影片
港鐵銅鑼灣站 C 出口, 步行約2分鐘
繼續閱讀
電話號碼
21895518
21899518
開飯介紹
匯聚超過100款放題美食選項的日式餐廳，提供刺身、手卷壽司、天婦羅、串燒、鍋物、精緻甜點等，選擇豐富。木系裝潢簡約舒適，讓顧客在日式氛圍下盡情享受地道日式美食。
繼續閱讀
營業時間
今日營業
11:30 - 16:00
17:00 - 23:00
星期一至日
11:30 - 16:00
17:00 - 23:00
以上資料只供參考, 請與餐廳確認詳情
有關獎賞計劃
🇭🇰瀧本日式料理·A餐 經典放題盛宴$198/午市 $228/晚市呢間晚市放題都幾抵食 佢逢星期一至日午市任何時段$198 晚市任何時段都係$228‼️而且佢啲刺身質素唔錯 大家想食得再豐富啲 仲可以食佢個至尊放題盛宴 有埋生蠔 拖羅 海膽同榴槤任食🦪 生日月份4人同行仲1人半價 8人同行就1人免費🎂·刺身 l 壽司 l 創作壽司 l 火炙壽司 l 卷物 l 手卷佢呢度全部刺身質素都唔錯 尤其係啲貝類🐚佢有象拔蚌 赤貝 帶子 榮螺 北寄貝 呢啲質感全部都好好 好鮮甜 幾新鮮 放題黎講質素超級唔錯☺️🤩另外佢嘅三文魚同埋油甘魚油分都唔錯🍣甜蝦都甜🦐另外佢創意壽司選擇都好多😗·一品料理 l 炸物 l 鍋物 l 串燒佢其他嘢食都唔錯 清酒煮蜆入邊嘅蜆都好大粒😎炸物我地就最鍾意芝麻雞翼 我哋叫咗兩轉 次次都係新鮮炸起 雞翼超級juicy🐥串燒嘅話我自己覺得雞軟骨同雞腎都唔錯🐤牛舌都好厚身🐮·自助區除左日式前菜 生果 海鮮 自助區仲有麻辣雞煲 小龍蝦 酸菜魚🐟另外甜品 飲品選擇都好多 仲有Häagen-Dazs添🍨🤤·B餐 至尊放題盛宴 $368/午市 $398/晚市之後如果大家食佢個至尊放題嘅話 就再豐富啲🥳佢會有埋海膽刺身 拖羅 生蠔 多啲海鮮 同榴槤任食😌佢個海膽都新鮮 幾甜 唔會腥😌拖羅都肥美 生蠔雖然唔算超大隻 但係質感都幾好🦪另外花雕鮑魚都幾入味 而且幾大隻 蒜蓉粉絲蒸扇貝都唔錯🐚😎·#rbyeat#rby日本菜#rby銅鑼灣·📍銅鑼灣駱克道463-483號銅鑼灣廣場二期8樓
繼續閱讀
今日屋企人生日，一共九人行，梗係去食放題啦，，店內光猛，枱距唔迫，帶小朋友都坐得舒服。落單用自助系統，反應快，菜式上枱速度算爽，收碟勤快，整體節奏順。食物重點係海鮮。刺身拼盤夠冰凍，甜蝦爽彈、三文魚油脂平均不膩，帶子有甜味。燒物有驚喜：大蝦外殼微脆、肉質甜；雞串多汁唔鞋。羊架塗芥末蜜醬香口，有少少搶味，鍾意食原味可以叫師傅輕手。飲品選擇齊，熱茶、汽水都有，海鮮食多兩啖飲返杯幾舒服。以二百幾蚊位嘅定價嚟講，性價比很高，特別係海鮮補貨夠快、質素對辦；小童位都有優惠，家庭聚餐幾啱。服務態度友善，有問必答，幫手收碟換墊都幾落力。
繼續閱讀
朋友帶左我去食放題，瀧本日式料理係銅鑼灣廣場二期八樓嘅人氣放題餐廳，超過100款刺身壽司同日式料理任食。招牌有每日新鮮刺身、生蠔同創意壽司，仲有榴槤天婦羅等特色甜品，配自助區嘅Häagen-Dazs雪糕任吃！ 環境時尚舒服，部分菜式有火炙壽司、串燒、天婦羅同特色鍋物～ 瀧本日式料理主打新鮮即叫即做，任點任食，食材全部由日本直送，包括肥美厚切生蠔，鮮味爆棚！🦪 放題套餐包含過百款刺身、手作壽司、串燒、天婦羅等日式料理，仲有 Häagen-Dazs 雪糕、D24榴槤甜品任食，加上各式清酒、梅酒啤酒，飲食完全無限量！超過120款任點任食，包含新鮮日本刺身、生蠔直送，串燒、天婦羅、壽司、熟食和Häagen-Dazs雪糕通通有。柚子醋伴鮟康魚肝口感細膩鮮美，榴槤甜品仲有任食款，配清酒、梅酒、啤酒無限暢飲！
繼續閱讀
加左$70要左b餐，連加一$298一位出面攞嘅野食好少款，味道一般又唔夠熱魚生切得薄，壽司個飯完全唔得，每樣種類都得幾款炸物，串燒唔得miso soup，凍豆腐呢d基本野都冇咁嘅價錢出去散叫都好多選擇食食下見到兩位食環職員上黎，查左一陣先走
繼續閱讀
可以話，唔洗錢，請我去，我無飯食都一定唔會再去！服務唔在講，食物選擇種類小小小，食物質素差差差😡😡😡最基本嘅三文魚，肉質淋到我都唔識形容！蒜蓉焗生蠔可以比廣島廣放落去扮焗新鮮蠔！一行6人，喺我親自Whatsapp訂檯，問咗$298餐有生蠔，因為其中2個朋友好喜歡食生蠔，入座前再問$298有生蠔，門口帶位說有，掃碼後發現沒有，再出去問帶位，佢話唔好意思，今日生蠔無貨，只有焗蠔，又話頭先同您朋友講咗，咁都無辦法，我地都坐底咗，我返去問，5個都無人聽到話今日無生蠔！我雖然唔喺日日食放題，但每月都會有一次或兩次，呢間真喺經典，喺我人生日食過最差最差差差差嘅放題😡😡😡6個人，雖然有長者，但都要人均消費$300(1位)最慘喺令個個朋友都食唔飽😒😒見到食物靚都會影下相，今次個個見到D食物完全沒有攞起手機影相嘅興趣
繼續閱讀