炑八韓烤 (偉華中心) (已結業)

由於沙田的急速發展加上自由行的大力支持，而家要係沙田新城市一帶搵間正路價的午餐都唔容易。先睇睇個餐牌，最平可以做到50蚊都唔駛，價錢可以同快餐店媲美。黎到韓式餐廳，點餐後就一定會俾前菜你食住先，呢度都一樣。是日前菜係泡菜加麻油芽菜，個泡菜唔太咸同辣，合乎返香港人易接受的口味，屬於中規中矩。點左兩個餐，其中一個係大醬湯配飯。個人向來鍾意食韓式湯飯，呢個湯飯配料雖然比較cheap，得豆腐、瓜、蜆仔兩粒，但個味算唔錯。另一個係鐵板豬肉飯，個樣睇落幾吸引，但女友人先攪一攪後發現豬肉量出奇地少，得果一舊豬肉only。向店員反映後佢地都好好gum補返唔少肉俾我地，但呢個少肉現象唔知係唔好彩定真心如此。我地加左杯柚子檸檬梳打，可惜唔算太啱口味，柚子味唔算突出。最後加送左呢個飯卷，要得到佢只要用手機app加為新會員就有的迎新優惠，絕對係一加無妨的優惠。個飯卷都整得唔錯。是日埋單連加一係100多d，係沙田算是快餐店外平民午餐的選擇。

中午跟同事吃飯，剛好有同事想吃韓菜，所以便來到這裡一起吃午飯。點了個炸雞大家一起分著吃。下邊有不少薯條，上邊炸雞上淋了甜酸辣汁又灑了點芝麻因此非常香口。炸雞雞皮厚會太厚，肉還是有點肉汁厚會太實或粗，所以還不錯。韓式牛肉鐵板粉絲，份量不粉，粉絲也彈牙有咬勁又不會太硬。味道挺香濃所以蠻惹味的。韓式泡菜豬肉鐵板經粉絲，因有泡菜所以有點酸酸的微辣，非常開胃，而豬肉有點半肥瘦非常香口，加上彈牙的粉絲很快清底。以午餐而言在80-100左右的價格，味道還可都算抵吃。

大家都知道沙田好小有食得飽，價錢又合理嘅下午茶！今日就去左炑八試下食，叫左個牛肉蛋包飯，再加杯檸檬柑桔梳打，埋單都係$54！而且個餐仲包湯，泡菜，大豆芽！超值得黎又食得飽，抵

今日 難得約到時間 可以一大班既同事一齊放工後 聚餐 沙田呢邊既餐廳收工時間都好早下 大部分都在 9:00pm 前 ....選擇不多之下 我地就選擇左呢間 *炑八韓國燒肉* 呢間之前都系其他分店都有食開 不會太擔心不好食 嘻嘻嘻！！！ 對於鐘意食肉既我叫到停五到手 肉呀 肉呀 全部都系肉啊！！選擇仲要勁多韓國LA骨牛排🥩 - 好有牛味，勁滿足喔！烤完之後大家都狂搶黎食而且邊邊d蛋都勁正。。。可以加cheese 加粟米加泡菜都可以唷！好好味

今次散叫，食到想食嘅，分量又足，無套餐入面嘅無謂嘢，感覺好啲！今日遇到更好嘅係遇到門口侍應Elaine, 同女友到等幾分鐘佢己好有礼介绍咩好食，之後佢又幫手燒，又閒時問下有乜需要，見佢又顧大門待客入座，又前舖帮客人走來走去，依然好友善。最後佢收工便服都向我女友打招呼，女友都話男人追到佢有福。🤣咪試我水。 的確人己經順眼又靚，勤力真值得贊。仲有一個四眼一個無嘅中年男侍應，出埸少，但都感到佢哋有心做嘢。 琴日位年青燥狂今日唔見咗，佢的確影響食客心情。今日坐近門口圓枱，通風好咗，員工elaine又好人，又無叫套餐，感覺好好。 沙田分店加番分

來來去去只係去過佐敦，沙田，屯門，三間分店。服務較好都仲係佐敦，員工感覺無咁hea, 屯門最求其，不用多提。沙田好一些。昨天在沙田分店食，有位年青員工執旁邊散席果張枱時突然大力掉餐牌定乜嘢，臉部表情帶點怨恨，？！附近幾枱客都望下乜事，跟住有經理捉佢埋一邊傾偈。又有另一位職員換我張枱鐵板，未放好就行咗去，又有一位職員送食物來時揸住碟嘢望住我張己放滿嘢嘅半邊share枱，點望點砌都唔會多咗空位架啦，我叫佢不如加鐵枱仔放。不過琴日真係好多客嘅，老闆要加佢地人工啦。食品嘅套餐，响呢幾年不停轉，份量、材料也轉走咗不少，無咁抵食。味道依然好昧👍餐牌都改咗，少咗好多嘢……幾年前吸引啲，整体韓味都重啲，而家分店多咗，乜都淡咗

