火鍋館

營業中

休息中

火鍋館 (尖沙咀)地址：尖沙咀山林道10-12號山林閣1樓推介：梅菜豬肉丸味道夠晒傳統，梅菜鹹香突出，豬肉丸彈牙有嚼勁，唔會太肥膩，送飯一流！ 蟹籽鮮蝦丸蝦肉鮮甜爽口，蟹籽卜卜脆，口感豐富，真材實料，食得出係新鮮手打，正！ 手切牛肉牛肉色澤靚，肥瘦均勻，淥十秒就食得，肉味濃又嫩滑，唔點醬都夠鮮，必試！ 脆皮炸牛腩外皮真係脆到「咔嚓」聲，咬落去牛腩軟淋入味，肥瘦適中，炸完一啲都唔油膩，蘸少少喼汁更惹味，正！ 燒排骨蜜汁燒得啱啱好，外層微焦帶甜，肉質鬆化又唔乾，骨同肉比例perfect。

每次經過呢間餐廳都心思思想試，今次終於有機會同屋企人一齊嚟尖沙咀品嚐。之前試過佢哋嘅小炒已經覺得好驚喜，價錢相宜之餘鑊氣十足，今次一家人專登嚟試埋打邊爐，果然冇令人失望！不得不讚佢哋嘅火鍋真係相當出色，由湯底到配料都見心思。我哋揀咗花膠響螺雞湯底，一上枱就聞到濃郁香氣，湯料份量十足，花膠同響螺落足本，每啖湯都鮮甜滋補，性價比之高實在難得。食材新鮮程度更係令人驚喜！特別要推薦佢哋嘅牛肉，切得薄薄一片，入口即知係上等貨色，肉味濃郁又嫩滑，同出面一般火鍋店嘅牛肉真係高下立見。手打四寶丸亦係誠意之作👍其他配料如雞子同鵝腸都處理得恰到好處，毫無腥味，口感一流。最驚喜係連甜品同自家製飲品都毫不馬虎，叫左碟椒鹽魷魚鬚好食到要encore多碟！餐廳位置喺尖沙咀同佐敦之間，約朋友聚會非常方便。今次一家人食得盡興又滿足，絕對會再嚟幫襯，亦誠意推薦俾各位鍾意打邊爐嘅朋友！

一年四季都鍾意打邊爐係尖沙咀行街，順便去左深受本地明星喜愛既「火鍋館」打邊爐！一坐低，店員就擺上九宮格醬料盤，賣相相當吸引各種醬料紅綠黑白相襯，有齊曬一家老少喜愛既醬料。忍唔知影多幾張。好多小食推介：我地就揀咗秘製水母BB微辣懷舊水魷魚微辣微微辣，爽脆鮮美，好開胃。肉類都好多選擇：新鮮騙牯牛肉、新鮮騙牯牛𦟌、牛舌心、新鮮板前跟、五花黑豚腩好新鮮好嫩滑，食到唔停口鮮鵝肥腸：完全無腥味，相當爽脆，脆卜卜滿滿的蛋白質。鮮菌菇類黑皮雞㙡菌。第一次試，好意外，爽口嫩滑，幾好味自家製：自製四寶丸、自製韭菜餃、自製水餃皇新鮮飽滿、唔會太鹹，爽口彈牙主食：手打烏冬，經火鍋豬骨湯煮過，令烏冬更香濃美味下次要約埋朋友再來

