炑八韓烤 (黃大仙中心南館)

營業中

休息中

呢間嘢嘅好處就係方便黃大仙地鐵站一出就係 唔使揼雨。 地方亦都好大， 不過因為冇自己洗手間移商場個洗手間其實係幾遠嘅 仲要上樓上先至有。 佢哋個下午茶餐份量其實好大杯飲嘢亦都好大杯， 以韓式嘢嚟講味道唔錯。 比較欣賞佢哋識得運用芝士配合食物個效果好好。 芝士配飯同啲粟米mix出嚟真係好食， 另外有款貴啲嘅牛肉同啲湯啖啖肉味道 亦都合適 。 下午茶平均四十零蚊食得飽 味道亦算係ok 。不過老老實實係下午茶就抵食如果夜晚食睇見個menu都幾貴下， 如果係大食嘅話可能另外搵啲任食嘅會好啲，，，，， 佢耐不耐 有啲優惠 不過啲服務員好似都唔係好清楚咁可能始終都係後生仔女多。

平時晏晝夜晚有時都會黎下呢度食飯 但因為早排學生有discount 所以今次同朋友就食貴啲叫咗幾個燒肉套餐食我哋分別叫咗一個四人燒肉套餐同另一個套餐 因為呢度嘅配料同埋爐邊蛋芝士等等都係任食 所以我哋另外只係再叫咗幾個主餐 雖然肉嘅份量睇落去好少 但加埋其他配菜主食等等 我哋六七個人share食都夠飽 同埋佢呢度肉嘅質素都唔錯 同埋佢食物都擺得幾靚食之前梗係要影返幾張相打卡！不過我哋食咗佢嘅海鮮煎餅就覺得一般 下次你都未必會再叫🤔

平時食韓燒都會黎宜度食，咁啱經過見到佢有下午茶仲要幾平下所以試下。估唔到咁平都會有前菜同湯仲有杯野飲。食左烤牛蛋包飯，裏面啲飯係蕃茄醬煮過，所以特別好味，啲牛配洋蔥幾好食。

較少會同屋企人出嚟食嘢，咁今日放半晝就約咗屋企人行商場，一齊去行黃大仙中心。要揀午餐醫下個肚，見到呢間韓式餐廳，之前屋企人都介紹過。價錢合理，質素都尚可以，份量都夠。所以今日難得有機會一於就試呢個午餐。入內見到一定有既韓式烤肉啦，但係煙霧離漫😖本身店員安排左我哋坐烤肉枱附近，但係真係太油煙，陣油煙味好勁，梗係唔想聞住對身體唔好啦！我哋就掉咗過去冇食燒烤嗰邊。咁之後先點左三款午餐，之後來前菜已經有好豐富嘅辣泡菜啦芽菜。淨係見到前菜都飽咗一半啊！而加上餐湯，係紫菜豆腐豬肉湯。紫菜味味道唔算太重。飲完湯之後一來個牛肉飯。份量真係見到都嚇咗一跳呀，再飽多幾成真係超級大！牛肉都算嫩滑惹味，食得津津有味。男士一定夠飽。不過如果女士食嘅話我奉勸大家分享，如兩個人買一碟或者三個人叫兩碟，因為否則一定食唔晒，只會造成好多浪費。🍀之後雞肉蛋包飯都道係大大份。雞蛋好滑同埋色澤係好鮮明嘅鮮橙色。我自己鍾意食啲鮮橙色嘅雞蛋🥚，因為蛋味會比較重，而且雞蛋，好滑溜。佢跟餐一齊上嘅飯係有茄汁底，本身都唔知道，如果唔鍾意食茄汁嘅朋友，可能唔係咁適合，但係如果鍾意食嘅都會覺得比較多元化，而雞肉份量都好多同埋都好味醬汁香濃

夜晚見到唔洗排隊就入左去食啦兩個人叫左炑八特製護心肉 厚切上等鹽烤牛舌 甕醃1++韓牛五花肉 同埋韓國水冷麵最好食都係炑八特製護心肉 其他都只係不覺不失~質素方面同出面放題個啲差唔多, 什麼出面個啲仲會好啲但價錢方面就一定係依到貴啲啦~ 性價比唔太高