平時諗唔到食乜野就會揀去韓式燒烤，呢間位於沙田嘅炑八韓國燒烤最就我地腳，所以耐唔耐都會去食。韓燒就緊系要配生啤，如果多朋友share 可以叫個啤酒塔添！叫完野食佢地就會上配菜，都系kimchi、生菜麻醬沙律、酸蘿蔔果d唔算特別。但個爐邊蛋同爐邊芝士就好好食～仲可以無限refill 添！我地多數都食2-3轉架🤣。燒肉方面最鐘意叫護心肉、五花腩同豬大腸。燒完包埋生菜食真系幾正！呢排天氣熱仲叫左個水冷麵～食完真系透心涼～好味好味。

同朋友係沙田行完街 第一次食炑八既午市感覺都唔錯 本來心大心細唔知食乜好 但見到隔離枱個蛋包飯 勁大份又好靚仔就叫咗黎食 結果都無失望 再加多杯野飲 埋單每人都係50幾蚊 都算抵食

很愛跟同事來呢度食lunch，因為環境比較舒服，而且性價比高，有小菜。試過鐵板豬肉泡菜粉絲，雞扒蛋包飯同泡菜湯。其實味道真系對得住 價錢，鐵板豬肉泡菜粉絲系我點得最多的，鐵板熱辣辣炒起d粉絲同泡菜成陣香味真系抵擋唔到，小小辣又有咬口。但杯藍天使野飲就一般般啦。

去拎飛等位 等左大半個鐘 不停見人入場 號碼一直不變 原來可以打電話留枱 walk in 所有人都不知情 服務態度其差 發誓有幾好食都唔會食I would not recommend this place . Service is terribly bad and no one will notify you you are queuing for nothing .People could book via web. What is the point to queue outside

平平地既韓燒之選我都幾鍾意食韓燒，不過又唔係成日想食好貴果啲正宗韓燒，但cheap到死漢x果啲更加食唔落。直到遇到炑八就令我可以好好咁食啦！雖然前菜唔多，但勝在有得refil，可以食飽飽自己。我最愛就係蒜香芽菜，好正！之後肉類都新鮮既，不過美中不足就係要叫3碟先開爐，如果2個人食加埋前菜叫多個小食就太飽啦。呢個system真係要改善下！仲有芝士同爐邊蛋都係任refil既！芝士好正！不過蛋就要小心，老左就唔好食啦！不過數到炑八，我最愛就醬油蟹，勁鮮甜又入味，每一啖都係肉。配飯食同湯，諗返起都流晒口水！正呀！所以，雖然食得太飽，價錢同份量同質素都不過不失啦！

一直都好鐘意炑八既韓燒因為性價比高而且唔太貴就算學生都負擔得到仲好大份 每次都可以燒到勁飽先走而且仲勁好食 試過幾次唔同鋪都keep到個質素但估唔到下午茶都咁抵因為返工既緣故先有機會食到佢既下午茶大大份而且賣相都唔差就算午市咁忙都好堅持擺好擺靚碗野值得一讚 而味道方面以$48無咩可以挑剔如果個蛋再滑啲嫩啲生就會更好 而且我覺得成碗野唔夠熱加多6蚊仲可以要多杯特飲Tim 今次呢杯荔枝特飲都唔錯 唔會太甜 比之前藍天使更好飲

本身食呢間炑八都食過好幾次，不過大多數在旺角分店，是次到了沙田店，感覺食物質素及整體都好。正好既就係前菜、生菜、芝士粟米和泡菜蛋都是可以免費添加食肉都唔怕食得太流。今次食左個5百幾蚊既韓牛套餐，其中一樣就最唔鍾意食既，香草雞扒，於事同職員講，套餐既雞扒我地唔要啦。如果可以就換野換唔到就唔好浪費啦。之後換左豬頸肉。我們仲點了2杯飲料，不錯的這間分店的食物美感很不錯，相比起旺角店的，但職員比旺角店的不夠細心啦，期間醬油碟叫了職員取等左10分鐘之後都係自己出去拎比較好。最愛的就是食五花腩，來這裡是必點的。燒到脆卜卜，十分正。

之前我去咗炑八食Lunch，見到佢有個大醬湯配飯既午市韓式定食，即刻諗返上次喺韓國食既大醬湯😋希望佢都咁好味啦！佢嘅韓式定食，包括有韓式清湯，小食，和主菜。小食除了泡菜，仲可以揀大豆芽菜。韓式清湯，今次就真係幾清，裏面咩湯渣都冇。因為有時候會有啲蘿蔔、蔥之類，不過今次就真係欠奉。佢嘅飯真係好大碗，上面仲有啲紫菜碎。大醬湯好大碗，裏面亦都好多餸。有蜆，牛肉，豆腐，蘿蔔，仲有好多配菜⋯味道佢唔算特別鹹👍🏻👍🏻👍🏻因為喺韓國食嘅大醬湯好多時候會比較鹹。或許佢哋遷就返香港人嘅口味，想變得健康啲！佢最抵就係唔收加一服務費，埋單就真係＄48。

我覺得野食真係唔錯 好正路 但啲員工好差 但係我又唔可以話全部都差眼看個場其實唔多人唔係好滿 但係食食下啲野開始黎得好慢 我舉手佢地明明見到但就係唔行過黎 有啲野食叫左幾次都冇黎到 我留意到可能佢地分左有啲人負責執野有啲先幫客人點野 唔知係咪因為咁出事 有人攞野黎 我話想點野 佢就話要叫同事黎幫手點 加上執緊野嘅人見到你舉手佢係唔會過黎幫手 因為佢到執野