火鍋館深受好多本地明星歡迎，被譽為尖沙咀隱世火鍋天花板❗️呢到除咗可以打邊爐，仲有刺身、小食、燒物供應😋 餐廳提供嘅九宮格醬料盤，店員話辣椒油係佢地獨家秘製🌶️夠辣之餘非常惹味❗️甜品飲品都係自家製，食物配料好新鮮，非常出色❗️環境舒服，職員服務細心，會主動介紹菜式煮法，主動換碟，又會主動加湯加水💯 難怪咁多明星都捧場❗️✨ 清湯牛腩湯底 $168 👍🏻👍🏻👍🏻👍🏻乳白湯頭飲得出無味精，牛腩好腍，蘿蔔好清甜✨ 新鮮牛展 $498 👍🏻👍🏻👍🏻👍🏻非常新鮮，牛味好出，淥2-3分鐘入口即溶 ✨ 牛舌心 $138 👍🏻👍🏻👍🏻👍🏻厚切彈牙✨ 自製四寶丸 $88 👍🏻👍🏻👍🏻👍🏻蝦丸爆蟹籽，牛丸爆漿，墨魚丸非常彈牙✨ 脆肉鯇魚條 $68 👍🏻👍🏻👍🏻👍🏻無骨啖啖肉✨ 桂花蚌 $88 👍🏻👍🏻👍🏻👍🏻肉質彈牙爽口✨ 珊瑚蚌 $88 👍🏻👍🏻👍🏻👍🏻爽脆鮮甜✨ 板前根 $58 👍🏻👍🏻👍🏻👍🏻充滿骨膠原，軟糯控必試 ✨ 秘製水母BB $88 👍🏻👍🏻👍🏻👍🏻原隻水母BB！全港獨家！好爽口✨ 鵝腸 $48 👍🏻👍🏻👍🏻鵝腸爽脆無異味✨ 煎墨魚餅 $98 👍🏻👍🏻👍🏻外脆內軟，墨魚味濃郁彈牙✨ 燒三文魚頭

第一次寫食評的我，介紹朋友一起聚餐，當然品我最愛吃的火鍋，第一位必叫的是牛肉，更加是打孖上，不能少。店主推介我試吃生牛肉，人生第一次吃的，果真沒介紹錯，配合洋葱來吃，更加特出鮮美。三文魚及腩更是大家必叫之選，當然冇得輸。餐前加了個小吃五小福及椒鹽黑豚肉條醒神開胃。打邊爐除牛外，脆肉鯇更不可少。小菜更是意料之外，相當唔錯的選擇。可以一次過滿足大家的要求，嘗試多品種美食。最後我一定要留肚吃甜品，而心太軟加雪糕更是我的至愛之選擇，流心朱古力不太甜，真的滿品的一餐，吃了畫上一個完美的句號。

今日夜晚，我同朋友去咗呢一間位於佐敦嘅火鍋店食飯，餐廳嘅座位好寬敞，食物亦都有好多唔同選擇。竹蔗茅根竹蔗茅根入口清甜可口，有清香嘅竹蔗味。羅漢果茶羅漢果入口唔會太過甜，入口好滋潤。湯底湯底方面，非常之足料，入口就知道用咗唔同嘅材料熬製而成。梅菜豬肉丸豬肉入口爽口彈牙，配上梅菜，帶有少少鹹味。韭菜餃韭菜餃非常之足料，韭菜份量好多。蝦滑同墨魚滑兩種畫都非常之足料，特別係蝦滑非常之好味，食得出用咗唔少蝦肉製作。肉類方面，餐廳主打新鮮牛肉。除咗牛肉之外，餐廳仲有售賣海鮮，以及係各種嘅小食，所以食物種類都幾豐富。整體嚟講，我覺得今餐嘅食物質素都唔錯，每款嘅食物都幾有特色，餐廳嘅用料亦都好好。

之前宵夜嚟過呢度食小炒好出色每碟小炒唔貴之餘仲好有鑊氣好好味所以預啱媽咪生日一家人嚟呢度試埋佢打邊爐！我想講佢啲打邊爐一！樣！咁！出！色！😍🤤👍🏻不論係湯底定係材料都好真材實料！媽咪生日梗係要食個盡興叫咗個 花膠響螺雞湯湯底🤤👍🏻好足料嘅湯底性價比極高😍啲花膠和響螺真係唔係講笑係俾足你嘅！每一啖湯都係精華！爹哋媽咪超級滿意😍👍🏻啲嘢食一上枱大家真係 嘩 咗出嚟😍每一樣材料都好新鮮！不得不讚佢啲牛肉👍🏻出邊好多啲牛肉都切得有啲厚而且啲牛肉一食就知道已經擺咗一兩日但係呢間啲牛肉 佢切得夠薄而味道和口感一食落口就知道啲牛肉好新鮮好靚 真係必叫👍🏻👍🏻另外都想講佢哋嘅手打四寶丸都好好食！連我個女平時唔食蝦丸都話呢間啲蝦丸好爽而且啲蝦味好新鮮好食！相入面嘅每一樣材料即使唔係佢哋自己整嘅佢哋嘅來貨都係信心嘅保證樣樣都幾好食👍🏻平時出邊食的雞子好腥呢間好新鮮好嫩好好味👍🏻鵝腸都好爽👍🏻最後都不得不提佢嘅甜品同埋自家製飲品簡直係誠意之作！上次叫過佢嘅椒鹽魷魚鬚即使今次係打邊爐都忍唔住叫一碟食！尖沙咀地點靚已經約好咗下次成班frd 嚟再拆過！