星期六放工可以優閒地食午餐一坐低已經比2碟前菜泡菜+芽菜泡菜唔會太咸試左個B餐-黑毛豬貪佢樣樣有d可以試多款套餐只係包一碗飯+紫菜湯（好淡）加$8叫左柚子檸檬梳打梅頭肉：有用汁處理過..分量算多..食落林五花腩：4塊。我會剪走最多肥膏個位再食，咁就更好肥瘦岩岩好。另外可以用生菜夾住食豬頸肉：4塊。夠厚身，食落爽口彈牙護心肉：1塊。成碟既精瘁爐邊蛋分泡菜同原味冇限加另外試一個牛肋骨$68好似好多實際好多羅白係底味道偏甜

剛好午餐時間來到黃大仙工作，附近餐廳都滿座，可能因為它較大間仍有位，所以入去食。午餐都係四十幾至六十幾左右，價錢合理，5人食附送3款小菜，可惜泡菜略嫌不夠入味，有點醬汁和菜分開的感覺。叫左份半生熟蛋五花肉飯，好正，五花肉夠多夠入味，伴生菜入口，不覺油膩，肉多到做到一口飯時一啖肉，好有滿足感。反而朋友點左個大醬湯，材料碎濕濕好像剩餘物料倒左落去咁，魚乾又得番條骨，我都忍唔住分返2舊肉俾她，結果她主力湯伴飯，好像好慘咁，我都唔忍心拍照。其餘食蛋包飯就不過不失啦～

地鐵站一出就係炑八，肚餓既我當然5行黎行去搵其他餐廳，直入炑八，入到去餐廳分左2層，下層大約有5-6張枱左右，上層就多d座位 大d!午市有Lunch Menu，價錢上都正常，只不過5係韓燒!不過無所謂午餐5洗食得好飽，所以叫左個海鮮豆腐湯拉麵同烤五花肉半熟蛋飯餐前會送上小食海鮮豆腐湯拉麵 賣相麻麻，味道一般無特別烤五花肉半熟蛋飯半熟蛋伴上五花肉味道一流， 仲有菜中和一下，味道清新!!必叫飲品藍天使梳打，次次食親都會叫黎飲

同契女一家及好友預祝另一好友生日飯🎊🎉🎂 - 揀左炑八韓烤🥩 (黃大仙店)。因為吾係任食，所以吾限時間，而且食物質素吾差。今次仲要人生第一次食酱蟹🇰🇷🦀，感覺都好特别，不過吾會太钟意，所以只食左好少。其實上個月先黎過 (連侍應都認得我地)，但因為契女(5歲)超喜愛呢度d牛，尤其是牛舌。而我喜欢前菜，芝士，蛋可以任添加。職員服務態度尚可，但始终繁忙時間，都明白佢地真係好忙。雖然今日係假期，但我地已一早訂位，所以呢度好方便

炑八下午茶又轉新餐牌喇，佢地嘅下午茶餐真係好抵食，有前菜，湯，主菜同餐飲！仲免加一！今次新餐牌仲有以往無嘅炸雞脾呀，所以即刻點黎試下！前菜係跟人頭俾嘅，2個人會俾2碟，款式由餐廳分配，會俾2碟唔同款嘅！但泡菜係主打，基本上次次都有！呢度嘅泡菜其實無我第一次食嘅時候咁好味，以前係偏甜嘅，所以空口食都食到好多，宜家係偏咸，基本上一碟都未必食得哂！湯係比較重胡椒味嘅昆布湯主食點左卡邦尼年糕粉絲，粉絲+年糕+忌廉=濟⋯基本上呢個配搭真係想你飽到上心口但因為卡邦尼汁好唔正宗，所以其實係試一次就夠⋯迷你烤牛肉流心蛋飯，細細碗，好夠味，洋蔥同牛肉夠撈哂成碗飯重點炸雞脾黎喇炸脾仲大過碗飯呀！睇賣相覺得好抵食，但食落就發現其實有一半都係炸粉，咁我寧願佢細隻d仲好⋯另外佢炸粉係有咖哩味嘅，我麻麻地食咖哩，同埋因爲無預期係咁嘅味，所以係有少少失望嘅奶茶不過不失，韓式餐廳黎講算係好飲！新餐牌今次嘅配搭麻麻地，下次應該會點其他野試試

