，仲幾好食😍✨「幸せの二重丼」系列✨又想食飯又想食烏冬，心大心細，唔知點揀？唔緊要，小孩才作選擇，呢個系列好開心，滿足晒你所有需要。🔸宮崎和牛丼配烏冬（熱）$158和牛非常嫩滑，牛味濃，配上煮得軟稔的鴻禧菇，爽口的葱絲，口感豐富。淋上微甜的醬汁，非常開胃。烏冬非常爽身彈牙，一啖入口，湯底有淡淡的昆布同鰹魚甜味，熱辣辣，好好味😋。🔸角切魚生丼配烏冬（冷）$138色彩繽紛，賣相十分吸引。內有多款刺身，三文魚、吞拿魚、大大粒三文魚籽、青瓜粒及玉子，的確十分豐富。搭配冷烏冬，簡直係涼浸浸之選，所以喺我心目中，係最完美嘅夏日套餐。所有此系列的定食都會配味噌湯、沙律、飲品及沖繩豬肉煎餃2件，一口下去去，香脆多汁🤩，好正。還附上日式蕨餅作為甜品，黃豆粉很香，煙煙韌韌，真的深得我心😍。店入面有好多🐷形飾品，超級可愛😍，喜歡朋友不要錯過！想睇更多介紹，馬上Follow我啦😁。#big_big_foodie #big_big_foodie食勻元朗

好耐之前就已經系屯門Vcity既「Aburi-EN炙·宴」食過下午茶啦🇯🇵 今次見佢地推出左全新既「幸せの二重丼」就黎到荃灣廣場既分店🍱🥢 一個價錢既套餐可以食到兩款主食 真系超級滿足😍月見豬腩肉丼 配炸雞芝士黑咖哩飯 $128豬腩肉經過炙燒後 油脂既香味出哂黎 肉質口感鮮嫩多汁🐷 再將附上既溫泉蛋一同拌飯 好正🤤 黑咖哩真系第一次食 淡淡既香甜咖哩味🍛 而炸雞外酥內嫩 配埋芝士 超邪惡😈宮崎和牛丼 配烏冬 (熱) $158和牛牛味濃郁 食落口口感緊緻滑順 而且肉同脂肪比例均匀 就算經過炙燒後都一啲都吾油膩🥩 配上既清湯烏冬非常煙韌 味道清新🍜 以上套餐均附上 沙律🥗 味噌湯🥣 餃子🥟 甜品🧈 同飲品🥤 性價比真系超高架❕

今日第二次幫襯，叫咗一個豚肉鰻魚雙拼飯$118，另外加一，套餐有飲品及湯，上菜速度好快，溫度亦好夠，肚餓時食熱飯最滿足。豚肉好大塊，有三片咁多，調味剛剛好，鰻魚亦十分之肥美，整體來說，十分美味。只係考慮到健康，希望餐廳的套餐配埋蔬菜更加好。

經過左呢間日式燒肉丼飯幾次見到個menu幾吸引，終於搵左日lunch去試吓😋🥓🍛幸福二重奏：月見豬腩肉丼配炸雞芝士黑咖喱飯($128) 呢個set超豐富，一次過可以食到兩個味道嘅丼飯，豬腩肉同炸雞份量多，豬肉燒得好香而且好冧，炸雞唔會太油膩☺️黑咖喱有啲特別嘅香料味幾唔錯😋除咗丼飯之外個set仲包埋味噌湯、沙律、沖繩豬肉煎餃、飲品及甜品，一個人食應該食到捧住個肚走都食唔晒😆🥩🥓日本產和牛 豚肉鐵板雙併 配白飯($118)呢個鐵板一上到黎好香，和牛好香油脂好冧，調味方面甜甜地同有啲黑椒味，配飯一流😛🥓Aburi en 豚肉丼 ($88)呢個招牌嘅北海道十勝燒豚肉丼都幾有驚喜，望住去見到豬肉嘅紋路以為會偏硬，但係食落其他好夠冧同入味😉📍炙・宴 荃灣廣場、MOKO、利東街、時代廣場、康城、新城市廣場、圍方、形點、V City、荷里活廣場🍽️8.3/10#janfoodiary_日本菜

炙•宴 丼飯近年係周圍都開左分店，都試過幾次質素都唔錯。男朋友收工後去荃灣廣場睇下有咩食，見到宜家做緊套餐優惠，都幾抵食所以晚餐就再試試佢。套餐均有味噌湯及飲品。另外，加一服務費。特上鰻魚•照燒雞肉雙併飯 $92鰻魚帶有焦香，雞肉外皮煎得香脆多汁。飯量亦十分足夠。幸福二重丼•照燒雞肉丼配烏冬 $98套裝有沙律、兩隻餃子、味噌湯、黃豆粉蕨餅、細碗的照燒雞肉飯，同細碗的鰹魚湯烏冬。餐點份量不少，味道對得住價錢，男士亦能食得飽飽。