今日父親節一家人去左尖沙咀山林道既火鍋館，之前已經有留意開 - 係一間深受本地明星喜愛既粵式火鍋店♨️呢到可以一次過滿足哂屋企人想食刺身又想打邊爐既慾望，仲有好多唔同小食燒物一去到準備左九宮格醬料盤，店員話辣椒油係佢地自己秘製，非常惹味，夠辣!我地叫左招牌花膠響螺雞湯底，個湯底好足料，超好飲，好濃郁，我地差唔多將啲湯飲哂好可惜呢個湯底唔可以叫鴛鴦鍋，如果唔係可以試埋其他湯底野食方面都不過不失，牛肉🐮都好新鮮強烈推薦大家叫響鈴，因為係即炸既，所以佢地會上甜酸醬俾你直接食，又熱又脆，勁正我地去既時候Asahi 買一送一，打邊爐飲啤酒一流🍻另外想健康啲可以揀金銀花菊花茶，佢地自己煲，甘甘地一啲都唔甜最後佢地仲送咗甜品比我地，非常滿足餐廳環境舒適，唔會好逼，適合朋友聚會或者家庭聚餐❗️❗️記得指定時間經openrice book位可以有85折優惠!❗️❗️

近排深港兩邊食咗好多新式嘅火鍋。今日同老公嚟山林道呢間傳統港式火鍋店試下有驚喜，服務周到，我地叫咗鴛鴦鍋。一邊係秘製四川麻辣湯底，另外一邊係下火芫茜皮蛋湯，好好味而且好足料！驚啲芫茜煮咁耐，流失曬啲營養。首先，我哋飲咗頭啖芫茜馬蹄皮蛋湯先。好清甜。麻辣鍋裡面原來好多豬雜豬紅，剩係食個窩底都半飽。埋單先知原來醬料係免費。有我最中意嘅麻醬，用嚟點牛肉真係好好食。再叫咗各半份本地手切牛皇，自製五寶丸（各兩粒)，老公話d丸好彈牙，梅菜豬肉丸好出色，手工響鈴不會好油，浸湯三秒食仲好脆！雖然價錢唔平，但係，全部都係現製，唔係預製料。第一次用生麪打邊爐唔錯。仲叫左五花茶（誤以為係一扎，原來係一支仔約兩杯份量)，竹蔗茅根一扎，都好飲。最後like 社交平台仲有甜品送。85折，兩人埋單共800

九宮格醬料盤其中一大亮點， XO 醬，內含蝦米、蝦乾、元貝和瑤柱，味道濃郁得令人難忘。難怪連渣都清晒！ 炸魚片頭，外酥內嫩，幾有風味 .推介椒鹽魷魚鬚勁香香煎午餐肉 · 極度邪惡炸芋頭條 鬆化既，但唔甜，用椒鹽點，麻麻地分量正常同新鮮黑毛豬柳條 超級juicy ,好正👍肉質鮮嫩，保持了豐富既肉汁，咬落去能感受到肉質的鮮美單點$168半份$88價錢係中等價位,但考慮到肉質既品質同口感,絕對值得一試❤️❤️本地手切牛肉 淋/小肥/中肥/大肥，全部部位都有，多樣化選擇，無論係喜歡瘦肉定肥肉，都可以滿足蜂巢豆腐配醬料幾有驚喜啤酒真心抵飲夠凍，有埋冰桶