套餐的小食比較欣賞泡菜，午餐的爐邊蛋亦是任食的。鰻魚蛋包飯：鰻魚汁偏鹹，但亦能配合蛋包飯的味道。迷你牛肉飯加牛肩肉：迷你牛肉飯的確很迷你😂飲品款式新穎，但有點甜。

曾經去過沙田果間炑八，等位等到傻左，難得屋企附近開左間，緊係要去食吓喇！去炑八dinner，最正就緊係有得食完再refill食爐邊嘅芝士粟米同泡菜蛋喇！唔好以為refill嘅就無好野，我地全家最期待都係黎食佢嘅粟米芝士今次去炑八係因為老爸生日呢！點了4人份量嘅牛餐，但其實套餐嘅份量真係無佢寫嘅咁多，4人份其實3個人食都未必夠飽。所以建議唔要叫多少少先夠。今次我地3個人就叫多左份豬。牛肉真係好新鮮，其中以牛尾下面果3塊肉最滑最有牛味！牛舌都好唔錯！呢個牛餐好似有d部位係餐先食到，無得散點架！豬肉都好好味，仲有d豬型嘅薯仔，好cute整體黎講都好滿意！好味！而且黃大仙店比較大，唔駛等好耐就有位

晚上到炑八晚餐，有很多不同類型既肉可以揀，但想叫個有餸既飯卻沒有什麼選擇，最終加了白飯送肉三色雞味道不錯，很夠味，而且容易熟，不用等太久，包生菜食或送飯都好正厚切豬梅花肉估佢唔到會咁韌，完全唔似韓燒式咁之前經醃製過以軟化肉質，唔掂！炑八炸雞（原味）每件雞都好腍, 由其是雞腿肉，雞胸肉唔乾亦唔嚡，完全唔會炸到乾爭爭，下次再去會試下其他味道既炸雞海鮮煎蔥餅呢個海鮮蔥餅有點黏軟，但海鮮都幾多，加埋蔥一齊煎，很香口，唔覺唔覺食左好幾件，可以一試

黃大仙既炑八開左好耐 雖然住附近但一直都未有機會試機緣巧合下同朋友兩個係附近搵野食唔係第一次去食炑八 一直以為炑八只係岩一大班人聚先黎但原來都有啲適合兩個人既餐喎！我地點既野都唔係佢主打菜色（鰻魚蛋包飯）但鰻魚唔似一般其他舖頭咁無咩鰻魚味 幾好雖然無得同主打鰻魚既舖頭比 但唔係主打黎講都算唔錯 平時lunch想食好啲啲又唔想排隊既都值得去食但都好好食 特別係個半熟蛋同埋紫菜包飯而且價錢都唔貴個陣時去係下午 所以都冇乜人 環境好好而我最鍾意炑八既地方係佢送既檸檬水

百無聊賴喺黃大仙搵食見到呢間出地鐵站好方便而且人流多我相信應該唔會差得去邊今次已經係第四次食不得不讚第一次係同奶奶食都已經相當真材實料不過係午餐要飲凍飲就要加＄8呢幾次都係食下午茶時段飲品係包埋一坐低就即刻比三小碟頭盤服務員友善的態度食物都可以接受嘅同埋價錢合理環境可以尚算OK清潔程度我見到服務員跌咗落地下嘅抹枱布又再抹枱面⋯ 呢方面真係相當嚇人啊希望有待改善！食物質素我可以俾佢70分炸雞都係新鮮炸嘅下午茶相當抵食⋯值得推薦嘅