係附近happy hour 完，隨便揀間食晚飯。上到去環境舒適既，香港老牌火鍋店咁，冇話裝修到有大龍鳳網紅打卡位果d，但係就有親切感，可以好relax既感覺。D staff 好友善，第一次去就請哥哥仔介紹，佢都好熟餐牌，比倒好意見我地。由前菜開始我地就已經心心眼！個五小褔滷味夠味又唔太咸，唔夠辣既又可以加佢地自家辣油，好快食晒。花膠雞湯夠晒足料起埋膠，每人都嘆左碗湯先繼續打。跟住到個牛簡直估唔到咁有水準，新鮮又夠嫩。其他配料雲吞手打丸類都好出色。下次想試多d 海鮮類，睇落好抵食，可惜已經太飽。

廣東人見秋風起朋友聚餐｜打邊邊絕對係無爭議之選近佐敦地鐵站🚉既山林道八人取一房位 最低消是$3000少有仍是霓虹光管招牌佈置係 港日有個性混合擺設一個 【掂】字鎮壓全場.主打 手切牛肉🥩 牛魔王都殺得死.開座就有九宮格醬料上陣$20 一位｜當然要多蔥多沙茶醬選左兩個湯底｜蕃茄薯仔 & 香辣雞煲湯底其實又真係小辣🔥 人人都食得落好多朋友都唔知先食曬雞 再落雞湯做底再點兩個【海鮮盤拼新鮮牛肉】 $5981）蟶子皇2只2）元貝2只3）肉蟹1只4）石蠔4只5）馬刀貝8只 6）海中蝦4只 7）新鮮鱔片 8）脆肉鯇魚片.印象深刻 係 💥 大隻元貝 💥大隻石蠔 💥 爽口鱔片半體溫牛肉🥩 片片輕鬆夾出｜唔止入口鬆化 睇得出鬆弛感.小菜 有沙嗲牛肉豆芽菜 芽菜同沙嗲牛又幾夾.手打丸系列叫個 1️⃣ 梅菜豬肉丸 2️⃣ 龍蝦墨魚丸兩款都主打一個字 【彈】 入口彈牙爽口梅菜有中和豬肉烚完既汕尾龍蝦墨魚 彈口又有墨魚味.魚籽墨魚蝦滑超乎爽口 魚籽唔散開 口感特別.蜂巢豆腐 吸曬湯汁 唔鬆散 但又有同白蘿蔔有同工異曲.梅林豬肉卷 上盤靚仔 脂肉分明烚完點醬 散在醬汁面無咩油 肉質緊致.8個人 每人都夾埋$三百頭仲要叫

朋友帶我嚟食dinner hot pot～ 真心覺得唔錯，好食！我哋嗰日叫咗花膠響螺雞湯湯底，好好食！！！ 個湯底係超好飲！ 超濃郁 😍 將啲湯飲晒＆食晒大部份的料就可以加湯開始打邊爐喇。基本上我哋隨便叫既全部嘢都好有質素～不過！一定要推薦大家叫響鈴！！！MUST！ 因為佢地係即炸既，所以佢地會上甜酸醬俾你直接食 🤤 超正！另外就係老闆原來會自己出海打魚嗰啲 🤔 所以嗰日我哋有食到佢哋自己打返嚟既魚刺身，都好正～！大約係咁～ 簡單嚟講值得一試同埋我會再去！ 👍

今日我哋一大班人去到火鍋館慶祝生日，老闆親切，夥計熱情，食物質素非常好，令我好滿意，地方寬敞，小菜嘅款式有好多選擇，我哋今次冇打邊爐選擇咗叫小菜，小菜都令我哋10分驚喜非常好食，下次會去試吓雞煲。

呢個其實係講緊環境同埋人嘅質素入到包廂有陣味道食物呢覺得都做左好多cost management，知道係邊度搵到d便嘢，食起來就…..唔知點講好人呢，呢個就好多幻想空間啦，唔知點解講d嘢都奇奇怪怪，背後好似仲有另外一種意思，真系打開眼界